Morgunblaðið - 28.06.2005, Page 11

MORGUNBLAÐIÐ ÞRIÐJUDAGUR 28. JÚNÍ 2005 11
FRÉTTIR
KJARASAMNINGUR Vélstjóra-
félags Íslands við Landssamband ís-
lenskra útvegsmanna var felldur af
félagsmönnum Vélstjórafélagsins í
atkvæðagreiðslu með afgerandi
mun, en 65% félagsmanna greiddu
atkvæði gegn honum.
Samningurinn var undirritaður
4. maí síðastliðinn. Alls greiddu 266
félagsmenn atkvæði, sem er um
39% þátttaka, og féllu atkvæði
þannig að 92 samþykktu samning-
inn en 170 felldu hann.
Aðspurður um ástæður þess að
samningurinn var felldur segir
Helgi Laxdal, formaður Vélstjóra-
félagsins, að í fyrsta lagi hafi samn-
ingurinn ekki verið þeirra samn-
ingur.
„Þetta er bara okkar samningur
að forminu til, því við tökum við
samningi sem Sjómannasambandið
og Farmannasambandið voru búin
að gera við LÍÚ,“ segir Helgi.
Helgi segir að vélstjórar séu enn
samningsbundnir til áramóta og að
sá samningur sé að töluverðu leyti
frábrugðinn samningnum sem kos-
ið var um núna. „Við munum ganga
í að tryggja að eftir honum verði
unnið,“ segir Helgi en kveðst ekki
geta sagt til um hvenær sest verði
aftur að samningaborði.
Vélstjórar fella
kjarasamning
ÓLÍNA Þorvarðardóttir, skóla-
meistari Menntaskólans á Ísafirði,
segir Félag framhaldsskólakennara
fara offari í málflutningi sínum, en
félagið lagði í síðustu viku fram
stjórnsýslukvörtun fyrir hönd Ingi-
bjargar Ingadóttur, enskukennara
við skólann.
Kvörtunin beinist að ákvörðun
skólameistara um að láta óháðan að-
ila fara yfir prófaúrlausnir Ingi-
bjargar, en formaður Félags fram-
haldsskólakennara hefur sakað
skólameistarann um að leggja Ingi-
björgu í einelti með aðgerðum sín-
um.
Ólína segir málið snúast um gæði
skólastarfs og þá skyldu skólameist-
ara að fylgja því eftir að vinnuskil og
gæði í skólastarfi séu eins og til er
ætlast.
„Málið snýst ekki um neitt annað
og ég hefði frekar viljað sjá kenn-
arasambandið beita kröftum sínum í
eitthvað annað en að hindra þetta.
Þetta eru uppþot af litlu tilefni. Mál-
ið er í réttum farvegi. Það verður
ekki leyst með fúkyrðum í fjölmiðl-
um,“ segir Ólína og bætir við að hér
sé um viðkvæmt starfsmannamál að
ræða, sem sé unnið eftir réttum
málsmeðferðarreglum.
Hún segir af og frá að verið sé að
leggja kennarann í einelti, eins og
haldið hafi verið fram.
Átök milli Ólínu og Ingibjargar
hafa komið upp áður og tengdust þau
áminningu sem skólameistari veitti
Ingibjörg fyrr á árinu. Ingibjörg
höfðaði mál til ógildingar á áminn-
ingunni en dómsátt náðist í málinu
fyrir Héraðsdómi Vestfjarða í lok
apríl sem fól í sér að Ingibjörg ítrek-
aði fyrri afsökunarbeiðni en áminn-
ingin var látin niður falla.
Ólína segir hins vegar að málið
sem upp hafi komið núna sé af öðrum
toga og tengist prófaskilum í vor.
Hún hafi séð ákveðna annmarka á
vinnubrögðum kennarans og ákveðið
að láta óháðan þriðja aðila fara yfir
málið. Kennarinn hafi fengið tæki-
færi til að koma á framfæri andmæl-
um vegna þeirrar ákvörðunar og
rann sá frestur út í gær.
