Morgunblaðið - 28.06.2005, Blaðsíða 36

36 ÞRIÐJUDAGUR 28. JÚNÍ 2005 MORGUNBLAÐIÐ
MINNINGAR
✝ Pála ElínborgMichelsen fæddist
á Sauðárkróki 24.
ágúst 1911. Hún lést
á Hrafnistu í Reykja-
vík 18. júní síðastlið-
inn. Foreldrar henn-
ar voru Jörgen
Frank Michelsen, f.
25. janúar 1882, d.
16. júlí 1954, og Guð-
rún Pálsdóttir, f. 9.
ágúst 1886, d. 31. maí
1967. Systkini Pálu
eru: Karen Edit, f. 2.
ágúst 1910, d. 20.
febrúar 1965, Hulda
Ester, f. 2. nóvember 1912, d. 29.
ágúst 1985, Frank Berholt, f. 31.
desember 1913, Kristín Rós, f. 5.
mars 1915, d. 25. desember 1917,
Georg Bernhard, f. 20. maí 1916,
d. 3. nóvember 2001, Paul Valdi-
mar, f. 17. júlí 1917, d. 27. maí
1995, Aðalsteinn Gottfreð, f. 28.
október 1918, d. 9.
desember 1994, Ottó
Alfreð, f. 10. júní
1920, d. 11. júní
2000, Elsa María, f.
12. maí 1922, d. 6.
febrúar 1976, Krist-
inn Pálmi, f. 5. mars
1926, Aage Valtýr, f.
10. október 1928, og
Anna Lísa, f. 5. jan-
úar 1943, uppeldis-
systir.
Pála bjó lengst af í
foreldrahúsum
ásamt systur og syst-
urdóttur. Fyrst bjó
hún á Sauðárkróki, síðan í Hvera-
gerði í eitt ár, en eftir 1945 alfarið
í Reykjavík. Hún starfaði á prjóna-
stofunni Hlín í 19 ár, síðan hjá
Nóa Síríusi til 72 ára aldurs.
Útför Pálu verður gerð frá
Fossvogskirkju í dag og hefst at-
höfnin klukkan 15.
Undangengnir dagar hafa verið
einkennilegir og ótrúverðugir þegar
ættingi sem verið hefur nálægt mér
undanfarin 62 ár er fallinn frá.
Pála hefur alltaf verið til staðar,
horfin, engin situr lengur í bláa stóln-
um í hennar síðustu vistarveru á
Hrafnistu. Þetta er mjög sárt og smá
eigingirni af minni hálfu. Pála var fyr-
ir nokkru tilbúin að fara héðan, heyrn-
in lítil og sjónin að fara enda búin að
skila miklu dagsverki.
Pála var afkastamikil og samvisku-
söm kona til allra þeirra starfa er
henni var trúað fyrir á sinni löngu ævi.
Á prjónastofu vann hún í 19 ár og þeg-
ar það fyrirtæki hætti réð hún sig til
starfa hjá Nóa Síríus. Árin þar urðu
mörg og ánægjuleg og sjötíu og
tveggja ára lét hún af störfum end-
anlega.
Á sumrum ferðaðist hún töluvert
um löndin ófá er Pála heimsótti með
góðum vinum sínum, en lífið var ekki
alltaf dans á rósum. Allflestir ganga í
gegnum hremmingar á lífsleiðinni og
fékk Pála sinn skammt. Sumir brotna
og gefast upp en aðrir vaxa og
herðast. Pála hafði mikinn og sterkan
vilja og lét aldrei bugast heldur tók
öllu af miklu jafnaðargeði og styrk.
Hún bar ekki sitt andstreymi á torg
fyrir aðra heldur lét gleðina ráða för.
