Morgunblaðið - 28.06.2005, Blaðsíða 10

10 ÞRIÐJUDAGUR 28. JÚNÍ 2005 MORGUNBLAÐIÐ
FRÉTTIR
Veiðin hófst í gær og þá komu upp níulaxar. Í morgun veiddust tveir ogannar þeirra var 21 punds hrygnasem tók keilutúpu,“ sagði Borgar
Bragason, veiðivörður við Hofsá í Vopnafirði, í
gær og sagði hann veiðimenn mjög ánægða
með byrjunina. „Fiskurinn hefur dreifst um
alla á. Þriðji efsti hylur er búinn að gefa lax en
flestir koma af miðsvæðinu.
Þetta er eingöngu tveggja ára fiskur, átta
pund og yfir. Einn 16 punda veiddist í gær.“
Hitstúpur hafa krækt í flesta laxana.
Hljóðið var ekki síður gott í Guðmundi Við-
arssyni, kokki við Norðurá. „Hollið sem var að
ljúka veiðum fékk 99 laxa. Þetta er með betri
vorveiði hér í mörg ár. Smálaxinn hellist inn
þessa dagana – áin er að verða blá!“
Guðmundur segir nokkra laxa hafa veiðst
fyrir ofan Glanna. Veiðist ýmist á maðk og
flugu.
Streyma úr hafi
Ingvi Hrafn Jónsson, staðarhaldari við
Langá á Mýrum, sagði að þar á bæ væru veiði-
menn að ná 100 laxa markinu. „Það er þrusu-
gangur í göngunum og áin eins og hönnuð af
meistara höndum – vatnið eins og gull!“
Hann var ánægður með fréttirnar úr Norð-
urá. „Mér líst gríðarlega vel á ganginn þar.
Það er þumalputtaregla að fjórfalda má veiði
júnímánaðar í Norðurá til að fá lokatöluna og
samkvæmt því verður hún á bilinu 1.600 til
2.000 laxar. Það þýðir stórveiði í ánum í
grennd, þar á meðal hjá okkur. Hjá laxa-
bændum streymir féð nú úr hafi.“
Í veiðihúsinu við Laxá í Leirársveit varð
Ásta Björk Magnúsdóttir fyrir svörum. „Þetta
er allt í lagi en veiðin mætti vera meiri. Sex
laxar veiddust í opnuninni en svo kólnaði, varð
ansi vatnslítið og veiðin datt alveg niður. En í
fyrradag komu sjö upp og síðan hefur veiðst
áfram – nú eru 22 laxar í bókinni.“
Ásta sagði lax aðallega sjást við Laxfoss og
neðst í ánni en nú væri búið að rigna og hann
hlyti að dreifa sér meira úr þessu.
Þeir sem tengjast Laxá í Kjós binda vonir
við að nú fari veiðin að glæðast, en í gærmorg-
un veiddust átta laxar og flestir í Kvíslafossi.
Um 60 eru komnir á land. Annars er það af
Laxá að frétta, að nýtt veiðifélag, leitt af þeim
Gísla Ásgeirssyni og Jóni Þór Júlíussyni, sem
eignaðist á dögunum erlenda félagið sem leigt
hafði veiðiréttinn, hefur framlengt leigusamn-
inginn til fimm ára. Þá hefur verið ákveðið að
reisa nýtt veiðihús við ána og verður þar tilbú-
ið að ári.
Frekar rólegt hefur verið í Miðfjarðará en
Jóhanna Hólmfríður Helgadóttir hússtýra
sagði hollið, sem lauk veiðum í gær, hafa land-
að 12 löxum.“ „Talsvert sést af fiski og meðal
annars sýnir sig fiskur í Grjóthyl,“ sagði hún.
39 laxar eru komnir úr ánni.
Vænar bleikjur
En það veiðist ekki bara lax þessa dagana,
silungsveiðin er víða góð. Dagur Jónsson, sem
veiddi í Hlíðarvatni í Selvogi fyrir helgi, sagði
yfir 600 bleikjur skráðar hjá Ármönnum og ef-
laust hefur veiðin verið svipuð hjá hinum félög-
unum sem aðgang hafa að vatninu. „Ég fékk
átta bleikjur, allar í Botnavíkinni,“ sagði Dag-
ur. „Sú stærsta var 55 cm og tvö kíló, mjög fal-
legur fiskur.“ Allar tóku þær Mobutu. Bleikjan
í Hlíðarvatni þykir óvenju væn í ár. Fréttist af
einum veiðimanni sem náði 64 cm langri
bleikju og þótti hún svo ófrýnileg að hann
sleppti henni aftur í vatnið.
Annað veiðisvæði sem gefið hefur mjög fal-
lega bleikjuveiði í sumar er Hraunsfjörður á
Snæfellsnesi, en þar hafa veiðimenn verið að
setja í sprettharðar bleikjur og hafa skemmt
sér vel við þurrfluguveiði.