Gæti hugsanlega farið
fyrir dómstóla
Ingibjörg hafði ekki nýtt sér þann
andmælarétt um miðjan dag í gær
og vísaði hún á lögfræðing sinn þeg-
ar Morgunblaðið hafði samband við
hana.
Ragnar H. Hall, lögfræðingur
Ingibjargar, sagði að ekki yrði send
yfirlýsing eða svar frá þeim um mál-
ið fyrr en fengist hefðu svör frá ráðu-
neytinu. Hann hefði óskað eftir þeim
fyrir helgi, en ekki fengið svör þar
sem ráðuneytið þurfti tíma til að
kynna skólameistaranum þá kvörtun
sem var fram komin í málinu. Það
hefði hins vegar ekki tekist þar sem
skólameistarinn hefði verið fjarver-
andi. Ragnar sagði málið vel geta
farið fyrir dómstóla ef ráðuneytið
stöðvaði ekki ferlið.
Aðalheiður Steingrímsdóttir, for-
maður Félags framhaldsskólakenn-
ara, sagði að málið væri nú til með-
ferðar í menntamálaráðuneytinu og
að í stjórnsýslukvörtuninni sé farið
fram á að ráðuneytið stöðvi málið.
Ekki hafi fengist endanleg svör frá
ráðuneytinu hvort af því verði en Að-
alheiður sagðist eiga von á svörum
fljótlega.
Morgunblaðið/Halldór Sveinbjörnsson
Kennari og skólameistari Menntaskólans á Ísafirði deila um prófaúrlausnir.
Stjórnsýslu-
kæra á skóla-
meistara MÍ
Eftir Árna Helgason
arnihelgason@mbl.is
„VIÐ segjum eins og kvenrétt-
indakonur á sama stað fyrir níutíu
árum: „Við trúum því að við eigum
skyldum að gegna og störf að rækja
í löggjöf lands og þjóðar.“ Við viljum
líka bæta við. „Við vitum að við eig-
um skyldum að gegna og störf að
rækja.“ Þessi níutíu ár hafa leitt
okkur í sannleikann um að þau mál-
efni sem brenna á konum fá heldur
lítinn hljómgrunn þar sem konur eru
ekki til staðar. Þess vegna var mik-
ilvægt að konum fjölgaði hér innan
dyra. Þess vegna er mikilvægt að
þeim fjölgi enn frekar,“ sagði Auður
Styrkársdóttir, forstöðumaður
Kvennasögusafns, en hún afhenti í
gær gjöf til Alþingis til að minnast
90 ára kosningaréttar kvenna.
Gjöfin er listaverk eftir keramik-
listakonuna Kolbrúnu Björgólfs-
dóttur, Koggu, og nefnist Kvenna-
kraftur. Halldór Blöndal, forseti
Alþingis, veitti gjöfinni viðtöku.
44 konur á 22 árum
Auður benti á að fyrst um sinn
hefði kosningarétturinn takmarkast
við konur fjörutíu ára og eldri.
„Þetta séríslenska ákvæði var svo
numið úr lögum árið 1920, fyrir til-
stilli sambandslagasamningsins við
Dani árið 1918. Kórónan á framhlið
Alþingishússins er mörgum þyrnir í
augum … Okkur ber hins vegar að
líta á hana sem menningarverðmæti
og í tilfelli kvenna gæti hún verið dá-
lítill minnisvarði um þann ávinning
sem Sambandslagasamningurinn
færði íslenskum konum, þó ekki
væri meira.“
Í máli Auðar kom ennfremur fram
að frá því fyrsta skrefið var stigið í
kosningarétti kvenna hafa fimmtíu
og sex konur tekið sæti á Alþingi.
Þar af sátu aðeins tólf konur frá
árinu 1922 þegar Ingibjörg H.
Bjarnason komst á þing, til ársins
1983 er Kvennalistinn bauð fyrst
fram. Það þýðir með öðrum orðum
að fjörutíu og fjórar konur hafa setið
á Alþingi á síðustu tuttugu og tveim-
ur árum.