Pála var einstaklega lagin í höndum
og kraftmikil. Þegar börn mín og
barnabörn litu dagsins ljós komu hún
alltaf færandi hendi og var hugur
hennar alla tíð með þeim. Ófáa muni
hefur hún búið til og má þar nefna
dúkkur, bangsa, trefla, sokka og
margt fleira. Allir í fjölskyldunni eiga
prjónaðar herðatréshlífar sem nú eru
geymdar vandlega.
Pálu auðnaðist ekki sú hamingja að
fæða af sér barn og bjó lengst af í for-
eldrahúsum meðan þeirra naut við.
Hún átti sjálf fallegt heimili til
marga ára í Hátúni 10 en síðustu árin
dvaldi hún á Hrafnistu í Reykjavík
þar sem hún lést eftir stutta legu 18.
júní sl.
Hjartans þakkir fyrir allt, þú varst
svo stór í öllu gagnvart okkur að ég
get aðeins sagt: Þetta varstu: móður-
systir, móðir, tengdamóðir, amma og
langamma.
Vertu sæl hjá guði.
Þín
Anna Lísa.
Sárt verður þín saknað. Þú ólst
okkur systkinin upp, þú gafst af þér,
þú veittir okkur ást, hlýju og alúð. Við
litum ætíð á þig sem ömmu, börn okk-
ar á þig sem langömmu og þannig
mun það verða.
Pála Michelsen var manneskja sem
bjó yfir hjartahlýju, gleði og ást. Hún
gaf alltaf af sér og við systkinin nutum
þess. Minningarnar eru margar góð-
ar. Allar heimsóknirnar í sælgætis-
gerðina þar sem litlir munnar fengu
súkkulaði og brjóstsykur. Heimsókn-
irnar til Pálu þar sem ætíð biðu litlar
gosflöskur í ísskápnum, sælgæti,
dönsk teiknimyndablöð og fjársjóður í
skartgripaskríninu. Ekki má gleyma
ferðalögunum, öllum afmælunum,
páskunum, jólunum og útskriftunum.
En mestu máli skiptu samverustund-
irnar og samskiptin. Pála var alltaf til
staðar. Hún fylgdist með okkur vaxa
og þroskast og á sinn hljóðláta hátt
tók hún þátt í uppeldinu og mótaði
okkur systkinin.
Það er því með miklum og sárum
söknuði sem við kveðjum Pálu. En
innst inni vitum við að síðastliðin ár
hafði líkaminn gefið sig og hún lokast
æ meir inni í myrkri einveru. Við trú-
um því af einlægni að hennar bíði
bjartari og ánægjulegri tilvera á öðr-
um stað.
Hjalti Einar Sigurbjörnsson,
Eyþór Bjarki Sigurbjörnsson,
Hildur Karen Sigurbjörnsdóttir,
Hugrún Pála Sigurbjörnsdóttir
og fjölskyldur.
Hún Pála amma er látin. Paula E.
Michelsen var alltaf kölluð Pála en
börn mín kölluðu hana aldrei annað en
Pálu ömmu. Enda var hún í raun ekk-
ert annað en amma af guðs náð. Betri
ömmu var ekki hægt að hugsa sér.
Börn okkar töluðu oft um hvað þau
væru rík því þau ættu þrjár ömmur,
geri aðrir betur. Pála hefur fylgt fjöl-
skyldu minni allt mitt líf. Móðir mín
og Pála hafa alla tíð verið nánar eink-
um eftir að amma mín dó sama ár og
ég fæddist eða 1965. Við systkinin
kynntumst því henni ekki en Pála kom
í hennar stað. Við höfum alla tíð litið á
Pálu sem okkar ömmu. Samveru-
stundirnar voru miklar og sérlega
ánægjulegar. Ég er sannfærður um
að við systkinin munum vel eftir því
þegar Pála kom til okkar á sumrin
vestur í Djúp með brotna Maltakex-
bita, páskaeggjabrot og fleira góðgæti
sem hún hafði að natni safnað um vet-
urinn á sínum vinnustað og átti að
henda. Ég man enn eftir hljóðinu í
brúnu bréfpokunum sem hún kom
með. Hjá okkur systkinum voru ekki
nammidagar heldur nammisumur.
