Morgunblaðið - 28.07.2005, Blaðsíða 41

MORGUNBLAÐIÐ FIMMTUDAGUR 28. JÚLÍ 2005 41
Atvinnuauglýsingar
Starf í tískuvöru-
verslun óskast
32 ára gömul huggleg kona óskar eftir hálfs-
dagsstarfi við afgreiðslu. Er mjög jákvæð,
kurteis og samviskusöm. Hafið samband í síma
846 8949 frá kl. 13-17.
Passamyndir
Vantar starfskraft á passamyndastofu.
Um er að ræða hlutastarf. Viðkomandi þarf
að geta hafið störf sem fyrst. Við leitum eftir
áreiðanlegum starfskrafti sem ræður yfir tölvu-
kunnáttu og hefur auga fyrir ljósmyndun.
Upplýsingar sendist á: kristjan@skyggna.is,
til augldeildar Mbl. eða á box@mbl.is merktar:
„P — 17434“.
Raðauglýsingar 569 1100
Fundir/Mannfagnaðir
38. þing Sambands ungra
sjálfstæðismanna
kemur saman á Hótel Stykkishólmi kl. 18.30,
föstudaginn 30. september 2005.
Samkvæmt 8. grein laga SUS verður dagskráin
sem hér segir:
1) Setning.
2) Kosning þingforseta, fundarritara, kjörbréfa-
nefndar og kjörnefndar.
3) Skýrsla stjórnar fyrir liðið kjörtímabil.
4) Endurskoðaðir reikningar lagðir fram til
samþykktar.
5) Umræður og afgreiðsla ályktana.
6) Lagabreytingar.
7) Kosning stjórnar, varastjórnar og tveggja
endurskoðenda.
8) Önnur mál.
9) Þingslit.
Málefnastarf fyrir þingið hefst í byrjun ágúst
og verður auglýst nánar á vefsíðu Sambands
ungra sjálfstæðismanna, www.sus.is. Jafnframt
eru veittar frekari upplýsingar í síma 515 1700.
Stjórn SUS.
Uppboð
Uppboð
Framhald uppboðs á eftirfarandi eignum verður háð á þeim
sjálfum sem hér segir:
Hraunalda 6, Rangárþing ytra, fnr. 198566, þingl. eig. Eikarás ehf.,
gerðarbeiðendur Rangárþing ytra og Útihurðir og gluggar ehf.,
þriðjudaginn 2. ágúst 2005 kl. 13:00.
Kross 1a, lóð 186679, Rangárþing eystra, fnr. 224-2683, þingl. eig.
Ingimundur Bjarnason, gerðarbeiðandi Rangárþing eystra, þriðjudag-
inn 2. ágúst 2005 kl. 14:30.
Sýslumaðurinn á Hvolsvelli,
27. júlí 2005.
Félagslíf
Fimmtudagur 28. júlí 2005
Almenn samkoma í Þríbúðum,
Hverfisgötu 42, fellur niður.
Minnum á mótið í Kirkjulækjar-
koti, Fljótshlíð. Samhjálpar-sam-
koma verður þar á laugardag
30. júlí kl. 15.00
Allir velkomnir. Frítt inn á
svæðið.
www.samhjalp.is.
Atvinnuauglýsingar
sími 569 1100
Kær og góður vin-
ur er horfinn yfir
móðuna miklu. And-
lát hans bar brátt að
og kom mér mjög á
óvart þar sem ég hafði nýlega
heimsótt hann á hjúkrunarheimilið
Víðines, þar sem hann hafði dvalið
í nokkra mánuði, eftir að Alzheim-
er-sjúkdómurinn gerði honum
ókleift að búa heima lengur.
Þegar ég hitti hann þar virtist
honum líða nokkuð vel og var
hress og skemmtilegur að vanda
og kom mér síst til hugar að hann
EIRÍKUR
JÓNASSON
✝ Eiríkur Jónas-son fæddist á
Akureyri 22. febr-
úar 1923. Hann and-
aðist á Landspítal-
anum 10. júlí
síðastliðinn og var
útför hans gerð frá
Fríkirkjunni í
Reykjavík 15. júlí.
ætti stutt eftir.
Þótt skammtíma-
minnið væri farið að
gefa sig nutum við
þess að rifja upp
gamlar, góðar minn-
ingar. Við höfðum átt
mikið saman að
sælda í meir en 40 ár
allt frá fyrstu sumr-
um Skíðaskólans í
Kerlingarfjöllum. Ei-
ríkur gerðist fljótt
einn af dyggustu
stuðningsmönnum
skíðaskólans sem
alltaf voru reiðubúnir til þess að
hjálpa til við byggingarfram-
kvæmdir og ýmislegt sem til féll
við uppbyggingu skólans. Stöndum
við sem að skíðaskólanum stóðum í
ævarandi þakkarskuld við Eirík og
þá félaga.