Jafnrétti komið á hjá Alþingi
Halldór Blöndal, forseti Alþingis,
þakkaði gjöfina og benti á í ræðu
sinni, að jafnréttisstefna vinnustað-
arins verði sett inn í starfs-
mannastefnu Alþingis, sem nú sé í
undirbúningi, „Svo enginn þurfi um
að veltast hver sé vilji forsætis-
nefndar og Alþingis í þessum efn-
um.“ Halldór ræddi nokkuð um ný-
lega umfjöllun fjölmiðla um stöðu
jafnréttismála á skrifstofu Alþingis.
Sagði hann þess alls ekki hafa verið
getið í þeirri umfjöllun að „ekki er
hægt að gera áætlun um jafnrétti ef
jafnrétti er náð“. Vísaði hann til þess
að af hundrað starfsmönnum Al-
þingis, en þar af eru sextíu konur og
fjörutíu karlar, séu fjórar konur og
fjórir karlar í æðstu átta stöðum.
Þegar listaverkið var afhjúpað
fylgdi Auður Styrkársdóttir því í
þingheiminn með þessum orðum:
„Við biðjum Alþingi að geyma þenn-
an stein, til áminningar fyrir alla þá
fulltrúa sem hér sitja og munu
sitja.“
Konur gáfu Alþingi Kvennakraft
Morgunblaðið/Eyþór
Halldór Blöndal og Auður Styrkársdóttir standa hér hvort sínu megin við
listaverkið Kvennakraft, en Halldór veitti gjöfinni viðtöku í gær.
Eftir Önnu Pálu Sverrisdóttur
aps@hi.is
TVÆR líkamsárásir komu til kasta
lögreglunnar á Selfossi um helgina.
Í fyrra tilvikinu komu menn að bæ í
Ölfusi til að gera upp skuldamál.
Því lauk með því að sá sem taldi sig
eiga inni ógreidd laun veittist að
þeim sem hann taldi að skuldaði
sér. Sá sem ráðist var á hlaut minni
háttar áverka.
Þá var maður sleginn í andlitið á
Jónsmessuhátíð sem fór fram á
Eyrarbakka. Grunur lék á að mað-
urinn hefði nefbrotnað.
Líkamsárásir
á Selfossi
Í DAG tekur Þristavinafélagið við
rekstri DC3 flugvélarinnar Páls
Sveinssonar sem Landgræðslan
hefur notað síðustu þrjá áratugi í
áburðarflug. Þá mun félagið einnig
taka við öðrum þristi, TF-ISB, og
fer afhending vélanna fram í dag.
Við afhendinguna verður einnig
skrifað undir samstarfssamning
Þristavinafélagsins og Landgræðsl-
unnar og samning félagsins við Ice-
landair vegna ferðar Páls Sveins-
sonar til Glasgow í byrjun júlí í
tilefni af 60 ára afmæli millilanda-
flugs, eins og greint hefur verið frá
í Morgunblaðinu.
Þristavinafélagið
tekur við Páli
Sveinssyni
TÖKUR á Clint Eastwood-myndinni Flags of our
fathers sem fyrirhugaðar eru við Arnarfell í
Krýsuvík í sumar, hafa mætt mikilli andstöðu.
Guðmundur Benediktson, bæjarlögmaður Hafn-
arfjarðarbæjar, segir hins vegar að endaleg
mynd sé komin á samninginn við kvikmyndafyr-
irtækið, og býst hann við að samningurinn verði
samþykktur á næsta fundi bæjarráðsfundi á
fimmtudaginn.
Aðspurður segir hann að leigugjald fyrir afnot
landsins sé 1,5 milljón kr. „En það sem okkur
þykir mikilverðast í þessu máli er að fyrirtækið
skilji við landi eins og Hafnarfjarðarbær og
Landgræðslan telja viðunandi og því renna tæp-
ar 11 milljónir til uppgræðslu svæðisins að tök-
um loknum,“ segir Guðmundur enn fremur
Ómar Smári Ármannsson, náttúruunnandi og
áhugamaður um sögu Reykjaness, er einn þeirra
sem gagnrýna harðlega fyrirhugaðar fram-
kvæmdir á svæðinu. Hann hefur m.a. gagnrýnt
Fornleifavernd ríkisins fyrir að veita leyfi fyrir
tökunum.