Það leið ekki sumar án þess að Pála
dveldi hjá okkur. Hún hafði mikla þol-
inmæði gagnvart okkur systkinunum,
uppátækjum okkar og ærslum, því oft
var líf og fjör enda margir krakkar þá
fyrir vestan. Ef við áttum eitthvert er-
indi í bæinn þá var oft gist hjá Pálu.
Eftir að fjölskyldan flutti suður þá
vorum við reglulegir gestir hjá henni.
Einkar gaman var að komast í ísskáp-
inn hennar því þar var alltaf góðgæti
sem freistaði. Oft dvaldi ég hjá henni
með námsbækurnar, því hjá Pálu var
ró og friður. Var hún sérlega lagin við
að hafa í matinn góðgæti sem mér féll
vel, s.s. skyr með rjóma, lambakjöt
o.fl. og dekra við mig að öllu leyti.
Börnum mínum var hún sérstak-
lega góð og fylgdist vel með þeirra
lífshlaupi. Alla afmælisdaga mundi
Pála og alltaf kom sending frá henni.
Oft óskaði maður þess að sjón hennar
hefði ekki hrakað svo hún gæti litið
börnin augum, en henni þótti afar
vænt um þau og þeim um hana. En
sjón hennar hrakaði mjög síðustu ár-
in. Hafði það mikil áhrif á líf Pálu en
hún lét ekki bugast. Öllu tók hún með
jafnaðargeði, staðráðin í að láta hvorki
það né annað hafa áhrif á sitt líf.
Í lífi hvers einstaklings eru ýmsir
samferðamenn sem með einhverjum
hætti verða fyrirmynd að atferli,
hegðun og eftirbreytni þeirra sjálfra.
Í mínu tilviki var Pála sannarlega einn
þeirra.
Það er því með söknuði og miklu
þakklæti fyrir samfylgdina sem ég og
fjölskylda mín kveðjum Pálu ömmu.
Hvíl í friði.
Sigurbjörn Sigurbjörnsson.
PÁLA ELÍNBORG
MICHELSEN
Okkur langar með
örfáum orðum að minn-
ast Möggu vinkonu
okkar og félaga.
Leiðirnar lágu sam-
an í gegnum karlakór-
söng, þar sem við allar
áttum það sameiginlegt að eigin-
menn okkar syngja í Karlakórnum
Fóstbræður.
Hjálpsemi Möggu var alþekkt.
Starf hennar í félagsskap okkar ein-
kenndist af mikilli atorku, fórnfýsi,
samkennd og hlýju, en oft var glatt á
hjalla á okkar fundum.
Við fengum vel að njóta listfengi
hennar sem glerlistakonu og þá sér-
MARGRÉT ÞÓRDÍS
EGILSDÓTTIR
✝ Margrét ÞórdísEgilsdóttir fædd-
ist í Reykjavík 1.
október 1955. Hún
lést á heimili sínu 19.
júní síðastliðinn og
var jarðsungin frá
Grafarvogskirkju
27. júní.
staklega í sambandi við
vorhátíðir kórsins.
Þær eru ófáar jeppa-
ferðirnar sem hópurinn
hefur farið saman en
þar fundum við best
hversu samheldni
þeirra hjóna, Möggu og
Óskars, var einstök.
Þar nutum við einnig
hversu vant ferðafólk
þau voru og fróð um
land og þjóð.
Minningin lifir um
góða, trausta og heil-
steypta vinkonu sem
var algerlega laus við
tilgerð og kom til dyranna eins og
hún var klædd.
Mestur er missir fjölskyldunnar en
stórt skarð er höggvið í okkar raðir.
Kæra fjölskylda, við sendum okkar
innilegustu samúðarkveðjur til ykkar
allra.