Hinn vinsæli veiðivefur Flugur.is er fimm
ára um þessar mundir. Að sögn Stefáns Jóns
Hafstein, stofnanda og eiganda vefjarins, er
búið að lesa greinar 500.000 sinnum á vefnum
og skráðir notendur eru tíu þúsund talsins.
,,Þetta hefur verið ævintýri líkast,“ segir
Stefán Jón: ,,Núna eru 10.100 skráðir not-
endur á vefnum, við höfum haldið úti litríku
tölvu-fréttablaði alla föstudaga öll árin, sam-
tals eru þetta yfir 260 tölublöð. Mér er ekki
kunnugt um neina netútgáfu á Íslandi sem
hefur staðið svo að málum fyrir sérstakan
markað.“
Níutíu og níu laxa
holl í Norðurá
Morgunblaðið/Einar Falur
Sigurður Árni Sigurðsson tekst á við lax í Neðri-Hlaupum í Miðfjarðará. Laxinn tók Green Butt.
veidar@mbl.is
STANGVEIÐI
FJÁRMÁLAEFTIRLITIÐ hefur
heimildir til að afla upplýsinga frá
einstaklingum eða lögaðilum um
eignarhluti í fjármálafyrirtækjum
sem þeir eiga eða hyggjast eignast
og stjórn Sparisjóðs Hafnarfjarðar
er ekki aðili að slíkri athugun, að
því er fram kemur í fréttatilkynn-
ingu sem Fjármálaeftirlitið sendi
frá sér í gær.
Páll Gunnar Pálsson, forstjóri
FME, segir stofnunina hafa ótví-
ræðar heimildir og skyldur til að
kanna hvort virkur eignarhlutur sé
að stofnast hjá fjármálafyrirtækj-
um. „Þær heimildir ná til allra sem
eiga hlut í fyrirtækjunum,“ segir
Páll Gunnar og bætir við að FME
hafi skýrar heimildir gagnvart
stofnfjáreigendum.
„Það eru einmitt settar strang-
ari reglur varðandi eigendur í
sparisjóðum ef eitthvað er, til að
tryggja eftirlit með virkum eign-
arhlutum þar.“
Þá segir Páll alveg ljóst að eft-
irlitsheimildir stofnunarinnar nái
einnig til einstaklinga, eins og
fram komi í 102. gr. laga um op-
inbert eftirlit með fjármálastarf-
semi.
Geta krafist hvers
konar gagna
Í tilkynningu FME er ummæl-
um Páls Pálssonar, stjórnarfor-
manns Sparisjóðsins, í Morgun-
blaðinu í gær svarað. Ummæli
hans í blaðinu í gær eru rakin og
segir FME m.a. svo í tilkynning-
unni:
„Fjármálaeftirlitið hefur eftirlit
með eigendum virkra eignarhluta
samkvæmt lögum nr. 161/2002 um
fjármálafyrirtæki, sbr. VI. og
VIII. kafla laganna.
Með virkum eignarhlut sam-
kvæmt 2. mgr. 40. gr. laganna er
átt við beina eða óbeina hlutdeild í
fyrirtæki sem nemur
10% eða meira af
eigin fé, stofnfé eða
atkvæðisrétti, eða
aðra hlutdeild sem
gerir kleift að hafa
veruleg áhrif á stjórn-
un viðkomandi fyrir-
tækis.
Samkvæmt 1. mgr.
40. gr. sömu laga ber
aðilum sem hyggjast
eignast virkan eignar-
hlut í fjármálafyrir-
tæki að leita sam-
þykkis Fjármálaeftir-
litsins fyrirfram.
Samkvæmt 2. mgr.
107. gr. laganna getur Fjármála-
eftirlitið krafist hvers konar gagna
og upplýsinga frá einstaklingum
eða lögaðilum sem eiga eða hyggj-
ast eignast eða fara með eignar-
hlut í fjármálafyrirtækjum í því
skyni að meta hvort þeir falli undir
tilkynningarskyldu skv. VI. kafla
og hvort þeir teljist hæfir til að
fara með virkan eignarhlut.
Heimildir geta náð
til minni hluthafa
Samkvæmt 8. mgr. 107. gr. er
heimilt að beita ákvæðum laga um
opinbert eftirlit með fjármálastarf-
semi um dagsektir og leit og hald á
gögnum við upplýsingaöflun og
eftirlit samkvæmt greininni. Í
skýringum í frumvarpi því er varð
að lögum nr. 161/2002, um fjár-
málafyrirtæki kemur fram að í 2.
mgr. 102. gr. [nú 2. mgr. 107. gr.]
sé kveðið á um rétt Fjármálaeft-
irlitsins til að krefja um gögn og
upplýsingar frá eigendum eða
væntanlegum eigendum eignar-
hluta í fjármálafyrirtæki.
