Morgunblaðið - 08.12.2005, Blaðsíða 8

8 FIMMTUDAGUR 8. DESEMBER 2005 MORGUNBLAÐIÐ
FRÉTTIR
Þúsundir fulltrúa fráyfir 180 löndumsitja tveggja vikna
alþjóðlega ráðstefnu Sam-
einuðu þjóðanna um lofts-
lagsbreytingar og losun
gróðurhúsalofttegunda
sem fram fer í Montreal í
Kanada. Þar er einnig
haldinn fyrsti fundur að-
ildarríkja Kyoto-bókunar-
innar frá því bókunin tók
gildi í febrúar sl. Í gær
komu svo saman á loka-
dögum ráðstefnunnar í
Montreal umhverfisráð-
herrar um eitt hundrað
ríkja þ.á m. Íslands.
Meginviðfangsefnið er að reyna
að ná samkomulagi um hvað tekur
við eftir að fyrsta skuldbinding-
artímabilinu skv. Kyoto-bókun-
inni lýkur, þ.e. eftir árið 2012.
„Samkvæmt bókuninni sjálfri, 3.
grein 9. tölulið, á að hefja undir-
búning að því núna, sjö árum áður
en skuldbindingartímabilinu lýk-
ur. Það þarf að setja fram á þess-
um fundi samningsumboð um
hvað semja eigi um á grundvelli
bókunarinnar og í öðru lagi hve-
nær því eigi að ljúka,“ segir Árni
Finnsson, formaður Náttúru-
verndarsamtaka Íslands, sem sit-
ur ráðstefnuna.
Þýðingarmesta
ráðstefnan frá 1997
„Þetta er kannski þýðingar-
mesta ráðstefnan frá því í Kyoto
[1997],“ segir Hugi Ólafsson,
skrifstofustjóri í umhverfisráðu-
neytinu en hann situr ráðstefnuna
í Montreal.
„Það eru samningaviðræður í
gangi um hvað tekur við eftir
fyrsta skuldbindingatímabil
Kyoto-bókunarinnar 2012. Í raun
og veru er ekki verið að ræða efn-
isatriði heldur eingöngu að reyna
að skilgreina það ferli sem fer í
gang,“ segir Hugi. „Það er verið
að reyna að ná samningum um
forsendur og form samningavið-
ræðna. Það er gangur í því en
ómögulegt að segja til um hvenær
niðurstaða næst, sennilega verður
það ekki fyrr en undir lok fund-
arins en honum lýkur á föstudag,“
segir hann.
Kyoto-bókunin var samþykkt
við rammasamning Sameinuðu
þjóðanna í Kyoto árið 1997 og tók
gildi 16. febrúar sl. Samkvæmt
henni skuldbinda ríki sem talin
eru upp í viðauka sig til þess að
halda útstreymi sex gróðurhúsa-
lofttegunda á árunum 2008–2012
innan útstreymisheimilda sem eru
5,2% lægri en útstreymi þessara
ríkja var á árinu 1990. Eitt af við-
fangsefnum ráðstefnunnar í Kan-
ada er að ganga frá ýmsum atrið-
um varðandi framkvæmd
Kyoto-bókunarinnar, og er það nú
að mestu frágengið, að sögn
Huga. Höfuðverkefnið er að ræða
framtíðina, hvað tekur við eftir
2012.
Bandaríkin og Ástralía eru ekki
aðilar að Kyoto-bókuninni en
þessi tvö ríki eru ábyrg fyrir tæp-
lega fjórðungi útblásturs gróður-
húsalofttegunda en þróunarríkin
u.þ.b. helmingi losunarinnar.
Árni Finnsson segir mikilvægt
að tækifærið verði nýtt í Montreal
og samningaferli verði hrundið af
stað um að ná nýjum áfanga
Kyoto-sáttmálans, þar sem stefnt
verði að verulegum samdrætti í
útstreymi gróðurhúsalofttegunda
iðnríkja á næsta skuldbindingar-
tímabili. Ríki Evrópusambands-
ins hafa þegar sett markið við 30%
fyrir árið 2020.
