Fréttablaðið - 05.09.2003, Blaðsíða 36
37FÖSTUDAGUR 5. september 2003
Fredi Bobic:
Verðum að
nýta færin
betur
FÓTBOLTI Fá mörk í undanförnum
landsleikjum eru Þjóðverjum
áhyggjuefni. Fredi Bobic, miðherji
þýska landsliðsins, segir í viðtali
við vefsíðu fóboltatímaritsins
Kicker að Þjóðverjar verði að nýta
marktækifæri sín betur. Fram-
herjarnir Fredi Bobic og Miroslav
Klose hafa aðeins einu sinni skorað
í sama landsleiknum, á lokamínút-
unum gegn Færeyingum fyrr í
sumar. Bobic segir að þeir nái engu
að síður vel saman og vilji spila oft-
ar saman með landsliðinu. ■
FÓTBOLTI „Allir verða að leggja
meira af mörkum og þá getum
við aftur leikið góðan fótbolta,“
sagði Michael Ballack, miðvall-
arleikmaður Þýskalands, við
netútgáfu Rheinische Post um
leikinn gegn Íslandi á morgun.
„Allir vita að þeir þurfa að bæta
sig. Við erum úrslitalið frá síð-
ustu heimsmeistarakeppni og ég
held að þess vegna sé krafan ein-
faldlega sú að sigra í báðum
leikjunum.“
Ballack mótmælir fullyrð-
ingu Franz Beckenbauers um að
þýska liðið snúist um Ballack og
Oliver Kahn, öðrum megi skipta
út. „Þetta byggir ekki bara á Olli
og mér,“ svaraði Ballack og lagði
áherslu á að ekki mætti vanmeta
Íslendinga. „Það er ekki að
ástæðulausu að þeir eru efstir í
okkar riðli. Þeir eiga góða leik-
menn sem leika til dæmis á
Englandi.
Þetta snýst um að ná í þrjú
stig, þrjú stig vegna Evrópu-
meistarakeppninnar. Þess vegna
skipta stigin mestu máli,“ sagði
Ballack.
Jens Jeremies, samherji Ball-
acks hjá Bayern München, talar á
svipuðum nótum og boðar var-
færni í leik Þjóðverja. „Sá sem
gerir fæstar skyssur vinnur oftast.
Fótboltinn er það einfaldur.“ ■
BALLACK Í BAKGRUNNI
Michael Ballack segir að leikur þýska liðsins snúist um meira en sig og Oliver Kahn.
Christian Wörns og Oliver Neuville eru í baráttunni um boltann, Michael Ballack er til
vinstri á myndinni og Arne Friedrich til hægri.
Þýska landsliðið:
Krafan að sigra Ísland
ÞÓRÐUR GUÐJÓNSSON
Leikur með Bochum í Þýskalandi ásamt
yngri bróður sínum Bjarna.
Þórður Guðjónsson um
landsleikinn:
Þjóðverjar
vilja öruggan
sigur
FÓTBOLTI „Sigur yrði framar okkar
björtustu vonum en við ætlum að
leggja okkur alla fram í leikinn og
vonumst til að ná jafntefli,“ segir
landsliðsmaðurinn Þórður Guð-
jónsson sem leikur með Bochum í
Þýskalandi. Þórður segir að þótt
þýsku leikmennirnir séu ekki
mjög þekktir hér á landi séu þeir
hágæða knattspyrnumenn.
„Hópurinn hjá okkur er í góðu
formi og menn eru tilbúnir að
taka slaginn og það verður gaman
að leika á fullum velli,“ segir
Þórður. „Það er vonandi að við
náum hagstæðum úrslitum þann-
ig að það verði eftirminnilegt fyr-
ir liðið og íslensku þjóðina.“
Að sögn Þórðar hefur mikið
verið fjallað um leikinn í þýskum
fjölmiðlum og fólki þar finnist
undarlegt að landsliðið sé í öðru
sæti riðilsins á eftir litla Íslandi.
„Þýska þjóðin vill ekki bara sigur
heldur fer fram á öruggan sigur,“
segir Þórður Guðjónsson. ■
Tryggvi Guðmundsson:
Ætlar að
ná seinni
leiknum
FÓTBOLTI Tryggvi Guðmundsson,
leikmaður Stabæk í Noregi, er
byrjaður að æfa að nýju eftir
meiðslin sem hann varð fyrir í
júní. Hann reiknar með að spila að
nýju eftir tvær vikur en þá leikur
Stabæk á heimavelli gegn
Tromsø.
Tryggvi reiknar með að leika
síðustu sex leiki Stabæk í norsku
deildinni og ætlar einnig að ná
seinni leik Íslendinga og Þjóð-
verja í byrjun október.
Samningur Tryggva við Sta-
bæk rennur út eftir tímabilið og
segir hann að framhaldið velti á
því hvernig honum vegnar í leikj-
um haustsins. ■