Fréttablaðið - 03.10.2003, Blaðsíða 2

2 3. október 2003 FÖSTUDAGUR
„Hef ekki hugmynd um það.“
Forsætisráðherra þótti miður að stefnuræða sín
skyldi leka til Stöðvar 2 áður en hún var flutt. Karl
Garðarson er fréttastjóri Stöðvar 2.
Spurningdagsins
Karl, hver lak ræðunni?
Reglur til skoðunar
eftir stórviðskipti
Stórviðskipti með félög í Kauphöllinni vekja margar spurningar að
mati Greiningardeildar Kaupþings Búnaðarbanka. Kauphöllin segir
að skoða þurfi reglur um fjárhagsleg tengsl og yfirtökuverð félaga.
VIÐSKIPTI Greiningardeild Kaup-
þings Búnaðarbanka telur að eft-
irlitsaðilar kauphallarviðskipta
verði að gera sig sýnilegri til að
fullvissa fjárfesta um að þeir
njóti raunverulegrar verndar.
Þetta kemur fram í mánaðarriti
G r e i n i n g a r -
d e i l d a r i n n a r,
Þróun og horfur.
Í síðasta mán-
uði urðu á einni
nóttu viðskipti
með félög sem
vega 41,2% af
m a r k a ð s v i r ð i
fyrirtækja í Úr-
v a l s v í s i t ö l u
Kauphallar Ís-
lands.
Greiningar-
deildin telur
ekki að þessi
átök hafi verið
neikvæð fyrir smærri hluthafa,
þvert á móti. Né heldur hafi hér
verið um að ræða yfirtökutilboð á
lágu verði eins og tilfellið hafi
verið með sum félög í Kauphöll-
inni. Engu að síður hafi viðskiptin
reynt á regluramma markaðarins
og fjölmargar spurningar vakni
við slíkt. „Forráðamenn banka og
nokkurra stærstu fyrirtækja
landsins voru fram á nótt að
skipta upp völdum í nokkrum af
stærstu fyrirtækjum landsins og
höfðu gárungarnir á orði að það
væri kominn háttatími fyrir al-
menna hlutahafa!“ segir í riti
Greiningardeildarinnar. Þá er
vakin athygli á því að flækjustig
þessara stórviðskipta hafi verið
svo mikið að gera hafi þurft sex
leiðréttingar á upphaflegu frétt-
inni af viðskiptunum.
Greiningardeild Kaupþings
segir það vekja athygli að ekki
myndaðist yfirtökuskylda í þeim
félögum sem höndlað var með í
þessum viðskiptum öðrum en
Sjóvá-Almennum. Bent er á að
reglur um yfirtöku séu rýrar hér
á landi miðað við annars staðar
og skilgreining á tengdum aðil-
um eða hópi sé þröngt skilgreint
hér á landi. Þá vakni spurningar
um hvort hægt sé að sníða samn-
inga beinlínis þannig að hægt sé
að komast hjá anda laganna um
yfirtökuskyldu og vernd minni-
hluta.
Magnús Harðarson hjá Kaup-
höll Íslands segir að þau við-
skipti sem urðu í september séu
flókin. „Það er enginn ágreining-
ur um það að það þarf að fara
ofan í það mál hvenær aðilar
teljast fjárhagslega tengdir. Það
kemur einnig til álita að endur-
skoða reglur um yfirtökuverð.“
Hann bætir því við að svona stór
viðskipti kalli á það að farið sé
ofan í saumana á reglum og
spurningum sem vakni í kjölfar
þeirra.
haflidi@frettabladid.is
Miðstjórn ASÍ á ferð um Kárahnjúka:
Aðbúnaður hinn dapurlegasti
ATVINNUMÁL „Erindi okkar hingað á
Kárahnjúkasvæðið var fyrst og
fremst það að hitta okkar félags-
menn augliti til auglitis,“ sagði
Grétar Þorsteinsson, forseti Al-
þýðusambands Íslands, en hópur
úr miðstjórn sambandsins hélt
þangað í gær.
„Það stakk margt í augu hér á
vinnusvæðinu og sérstaklega al-
varlegt hversu slæm heilsugæsla
er hér á svæðinu. Allur aðbúnaður
starfsmanna er einnig dapurlegur
og undarlegt að hann sé ekki kom-
inn í betra horf en raunin er eftir
allan þennan tíma.“
Grétar sagði að þeir starfsmenn
sem þeir hafi hitt hafi lýst yfir
ánægju með þann árangur sem
náðst hefur gagnvart Impregilo.
„Sérstaklega voru Portúgalarnir
mjög sáttir við að fá tryggingu fyr-
ir því að laun þeirra verði eftir
virkjunarsamningnum. Um það
hefur styrinn staðið og það eru
vissulega þáttaskil í okkar við-
skiptum við Impregilo að ná þessu
fram.“
Gísli Arnbjörnsson, fram-
kvæmdastjóri ASÍ, sagði að sér
kæmi á óvart sú linkind sem eftir-
litsstofnanir hefðu sýnt Impregilo.
„Þeir hafa fengið fresti og áminn-
ingar mánuðum saman og niður-
staðan er sú að þarna er margt enn-
þá fyrir neðan allar hellur og langt
fyrir neðan það sem við eigum að
venjast hér á Íslandi.“ ■
Herferð gegn al-Qaeda:
Tólf menn
felldir
PAKISTAN, AP Að minnsta kosti tólf
meintir vígamenn féllu í átökum
við pakistanska herinn í afskekktu
héraði á landamærum Pakistans og
Afganistans.
Einn hermað-
ur lést og
tveir særðust.
