Morgunblaðið - 04.04.2005, Blaðsíða 1

Ber vel
í veiði
Munir tengdir veiði varðveittir í
Ferjukoti | 12
Fasteignir | Spurn eftir sumarhúsum sjaldan verið meiri
Óbyggðir innan
Reykjavíkur
Merkir lagnamenn Íþróttir | Helgi og Ragna tvöfaldir meistarar

Höttur í úrvalsdeildina
Ólafur besti maður Ciudad
Jóhannesar Páls páfa var í gær
minnst víðs vegar um heim og hvar-
vetna flykktist fólk í kirkju til að votta
honum virðingu sína og biðja fyrir sál
hans. Þar var ekki aðeins um kaþ-
ólska trúbræður hans að ræða, fólk af
öllum trúdeildum syrgir þennan páfa,
einnig múslímar sem muna þá samúð
sem hann sýndi hinni palestínsku
þjóð í raunum hennar og andstöðu
hans við innrásina í Írak. Þá minnast
múslímar Jóhannesar Páls sem
fyrsta páfans til að heimsækja með
formlegum hætti mosku, en árið 2000
fór hann í mosku í höfuðborg Sýr-
lands, Damaskus, þar sem grafhýsi
Jóhannesar skírara er að finna.
Jóhannes Páll þótti að vísu afar
íhaldssamur í trúmálum, og hlaut
gagnrýni fyrir, en hans verður
minnst sem einarðs boðbera friðar, í
Austur-Evrópu er hans aukinheldur
minnst fyrir þau áhrif sem hann hafði
á þróun mála á síðustu árum kalda
stríðsins.
Tugþúsundir manna söfnuðust
saman á torgi Péturskirkjunnar í
Róm í gærmorgun og sóttu þar guðs-
þjónustu sem haldin var til heiðurs
hinum látna páfa. Meira en eitt
hundrað þúsund manns komu jafn-
framt saman í miðborg Varsjár til að
minnast páfa en Jóhannes Páll var
pólskur, fæddist 1920 nálægt Krakow
í Póllandi og var skírður nafninu Kar-
ol Józef Wojtyla.
Aðeins tveir páfar setið lengur
Páfi hafði lengi átt við heilsuleysi
að stríða og veiktist síðan alvarlega
sl. fimmtudag, nýru hans og hjarta
biluðu. Hann lést kl. 21.37 á laug-
ardag, kl. 19.37 að ísl. tíma.
Karol Wojtyla var aðeins 58 ára
gamall þegar hann var útnefndur páfi
árið 1978. Hann tók sér nafnið Jó-
hannes Páll II. til heiðurs forvera sín-
um, sem aðeins hafði lifað á páfastóli í
þrjátíu og þrjá daga.
Var Jóhannes Páll II. fyrsti páfinn
í 455 ár sem ekki var ítalskur að ætt
og uppruna. Hann sat á páfastóli í
rúm 26 ár og hafa aðeins tveir setið
lengur en hann í sögu hinnar kaþ-
ólsku kirkju. Gerð var tilraun til að
ráða Jóhannes Pál af dögum 1981 en
hann lifði af og fyrirgaf manninum
sem reyndi að myrða hann, Tyrkja-
num Mehmet Ali Agca.
Jóhannes Páll
páfi syrgður
um heim allan
Eftir Davíð Loga Sigurðsson
david@mbl.is
 Sjá bls. 4/20–21
Dauðastríði Jóhannesar Páls II. páfa lauk kl. 19.37 á laugardagskvöld, hann var 84 ára gamall
LÍKI Jóhannesar Páls II. páfa var í gær komið fyrir á viðhafnar-
börum í Höll miskunnseminnar í Páfagarði í Róm en Jóhannes Páll
lést á laugardagskvöld, 84 ára að aldri. Í dag verður líki hans komið
fyrir á börum í Péturskirkjunni þar sem almenningi gefst tækifæri
til þess næstu þrjá dagana að kveðja hann hinsta sinni. Útför hans
fer líklega ekki fram fyrr en á fimmtudag eða föstudag.
LÍK Jóhannesar Páls II. páfa var
sveipað rauðum og hvítum klæðum
á viðhafnarbörum í Páfagarði í
gær. Heiðursvörður stóð sitt hvor-
um megin við hinn látna, öðrum
megin stóð líka stór kross, hinum
megin brann kerti. Biskupsstaf
hafði verið komið fyrir við hlið
hans. Háttsettir kirkjunnar menn
komu til að votta páfa hinstu virð-
ingu, einnig ýmsir helstu ráðamenn
Ítalíu.
Í dag verður lík páfa fært til og
komið fyrir í Péturskirkjunni. Þar
getur almenningur vottað honum
virðingu sína. Er talið hugsanlegt
að ein milljón manna muni leggja
leið sína til Rómar í þessum til-
gangi.
Reuters
AP
Lík páfa á við-
hafnarbörum
Kaþólsk stúlka biður fyrir páfa við styttu af Maríu mey í bænum Medju-
gorje í Bosníu-Herzegóvínu, um 120 km suður af höfuðborginni Sarajevo.
