Morgunblaðið - 09.05.2005, Blaðsíða 17

MORGUNBLAÐIÐ MÁNUDAGUR 9. MAÍ 2005 17
DAGLEGT LÍF | HEILSA
Auglýsing um framlagningu
skattskrár 2004 og virðisaukaskatts-
skrár fyrir rekstrarárið 2003
Í samræmi við 2. mgr. 98. gr. laga nr. 90/2003, um tekjuskatt og eignarskatt er
hér með auglýst að álagningu skatta og kærumeðferð er lokið á alla aðila sem
skattskyldir eru samkvæmt I. kafla laganna.
Tekin hefur verið saman skattskrá þar sem fram koma barnabætur,
vaxtabætur, tekjuskattur, eignarskattur og önnur þau gjöld sem skattstjóri lagði á
hvern gjaldanda í umdæmi sínu álagningarárið 2004, vegna tekna ársins 2003 og
eigna í lok þess árs.
Einnig hefur, samkvæmt 46. gr. laga nr. 50/1988, um virðisaukaskatt verið tekin
saman virðisaukaskattsskrá fyrir rekstrarárið 2003. Tilgreindur er ákvarðaður
virðisaukaskattur eða endurgreiddur virðisaukaskattur virðisaukaskattsskyldra aðila.
Skattskrár og virðisaukaskattsskrár verða lagðar fram í öllum skatt-
umdæmum mánudaginn 9. maí 2005 og liggja frammi hjá skattstjórum í hverju um-
dæmi og hjá umboðsmönnum skattstjóra eða á sérstaklega auglýstum stöðum í
hverju skattumdæmi dagana 9. maí til 20. maí 2005 að báðum dögum meðtöldum.
9. MAÍ 2005
Skattstjórinn í Reykjavík, Gestur Steinþórsson.
Skattstjórinn í Vesturlandsumdæmi, Stefán Skjaldarson.
Skattstjórinn í Vestfjarðaumdæmi, Guðrún Björg Bragadóttir.
Skattstjórinn í Norðurlandsumdæmi vestra, Bogi Sigurbjörnsson.
Skattstjórinn í Norðurlandsumdæmi eystra, Gunnar Karlsson.
Skattstjórinn í Austurlandsumdæmi, Karl Lauritzson.
Skattstjórinn í Suðurlandsumdæmi, Hreinn Sveinsson.
Skattstjórinn í Vestmannaeyjum, Ingi Tómas Björnsson.
Skattstjórinn í Reykjanesumdæmi, Sigmundur Stefánsson.
LÁRA Ingólfsdóttir er eðl-
isfræðikennari í Breiðholtsskóla.
Hún hefur stundað kraftgöngu í
6–8 ár, segir hún.
„Þetta er rosalega fín hreyf-
ing. Ég mæti þrisvar í viku, og
við byrjum á því að hita upp
inni, síðan förum við út og göng-
um. Ég er alltaf í buxum, stutt-
ermabol og flíspeysu, sama
hvaða veður er, því mér verður
aldrei kalt. Við göngum svo
hratt og böslum svo mikið. Við
göngum í Öskjuhlíðinni og
stoppum alltaf öðru hvoru, ger-
um læraæfingar, teygjum á mitt-
inu og gerum handleggjaæfingar
og allt það sem gert er á líkams-
ræktarstöðvunum. En mér
finnst mikill plús að vera úti, þar
sem ég vinn inni allan daginn.“
Lára hefur alltaf verið í ein-
hverri leikfimi, stundaði m.a
badminton en varð fyrir slysi og
varð að hætta. „Núna gæti ég
alveg byrjað aftur í badminton,
en mig langar það ekki lengur,
kraftgangan er komin í staðinn.“
Lagaði bakverkinn með göngu
Lára segist fá mest út úr úti-
vistinni og þeirri vissu að hún
haldi heilsunni. „Ég er að verða
sextug og vinkonur mínar eru
með vöðvabólgu, olnbogarnir að
gefa sig og margar mjög slæmar
víða. Ég finn hvergi til og er í
mjög góðu formu. Ég þakka það
kraftgöngunni.“ Um daginn fór
Lára í ferðalag og fékk í bakið
og kenndi um sætinu í bílnum.
