Morgunblaðið - 26.02.2005, Qupperneq 12

12 LAUGARDAGUR 26. FEBRÚAR 2005 MORGUNBLAÐIÐ
FRÉTTIR
FJÖLTÆKNISKÓLI Íslands, sem
varð til við sameiningu Stýri-
mannaskólans og Vélskólans, held-
ur uppi merkjum forvera sinna og
efnir til árlegs kynningardags,
Skrúfudags, í Sjómannaskólahús-
inu við Háteigsveg í dag, laug-
ardag. Verður allt kennsluhúsnæði
skólans opið almenningi, sem og
nýuppgerður turn hússins með ein-
stöku útsýni til allra átta. Dag-
skráin hefst kl. 13.00 og stendur til
kl 16.30.
M.a. verða kynntar tvær nýjar
námsbrautir skólans, Tæknisvið og
Sjávarútvegssvið, til viðbótar við
Skipstjórnarsvið og Vélstjórn-
arsvið. Auk þess verða sýnd ýmis
tæki og vélar sem notuð eru við
kennsluna en þar ber hæst nýju
siglinga- og vélahermarnir en þeir
gera gestum fært að fylgjast með
siglingu inn í höfnina í Gautaborg í
Svíþjóð.
Björgunarþyrla Landhelgisgæsl-
unnar flýgur yfir skólann og lendir
á lóðinni og kvenfélög skipstjórn-
armanna á farskipum og vélstjóra,
Hrönn og Keðjan, bjóða rómaðar
kaffiveitingar gegn vægu verði í
mötuneyti skólans.
Skrúfudagurinn í
Fjöltækniskólanum
Hjörleifur Guðmundsson, skipstjóri á Geisla SH frá Ólafs-
vík, þegar Morgunblaðið ræddi við hann í gær. Hann sagði
báta frá Snæfellsnesi hafa mokfiskað að undanförnu, enda
gefið vel til sjós. „Það hefur annars verið leiðindatíð í allan
vetur og þess vegna kepptust menn við að róa þegar gaf á
sjó. Og síðan er mokfiskirí, við erum að fá um 200 kíló á
balann. En þegar ýsuverðið er komið niður fyrir 50 krónur
og þorskverðið niður fyrir 100 krónur borgar sig eiginlega
ekki að sækja aflann. Þetta er því leiðindaástand, annað
hvort komumst við ekki á sjó vegna veðurs eða viljum ekki
á sjó vegna verðs,“ sagði Hjörleifur.
FISKVERÐ á fiskmörkuðum hefur hríðlækkað að und-
anförnu og er nú svo komið að sjómenn sjá sér ekki hag í
að róa, þrátt fyrir mokafla á miðunum að undanförnu.
Mikið hefur borist af fiski á land í blíðviðriskaflanum að
undanförnu en spurn eftir aflanum hefur aftur á móti verið
minni en áður.
Aflabrögð allt í kringum landið hafa verið með eindæm-
um góð að undanförnu, enda gefið vel til sjósóknar. Fisk-
verðið hefur aftur á móti skyggt á gleði sjómanna og hafa
sumir ákveðið að róa ekki á meðan verðið er svo lágt. Hef-
ur verð á t.d. svo gott sem hrunið, sjómenn kalla ýsuna
„bræðslufisk“ sína á milli. Meðalverð á óslægðri ýsu á fisk-
mörkuðum landsins er nú um 50 krónur fyrir kílóið en um
100 krónur á þorski. Til samanburðar má nefna að á sama
tíma síðasta árs var verð á óslægðri ýsu um 100 krónur á
fiskmörkuðunum en um 150 krónur fengust fyrir þorsk-
inn. Um 200 krónur fengust fyrir þorskkílóið fyrir aðeins
mánuði síðan.
Í góðviðriskaflanum að undanförnu hefur framboð af
fiski aukist til muna og sögðu starfsmenn fiskmarkaða
sem Morgunblaðið ræddi við í gær að nánast mætti kalla
að fiskur flæddi inn á fiskmarkaðina þessa dagana. Auk
þess væru mörg stærri fiskvinnslufyrirtækja í loðnufryst-
ingu um þessar mundir og því væri spurn eftir fiskinum
ekki eins mikil og oft áður. Það leiddi síðan til verðlækk-
unar.
Verð eða veður hamlar sjósókn
„Við erum bara í landi í dag, það borgar sig varla að fara
á sjó. Það voru fáir á sjó í gær og enn færri í dag. Margir
eru að veiða dýran leigukvóta og þurfa að fá gott verð fyrir
aflann til að hafa fyrir leigunni. Eins er dýrt að gera út á
línu. Það er því betur heima setið en af stað farið,“ sagði
Róa ekki vegna lágs verðs
Morgunblaðið/Alfons
Á línu Þeir bræður Hjörleifur og Albert Guðmunds-
synir róa saman á Geisla SH frá Ólafsvík og hafa aflað
vel að undanförnu. En þeir voru ekki á sjó í gær, þó gæfi
vel til sjósóknar. Fiskverðið var einfaldlega of lágt.