Heimildin taki ekki einungis til
þeirra sem fara með virkan eign-
arhlut heldur allra sem fari með
eignarhlut, hversu
stór sem hann er.
Þannig geti Fjármála-
eftirlitið metið hvort
minni hluthafar í fjár-
málafyrirtæki mynda
saman aðila sem líta
beri á sem einn
virkan eiganda. Jafn-
framt sé ákvæðinu
ætlað að tryggja að
Fjármálaeftirlitið hafi
aðgang að upplýsing-
um til að meta hæfni
þeirra sem eiga eða
hyggjast eignast eign-
arhlut í fjármálafyrir-
tæki, sbr. VI. kafla
frumvarpsins.“
Stjórn sparisjóðs ekki aðili
Í lok tilkynningarinnar eru þrjú
atriði áréttuð:
i) FME hefur heimildir til að
afla upplýsinga frá einstaklingum
eða lögaðilum sem eiga eða hyggj-
ast eignast eða fara með eignar-
hlut í fjármálafyrirtækjum í
tengslum við eftirlit með virkum
eignarhlutum.
ii) Stjórn sparisjóðs er ekki aðili
að slíkri athugun eftirlitsins.
Henni ber hins vegar að vísa máli
til FME telji hún að væntanlegur
kaupandi stofnfjár falist eftir virk-
um eignarhlut í sparisjóði, sbr. 1.
mgr. 64. gr., sbr. einnig 70. gr. lag-
anna.
iii) Til viðbótar við heimildir
FME samkvæmt lögum nr. 87/
1998, um opinbert eftirlit með fjár-
málastarfsemi, til að beita tiltekn-
um úrræðum vegna eftirlitsskyldra
aðila er heimilt skv. 8. mgr. 107.
gr. laga nr. 161/2002 að beita sömu
úrræðum samkvæmt 107. gr. lag-
anna, þ.m.t. vegna eftirlits með
virkum eignarhlutum og eigendum
eignarhluta í fjármálafyrirtækjum.
Telur sig hafa fulla
heimild til eftirlits
Fjármálaeftirlitið svarar stjórn Sparisjóðs Hafnarfjarðar
Páll Gunnar Pálsson
EIÐUR Smári Guðjohnsen knatt-
spyrnumaður fylgdi Eggerti Skúla-
syni úr hlaði í hjólreiðaferð Egg-
erts hringinn í kringum landið í
gær, en ferðin er farin til styrktar
Hjartaheill, Landssamtökum
hjartasjúklinga.
Eiður og Eggert hjóluðu saman
frá Reykjavík að Litlu kaffistofunni
í Svínahrauni þar sem þeir hittu
fyrir Bjarna Ármannsson, forstjóra
Íslandsbanka. Í vor keypti Íslands-
banki treyju Eiðs Smára á uppboði
fyrir hálfa milljón króna en ágóð-
inn rann til Neista, samtaka hjart-
veikra barna. Í gær gáfu Bjarni og
Eiður Birki Árnasyni treyjuna, en
Birkir er tólf ára og glímdi við
hjartveiki þegar hann var yngri.
Bjarni hjólaði svo með Eggerti til
Hveragerðis og þar tók Árni Magn-
ússon félagsmálaráðherra við og
hjólaði með honum síðasta spölinn
að Selfossi.
Eggert Skúlason er stjórn-
armaður í Hjartaheill og segir að
tildrög ferðarinnar hafi verið tví-
þætt. „Annars vegar þurfti ég sjálf-
ur nauðsynlega að koma mér í
betra form. Hins vegar datt mér í
hug að það yrði góð hvatning fyrir
mig að spyrða þetta persónulega
átak við góðan málstað,“ sagði
Eggert í samtali við Morgunblaðið í
gær.
1.400 km á þremur vikum
Eggert áætlar að vera þrjár vik-
ur á leiðinni og leggja að baki 1400
km. „Ef þessi áætlun á að standast
þarf ég að hjóla 90-120 km á dag og
við bestu aðstæður tekur það 5
stundir, en þegar veðrið er eins og í
dag má búast við að sá tími teygist
upp í 8-9 stundir,“ segir Eggert.
„Mig langar til að þakka öllum
þátttakendum og styrktaraðilum
kærlega fyrir stuðninginn. Það er
ótrúlega góð tilfinning að finna fyr-
ir þessum hlýhug sem mér hefur
verið sýndur,“ sagði Eggert enn
fremur.
Morgunblaðið/ÞÖK
Eggert Skúlason hjólar nú hringinn í kringum Ísland til styrktar Hjarta-
heillum. Eiður Smári Guðjohnsen, knattspyrnumaður og verndari söfn-
unarinnar, og Bjarni Ármannsson, forstjóri Íslandsbanka, afhentu Birki
Árnasyni árituðu Chelsea-treyjuna hans Eiðs sem var í eigu Íslandsbanka.
Hjólað til styrktar
Hjartaheillum