Fréttablaðið - 28.06.2003, Qupperneq 16

Undanfarna mánuði hefur veriðunnið að því að koma á fót sjó-
mannastofu í gömlu fiskvinnslu-
húsi á Grandagarði. Um er að ræða
miðstöð fyrir erlenda sæfarendur
sem koma að landi í Reykjavík og
nágrenni.
„Sem stendur er ekkert athvarf
á Íslandi fyrir erlenda sjómenn
líkt og tíðkast víðast hvar í ná-
grannaríkjunum,“ segir Tom
Holmer, aðstoðarframkvæmda-
stjóri Velferðarsjóðs sjómanna hjá
Alþjóðaflutningaverkamannasam-
bandinu, ITF. Sjóðurinn hefur heit-
ið hátt í 90 milljóna króna styrk til
þess að koma sjómannastofunni í
Reykjavík á laggirnar. Holmer var
staddur hér á landi til að kynna
verkefnið fyrir íslenskum yfir-
völdum í von um að fá fjárhagsleg-
an stuðning til að ljúka við bygg-
ingu miðstöðvarinnar.
Hressingarskáli fyrir
sæfarendur
„Hugmyndin er að húsið verði
opið á virkum kvöldum og þangað
geti erlendir sjómenn komið til
þess að fá sér hressingu og slaka
á,“ segir Tom Holmer.
Teiknistofa Halldórs Guð-
mundssonar hefur lokið við að
hanna innra byrði sjómannastof-
unnar en Kristinn Ragnarsson
arkitekt sá um utanhússbreyting-
ar. Vinna við uppbyggingu er þeg-
ar komin vel á veg. Í húsinu verð-
ur kaffistofa, tölvuver með
nettengingu, lesherbergi, lítil lík-
amsræktarstöð og golfhermir svo
eitthvað sé nefnt.
Áætlað er að 30.000 til 40.000
erlendir sjómenn komi til Reykja-
víkur á ári hverju. Tom segir að
sjómannastofan verði að líkindum
aðallega notuð af filippeyskum,
rússneskum og úkraínskum sæ-
farendum. „Þessir menn eru oft á
níu mánaða samningum og því
lengi í burtu frá heimahögunum.
Þeir eru flestir á lágum launum,
hafa marga munna að metta
heima fyrir og hafa því einfald-
lega ekki efni á því að notfæra sér
þá þjónustu sem í boði er í
Reykjavík.“
Reiknað er með 5.000 til 10.000
gestum á ári. Sjómennirnir þurfa
að greiða fyrir þjónustuna í mið-
stöðinni en reynt verður að halda
verðinu í lágmarki. Þeim verður
gefinn kostur á því að hringja
heim til ástvina sinna auk þess
sem þeir geta komist í samband
við aðila sem gæta hagsmuna sæ-
farenda hér á landi.
Leitað eftir opinberum styrk
Það eru stéttarfélög sjómanna í
Reykjavík, þjóðkirkjan og sjó-
mannadagsráð sem standa að
byggingu sjómannastofunnar.
Fljótlega eftir að hugmyndin kom
upp bauðst þeim gamalt fisk-
vinnsluhús á Grandagarði endur-
gjaldslaust gegn því að byggingin
yrði endurreist.
Styrktarsjóður sæfarenda,
sem styður við bakið á verkefnum
í þágu sjómanna um allan heim,
hefur heitið 89 milljónum ís-
lenskra króna til uppbyggingar
sjómannastofunnar. „Upphaflega
var gert ráð fyrir að þessi styrkur
myndi duga til þess að koma mið-
stöðinni á laggirnar og greiða
hluta af rekstrarkostnaðinum
fyrsta árið,“ segir Holmer.
Þegar eigandi hússins varð
gjaldþrota og það komst í hendur
bankans breyttist staðan. „Við
urðum að hætta vinnu við endur-
bætur og til að geta hafist handa
að nýju þurfum við að kaupa þann
hluta hússins sem við ætluðum.