Harare. AFP. | Eftirlitsnefnd á vegum Þró-
unarsamtaka Suður-Afríkuríkja (SADC)
hefur lýst því yfir að kosningarnar í Zimb-
abve sl. fimmtudag hafi farið eðlilega fram,
þrátt fyrir nokkra hnökra, og að úrslit
þeirra endurspegli vilja þjóðarinnar. Nið-
urstaða nefndarinnar er í hróplegu ósam-
ræmi við ásakanir stjórnarandstöðunnar í
Zimbabve á hendur ríkisstjórn Roberts
Mugabe um kosningasvindl og gagnrýni
vestrænna ríkja.
Stjórnarflokkur Mugabes, ZANU-PF,
hlaut meira en tvo þriðju hluta þingsæta í
kosningunum á fimmtudag en stjórnar-
andstaðan í landinu hefur lýst niðurstöð-
unni sem „rosalegu svindli“, forsvarsmenn
hennar neita að viðurkenna úrslitin. „Ég
held ekki að nokkur heilvita maður myndi
lýsa þessar kosningar gildar,“ sagði Morg-
an Tsvangirai, leiðtogi stjórnarandstöð-
unnar í Zimbabve.
Er stjórnarandstaðan afar ósátt við nið-
urstöðu SADC, sem og ályktanir Afríku-
bandalagsins og yfirvalda í ríkjum eins og
Suður-Afríku, Zambíu, Malaví og Mósam-
bík varðandi kosningarnar.
Lýsa kosning-
arnar gildar
NÝJUM kaupsamningum um
íbúðir hefur fækkað á höfuðborg-
arsvæðinu síðustu tvær vikurnar,
einkum þó í vikunni sem leið, og
þarf að fara aftur til byrjunar árs-
ins til að finna dæmi um viku þar
sem færri samningar voru gerðir.
Samkvæmt upplýsingum Fast-
eignamats ríkisins voru 124 kaup-
samningar gerðir um fasteignir á
höfuðborgarsvæðinu í síðustu viku
og 186 í vikunni þar á undan. Þeir
hafa hins vegar verið vel yfir 200
talsins frá því í byrjun september,
ef janúarmánuður er undanskilinn.
Að vísu koma páskar þarna inn í
og kunna að ráða nokkru um fækk-
unina, en fasteignasali sem Morg-
unblaðið ræddi við taldi einnig að
vísbendingar væru að koma fram
um að fasteignamarkaðurinn væri
heldur að róast eftir þann mikla at-
gang sem þar hefði verið undan-
farna mánuði. Það kæmi fram í því
að eignir stöldruðu nú heldur leng-
ur við en áður. Ástandið hefði enda
verið óvenjulegt, því oft hefði það
verið þannig að íbúð sem kom í
sölu á föstudegi hefði verið seld á
þriðjudegi. Þá væri einnig við því
að búast að eignir sem ekki væru
vel staðsettar staðnæmdust lengur
á sölulistum en áður.
Hægar sveiflur á markaðnum
Á hinn bóginn væri of snemmt
að fullyrða um þróunina. Reynslan
hefði sýnt að sveiflur á fasteigna-
markaði væru hægari en á flestum
öðrum sviðum viðskiptalífsins og
breytingar gerðust þar hægt.
Ekki liggja fyrir upplýsingar um
verðþróun á fasteignamarkaði í
mars og er þeirra ekki að vænta
fyrr en um miðjan þennan mánuð
þegar unnið hefur verið úr þeim
kaupsamningum sem Fasteigna-
matinu bárust í mars. Fasteigna-
verð hefur hækkað stöðugt síðustu
mánuðina eins og kunnugt er.
Þannig hækkaði verðið um 5% í
febrúarmánuði einum og verðið
hefur hækkað um þriðjung síðast-
liðna tólf mánuði.
Sé litið lengra aftur í tímann
kemur í ljós að samkvæmt útreikn-
ingi vísitölu neysluverðs hefur verð
á íbúðum í fjölbýli á höfuðborgar-
svæðinu hækkað um 72% á síðustu
fimm árum. Verð á sérbýli hefur
hækkað enn meira eða um 85% á
síðustu fimm árum.
Hækkun fasteignaverðs á lands-
byggðinni er einnig veruleg, þótt
hún sé til muna minni en á höf-
uðborgarsvæðinu. Þannig hefur
verðið úti á landsbyggðinni hækk-
að um tæp 48% á síðustu fimm ár-
um.
Hækkun á fasteignaverði í land-
inu að meðaltali á þessu fimm ára
tímabili samkvæmt vísitölu neyslu-
verðs er 68%. Á sama tíma hefur
vísitala neysluverðs án húsnæðis
hækkað um 17%.
Vísbending um að fasteigna-
markaðurinn sé að róast
Eftir Hjálmar Jónsson
hjalmar@mbl.is
Morgunblaðið/Golli
Fasteignablað og Íþróttir í dag
STOFNAÐ 1913 . TBL. 93. ÁRG. MÁNUDAGUR 4. APRÍL 2005 PRENTSMIÐJA MORGUNBLAÐSINS mbl.is