Fréttablaðið - 05.09.2003, Blaðsíða 12
12 5. september 2003 FÖSTUDAGUR
■ Lögreglufréttir
Í ELDLÍNUNNI
Tony Blair, forsætisráðherra Bretlands,
mátti hafa sig allan við þegar hann svar-
aði spurningum blaða- og fréttamanna á
mánaðarlegum blaðamannafundi í
Downing-stræti 10 í gær. Væntanlega
hafa áleitnar spurningar um Íraksstríðið
og rannsóknina á dauða Davids Kellys
verið fyrirferðarmiklar.
BRUSSEL, AP Stuðningur Evrópubúa
við George W. Bush Bandaríkja-
forseta og utanríkisstefnu lands-
ins hefur snarminnkað að undan-
förnu, einkum í Þýskalandi og
Frakklandi. Skýringanna er meðal
annars að leita í innrásarstríðinu
gegn Írak og uppbyggingu í land-
inu í kjölfar þess en bæði Þýska-
land og Frakkland voru andvíg
stríðinu í vor. Samkvæmt könnun
sem birt var í gær virðist stuðn-
ingurinn hafa gufað upp í hitunum
í sumar. Tæplega 16% Þjóðverja
segjast nú styðja Bush en voru
36% á sama tíma í fyrra. Einungis
15% Frakka eru nú á bandi Bush
en voru 21% í fyrra.
Þá telja 70% Frakka, helming-
ur Ítala og Þjóðverja og 44%
Portúgala forystu Bandaríkjanna
á alþjóðavettvangi lítt eftirsókn-
arverða.
Samkvæmt könnuninni eru
Bandaríkjamenn viljugri en Evr-
ópubúar að grípa til vopna gegn
Íran og Norður-Kóreu vegna
kjarnorkuógnunar. 73% Banda-
ríkjamanna sögðu vopnavald rétt-
lætanlegt vegna þessa en aðeins
44% Evrópubúa. ■
Lúalegt að nauðga
bændum til eignar
LANDBÚNAÐUR „Mér þykir frekar
lúalegt að nauðga bændum til þess
að eignast hlut í fyrirtæki sem
þeir kæra sig ekkert um,“ segir
Kári Þorgrímsson, bóndi í Garði 2
í Mývatnssveit, um það tilboð sem
bændum hefur borist frá Norð-
lenska um að þeir leggi fjögur pró-
sent af afurðaverði
inn í nýtt félag sem
stofnað verði um
rekstur Norð-
lenska. Þetta kem-
ur til viðbótar 6 til 8
prósenta verðlækk-
un sem verður í
haust. Bændum á
svæði félagsins hefur verið sent
þetta tilboð en 4 prósentin eru
raunar samsvarandi því sem
myndi kosta þá að flytja sláturfé
til annarra sláturleyfishafa, svo
sem í Skagafirði.
„Það hefði verið miklu heiðar-
lega hjá Norðlenska að lækka verð
til bænda um fjögur prósent frem-
ur en að þröngva bændum til eign-
araðildar að félaginu. Þetta er allt
í lagi fyrir þá sem vilja en verra
með hina. Formaður Landssam-
bands sláturleyfishafa hefur talað
mikið um að úrelda þurfi slátur-
hús. Ef miðað er við afkomutölur
sem birtust í Bændablaðinu má
ljóst vera hvaða hús það ætti að
vera. Norðlenska,“ segir Kári.
Norðlenska hefur glímt við
gríðarlega rekstrarerfiðleika und-
anfarin ár. Félagið hefur tapað
rúmlega hálfum milljarði á undan-
förnum tveimur árum. Kári segir
að reynsla bænda af fjárfesting-
um í afurðastöðvum í landbúnaði
sé dapurleg.
„Ég hef almennt ekki verið
hrifinn af hugmyndafræðinni um
eignarhald bænda að afurðastöðv-
um og var ekki með í því þegar
farin var sú leið með Norður-
mjólk. Ég hef hvorki áhuga né vit
á þessum málum,“ segir Kári.