Ósveigjanleg afstaða
Stjórnvöld í Bandaríkjunum
hafa verið gagnrýnd harðlega á
ráðstefnunni í Montreal eftir að
fulltrúi bandaríkjastjórnar til-
kynnti að hún léði ekki máls á
bindandi samningum um tak-
markanir á útblæstri gróðurhúsa-
lofttegunda eftir 2012.
„Bandaríkjamenn hafa lýst
mjög ósveigjanlegri afstöðu hér,“
segir Árni Finnsson. „Hvers kyns
samtöl, segja þeir, eru samningar
og við erum ekki tilbúin til neinna
samninga. Það skiptir miklu máli
að Ísland styðji Kyoto-ferlið og
taki þátt í að efla það,“ segir hann.
Að mati Árna er tiltölulega mik-
il eining meðal aðildarríkjanna um
að finna leiðir áfram. Ákveðin
spenna sé á milli þróunarríkja
annars vegar og Japans og Evr-
ópusambandsins hins vegar um
þátttöku þróunarríkjanna í þessu
ferli en þau verði að taka á sig
pólitískar skuldbindingar um að
þróast með sjálfbærum hætti,
nýta endurnýjanlega orku og losa
tenginguna á milli aukins hag-
vaxtar og útsreymis gróðurhúsa-
lofttegunda.
Hann segir menn gera sér vonir
um að árangur náist á fundinum,
„en það hvílir ákveðinn skuggi yfir
þessu þingi sem er mjög svo nei-
kvæð afstaða Bandaríkjastjórn-
ar,“ segir Árni en bendir þó á að
jákvæðar fréttir berist víðsvegar
að í Bandaríkjunum. Í fyrradag
lýstu 192 borgarstjórar þar í landi
yfir stuðningi við markmið Kyoto-
bókunarinnar. Og á seinustu dög-
um hafa 24 öldungadeildarþing-
menn og 25 hagfræðingar sent
Bandaríkjaforseta áskoranir um
þátttöku í samningaviðræðunum.
Miklu máli skipti m.a. fyrir banda-
ríska hagkerfið að vera með í ferl-
inu frá byrjun.
Fréttaskýring | Fulltrúar 180 ríkja á ráð-
stefnu í Montreal um loftslagsbreytingar
Samið um
næstu skref
Meginverkefnið er að ná samstöðu um
næsta áfanga Kyoto-bókunar eftir 2012
Mótmælendur krefjast aðgerða í Montreal
62% aukning eða 62%
minni losun til 2030?

Alþjóða orkumálastofnunin
hefur reiknað það út, skv. frétt
BBC, að aukin eftirspurn eftir
orku í heiminum þýði að losun
gróðurhúsalofttegunda vegna
iðnaðar muni aukast um 62%
fram til 2030. En ef takast á að
takmarka hitaaukningu jarðar
við tvær gráður og að styrkur
koltvíoxíðs í andrúmslofti á ppm-
skala fari ekki yfir 400 þarf
þvert á móti að minnka losunina
um 62% á þessu tímabili.
Eftir Ómar Friðriksson
omfr@mbl.is
TVENNIR jólatónleikar Hvítasunnukirkjunnar
Fíladelfíu voru haldnir á þriðjudagskvöld en þeir
eru orðnir árlegur viðburður hjá mörgum. Haldnir
eru fernir tónleikar þetta árið og er uppselt á þá
alla en safnaðarheimilið tekur um 350 manns í sæti.
Að sögn Varðar Traustasonar, forstöðumanns
Fíladelfíu, hefði verið hægt að bæta við tvennum
tónleikum í viðbót, svo mikill var áhuginn. Und-
anfarin ár hefur hluti ágóðans af miðasölu jóla-
tónleikanna runnið til góðgerðarmála og nýtur
Hjálpræðisherinn góðs af þeirri stefnu í ár rétt eins
og á síðasta ári.
Á tónleikunum kemur fram gospelkór Fíladelfíu
ásamt Garðari Cortes og einleikurum úr kórnum.
Morgunblaðið/Golli
Árlegir jólatónleikar Fíladelfíu haldnir