Fréttablaðið - 03.10.2003, Blaðsíða 14

14 3. október 2003 FÖSTUDAGUR
■ Lögreglufréttir
SYNDIRNAR HVERFA
Strangtrúaður gyðingur sést hér sveifla
kjúklingi yfir höfði ungs drengs í Jerúsalem
á degi iðrunar, helgasta degi gyðinga.
Samkvæmt trúnni færast syndir síðasta árs
yfir í kjúklinginn, sem er síðan slátrað.
TEXAS, AP Yfirvöld í Mexíkó og
Texas hafa deilt harkalega á til-
raunaverkefni sem gengur út á að
flogið er með ólöglega innflytjend-
ur sem finnast í Arizona til Texas og
þeim vísað yfir landamærin þar.
Forsvarsmenn tilraunarinnar
segja hana hafa skilað þeim ár-
angri að mjög hafi dregið úr til-
raunum til að smygla sér yfir
landamærin og mun færri deyi í
tilraunum sínum til að fara yfir
sjóðheitar eyðimerkur Arizona.
„Dauðsföllum hefur fækkað veru-
lega,“ segir Mario Villarreal, tals-
maður Tolla- og landamæravörsl-
unnar. „Mjög hefur dregið úr til-
raunum til að komast yfir landa-
mærin í Tucson og handtökum
fækkað,“ bætir hann við.
Minni ánægju gætir í Mexíkó og
Texas. „Við vorum aldrei spurð álits
og allir borgarstjórar landamæra-
borga eru ósáttir,“ segir Betty Flor-
es, borgarstjóri í Laredo sem liggur
við landamærin að Mexíkó. „Hvers
vegna eru þeir að flytja vandamál
Arizona-ríkis til Texas?“
Stjórnvöld í Mexíkó hafa mót-
mælt verkefninu. Endi var bundinn
á það í gær en til stendur að hefja
það á ný. ■
SVEITARSTJÓRNIR Árni Þór Sigurðs-
son, forseti borgarstjórnar, segir
Reykjavíkurborg leggja mikla
áherslu á viðræður við ríkisvaldið
um uppbyggingu samgöngumann-
virkja í borginni. Í vetur verði lögð
áhersla á hverfavæðingu þjónustu
og skipulag miðborgarinnar.
Aðspurður um helstu verkefni
haustsins í borgarstjórn nefnir
Árni að verið sé að undirbúa fjár-
hagsáætlun næsta árs. Of snemmt
sé að segja til um innihald áætlun-
arinnar, sem liggja muni fyrir í
nóvember.
„Okkar megináherslur munu
birtast í fjárhagsáætluninni. Við
erum til dæmis að vinna að frekari
hverfavæðingu borgarinnar; að
flytja þjónustuverkefni út í hverf-
in. Ég spái því að það verði nokkuð
fyrirferðarmikið mál á næstunni,“
segir Árni.
Að sögn Árna hefur fjárhags-
áætlun ársins 2003 staðist vel
fram að þessu. „Frávikin eru mjög
lítil, á bilinu eitt til tvö prósent.
Það er þó misjafnt eftir mála-
flokkum,“ segir hann.
Minnihluti Sjálfstæðisflokks í
borgarstjórn segir að lóðaskortur
í borginni hafi leitt til hækkandi
lóðaverðs. Árni segist eiga von á
að sú umræða haldi áfram:
„En staðreyndin er sú að á ár-
inu 2003 hafa verið lóðir fyrir
fleiri íbúðir heldur en nokkru
sinni frá metárinu 1983, þannig að
fullyrðingar um lóðaskort eiga sér
ekki stoð í raunveruleikanum.
Hvað varðar hækkandi lóðaverð
er þróunin í borginni sú sama og
hefur verið í öðrum sveitarfélög-
um,“ segir Árni.
Uppbygging og skipulagsmál í
miðborginni hafa verið mjög í
sviðsljósinu á síðustu vikum. „Við
munum leggja mikið kapp á mið-
borgina á næstu misserum. Það
mun endurspeglast í fjárhagsætl-
uninni, meðal annars að því er
varðar fjárveitingar til verkefna á
sviði stíga- og gatnagerðar og
skipulagsmála,“ segir Árni.
Að sögn Árna telur hann mik-
inn samhug vera meðal allra borg-
arfulltrúa um að styrkja og efla
miðborgina þó ekki séu allir alltaf
sammála um leiðir. „En ég held að
allir séu sammála um að gefa mið-
borginni meiri vaxtarmöguleika
og meiri athygli,“ segir hann.