Minntist Eiríkur sérstaklega frá-
gangs og vinnuferðanna á haustin
með þeim Jónasi Hallgríms, Pétri
Guðmunds, Garðari Hinriks, Ein-
ari Eyfells, Magga Karls og fleiri
góðum mönnum. Þessar ferðir
voru einstaklega skemmtilegar og
nutum við frásagnargáfu Eiríks í
ríkum mæli. Máttu menn þó vara
sig á því að taka ekki allt sem hann
sagði allt of hátíðlega, því stutt var
í spunann hjá Eiríki þegar stemn-
ingin var í hámarki.
Þegar farið var að leggja raf-
magn í hús skíðaskólans var Eirík-
ur fenginn til verksins. Sinnti hann
rafmagnsmálum skíðaskólans með
dyggri aðstoð Gunnars sonar síns á
meðan skólinn starfaði. Það var
ómetanlegt fyrir skíðaskólann að
fá Eirík til starfa. Hann var fljótur
að öllu því sem gera þurfti og var
alltaf tilbúinn að skjótast upp eftir
ef eitthvað bar út af.
Eiríkur var afbragðs skíðamaður
og hafði mikinn áhuga á allri lík-
amsrækt og leikfimi. Ungur að ár-
um hafði hann verið á íþrótta- og
sundnámskeiðum hjá Sigurjóni
Péturssyni á Álafossi sem reynd-
ust honum gott veganesti. Und-
anfarin þrjátíu ár eða svo hefur Ei-
ríkur verið einn áhugasamasti
þátttakandi í leikfimisflokki sem
upprunalega var samansettur af
skíðamönnum sem mest og best
höfðu stutt við bakið á okkur Kerl-
ingarfjallamönnum. Hópurinn
stækkaði og breyttist í tímanna
rás. Þar hafa menn tengst ævar-
andi vináttuböndum. Kjarninn úr
hópnum heldur saman ennþá í leik-
fimi, heldur þorrablót og skemmt-
anir með eiginkonunum, fer í
gönguferðir o.s.frv.
Þegar skíðaferðir í Alpana hóf-
ust lá það beinast við að áhuga-
sömustu skíðamennirnir úr leikfim-
ishópnum tækju þátt í þeim.
Eiríkur var einn þeirra og naut sín
einkar vel í þessum ferðum og
eignaðist þar nýja vini og kunn-
ingja. Áttum við þar margar
ógleymanlegar samverustundir í
fjallanna fannhvítum hlíðum og við
glaðværð og gullnar veigar að
loknum góðum skíðadegi. Var þar
oft hlegið dátt að orðheppni Eiríks
og hnyttni í tilsvörum, enda var
Eiríkur með skemmtilegustu
mönnum.
Eiríkur var einstaklega heilsu-
hraustur allt þar til Alzheimer
gerði vart við sig um áttrætt.
Hann hélt líkamshreysti fram til
þess síðasta og átti auðvelt með að
gera ýmsar leikfimisæfingar sem
yngri menn réðu ekki við.
Mér fannst Eiríkur sáttur við líf-
ið og tilveruna og tilbúinn að tak-
ast á við hið ókomna og ekki gera
sér mikla rellu út af því sem biði
hans að þessu lífi loknu. Ég hef
vissu fyrir því að hann hafi tekið
dauða sínum af álíka æðruleysi og
faðir hans, sem brást ókvæða við
þegar móðir Eiríks bað hann að
kalla til systkini sín til þess að þau
gætu kvatt föður sinn hinstu
kveðju, þar sem hann virtist rænu-
laus orðinn. Heyrðist þá hnussa í
Karli: „Og til hvers svo sem, og
svo verður ekki neitt úr neinu“.
Þessa sögu sagði Eiríkur mér og
margar fleiri skemmtilegar sögur
af samskiptum sínum við föður
sinn, sem virtist ekki hafa verið
neitt venjulegur maður frekar en
Eiríkur sjálfur.
Við vinir Eiríks og félagar úr
leikfimi- og skíðahópunum minn-
umst hans með mikilli þökk fyrir
allar ógleymanlegu samverustund-
irnar.
Fyrir hönd okkar Kristínar og
sona sendi ég fjölskyldu og ástvin-
um Eiríks Jónassonar innilegustu
samúðarkveðjur.
Valdimar Örnólfsson.
Góður vinur og
vinnufélagi til margar
ára er fallinn frá eftir harða baráttu
við illvígan sjúkdóm sem hann tókst
á við af mikilli karlmennsku og
æðruleysi. Samstarf okkar hófst er
hann varð trúnaðarmaður starfs-
manna í kerskála í álverinu í
Straumsvík, en Eyjólfur vann í ker-
EYJÓLFUR SIG.
