Morgunblaðið - 09.05.2005, Blaðsíða 4

SÍÐASTA kvikmyndasýningin í
bíósal MÍR (Menningartengsla Ís-
lands og Rússlands) var í gær en
félagið hefur selt húsnæði sitt við
Vatnsstíg. Ívar H. Jónsson, for-
maður MÍR, segir að um 35
manns hafi komið á sýninguna í
gær. Að hans sögn var mikið
spurt út í bíósalinn en í húsnæð-
inu sem MÍR flytur inn í í haust,
við Hverfisgötu, verður enginn
bíósalur.
„Menn sjá svolítið eftir saln-
um,“ segir Ívar en MÍR hefur ver-
ið til húsa á Vatnsstígnum í tutt-
ugu ár.
Ívar segir enn óvíst hvað verð-
ur um sætin úr bíósalnum en þau
koma upphaflega frá varnarlið-
inu. „Við keyptum sætin af sölu-
nefnd setuliðseigna. Þetta var í
einhverju bíóinu á Keflavík-
urflugvelli en þeir höfðu skipt út
sætum. Við fengum þau fyrir lít-
inn pening og gerðum þau upp.“
Ívar segir að eftir sýninguna
hafi fjórir karlar frá Leníngrad
komið í heimsókn en þeir eru
staddir hér á landi í tilefni af 60
ára afmæli stríðslokanna. „Þeir
komu hér ásamt fleira fólki sem
fylgir þeim og drukku með okkur
kaffi og te. Þeir voru ánægðir
með þessar móttökur þótt þær
væru ekki ríkmannlegar,“ segir
Ívar og bætir við að karlarnir
verði viðstaddir vígslu minn-
isvarða í Fossvogskirkjugarði á
morgun um þá sem týndu lífi í
skipalestunum sem fóru milli
Ameríku og Rússlands.
Morgunblaðið/Golli
Gunnlaugur Einarsson gerir allt
klárt fyrir síðustu bíósýninguna.
Næst mun hann eflaust setja DVD-
disk í þar til gerðan spilara.
Sætin
komu upp-
haflega frá
varnarliðinu
Síðasta sýningin í
bíósal MÍR var í gær
4 MÁNUDAGUR 9. MAÍ 2005 MORGUNBLAÐIÐ
FRÉTTIR
Munið Mastercard
ferðaávísunina
Heimsferðir bjóða ótrúlegt tilboð á
síðustu sætunum til Triesta á Ítalíu
þann 19. maí. Þú velur hvort þú
leggur Ítalíu að fótum þér eða
dvelur í paradísinni Króatíu í viku.
Skógarhlíð 18 • sími 595 1000 • Akureyri sími 461 1099 • www.heimsferdir.is
Verð kr. 19.990
Flugsæti til Trieste með sköttum.
2 fyrir 1 tilboð, 19. maí. Netverð.
Tveir fyrir einn til
Ítalíu
19. maí
frá kr. 19.990
Síðustu sætin
Gisting frá kr. 2.500
Netverð á mann pr. dag, m.v. 4 saman
í íbúð á Laguna Park, 19.-26. maí.
Bíll frá kr. 2.600
Netverð á dag, m.v. bíl í A flokki í 7 daga eða meira.
Innifalið: Ótakmarkaður akstur, kaskó-
og þjófnaðartrygging og skattar.
EINN fjölmennasti barnakór sem sungið hefur
hér á landi söng á 50 ára afmæli Kópavogs-
bæjar í Fífunni í gær. Allir barnakórar í bænum
lögðu saman og mynduðu glæsilegan kór.
Segja má að hátíðin hafi verið ein risastór af-
mælisveisla þar sem öllum Kópavogsbúum var
boðið. Helmingur Fífunnar var fylltur með leik-
tækjum þar sem ungir sem aldnir gátu leikið
sér að vild. Á skemmtuninni komu fram Skóla-
hljómsveit Kópavogs, Nylon og Idol-stjörn-
urnar Hildur Vala og Davíð Smári. Frumflutt
var vinningslagið í samkeppni um Kópavogs-
lagið; lagið samdi Þóra Marteinsdóttir en text-
ann gerði Anna Steinunn Sigurjónsdóttir. Þá
tróð upp hin gamalkunna Kópavogshljómsveit
Ríó Tríó. Sérstök ljósmyndasýning var sett upp
af öllum leik- og grunnskólabörnum í Kópa-
vogi, en myndirnar þöktu yfir 200 metra.
Morgunblaðið/Golli
Fögnuðu 50 ára afmæli Kópavogs
KARLMAÐUR um tvítugt ruddist inn í tvær bifreiðir í
Reykjavík og Mosfellsbæ um miðjan dag í gær, hrinti öku-
mönnunum frá og ók í burtu. Velti maðurinn annarri bif-
reiðinni, og er hún ónýt eftir veltuna. Talið er að maðurinn
gangi ekki heill til skógar, en hann hafði verið sendur frá
meðferðarheimilinu Hlaðgerðarkoti í Mosfellsdal á geð-
deild Landspítala – háskólasjúkrahúss í fyrrakvöld. Þar
var hann hins vegar útskrifaður um hádegisbilið í gær.