ÚR VERINU
Hljóðbóndi við
huliðsheima

Óskar Páll Sveinsson
upptökustjóri starfrækir lítið
hljóðver þar sem
þögnin ræður ríkjum.
á morgun
SENDIHERRA Íslands í Bretlandi, Sverrir Haukur
Gunnlaugsson, var nýlega viðstaddur afhjúpun minn-
ismerkis um sjómenn frá Grimsby.
Íslensk stjórnvöld og fyrirtækin Coldwater Seafood,
Eimskip og Samskip, sem öll eru með umfangsmikinn
rekstur í Grimsby og hafnarborginni Immingham,
lögðu til táknrænt framlag vegna kostnaðar við gerð
minnismerkisins en söfnun meðal almennings í
Grimsby hófst fyrir 6 árum.
Höfundur verksins er listamaðurinn Trevor Harris.
Styttan sýnir sjómann draga inn net. Tengsl Íslands og
Grimsby ná meira en 100 ár aftur í tímann, þegar
Grimsby óx úr því að vera lítið fiskimannaþorp í
stærstu sjávarútvegsborg Bretlands um og eftir seinni
heimsstyrjöldina.
Við lok fiskveiðideilu Íslands og Bretlands árið 1976
dró verulega úr sjávarafla togara frá Grimsby og Hull
og togurum var lagt. Smátt og smátt fóru íslensk fyr-
irtæki á sviði sjávarútvegs að festa rætur á þessu svæði
með framleiðslu og innflutning og nú er svo komið að á
annan tug íslenskra fyrirtækja starfar á þessum slóð-
um. Lætur nærri að þessi fyrirtæki hafi í dag allt að
2000 manns í vinnu í Bretlandi, en Ísland er stærsti inn-
flytjandi á sjávarafurðum til Bretlands.
Söfnuðu fyrir minnisvarða
Ljósmynd/Ray Corke
Frá afhjúpun minnisvarðans. Austin Mitchell, MP, Bjarni Hjaltason (Eimskip), Cllr. De Freitas, Cllr. Margaret Sol-
omon, borgarstjóri Grimsby, og eiginmaður, Sverrir Haukur Gunnlaugsson sendiherra, Alison Dwyer, Canon
Michael Hunter, Simon Dwyer (Samskip) og Derek Young.
SIGRÍÐUR Anna Þórðardóttir um-
hverfisráðherra sagði á fundi í
stjórnarnefnd Umhverfisstofnunar
Sameinuðu þjóðanna (UNEP), sem
haldinn var í Naíróbí í Kenýa, að að-
gangur að hreinu og heilnæmu vatni
væri forsenda þess að ná markmið-
um sem sett voru á heimsráðstefnu
Sameinuðu þjóðanna í Jóhannesar-
borg um sjálfbæra þróun í ágúst
2002 um baráttu gegn fátækt.
Fundinn sóttu um það bil 100 ráð-
herrar frá sex heimsálfum. Auk
hefðbundinna starfa varðandi starfs-
áætlun og fjárlög stofnunarinnar
næstu tvö árin var á fundinum sér-
staklega rætt um framkvæmd hinna
svokölluðu þúsaldarmarkmiða, sem
leiðtogar heims samþykktu á ráð-
stefnunni í Jóhannesarborg.
Á fundinum var einkum fjallað um
þau markmið er lúta að sjálfbærri
nýtingu vatns, hreinlæti og búsetu
og hvernig styrkja mætti stöðu
kvenna í þróunarlöndunum í fram-
kvæmd umhverfismála og útrýma
fátækt.
Umhverfisráðherra tók á fundin-
um þátt í hringborðsumræðum ráð-
herra um þúsaldarmarkmiðin. Í máli
sínu lagði ráðherra áherslu á að að-
gangur að hreinu og heilnæmu vatni
væri forsenda þess að ná markmið-
unum frá Jóhannesarborg. Í áætlun-
um um nýtingu vatns yrði að líta til
fjölmargra þátta, þar á meðal áhrifa
notkunar og mengunar ferskvatns á
hafið. Í því sambandi vakti ráðherra
athygli á alþjóðlegri áætlun um
varnir gegn mengun hafsins frá
landsstöðvum sem hefði ennfremur
mikið gildi fyrir vernd ferskvatns og
bætt hreinlæti.
Varðandi stöðu kvenna í þróunar-
löndunum undirstrikaði ráðherra
sérstaklega nauðsyn þess að tryggja
rétt kvenna til menntunar og styrkja
réttindi þeirra til að taka þátt í
ákvörðunum á öllum stigum sam-
félagsins, segir í fréttatilkynningu.
Umhverfisráðherra hélt ræðu á
fundinum um megináherslur Íslands
varðandi sjálfbæra þróun og aðstoð
Íslands við þróunarlöndin í því sam-
bandi.
Umhverfisráðherra á fundi Umhverfisstofnunar SÞ
Aðgangur að hreinu
vatni forsenda árangurs
 Meira á mbl.is/itarefni