Fréttablaðið - 03.10.2003, Blaðsíða 4

4 3. október 2003 FÖSTUDAGUR
Hvað finnst þér um fjárlögin, sem
kynnt voru á Alþingi?
Spurning dagsins í dag:
Eiga Íslendingar að auka framlög sín
til þróunarhjálpar?
Niðurstöður gærdagsins
á www.frett.is
60%
40%
Óánægð(ur) með þau
Ánægð(ur) með þau
Kjörkassinn
Farðu inn á frett.is og segðu þína skoðun
frétt.is
■ Lögreglufréttir
Ríkið afnemur framlög:
Ekkert mótframlag í lífeyrissparnað
FJÁRLÖG Ríkið ætlar að hætta að
leggja með launþegum sem leggja
hluta launa sinna í aukalífeyris-
sparnað samkvæmt fjárlagafrum-
varpinu. Framlag ríkisins er á
þessu ári 0,2% af heildarlaunum
þess sem leggur aukalega 2% í
sparnað og 0,4% af heildarlaunum
þess sem leggur aukalega 4% af
launum sínum. Fyrir hvern laun-
þega sem leggur 4% af launum í
séreignarlífeyri og er með 200 þús-
und krónur í mánaðarlaun skerðast
framlögin um 9.600 krónur. Rök-
stuðningur fjármálaráðuneytisins
er að tilgangur framlagsins hafi
verið að hvetja til slíks sparnaðar.
Nú sé séreignarlífeyririnn orðinn
það útbreiddur að ekki sé þörf fyr-
ir að stuðla að honum með sértæk-
um hætti.
„Ríkið hefur lagt til 10% af
eiginframlagi launþegans í þess-
um sparnaði,“ segir Þór Egilsson,
deildarstjóri séreignardeildar
Lífeyrissjóðs verslunarmanna.
Hann segir að í einhverjum til-
vikum fái menn einungis mót-
framlag frá ríkinu. „Langflestir
fá þó einnig mótframlag frá at-
vinnurekendum.“ ■
Ósammála um
skattatillögur
ASÍ á móti hækkun skattleysismarka að raungildi og skerðingu atvinnu-
leysisbóta. SA vildi skattalækkanir fyrr og fella niður hátekjuskatt.
FJÁRLÖG Samtök atvinnulífsins og
Alþýðusamband Íslands eru sam-
mála um að í fjárlögunum sé margt
jákvætt. Hins vegar eru félögin
ósammála um
önnur atriði.
Ólafur Darri
Andrason, hag-
fræðingur ASÍ,
og Hannes G.
Sigurðsson, að-
s t o ð a r f r a m -
kvæmdast jór i
SA, fagna því
báðir að ríkis-
stjórnin ætli að gæta aðhalds í rík-
isfjármálunum og að í fyrsta sinn
sé gerð alvöru langtímaáætlun í
ríkisfjármálunum.
Ólafur Darri segir miður að ekki
sé tekið á kerfislægum vanda sem
felist í þeirri tilhneigingu að út-
gjöldin vaxi frá
fjárlagafrumvarpi
til fjárlaganna sjál-
fra og svo til ríkis-
reikningsins. „Mér
finnst ekki nóg gert
til að takast á við
þetta,“ segir hann.
Hannes segir að
Samtök atvinnulífs-
ins hafi ekki óttast
þenslu vegna
s k a t t a l æ k k a n a .
„Það er þvert á
móti,“ segir hann.
„Með því að tengja
lækkanirnar við
kjarasamningana
gætum við bæði
náð skynsamlegum
kjarasamningum og hvatt til að-
halds í ríkisrekstri þar sem þrýst-
ingur væri á ríkið að bregðast við
með því að skera niður á móti þeim
tekjum sem töpuðust vegna skatta-
lækkana.“
Eitt atriði slær Ólaf Darra, en
það er að gert er ráð fyrir því að
persónuafsláttur hækki um 2,5% á
árinu, sem er í samræmi við verð-
lagshækkanir, en afslátturinn hef-
ur áður miðast við almennar launa-
hækkanir. „Ef þetta gengur eftir,“
segir hann, „sjáum við fram á
aukna skattbyrði á lægstu tekjur
þannig að skattleysismörk hækka
að raungildi. Það líst mér ekki á“.
