Morgunblaðið - 04.04.2005, Blaðsíða 30

Dagbók
Í dag er mánudagur 4. apríl, 94. dagur ársins 2005
Víkverji er vel uppalinn og voru
kenndir góðir siðir er
hann var lítill drengur.
Meðal annars lærði
hann að manni ber að
fara úr skónum þegar
inn í hús er komið (þó
að raunar hafi hann
kynnst því síðar að
þessi siður er alls ekki
alls staðar í heiðri
hafður erlendis) og
taka ofan höfuðfatið.
Víkverji nefnir
þetta hér af því tilefni
að hann horfði á sjón-
varpsþáttinn Silfur
Egils í gær. Þar var Reynir nokkur
Traustason meðal gesta, ritstjóri
tímaritsins Mannlífs. Reynir hefur
skapað sér alveg sérstaka ímynd
með því að bera jafnan stóran og
mikinn hatt og hafa hvalbein bundið
um hálsinn.
Reynir var semsé ekkert að hafa
fyrir því í gær, fremur en endranær,
að taka ofan hattinn þótt inn í hús
væri kominn og í beina útsendingu á
sjónvarpsstöðinni Stöð 2. Hefðu það
samt ekki verið eðlilegir mannasiðir?
x x x
Víkverji fylgist vel með knatt-spyrnunni erlendis og minnist
þess að í eina tíð var meistarakeppni
Evrópu þess eðlis, að
þar kepptu aðeins
meistaralið frá hverju
landi. Nú hefur þessi
keppni verið geng-
isfelld svo hrikalega að
til leiks mæta á hverju
hausti lið sem jafnvel
lentu í fjórða sæti í
keppni heimafyrir.
Þetta þykir Víkverja
vond breyting. Enska
liðið Liverpool hefur
t.a.m. ekki orðið meist-
ari í Bretlandi síðan
1990 en keppir þó í vik-
unni við ítalska liðið
Juventus í átta liða úr-
slitum meistarakeppni Evrópu –
hvers konar vitleysa er þetta eig-
inlega?
x x x
Jóhannes Páll II. páfi lést rétt uppúr klukkan hálfátta á laugardags-
kvöld. Þetta geta þó ekki talist nein
tíðindi uppi á Krókhálsi, þar á bæ
höfðu menn greint frá því heilum sól-
arhring áður að páfinn væri fallinn
frá. Ekki sáu menn ástæðu til þess á
fréttastofu Bylgjunnar/Stöðvar 2 að
leiðrétta mistök sín eða biðja áhorf-
endur afsökunar á þeim. Það má
sannarlega segja það um fréttastofu
Stöðvar tvö að þar skiptir það eitt
máli að vera fyrstur með fréttirnar!
Víkverji skrifar... | vikverji@mbl.is

















 

Páskahret | Óvænt snjókoman um helgina varð þessum piltum tilefni til að
rifja upp handtökin í Heiðmörkinni og fara í snjókast að þjóðlegum sið. Hætt
er við að snjórinn staldri stutt við að þessu sinni og því rétt að grípa tækifær-
ið þegar það gefst.
Morgunblaðið/Þorkell
Snjókast
MORGUNBLAÐIÐ, Kringlunni 1, 103 Reykjavík. SÍMAR: Skiptiborð: 569 1100. Aug-
lýsingar: 569 1111. Áskriftir: 569 1122. SÍMBRÉF: Ritstjórn: 569 1329, fréttir 569
1181, íþróttir 569 1156, sérblöð 569 1222, auglýsingar 569 1110, skrifstofa 568 1811,
gjaldkeri 569 1115. NETFANG: RITSTJ@MBL.IS, / Áskriftargjald 2.400 kr. á mánuði
innanlands. Í lausasölu 220 kr. eintakið mánudaga til laugardaga. Sunnudaga 350 kr.
En Guð, sem veitir þolgæðið og huggunina, gefi yður að vera samhuga
að vilja Krists Jesú, til þess að þér allir saman einum munni vegsamið
Guð og föður Drottins vors Jesú Krists. (Róm. 15, 5.–7.)