H e r i n n
hefur hafið
umfangsmikl-
ar aðgerðir
gegn liðs-
m ö n n u m
hryðjuverka-
samtakanna
al-Qaeda og
öðrum víga-
mönnum sem
hafast við á
landamærunum. Átján menn hafa
verið handteknir en að sögn tals-
manns hersins eru flestir þeirra út-
lendingar.
Talið er að Osama bin Laden og
aðstoðarmaður hans, Ayman al-
Zawahri, hafist við á svæðinu. Þar
eru einnig bækistöðvar talíbana
sem stunda skæruhernað í
Afganistan. ■
Reykjavík:
Morgunfúlir
ökumenn
SLAGSMÁL Lögreglan þurfti að skilja
á milli manna sem slógust í Ármúl-
anum um klukkan hálf níu í gær-
morgunn. Leigubílstjóri neitaði að
færa bíl sinn svo annar bílstjóri
kæmist leiðar sinnar. Hann benti
manninum á að taka ökuprófið á
nýjan leik til að vera fær um að
komast úr slíkum aðstæðum. Bíl-
stjórinn reiddist við þessi ummæli
og hrækti á leigubílinn sem var til
þess að slagsmálin hófust. Menn-
irnir héldu sína leið eftir að lög-
reglan hafði skilið þá að. ■
Birta komin í vetrarbúning:
Stærri og
efnismeiri
ÚTGÁFA Birta fylgir Fréttablaðinu í
dag eins og alla föstudaga. Birta
hefur nú stækkað og þroskast,
brotið er örlítið stærra og síðurn-
ar fleiri og blaðið þar af leiðandi
efnismeira en áður. Hluti af
þroskanum er einnig að útlit
blaðsins hefur tekið breytingum
og er nú líflegra en áður.
Meðal efnis í Birtu í dag er við-
tal við Álfrúnu Örnólfsdóttur,
unga leikkonu sem leikur Dís í
samnefndri kvikmynd sem tökur
eru nýhafnar á, og viðtal við Eddu
Lúvísu Blöndal karatemeistara,
sem leyfði fagmönnum á vegum
sænska sjónvarpsins að bylta
stofunni sinni og sýna breyting-
arnar í sænska sjónvarpinu. Fjall-
að er um hina fjörutíu ára gleði-
sveit Hljóma og væntanlega
Danadrottningu. Persónuleika-
prófið er á sínum stað og stjörnu-
spáin sömuleiðis, sjónvarpsdag-
skrá vikunnar, yfirlit yfir helstu
viðburði komandi viku sem og
aðrir fastir þættir. ■
Óvenju dræm síldveiði fyrir austan:
Versta byrjun í árafjöld
SÍLDVEIÐAR „Auðvitað eru menn
orðnir uggandi um sinn hag,“
sagði Sigurður Ægir Birgisson,
skipstjóri á síldveiðibátnum
Steinunni sem gerir út frá Horna-
firði. Lítið sem ekkert hefur orðið
vart við síld enn sem komið er og
er talað um eina verstu byrjun á
síldveiðum í langan tíma.
„Við höfum farið marga erind-
isleysuna undanfarna daga. Það
er alls engin síld komin inn á
grunnslóðina. Við erum búnir að
kemba svæðin frá Stokksnesi
norður í Héraðsflóa og það litla
sem þar er er svo dreift að það
borgar sig ekki að elta það.“
Sigurður sagði að þetta væri
versta byrjun í árafjöld. „Við ætl-
um okkur í frí fram í næstu viku
og reyna þá aftur. Sjórinn er dauð-
ur af síld og það ástand breytist
ekki yfir eina nótt. Það er mikill
hiti í sjónum og þessi litla veiði
sem við höfum fengið kom í kjöl-
farið á norðanbrælu þannig að lík-
legt þykir að sjórinn sé enn of
heitur fyrir síldina.“ ■
ÁREKSTUR Á HÖFN Árekstur
tveggja bíla varð á gatnamótum
Víkurbrautar og Kirkjubrautar
á Höfn í hádeginu í gær. Enginn
slasaðist en bílarnir skemmdust
töluvert.
FANGAR
Pakistanskir hermenn
handtóku tíu meinta
liðsmenn al-Qaeda.
STÓRVIÐSKIPTI TILKYNNT
Landsbankinn kynnti niðurstöðu næturlangra samninga um viðskipti með stóran hluta fé-
laga í Kauphöll Íslands. Viðskiptin kalla á að eftirlitsaðilar geri sig sýnilegri að mati Kaup-
þings Búnaðarbanka.
„Það er
enginn
ágreiningur
um það að
það þarf að
fara ofan í
það mál
hvenær aðilar
teljast fjár-
hagslega
tengdir.
■ Lögreglufréttir
GRÉTAR ÞORSTEINSSON
Margt sem betur má fara á vinnusvæði
Kárahnjúka.
SÍLDARLÖNDUN
Síldveiðin fyrir austan land hefur sjaldan farið jafn illa af stað og nú.
Fíkniefnamál:
Játa smygl
LÖGREGLA Fimm karlmenn hafa
játað að hafa smyglað tveimur
kílóum af amfetamíni og einu
kílói af hassi með skipi Sam-
skipa í byrjun síðasta mánaðar.
Ríkisútvarpið greindi frá þessu í
gærkvöldi.
Allir mennirnir voru úrskurð-
aðir í gæsluvarðhald vegna
málsins, en þeim hefur nú verið
sleppt. Samkvæmt Ríkisútvarp-
inu hafði lögreglan unnið að mál-
inu um hríð. Upp komst um
smyglið þegar einn mannanna
var handtekinn með eitt kíló af
amfetamíni og eitt kíló af hassi á
starfssvæði skipafélagsins í
Reykjavík. Í kjölfarið fannst eitt
kíló af amfetamíni í skipi Sam-
skipa. ■