Honum þykir óeðlilegt að á sama
tíma sé hátekjuskattur lækkaður í
skrefum.
Hannes er ekki sammála Ólafi
Darra um hátekjuskattinn. Hann
hefði viljað sjá skattinn falla niður
þar sem mun fleiri en auðugir
menn hafi verið að borga hann og
jaðaráhrifin hafi verið mikil.
Ólafur Darri minnist einnig á
skerðingu atvinnuleysisbóta með
því að ekki séu greiddar bætur
vegna fyrstu þriggja daganna sem
menn eru atvinnulausir og það sé
skerðing á kjörum atvinnulausra,
sem séu bág fyrir.
Báðir nefna þeir Hannes og
Ólafur Darri niðurfellingu á mót-
framlagi ríkisins vegna viðbótar-
lífeyrissparnaðar. Ólafur Darri
segir að hér sé á ferðinni bein
kjaraskerðing til launafólks en
Hannes telur mikilvægt að þessi
niðurfelling komi ekki út sem
hækkun á tryggingagjaldi. „Við
sættum okkur ekki við hærri fyrir-
tækjaskatta gegnum bakdyrnar,“
segir hann.
kgb@frettabladid.is
Ísraelsk stjórnvöld:
Stækka land-
nemabyggðir
ÍSRAEL Ísraelsk stjórnvöld áforma
að reisa 550 nýbyggingar í land-
nemabyggðum gyðinga á Vestur-
bakkanum. Ákvörðunin hefur vak-
ið hörð viðbrögð meðal Palestínu-
manna sem segja að hún brjóti í
bága við vegvísinn
til friðar.
Um það bil
220.000 Ísraelar
búa á Vesturbakk-
anum, í landnema-
byggðum sem
flestar hafa verið
reistar í trássi við
alþjóðlega sam-
inga. Palestínsk
yfirvöld hafa hvatt
þær þjóðir sem
standa á bak við
vegvísinn til að
koma í veg fyrir
fyrirætlanir Ísra-
ela um að stækka landnemabyggð-
irnar og reisa múr utan um þær.
Ísraelar telja sig ekki bundna af
vegvísinum þar sem herskáir
Palestínumenn hafi ekki verið af-
vopnaðir. ■
Launakostnaður hérlendis:
Hefur aukist
tvöfalt
EFNAHAGSMÁL Launakostnaður á Ís-
landi hefur aukist tvöfalt á við
viðskiptalöndin. Þetta kemur
fram í nýjasta fréttabréfi Sam-
taka atvinnulífsins. Þar segir að
þróunin síðastliðin sex ár hafi
verið sú að laun á almennum
markaði hafi hækkað um 45%,
samanborið við 18% hækkun að
meðaltali hjá viðskiptalöndum
okkar.
Á síðasta samningstímabili,
1997-2000, hækkuðu laun um
27,4% í erlendri mynt en aðeins
8.5% að meðaltali erlendis. Á yfir-
standandi tímabili hækkaði launa-
kostnaður öllu minna, um 11%, en
9% í helstu viðskiptalöndum. ■
Stúdentablaðið:
Dreift með
Fréttablaðinu
Framboð til öryggisráðsins og framlög til þróunaraðstoðar:
Blandast ekki saman
STJÓRNMÁL „Ég vil taka skýrt fram
að við blöndum ekki saman fram-
boði okkar til öryggisráðsins og
framlögum til þróunarlandanna,“
segir Halldór Ásgrímsson utanrík-
isráðherra. Hann tekur ekki undir
orð Ólafs Ragnars Grímssonar for-
seta sem sagði í setningarræðu á
Alþingi að lág framlög til þróunar-
mála gætu dregið úr möguleikum
Íslendinga á sæti í öryggisráðinu
Sameinuðu þjóðanna.