En þá skellti hún sér bara í
göngu, gekk frá Hveravöllum og
niður að Þingvallavatni og lagaði
bakverkinn með því. „Ég trúi á
hreyfinguna,“ segir hún, og bæt-
ir við að félagsskapurinn í kraft-
gönguni sé mjög skemmtilegur,
en nokkrar konur úr kraftgöng-
unni gengu m.a. á Kilimanjaro í
vetur. Lára er í hraðasta tím-
anum, en hægt er að velja um
þrjú miserfið stig. „Ég get þess
vegna hægt á mér með tímanum
og farið í auðveldari tíma. En ég
held áfram í kraftgöngunni eins
lengi og ég get. Eins lengi og
kennarinn þraukar,“ segir Lára
brosandi.
 HREYFING|Kraftganga
Mikill plús að vera úti
Kraftganga er fyrir fólk á
öllum aldri, af báðum kynj-
um og í öllu ásigkomulagi.
Líkamsþjálfunin felst í upp-
hitun, göngu og æfingum
úti, auk æfinga og með
miklum teygjum innandyra
í lokin. Kraftganga stendur
fyrir gönguferðum með og
án hækkunar, í öllum erf-
iðleikaflokkum, auk þess að
kenna fólki að bjarga sér á
fjöllum. Leiðbeinandi er
Árný Helgadóttir.
www.kraftganga.is
Fyrir alla
Morgunblaðið/Golli
Lára Ingólfsdóttir stundar kraft-
göngu af kappi.
Samkvæmt skýrslu sem lögð var
fram á ráðstefnu heila- og tauga-
sérfræðinga í Brussel nýlega,
þjást 127 milljónir íbúa Evrópu
af sjúkdómum í heila. Þetta
svarar til fjórða hvers Evr-
ópubúa, að því er fram kemur á
vef Aftenposten. Þetta eru sjúk-
dómar eins og Parkinsons, floga-
veiki, heilaæxli, kvíði og mígreni.
Sérfræðingarnir telja að meira
fjármagn þurfi að renna til rann-
sókna á sjúkdómum af þessu
tagi og mismunurinn á umfangi
þeirra og rannsóknarfjár sé slá-
andi.
Fjórði hver Evrópubúi
með heilasjúkdóm
 SJÚKDÓMAR
NÚ hefur Ávaxta-
bíllinn keyrt ávexti
og grænmeti í allt
að 300 fyrirtæki í
heilt ár og enn
bætast í hópinn
sælir ávaxtaneyt-
endur. Haukur Magn-
ússon segir bananana vin-
sælasta hjá sér, en síðan komi
eplin, og þar á eftir appelsínur og
perur.
Hann segir að fimm ávextir eða
ígildi þess af grænmeti á dag sé gott
viðmið. „Það eru bráðnauðsynleg
efni í ávöxtunum eins og trefjar og
vítamín, auk sindurefna sem berjast
gegn hrörnun frumna. Ávextir eru
mjög auðmeltanlegir. Það tekur lík-
amann nokkra klukkutíma að melta
kjöt, en ávextirnir fara í gegnum lík-
amann á tuttugu mínútum og hafa
þannig mjög hreinsandi og losandi
áhrif,“ segir Haukur, sem hefur í
hyggju að auka neyslu skólabarna á
ávöxtum, en samkvæmt nýjum rann-
sóknum borða íslensk og spænsk
börn minnst af ávöxtum og græn-
meti allra barna í Evrópu.
Hreinsandi
og losandi
 ÁVEXTIR
TENGLAR
..............................................
www.avaxtabillinn.is
Ávextir eru
mjög auðmelt-
anlegir.