Fréttablaðið - 03.10.2003, Page 21

21FÖSTUDAGUR 3. október 2003
Á miðvikudag var birt grein ápólitík.is eftir Guðjón E. Guð-
jónsson en þar lofar hann það hlut-
verk sem Ungir jafnaðarmenn
sinna. Guðjón tekur fram að það
eigi ekki að vera hlutverk okkar að
fetta fingur í starf þeirra sem hafa
sinnt starfi á félagsmiðstöðvum á
óeigingjarnan máta. Þá ætti frekar
að ráðast í breytingar í þessum efn-
um á framkvæmdastiginu úti í
sveitarfélögunum.
Ég skil ekki þessa röksemda-
færslu þar sem það er okkar ótví-
ræða hlutverk að gæta hagsmuna
samfélagsins á breiðum grund-
velli, því um það snúast stjórnmál.
Við erum ekki að gagnrýna starfs-
fólk félagsmiðstöðva sem innt hef-
ur ómetanlegt starf af hendi síð-
ustu áratugi. Ef Guðjón hefði fyl-
gst með málefnastarfi UJ síðsum-
ars misskildi hann ef til vill ekki
þann tilgang sem vakir fyrir okk-
ur með ályktanatillögum sem
verða lagðar fram á landsþinginu
nú um helgina. Tilgangur okkar er
ekki að taka fram fyrir hendurnar
á starfsfólki félagsmiðstöðva,
heldur þvert á móti að tryggja að
starfsemi félagsmiðstöðva eflist
auk þess sem stofnað yrði til sam-
bærilegs vettvangs sem myndi
sinna þörfum næsta aldurshóps.
Þar er þörfin brýn.
Hin týnda kynslóð
Aldurshópurinn 16-25 ára hefur
ekki verið ofarlega í hugum
stjórnvalda síðustu áratugi. T.d.
hefur ekki verið ráðist í breyting-
ar á þeim lögum sem snerta æsku-
lýðsstarf síðustu 30 ár, þrátt fyrir
þær miklu breytingar sem orðið
hafa í þjóðfélaginu, s.s. breytt við-
horf til áfengisneyslu, tilkomu
fíkniefnavandans, nýrra neyslu-
hátta ungmenna o.s.frv. Við erum
pólitísk samtök, það er rétt, en
hvers virði eru þau ef ekki má
sýna metnað í einstökum málefn-
um? Ef við sýnum ekki áhuga á
málum aldurshópsins 16-25, hver
gerir það þá? Að halda því fram að
það sé ekki samboðið virðingu
ungliðahreyfingar stjórnmála-
flokks að reyna að hafa áhrif til
hins betra í einstökum málefnum
er óskiljanleg þröngsýni.
Hagur samtakanna
Þegar rætt er um hugsjónir
getur verið að bæði formannsefn-
in séu barmafull af hugsjónum.
Ég tel mikilvægt að við einbeitum
okkur að málefnum sem eru inn-
an seilingar, því með öflugri og
góðri málefnavinnu fáum við
nýja félagsmenn á okkar band. Ég
hef tekið afstöðu með Margréti
Gauju Magnúsdóttur vegna þess
að hún hefur komið fram með
áherslur sem eru byggðar á innri
þekkingu í þeim málaflokkum
sem verða lögð til grundvallar á
landsþinginu sem hefst í dag og
ég ætlast til að við sem heilsteypt
pólitísk samtök stingum þeim
ekki undir stól eftir þingið. Þess
vegna er þeim mun mikilvægara
að við veljum okkur formann sem
hefur þekkingu á málum sem við
viljum leggja áherslu á, ekki bara
mann sem er með stóra drauma
um glæstan frama. Við berum öll
hag samtakanna ofar í brjósti. ■
Endurkoma
flokkanna
Andrés Jónsson, formaður Ungra jafnaðar-
manna í Reykjavík, skrifar:
Ég er pólitískur. Um tíma varþetta ekki staðhæfing sem
fékk fólk til að sperra eyrun.
Pólitískt starf átti í nokkurri
kreppu á fyrri hluta síðasta ára-
tugar. Fáir sóttu fundina og fé-
lagsmönnum fækkaði sem voru
virkir í starfi sinna flokka. Þetta
hefur þó sem betur fer verið að
breytast.
Í dag þykir ekki lengur fínt
að vera illa upplýstur um þjóð-
málin. Líklega hefur tilkoma
Netsins haft mikið um þetta að
segja þar sem upplýsingaöflun
hefur orðið auðveldari og yngri
kynslóðir í fyrsta sinn haft for-
skot á þær eldri í öflun þekking-
ar.
Merking hugtaksins „Pólitík“
hefur líka verið að víkka á ný.
Það er ekki lengur samnefnari
þurra hagtalna eða flókinna
lagasetninga. Það er aftur komið
á varir venjulegs fólks sem veit
að valdið liggur hjá hinum al-
menna kjósanda.
Fleiri og fleiri eru að átta sig
á því að þröskuldurinn til að
hafa áhrif er ekki eins hár og
sumir halda. Auðvelt er að koma
málum sínum á framfæri í
þessu fjölmiðlasamfélagi.
Ekki þarf að klífa háa múra
til að hafa áhrif innan flokk-
anna. Þetta er gott. Pólitík er
allt í kringum okkur. Hvaða
áhrif viljum við hafa og hvaða
væntingar höfum við til samfé-
lagsins?
Íslendingar allir búa yfir
brennandi hugsjónum og mikl-
um skoðunum. Þeir hafa skýra
framtíðarsýn og gríðarlegan
áhuga á félagsstörfum.
Þessa krafta, atorku og fjölda
hugmynda þurfum við að virkja
aftur inn í flokkana. Við þurfum
að gera flokkana aftur að
fjöldahreyfingum. Fá hinn al-
menna borgara til að ganga til
liðs við okkur og til að starfa
inni í flokknum. Koma með fjöl-
skyldu sína. Fleiri hugmyndir
geta aðeins fætt af sér fleiri
lausnir.
Lýðræði í flokkakerfi eins og
okkar er ekki að fullu virkt
nema kjósendur starfi einnig
innan flokkanna. Hafi áhrif á
stefnuna, uppröðun á lista og
tryggi heilbrigða endurnýjun úr
stórum hópi hæfra einstaklinga.
Ég trúi því að tími flokkanna sé
runninn upp á ný og því að það
séu spennandi tímar fram undan
í stjórnmálastarfinu.
Ég hef haft mikla ánægju af
því að þjóna Samfylkingunni og
ungliðum hennar sem formaður
Ungra jafnaðarmanna í Reykja-
vík.
Ég er bjartsýnn á að sá kraft-
ur sem er í stuðningsmönnum
Samfylkingarinnar muni skila
okkur til áhrifa í íslensku sam-
félagi þegar fram líða stundir.
Ég óska eftir stuðningi til að
leiða starf ungliðahreyfingar-
innar allrar og vona að sem
flestir eigi kost á að styðja mig í
kosningunum í dag. ■
■ Bréf til blaðsins
Andsvar
JÓHANN HJALTI
ÞORSTEINSSON
■ frambjóðandi í
framkvæmdastjórn
Ungra jafnaðarmanna
skrifar um æskulýðs-
starf í landinu.
Félagsmiðstöðvar – mikilvægur vettvangur