„Við höfum miklar skyldur við
þróunarlönd sem rík og siðmennt-
uð þjóð. Okkur ber skylda til að
rækta það hlutverk,“ segir Hall-
dór. „Það gerum við meðal annars
með því að styðja bágstaddar
þjóðir. En við erum ekki að styðja
þróunarlöndin til að komast í ör-
yggisráðið.“
Halldór segir meginmarkmið
um aukningu framlaga til þróun-
armála hafa náðst. „Ég beitti mér
fyrir því þegar ég kom í utanríkis-
ráðuneytið að það yrði gerð
skýrsla um þróunarmálin. Ég var
þeirrar skoðunar að við þyrftum
að taka okkur á í þessum efnum.“
Síðan þá hafa framlög til þróunar-
mála hækkað í 0,16% af þjóðar-
framleiðslu en markmiðið var
1,5%. Nú er unnið út frá skýrslu
Jónasar Haralz og Hermanns
Arnar Ingólfssonar sem lögðu til
að framlagið hækkaði í 0,3% á
næstu árum. ■
BREYTING FYRIR
SÉREIGNARSPARENDUR VIÐ
AFNÁM FRAMLAGS RÍKISINS:
Skerðing á ári Skerðing á ári
miðað við 2% miðað við 4%
Mánaðarlaun eigið framlag eigið framlag
100.000 2.400 4.800
200.000 4800 9.600
300.000 7.200 14.400
LÍFEYRIR
Ríkið hættir
að hvetja til
séreignar-
sparnaðar
með sértæk-
um aðgerð-
um. Upphæð-
in er ekki há
á mánuði, en
eins og með
sparnað safn-
ast þegar
saman kemur.
CELERA OF LÍKT CELEBRA Um-
boðsmaður Alþingis segir ekki
ástæðu til að hreyfa við úrskurði
áfrýjunarnefndar hugverkarétt-
inda á sviði iðnaðar um að fella úr
gildi ákvörðun Einkaleyfastofu um
skráningu lyfjamerkisins CELERA
vegna þess að hætta væri á rugl-
ingi við merkið CELEBRA.
GILD RÁÐNING FLOKKSSTJÓRA Að
mati Umboðsmanns Alþingis er
ekki tilefni til aðgerða vegna
skipunar flokkstjóra hjá embætti
Tollstjórans í Reykjavík án aug-
lýsingar. Þrír starfsmenn kvört-
uðu meðal annars yfir því hvaða
fjórum yfirmönnum var falið að
meta ákveðin atriði í fari um-
sækjenda á grundvelli fyrir fram
afmarkaðra sjónarmiða.
MÓTMÆLA-
AÐGERÐIR
Grímuklæddur
Palestínumaður
gerir sig líklegan
til að eyðileggja
líkan af land-
nemabyggð
gyðinga.
■ Umboðsmaður Alþingis
FORSETI ÍSLANDS FLYTUR RÆÐU Á ALÞINGI
Halldór Ásgrímsson tekur ekki undir orð forseta við setningu Alþingis.
FR
ÉT
TA
B
LA
Ð
IÐ
/A
LD
A
LÓ
A
ÓLAFUR DARRI ANDRASON
Líst ekki á breytingar á persónuafslætti og segir það leiða til hærri skattbyrði á lægstu tekjur.
HANNES G.
SIGURÐSSON
Telur ekki að
skattalækkanir
leiði til þenslu
heldur hafi þvert
á móti jákvæð
viðbrögð með því
að þrýsta á að-
hald í ríkisfjár-
málum.
„Við sættum
okkur ekki við
hærri fyrir-
tækjaskatta
gegnum
bakdyrnar.
SLÖK BÍLBELTANOTKUN Lögregl-
an í Stykkishólmi stöðvaði
sautján ökumenn fyrir að nota
ekki bílbelti í Ólafsvík í gær.
Einnig var ökumaður stöðvaður
á 106 kílómetra hraða þar sem
hámarkshraði er 70 kílómetrar
á klukkustund.
FJÖLMIÐLAR Ákveðið hefur verið að
Stúdentablaðinu, sem gefið er út
af Stúdentaráði Háskóla Íslands,
verði dreift með Fréttablaðinu í
vetur. Davíð Gunnarsson, formað-
ur SHÍ, segir að með þessu móti
megi stórauka lestur blaðsins,
sérstaklega meðal stúdenta. Á síð-
asta starfsári var Stúdentablaðinu
dreift með Morgunblaðinu.
Stúdentablaðið mun í vetur
koma út á um þriggja vikna fresti
og er ritstjóri þess Guðmundur
Rúnar Svansson. ■