Hafðu þökk fyrir allt og allt.
Kveðja.
Fóstbræðrakonur.
Morgunblaðið birtir minningargreinar alla útgáfudagana.
Skil Minningargreinar skal senda í gegnum vefsíðu Morgunblaðsins: mbl.is
(smellt á reitinn Morgunblaðið í fliparöndinni – þá birtist valkosturinn „Senda
inn minningar/afmæli“ ásamt frekari upplýsingum).
Skilafrestur Ef birta á minningargrein á útfarardegi verður hún að berast fyr-
ir hádegi tveimur virkum dögum fyrr (á föstudegi ef útför er á mánudegi eða
þriðjudegi). Ef útför hefur farið fram eða grein berst ekki innan hins tiltekna
skilafrests er ekki unnt að lofa ákveðnum birtingardegi. Þar sem pláss er tak-
markað getur birting dregist, enda þótt grein berist áður en skilafrestur renn-
ur út.
Lengd Minningargreinar séu ekki lengri en 2.000 slög (stafir með bilum -
mælt í Tools/Word Count). Ekki er unnt að senda lengri grein.
Minningargreinar
FRÉTTIR
Bikarkeppnin
Bikarkeppnin er að komast í
gang. Í fyrstu umferðinni voru að-
eins tveir leikir. Sveit Málningar
vann sveit Bjarnaborgar með 145
gegn 68 og sveit yngri spilara gaf
leik sinn gegn Vinabæ.
Í annarri umferð er nokkrum
leikjum lokið. Sveit Skeljungs sigr-
aði Steina og stelpurnar með 138
stigum gegn 73. Sveitin Dimma
vann Ingólf Kristjánsson og félaga
hans með 138-78. Í Keflavík var
hörkuleikur þar sem Suðurnesja-
sveitin tapaði fyrir Gylfa Baldurs-
syni. Leikurinn endaði 113-101.
Ferðaskrifstofa Vesturlands spil-
aði sig í þriðju umferðina með því að
vinna Vírnet 124-86.
Þátttakendur eru hvattir til að
senda inn úrslit svo fljótt sem auðið
er en síðasti spiladagur er 17. júlí.
Frá eldri borgurum
í Hafnarfirði
Þriðjudaginn 21. júní var spilað á
12 borðum.
Úrslit urðu þessi í N/S:
Rafn Kristjánsson - Oliver Kristófss. 267
Kristófer Magnúss. - Albert Þorsteinss.
241
Bragi Björnsson - Auðunn Guðmss. 239
Björn Björnsson - Nanna Eiríksdóttir 235
A/V
Anton Jónsson - Einar Sveinsson 261
Skarphéðinn Lýðss. - Jón Ó. Bjarnas. 254
Ólafur Ingvarss. - Þorsteinn Sveinss. 241
Guðrún Gestsd. - Bragi V. Björnsson 225
Föstudaginn 24. júní var spilað á
7 borðum.
Úrslit urðu þessi í N/S:
Kristján Ólafsson - Jón Sævaldsson 195
Jón Pálmason - Sverrir Jónsson 181
Sigurður Herlufsen - Harrý Herlufsen 163
Björn Björnsson Nanna Eiríksdóttir 163
A/V
Heiðar Þórðarson - Sigríður Gunnarsd. 196
Jón R. Guðmundss. - Kristín Jóhannsd. 172
Jón Ól. Bjarnas. - Skarphéðinn Lýðss. 171
BRIDS
Umsjón Arnór G.
Ragnarsson
Á AÐALFUNDI Hunda-
ræktarfélags Íslands, sem
fram fór fyrir skömmu,
afhenti Elínborg G. Vil-
hjálmsdóttir hjá ESE –
Útgáfu & fréttaþjónustu
sf. 50 þúsund króna fram-
lag frá útgáfunni til
Minningarsjóðs Emilíu
Sigursteinsdóttur.