BJARNASON
✝ Eyjólfur Sig-urður Bjarna-
son fæddist á Suð-
ureyri við
Súgandafjörð 3.
janúar 1929. Hann
lést á líknardeild
Landspítalans í
Kópavogi 12. júlí
síðastliðinn og fór
útför hans fram frá
Víðistaðakirkju 21.
júlí.
skálunum og sáu
vinnufélagar hans
fljótt að þar fór mað-
ur sem var fylginn sér
enda skólaður úr
verkalýðsmálum vest-
an af fjörðum og kusu
hann sem trúnaðar-
mann sinn.
Þann tíma sem
Eyjólfur var trúnað-
armaður var tekist
mikið á í kjaramálum
og réttindamálum
starfsmanna í áliðju-
verinu í Straumsvík
og þurfti mikið áræði og festu til að
takast á við þau mál og oftar en
ekki var ekki bara tekist á við
stjórnendur ÍSAL heldur var einnig
við að etja samtvinnað afl atvinnu-
rekenda og stjórnvalda. Trúnaðar-
menn starfsmanna og formenn hlut-
aðeigandi verkalýðsfélaga skipa
trúnaðarráð sem hefur farið með
samninga við ISAL og hafa borið
gæfu til að standa saman sem ein
órofa heild alla tíð við gerð kjara-
samninga og orðið stefnumarkandi
á flestum sviðum kjarasamninga
hvað varðar laun, réttindi og aðbún-
að.
Það er ekki síst fyrir atorku og
festu manna eins og Eyjólfs sem
slíkt tekst, það fór ekki fram hjá
neinum hverjar skoðanir Eyjólfur
hafði á þeim málum sem hann hafði
afskipti af, það fór heldur ekki fram
hjá stjórnendum kerskála ef eitt-
hvað var að, því hann fylgdi málum
vel eftir og það var hlustað þegar
Eyjólfur talaði og hans þungu at-
hugasemdir voru teknar alvarlega.
Það sýndi sig einnig að stjórnendur
kunnu að meta Eyjólf því við
stækkun kerskála var Eyjólfur
fenginn til þess að flytja ávarp.
Eyjólfur var traustur maður sem
vann vel að réttindavörslu sinna fé-
laga, það var gott að vinna með
Eyjólfi, það var gott að fara að hans
ráðum við úrlausn á vandmeðförn-
um málum. Það lýsti Eyjólfi vel er
ég heimsótti hann á heimili sínu í
apríl sl. en þá var þessi sterki mað-
ur kominn í hjólastól og sagði; ég er
lélegur fyrir neðan mitti en höfuðið
er í góðu lagi og vildi hann fá fréttir
af vinnustaðnum, vinnufélögunum
og hvernig kjaraviðræðurnar hefðu
gengið fyrir sig og rifjuðum við upp
mál frá liðinni tíð og er ég kvaddi
hann bað hann mig fyrir góðar
kveðjur og sagðist ég koma fljót-
lega í heimsókn aftur og kom það
því mér á óvart að kveðja þennan
mæta mann svo fljótt.
Ég vil fyrir hönd trúnaðarráðs
verkalýðsfélaga starfsmanna í ál-
verinu í Straumsvík votta Eyjólfi
virðingu okkar og þakka fyrir hans
mikla framlag til bættra kjara
starfsmanna. Ég bið góðan guð að
blessa minningu Eyjólfs Sig.
Bjarnasonar.
Elsku Guðfinna, ég votta þér og
fjölskyldu þinni okkar dýpstu sam-
úð.
F.h. trúnaðarráðs,
Gylfi Ingvarsson
aðaltrúnaðarmaður.
Morgunblaðið birtir minningar-
greinar alla útgáfudagana.
Skil Minningargreinar skal senda
í gegnum vefsíðu Morgunblaðs-
ins: mbl.is (smellt á reitinn Morg-
unblaðið í fliparöndinni – þá birt-
ist valkosturinn „Senda inn
minningar/afmæli“ ásamt frekari
upplýsingum).
Skilafrestur Ef birta á minning-
argrein á útfarardegi verður hún
að berast fyrir hádegi tveimur
virkum dögum fyrr (á föstudegi
ef útför er á mánudegi eða
þriðjudegi). Ef útför hefur farið
fram eða grein berst ekki innan
hins tiltekna skilafrests er ekki
unnt að lofa ákveðnum birting-
ardegi. Þar sem pláss er tak-
markað getur birting dregist,
enda þótt grein berist áður en
skilafrestur rennur út.
Lengd Minningargreinar séu ekki
lengri en 2.000 slög (stafir með
bilum - mælt í Tools/Word Count).
Ekki er unnt að senda lengri
grein.
Minningar-
greinar