Morgunblaðið - 03.11.2005, Side 8

8 FIMMTUDAGUR 3. NÓVEMBER 2005 MORGUNBLAÐIÐ
FRÉTTIR
Vetrarfrí hófst hjágrunnskólum víðaum land í vikunni.
Í langflestum grunnskól-
um Reykjavíkur er t.d. frí
tvo til þrjá daga í þessari
viku. Vetrarfríið má rekja
til kjarasamnings Kenn-
arasambands Íslands fyrir
grunnskólana frá árinu
2001.
Í inngangi kjarasamn-
ingsins er kveðið á um að
skólaárið skuli lengt um
tíu daga, þ.e. úr 170 í 180
daga. Þar segir ennfremur
að skólum sé heimilt „að
taka upp vetrarleyfi nemenda og
sveigjanlegt upphaf og lok skóla-
starfs með samþykki fræðsluyfir-
valda hlutaðeigandi sveitarfélags.“
Skólastarf skuli þó ekki hefjast
fyrr en 15. ágúst og ljúka eigi síðar
en 15. júní.
Anna Kristín Sigurðardóttir,
skrifstofustjóri grunnskólaskrif-
stofu menntasviðs Reykjavíkur-
borgar, segir að einn megintil-
gangur þessarar heimildar fyrir
vetrarfríi hafi verið sá að brjóta
upp skólastarfið, dreifa álaginu á
skólabörn og þar með fríum þeirra
yfir árið.
Síðan umrætt ákvæði var sett
inn í kjarasamninginn hafa skólar í
auknum mæli veitt vetrarfrí; á
haustönn og/eða á vorönn. Skólun-
um er í sjálfsvald sett hvenær þeir
nákvæmlega veita vetrarfríið, en
sum sveitarfélög, eins og t.d.
Garðabær og Reykjavík, hafa
reynt að stuðla að því að skólarnir
veiti frí nákvæmlega sömu daga.
Fræðsluyfirvöld í Reykjavík
beindu því til að mynda til grunn-
skóla Reykjavíkur að veita frí dag-
ana 2., 3. og 4. nóvember á þessari
haustönn og dagana 27. og 28.
febrúar á næstu vorönn.
Allir skólar í Reykjavík nema
tveir, Hvassaleitisskóli og Ísaks-
skóli, veita vetrarleyfi og hafa þeir,
þ.e. allir þeir sem veita vetrarleyfi,
orðið við tilmælum Reykjavíkur-
borgar um að veita frí fyrrgreinda
daga. Í stað vetrarfrísins lýkur
skólaárinu hjá Hvassaleitisskóla
og Ísakskóla fyrr en ella næsta
vor.
Hólmfríður Guðjónsdóttir, for-
maður Skólastjórafélags Reykja-
víkur, segir að vetrarleyfi skól-
anna og önnur frí þurfi að koma
fram á skóladagatali skólanna.
„Skóladagatalið fer fyrir kennara-
fund og foreldraráð, en eftir það er
það kynnt, með umsögn foreldra-
ráðs, og samþykkt í menntaráði
Reykjavíkurborgar,“ útskýrir
hún. Vetrarleyfi og önnur leyfi séu
m.ö.o. ekki ákveðin nema í samráði
við foreldra.
Þrátt fyrir þetta virðast ekki all-
ir sáttir við það hvernig vetrarfríin
hafa þróast. Elín Thorarensen,
framkvæmdastjóri Heimilis og
skóla, segir til að mynda að vetr-
arfríin hafi ekki nýst börnum og
fjölskyldum þeirra sem skyldi.
„Upphaflega var t.d. lagt upp með
það að börnum þeirra foreldra sem
ekki ættu heimangengt, yrði boðið
upp á skipulagða dagskrá, fyrir ut-
an skólana, s.s. á vegum íþrótta-
félaga eða skátanna, en það hefur
ekki gengið eftir.“ Mörg börn séu
því á hálfgerðum vergangi í fríinu,
enda margir foreldrar ekki í neinu
fríi heldur í vinnunni.
Elín segir að ef til vill hafi „jarð-
vegurinn“ undir vetrarfríin ekki
verið nógu vel undirbúinn; skort
hafi á samstarfi milli hagsmuna-
aðila, s.s. foreldra, skóla og at-
vinnurekenda. Elín tekur fram að
vetrarfríin hafi vissulega sína
kosti; þau brjóti upp skólaárið, og
margir tali um að börnin séu
„ferskari“ þegar þau komi til baka.
„En samfélagið er ekki samstiga í
þessu,“ ítrekar hún.
Ólafur Loftsson, formaður Fé-
lags grunnskólakennara, er einnig
á því að það þurfi að fara betur yfir
vetrarfríin; þau veiti ekki fjöl-
skyldum það tækifæri til að vera
saman, eins og rætt hafi verið um í
upphafi. Til dæmis þurfi að sam-
ræma fríin betur milli skóla og
sveitarfélaga.