Ari Teitsson, formaður Bænda-
samtakanna, hefur lýst því að
hundruð sauðfjárbúa gætu orðið
gjaldþrota ef ekki verði dregið úr
framleiðslu. Ari kennir þar um
samkeppni við hvíta kjötið. Kári
segir þetta mikla einföldun og að
vandi sauðfjárbænda sé ekki fólg-
inn í samkeppninni við hvíta kjöt-
ið heldur verði menn að líta heild-
stætt á greinina til að finna lausn-
ir.
„Þetta er varasöm umræða
fyrir sauðfjárbændur. Ég sé ekki
allan mun á því hvort bankinn
styður svínabóndann eða ríkið
sauðfjárbóndann. Ég held að
sauðfjárbændur ættu að taka það
til umfjöllunar hvort þeir séu að
sinna réttum hlutum. Fagleg og
fræðileg umræða og starfsemi í
sauðfjárrækt snýst aðallega um
að þukla hrúta. Lagt er upp með
sauðfjárræktina sem kynbóta-
starf og allur slagkraftur grein-
arinnar liggur þar. Svínabændur
og hænsnabændur flytja einfald-
lega inn dýr frá útlöndum. Ef
hægt er að flytja inn korn og
framleiða svínakjöt sem bolar í
burtu kindakjötinu hljóta menn
að spyrja sig hvað það er sem
svínabændur eru að gera rétt en
sauðfjárbændur rangt,“ segir
Kári.
rt@frettabladid.is
Gripaflutningabílinn:
Ekkert form-
legt svar
LANDBÚNAÐUR Landbúnaðarráðu-
neytið hefur ekki svarað ósk um
innflutningsleyfi vegna notaða
gripaflutningabílsins í Sundahöfn.
Guðni Ágústsson landbúnaðarráð-
herra hefur þó sagt í fjölmiðlum
að senda eigi bílinn úr landi.
Rafn Guðjónssyni hjá Bílasöl-
unni Hrauni sagði í Fréttablaðinu
á mánudag að hann teldi íslensk
stjórnvöld ekki geta sent gripa-
flutningabílinn úr landi því bílinn
hefði vottorð um sótthreinsun frá
þýskum dýralækni og Ísland væri
innan Evrópska efnahagssvæðis-
ins. Rafn vill ekkert frekar láta
hafa eftir sér um málið að sinni. ■
■
„Fagleg og
fræðileg um-
ræða og starf-
semi í sauðfjár-
rækt snýst að-
allega um að
þukla hrúta.“
OSLÓ, AP Ingeborg Midttömme, 41
árs prestur frá Osló, var kjörin
formaður norska prestafélagsins í
gær. Þetta er í fyrsta sinn í 103
ára sögu félagsins sem kona er
kjörin til formennsku. Að þessu
sinni buðu tvær konur sig fram í
embættið.
Midttömme hlaut 116 atkvæði
en keppinautur hennar Brita
Hardeberg hlaut 82 atkvæði.
Líkt og víða annars staðar er
norska kirkjan íhaldssöm. Aðeins
eru 40 ár síðan fyrsta konan var
vígð til embættis í Noregi en þá
var Ingrid Bjerkeås vígð til emb-
ættis. Tveir af ellefu biskupum
lútersku kirkjunnar í Noregi eru
konur. Rosmarie Kohn hlaut bisk-
upsvígslu fyrir tíu árum en Laila
Riksåsen Dahl var skipuð fyrr á
þessu ári. ■
Brotthvarf 14 ára stúlku:
Kærður fyrir
mannrán
LONDON, AP Yfirvöld í Bretlandi
hafa birt David John Milner ákæru
fyrir aðild að brotthvarfi Stacey
Marie Champ, 14 ára stúlku, í lið-
inni viku. Stacey og Milner hurfu á
braut en fundust eftir fjóra daga.