Ökumaður komst út við illan leik
Samkvæmt upplýsingum lögreglu kom maðurinn að
jeppabifreið sem stansað hafði á göngubrautarljósum við
Hringbraut við Landspítalann um kl. 15. Reif hann upp bíl-
stjórahurðina og tók bílinn traustataki en ökumaðurinn,
kona sem var ein í bifreiðinni, komst út við illan leik. Mað-
urinn ók síðan sem leið lá austur Miklubraut og upp í Mos-
fellsbæ. Við Hlégarð í Mosfellsbæ ók hann út af veginum
þar sem jeppinn valt og er hann talinn ónýtur eftir veltuna.
Maðurinn slapp hins vegar ómeiddur. Tvær konur sem
komu þar að í bifreið stoppuðu og ætluðu að veita aðstoð en
maðurinn hrinti konunum frá sér, ruddist inn í bílinn og
hélt áfram ferð sinni upp í Mosfellsdal. Var hann nýkominn
upp að Hlaðgerðarkoti þegar lögregla kom að og handtók
hann. Skv. upplýsingum lögreglu urðu konurnar ekki fyrir
líkamsmeiðslum þegar maðurinn ruddist inn í bílana en
þeim var boðin aðstoð og áfallahjálp.
Maðurinn var vistmaður á meðferðarheimilinu Hlað-
gerðarkoti og skv. upplýsingum forstöðumanns heimilisins
var hann sendur á geðdeild Landspítalans sl. laugardags-
kvöld þar sem hann var talinn í slæmu andlegu ástandi og
með ranghugmyndir. Af einhverjum ástæðum hafi mað-
urinn hins vegar verið útskrifaður af geðdeildinni um há-
degisbilið í gær. Að sögn forstöðumannsins birtist mað-
urinn skyndilega á stolnu bifreiðinni í Hlaðgerðarkoti í
gærdag en lögreglumenn komu þar að í sömu svipan og
fluttu manninn á geðdeild.
Réðst inn í tvo bíla
Morgunblaðið/Júlíus
Jeppinn valt skammt frá Hlégarði og er talinn ónýtur.
VIGDÍS Finnbogadóttir, fyrrver-
andi forseti Íslands, spurði á nor-
rænu umhverfisþingi sem haldið
var í Skaftafelli hvers vegna þjóð
sem stæri sig af velmegun þurfi að
leggja undir sig dýrmæt heimkynni
annarra lífvera. „Hvers vegna
þurfa þessi dýr að hörfa og lenda í
lífsháska – ef það er ekki nauðsyn-
legt?“ spurði Vigdís og vísaði til
þess að á svæðinu við Kárahnjúka
fælist fuglar og hreindýr dynjandi
stórvirkra véla sem hamist í voninni
um efnahagsbata samfélagsins. Þar
starfi nú hundruð manna.
Taldi hún þetta vera um undar-
lega mótsögn að ræða í ljósi þess að
fáum árum áður hafi þeir sem hafi
ætlað að ferðast um svæðið verið
sett það skilyrði að sýna dýralífi á
svæðinu sérstaka virðingu. Spurði
hún hvers vegna minni háttar hags-
munir mannlegs samfélags ættu
ávallt að vega þyngra en mikils
háttar hagsmunir annarra dýrateg-
unda.
„Þráðurinn sem ég rek hér liggur
alla leið aftur til upphafsins og hann
má sjá í Völuspá, sem við öll á Norð-
urlöndum þekkjum til frá skóla-
göngunni í gamla daga. Í árdaga
fóru menn svo illa með sjálfa sig,
hver annan og umhverfi að úr varð
heimsendir,“ sagði Vigdís undir lok
ræðu sinnar. Ræddi hún náttúru-
vernd út frá
ýmsum hliðum
s.s. út frá virð-
ingu, fegurð og
út frá sjónarmið-
um dýranna eins
og fram kom að
ofan.
Hún sagði
Norðurlandabúa
vera í þeirri sér-
stöðu að jafnvel í
miklu þéttbýli væri náttúran ávallt
handan við hornið, jafnvel ósnortin
náttúra. „Borgarbörn margra ann-
arra þjóða hafa aldrei séð ósnortna
náttúru. Þetta er því mikil gjöf á
Norðurlöndum og þessi arfur á hér
í dag hug okkar allan. Við erum öll
einhuga um að hann beri að varð-
veita fyrir alla muni,“ sagði Vigdís
sem jafnframt greindi frá sögu
náttúruverndar á Íslandi sem á sér
rúmlega 100 ára sögu. Hún sagði að
það hafi ekki verið nema fyrir 30–40
árum að fólk fór að hugsa öðruvísi
um náttúruna en að nýta gróður-
lendi til að fóðra skepnur. Áður fyrr
hafi einungis örfáir menn farið inn á
hálendi Íslands sem voru ævintýra-
ferðir. Nú væri öldin hins vegar
önnur. Vigdís sagði markmiðið með
náttúruvernd vera að stuðla að
heillavænlegum samskiptum
manns og umhverfis, þannig að nýt-
ing náttúrunnar sé sjálfbær.
Landvernd var framkvæmdarað-
ili ráðstefnunnar.
Vigdís Finnbogadóttir, fyrrverandi forseti, á norrænni umhverfisráðstefnu
Vigdís
Finnbogadóttir
Dýr fælast vélar sem ham-
ast í von um efnahagsbata
Eftir Jón Pétur Jónsson
jonpetur@mbl.is