Framlag þetta er í sam-
ræmi við loforð útgef-
enda Hundahandbók-
arinnar um að 100 krónur
af andvirði hverrar seldrar bókar
renni til Millusjóðsins eins og hann
er kallaður.
Bergþóra Þorsteinsdóttir veitti
framlaginu, ávísun og gjafabréfi,
viðtöku.
50 þúsund króna
framlag í Millusjóðinn
HEKLA frumsýnir í þessari viku tvo
bíla frá Volkswagen, nýjan bíl,
Volkswagen Fox, og nýja gerð af
Volkswagen Polo. Volkswagen Fox er
nettur en rúmgóður bíll, tveggja
dyra, og býr yfir miklu rými. Nýverið
fékk bíllinn viðurkenningu sem besti
bíllinn í sínum verðflokki með tilliti til
verndar farþega í tveimur árekstrar-
prófum sem tímaritið Auto Bild og
þýsku bíleigendasamtökin ADAC
stóðu fyrir. Fox er fáanlegur með
bæði bensín- og dísilvél. ABS hemla-
búnaður er staðalbúnaður í Fox sem
kostar frá 1.150.000 krónum.
Volkswagen Polo kom fyrst á
markað fyrir þrjátíu árum. Verðið er
nánast óbreytt og kostar Polo frá
1.395.000 kr. Polo, sem búinn er mikl-
um öryggis- og þægindabúnaði, fæst
með bensín- og dísilvélum og bæði
bein- og sjálfskiptur.
Hekla frumsýnir tvo
nýja Volkswagen-bíla
AÐALFUNDUR kjördæmisráðs
Samfylkingarinnar í Norðvestur-
kjördæmi krefst þess að stjórnvöld
rétti hlut svæðisins. Þá skorar
fundurinn á samfylkingarfélaga
um allt land að beita sér fyrir því
að Samfylkingin bjóði fram í sem
flestum sveitarfélögum undir eigin
nafni.
Í tilkynningu kemur fram að
fundurinn lýsir yfir þungum
áhyggjum af þeim sívaxandi vanda
sem steðjar að atvinnulífinu vegna
ruðningsáhrifa stóriðjustefnunnar.
Fram kemur að hágengisvand-
inn bætist nú ofan á þá eyðibyggð-
arstefnu sem stjórnvöld reki og
komi verst niður á smærri sjáv-
arbyggðum og ferðaþjónustu.
Fundurinn minnir á að margar
byggðir á norðvesturhluta landsins
standi veikt bæði til sjávar og
sveita og skorar fundurinn á
stjórnvöld að standa við yfirlýs-
ingar m.a. forsætisráðherra um
stuðning við þennan hluta lands-
ins.
Krefst fundurinn þess að stjórn-
völd rétti hlut þessa svæðis með
því að beita sér fyrir:
 Að byggðastefna nái til alls
Norðvesturkjördæmis, ekki aðeins
eins vaxtarkjarna á Vestfjörðum.
 Bættum samgöngum milli
byggðakjarna og við höfuðborgar-
svæði.
 Auknum stuðningi við háskóla-
nám í Norðvesturkjördæmi.
 Fjölgun starfa í þjónustu- og
iðngreinum með nýsköpun þar
sem ekki er að vænta fjölgunar
starfa í landbúnaði eða fiskiðnaði.
 Að möguleikar til fjarskipta um
netið verði að fullu jafnaðir þannig
að landsmenn sitji allir við sama
borð í fjarskiptamálum.
 Að beita sér fyrir að virkjanleg
orka sé nýtt í heimahéraði, til auk-
innar hagsældar fyrir íbúa kjör-
dæmisins.
 Að gera íbúum sjávarbyggða
kleift að njóta nálægðar við þær
auðlindir sem urðu til þess að
byggðin þróaðist.
Stjórnvöld rétti hlut
Norðvesturkjördæmis