Lögregla sagði þá að ekkert benti
til þess að stúlkunni hefði verið
haldið gegn vilja hennar. Engu að
síður hefur Milner verið ákærður
fyrir mannrán. Milner situr nú í
gæsluvarðhaldi en hann kemur
fyrir dómara í dag. ■
KJARTAN HAUKSSON
Heldur enn kyrru fyrir í höfninni á
Bolungarvík
Veður heftir för Kjartans:
Vel út-
hvíldur
RÓÐUR Kjartan Hauksson, sem
ætlar sér að róa hringinn í kring-
um landið á bát sínum, Rödd
hjartans, er enn veðurtepptur á
Bolungarvík en þangað kom hann
á laugardaginn var.
Einn erfiðasti hluti leiðarinnar,
fyrir Hornstrandir, er fram undan
en Kjartan þarf góðan meðbyr til
að komast fyrir hann. Síðustu
daga hafa vindáttir verið í mót og
hafstraumar erfiðir og því bíður
Kjartan enn tækifæris. Hann á þó
von á að komast af stað í dag eða á
morgun í síðasta lagi.
Kjartan hefur notað tímann til
að dytta að farkosti sínum og hef-
ur hvílst vel. ■
ÞVERRANDI VINSÆLDIR
Evrópubúar hafa lítið álit á George Bush
Bandaríkjaforseta og telja forystu Banda-
ríkjanna á alþjóðavettvangi lítt eftirsókn-
arverða.
Stuðningur Evrópubúa við Bandaríkin:
Forysta Bush ekki
eftirsóknarverð
Formannskosningar í norska prestafélaginu:
Kona kjörin for-
maður í fyrsta sinn
INGEBORG MIDTTÖMME
Norska prestafélagið hefur í fyrsta sinn í
103 ára sögu félagsins, kosið konu til for-
mennsku. Aðeins eru 40 ár síðan fyrsta
konan hlaut prestvígslu í Noregi.
Kári Þorgrímsson í Garði segir að heiðarlegra hefði verið af Norðlenska að lækka verð til bænda
um 4%. Vill að sauðfjárbændur líti í eigin barm til að meta hvað megi betur fara í sauðfjárræktinni.
KINDUR Á BEIT
Kári Þorgrímsson er ekki hrifinn af því þegar bændur eru dregnir inn í það að vera eigendur að afurðastöðvum.
FR
ÉT
TA
B
LA
Ð
IÐ
/R
Ó
B
ER
T
FÉKK FLUGU Í AUGAÐ Veiðimaður
fékk flugu í augað þegar hann
var við veiðar í Langá í gær-
morgun. Félagar hans fluttu hann
á Heilsugæslustöðina í Borgar-
nesi til skoðunar. Hann reyndist
ekki vera alvarlega slasaður á
auganu.
STÚTUR UNDIR STÝRI Ölvaður
ökumaður var stöðvaður af lög-
reglunni á Húsavík í fyrrakvöld.
Lögreglan var við venjubundið
eftirlit og þótti ökulag mannsins
athugavert.
Atvinnuleysi 4,3%
í Noregi:
Ekki mælst
meira í 7 ár
OSLÓ, AP Atvinnuleysi í Noregi
mælist nú 4,3%, jókst um 0,2%
frá júlímánuði. Fyrir ári mældist
atvinnuleysið 3,5% og hefur því
aukist um fjórðung. Atvinnuleys-
ið í ágúst er hið mesta sem mælst
hefur í Noregi í sjö ár að sögn
vinnumálaskrifstofu Noregs.
Meginskýring vaxandi atvinnu-
leysis er samdráttur í tækni-
greinum. Tæplega 102.000 Norð-
menn eru án atvinnu, fjölgaði um
tæplega 4.000 manns frá júlí, og
er þetta í fyrsta sinn frá árinu
1996 sem tala atvinnulausra fer
yfir 100.000. Vonir eru bundnar
við að heldur dragi úr atvinnu-
leysi í september. ■