Morgunblaðið hafði samband við Kristínu
Huld Sigurðardóttir, forstöðumann Forn-
leifaverndar ríkisins, og segir hún engar forn-
minjar vera á því svæði þar sem tökurnar munu
fara fram. „Við vorum beðin um að skila áliti um
málið og álit okkar var að á þessu svæði væru
engar fornleifar. Fornleifar eru í einhverri fjar-
lægð frá tökustaðnum en það stendur til að
merkja þær og auðkenna svo þær verða ekki í
hættu,“ segir Kristín.
Umfangsmiklar framkvæmdir
á viðkvæmu svæði
Ómar bendir einnig á hve umfang fram-
kvæmdanna verði mikið. „Það á að vera ljóst að
þetta viðkvæma svæði þolir ekki átroðning 450
manna í margar vikur, hvað þá umferð stór-
virkra tækja. Það eiga að vera skriðdrekar og
önnur stríðstól á staðnum, koma þarf þungum og
dýrum tökuvélum, krönum og rám og þess hátt-
ar búnaði langt út á heiði.
Þá er fyrirhugað að framkalla margháttaðar
sprengingar þar sem jarðvegi verður þyrlað upp
í loftið, brenna á svæðið og grafa skotgrafir,“
segir Ómar og bætir við: „Það er full ástæða til
að efast um að hægt sé að lagfæra svæðið eftir
slíkar framkvæmdir.“
Margþætt verðmæti
Ómar vill minna menn á hve margþætt þau
verðmæti eru sem Krýsuvíkurlandið hefur að
geyma. „Ekki aðeins eru umhverfið og náttúran
einstök heldur er hér mikið af búsetu- og menn-
ingarminjum, sem Hafnfirðingar eiga að vera
stoltir af og halda áfram að vernda og hlúa að í
minningu forfeðra sinna og -mæðra.
Hafnfirðingar hafa verið að byggja upp
ákveðna ímynd af Krýsuvík, hverasvæðunum,
göngulandinu, minjasvæðinu, sögunni, ósnertu
búsetulandslagi, mannræktinni í Krýsuvíkur-
skóla, Húsi málarans og fleiru sem tengist svæð-
inu. Það þarf mjög lítið til að raska þessari
vinnu. Krýsuvík er náttúruperla sem okkur ber
skylda til að standa vörð um.“
Mótmælir „innrás“ í Krýsuvík
FLUGUMFERÐARSTJÓRAR og
samninganefnd ríkisins funduðu í
gær hjá ríkissáttasemjara en að
sögn Hlínar Hólm, formanns Félags
íslenskra flugumferðarstjóra, er
helst rætt um lífeyrissjóðsmál og
vaktafyrirkomulag. Nú standi til að
stytta vaktir flugumferðarstjóra en
þeir vinna á dag-, kvöld- og næt-
urvöktum. „Við erum í sjálfu sér
ekki ósátt við styttri vaktir en það
þýðir að til þess að ná út okkar
vinnuskyldu þurfum við að mæta
oftar til vinnu,“ segir Hlín. Segir
hún tekist á um hvort vinnuveitandi
megi setja upp nýtt vaktafyrir-
komulag að starfsmönnum for-
spurðum. Að sögn Hlínar er einnig
deilt um lífeyrissjóðsmál en
óánægja er með breytingar sem
hafa orðið á lífeyrissjóðsmálum
starfsmanna ríkisins. Flugumferð-
arstjórum er skylt að láta af störf-
um sextugir en geta fengið undan-
þágu fram til 63ja ára. Hlín segir að
staða þeirra sem falla inn í þetta
kerfi sé þannig að þeir geti þurft að
búa við skertan lífeyri fram til 65
ára aldurs eða í allt að fimm ár.
Ræða breytingar
á vöktum