Til þess þurfum við fjárhagslegan
stuðning frá hinu opinbera.“ Að
sögn Holmer hafa stéttarfélög og
kirkjan þegar brugðist við og lagt
til fé. En betur má ef duga skal.
„Án styrks frá opinberum aðilum
mun þetta sennilega ekki takast.“
Vonast til að opna
innan árs
Ef allt gengur að óskum mun
sjómannastofan opna innan árs,
að sögn Holmer. Áætlaður rekstr-
arkostnaður er 20 milljónir á ári
til að byrja með. „Við vonumst til
þess að opinberir aðilar geti tekið
þátt í að greiða fyrir reksturinn
fyrsta árið en stefnt er að því að
með tímanum verði hægt að reka
miðstöðina að mestu leyti án fjár-
hagslegs stuðnings,“ segir Holm-
er. „Nú þurfum við að finna ein-
hvern aðila sem getur tekið að sér
að sjá um rekstur hússins. Við
gerum ráð fyrir einni manneskju í
fullu starfi og annarri í hálfu
starfi. Starfsmennirnir myndu
svo að líkindum heimsækja er-
lend skip í Reykjavíkurhöfn og
nágrenni og bjóða skipverjana
velkomna í sjómannastofuna.“
Gæta hagsmuna sæfarenda
Miðstöðvar af þessu tagi má
finna víðast hvar í þeim löndum
þar sem erlendir sæfarendur hafa
viðkomu. Trúfélög í hverju landi
taka yfirleitt virkan þátt í að
koma þessum miðstöðvum á fót
og jafnvel reka þær. „Á Norður-
löndunum er fjöldi sjómannastofa
og njóta þær yfirleitt fjárhags-
legs stuðnings frá ríkinu,“ segir
Holmer. „Það er hlutverk okkar
hjá Velferðarsjóðnum að standa
vörð um hagsmuni sæfarenda um
allan heim og því veitum við
heimamönnum styrki til að koma
þessum miðstöðvum á laggirnar.“
brynhildur@frettabladid.is
16 28. júní 2003 LAUGARDAGUR
Tökum að okkur alla almenna húsamálun,
sandspörtlun, húsaviðgerðir og
háþrýstiþvott.
-Bjóðum upp á föst verðtilboð
eða tímavinnu.
-Leggjum áherslu á vönduð vinnubrögð
og snyrtilega umgengni
Fáðu fagmenn í verkið og hafðu samband
símar: 8982786
Reiðnámskeið fyrir
börn og unglinga
7-14 ára í Mosfellsbæ.
Skráning stendur yfir
Frábær aðstaða til kennslu bæði
inni og úti s. 691-2388,
695-8766 og 568 0771
FYRIR OG EFTIR
Á stóru myndinni má sjá hvernig gamla fiskvinnsluhúsið við Grandagarð 8 lítur út að utan í dag en neðri myndirnar er tölvuteikningar af
innra byrði nýju sjómannastofunnar eins og hún mun líta út fullbúin.
Stefnt er að því að opna sjómannastofu í
Reykjavík á næsta ári. Þar verður í boði al-
menn þjónusta fyrir erlenda sæfarendur.
Framkvæmdir við miðstöðina hafa verið
stöðvaðar vegna fjárskorts og er nú leitað
eftir stuðningi opinberra aðila.
Athvarf fyrir
erlenda sæfarendur
JÓNAS GARÐARSSON OG TOM HOLMER
Tom Holmer er aðstoðarframkvæmdastjóri Velferðarsjóðs sjó-
manna hjá Alþjóðaflutningaverkamannasambandinu, ITF.
Jónas Garðarsson, eftirlitsfulltrúi ITF á Íslandi, er einn þeirra
sem standa á bak við stofnun sjómannastofu hér á landi.
FR
ÉT
TA
B
LA
Ð
IÐ
/B
IL
LI