Gústaf Adolf Skúlason, for-
stöðumaður hjá Samtökum at-
vinnulífsins, segir að atvinnurek-
endur hafi fyrst í stað kvartað
mikið yfir vetrarfríum skólanna
enda hafi þau verið illa kynnt og
komið mörgum í opna skjöldu. Nú
heyrist hins vegar minna frá
stjórnendum fyrirtækjanna enda
séu þeir betur undirbúnir. „Engu
að síður veldur þetta víða mikilli
röskun á starfsemi fyrirtækja,
ekki síst í þjónustufyrirtækjum,
þar sem hátt hlutfall starfsfólks á
börn á skólaaldri.“ Hann segir
jafnframt að vetrarfríin „bitni því
miður fremur á konum en körlum
á vinnumarkaðinum því konur
taki, enn sem komið er, ábyrgðina
ef slík röskun kemur til.“ Það hafi
komið berlega í ljós í könnun Jafn-
réttisráðs á áhrifum kennaraverk-
fallsins á síðasta ári.
Gústaf tekur þó fram að Samtök
atvinnulífsins séu ekki alfarið á
móti vetrarfríum skólanna. „Við
erum reiðubúin að koma að því að
skoða þetta fyrirkomulag. Við telj-
um að það þurfi að samræma og
tryggja einsleitni eins og hægt er,
þ.e. varðandi vetrarfrí og starfs-
og námskeiðsdaga í grunn- og leik-
skólum,“ segir hann. „Almennt er
orlofstaka á Íslandi í verulegum
ólestri; hún dreifist yfir gríðarlega
langan tíma. Ástæða er til að fara
yfir þá heildarmynd.“
Fréttaskýring | Kveðið á um heimild til
vetrarfría í kjarasamningum kennara
Samræma
þarf vetrarfrí
Megintilgangur vetrarfría að brjóta
upp skólastarfið og dreifa álaginu
Börn að leik í vetrarfríi.
Allir skólar í Reykjavík ut-
an tveggja veita vetrarfrí

Allir grunnskólar í Reykjavík
veita vetrarfrí á þessu skólaári;
ýmist á haustönn og/eða á vor-
önn. Tveir skólar, Hvassaleitis-
skóli og Ísaksskóli, veita þó ekk-
ert vetrarfrí. Í staðinn fara
nemendur þeirra fyrr í sumarfrí.
Skólastjórar þessara tveggja
skóla segja að foreldrar og nem-
endur séu mjög sáttir við það
fyrirkomulag. Í könnun Hvassa-
leitisskóla hafi t.d. komið fram
að 80% nemenda og 70% foreldra
vilji ekki vetrarfrí.
Eftir Örnu Schram
arna@mbl.is
Á DÖGUNUM urðu talsverðar ham-
farir í Hvalnes- og Þvottárskriðum á
Austurlandi þegar mikið vatnsveður
gekk þar yfir svæðið, vegur rann þá í
sjó fram á kafla og fjallháar skriður
fylltu veginn á stóru svæði.
Ekki er enn búið að ljúka viðgerð-
um í Þvottárskriðum sem létu mest á
sjá í vatnsveðrinu. Meðan unnið er
að viðgerðum heldur grjótið áfram
að fljúga niður fjallshlíðina óhindrað
sem áður, niður á veginn við Hval-
nesskriður sem eru í beinu framhaldi
af Þvottárskriðunum.
Fljúgandi grjóthnullungur
Haukur Elísson bílstjóri sem held-
ur uppi áætlunarferðum milli Hafnar
og Djúpavogs átti sem oftar leið um
veginn síðastliðinn mánudag í ann-
ars frekar meinlausu veðri að hans
sögn.
Engu að síður kom fljúgandi mikill
grjóthnullungur ofan úr skriðunum á
framrúðu bifreiðar hans, með þeim
afleiðingum að hún brotnaði.
Taldi Haukur að sáralitlu hefði
munað að hann hefði fengið steininn
inn um rúðuna. Skemmdir á bifreið-
um vegna grjóthruns eru að verða
nær daglegt brauð á þessu svæði.
Það má segja að keyrt hafi um
þverbak á þessum vegarkafla að
undanförnu og er aðeins tímaspurs-
mál að margra mati hvenær verður
alvarlegt slys þarna.
Er það mat þeirra er gleggst
þekkja þarna til á svæðinu, vega-
gerðarmanna og annarra, að ekkert
annað en jarðgöng geti leyst þennan
hættulega farartálma af hólmi.
Viðhaldskostnaður á veginum hef-
ur aukist jafnt og þétt á liðnum árum
og hefur án nokkurs vafa aldrei verið
meiri en einmitt á þessu ári.
Bílstjórar í lífshættu í Hvalnes- og Þvottárskriðum
Grjót dynur á vegfar-
endum um skriðurnar
Morgunblaðið/Andrés Skúlason
Haukur Elísson við bíl sinn, en stærðarhnullungur mölvaði framrúðuna hjá
honum er hann átti leið um skriðurnar í meinlausu veðri á mánudag.