Árni segir borgarfulltrúa hafa
ákveðið samhljóða að óska eftir
formlegum viðræðum við sam-
gönguráðherra og fjármálaráð-
herra um fjármögnun stórra
samgöngumannvirkja. „Þetta er
meðal þess sem borgarstjóri
kynnti fyrir fjárlaganefnd Al-
þingis nú í vikunni og við lögðum
mikla áherslu á,“ segir forseti
borgarstjórnar.
gar@frettabladid.is
Sementsverksmiðjan:
Skrifað
undir
VIÐSKIPTI Skrifað var undir kaup-
samning Sementsverksmiðjunn-
ar á Akranesi í gær.
Íslenskt sement ehf., sem er í
eigu BM Vallár, Björgunar,
Framtaks fjárfestingarbanka og
norska fyrirtækisins Nordcem,
keypti verksmiðjuna af íslenska
ríkinu á 68 milljónir króna.
Gengið hefur verið frá skipun
nýrrar stjórnar Sementsverk-
smiðjunnar. Þórður Hilmarsson
er formaður stjórnar, en með
honum í stjórn eru Björn Mörk,
forstjóri norska fyrirtækisins
Nordcem, og Þorsteinn Víg-
lundsson hjá BM Vallá. ■
Bókmenntaverðlaun:
Nóbel til
Suður-Afríku
STOKKHÓLMUR, AP Suður-afríski rit-
höfundurinn John Maxwell
Coetzee hlýtur Nóbelsverðlaunin
í bókmenntum þetta árið. Hinn 63
ára gamli
Coetzee hefur
lengi verið tal-
inn líklegur til
að hljóta verð-
launin marg-
frægu. Coetzee
er annað Suður-
Afríkubúinn til
að hljóta verð-
launin. Hann
fetar í fótspor
Nadine Gordi-
mer sem tók á móti þeim fyirr
tólf árum síðan.
Verðlaunaféð nemur tíu millj-
ónum sænskra króna, andvirði
tæpra hundrað milljóna króna ís-
lenskra. Að auki má búast við
aukinni sölu á verkum höfundar-
ins í kjölfar útnefningarinnar. ■
UMFERÐARÓHAPP
Steig á bensíngjöf í stað bremsu.
Lögreglan í Reykjavík:
Keyrði
á fjóra bíla
ÁREKSTUR Ökumaður sem var að
leggja í stæði á bílaplaninu fyrir
framan Háskóla Íslands ók á fjóra
bíla þegar hann steig á bensín-
gjöfina í stað þess að hemla. Bíll-
inn rann til á malarplaninu, fór
utan í fjóra aðra bíla og endaði á
ljósastaur. Engin slasaðist og voru
litlar skemmdir á bílunum fjór-
um. Bíll ökumannsins var nokkuð
skemmdur. ■
REKNIR YFIR LANDAMÆRIN
Kvartað hefur verið undan því að ólöglegir innflytjendur séu ráðalausir þegar þeir eru
fluttir yfir landamærin frá Texas, fjarri upphaflegum heimkynnum þeirra.
Ólöglegir innflytjendur:
Mótmælt
beggja
megin
Miðborgin í
brennidepli
Veturinn í borgarstjórn mun einkennast af hverfavæðingu, skipulagi
miðborgarinnar og kröfum á ríkið um uppbyggingu stórra samgöngu-
mannvirkja, samkvæmt Árna Þór Sigurðssyni, forseta borgarstjórnar.
ÁRNI ÞÓR SIGURÐSSON
„Við munum leggja mikið kapp á miðborg-
ina á næstu misserum. Það mun endur-
speglast í fjárhagsáætluninni,“ segir Árni
Þór Sigurðsson, forseti borgarstjórnar.
MIÐBORGIN
Skipulag hennar verður til umfjöllunar í borgarstjórn.
FR
ÉT
TA
B
LA
Ð
IÐ
/V
IL
H
EL
M
COETZEE
Heiðraður fyrir
rit sín.
Í VÍMU Á STOLNUM BÍL Maður
stal bíl og keyrði utan í tvo bíla í
Aðalstræti í fyrrinótt. Lögreglan
stöðvaði för hans í Guðrúnargötu
og reyndist hann vera undir
áhrifum vímuefna. Við leit á
manninum fundust fíkniefni og
var hann handtekinn. Málið telst
upplýst.
FLUTT Á SLYSADEILD Kona var
flutt á slysadeild eftir að sölu-
tjald féll á hana í Mjóddinni í
gær. Hún reyndist ekki vera al-
varlega slösuð.
HJÁLMURINN BJARGAÐI 82 ára
hjólreiðamaður varð fyrir bíl á
gatnamótum Strandgötu og Hval-
eyrarbrautar í Hafnarfirði rétt
fyrir hádegi í gær. Hann var
fluttur á slysadeild með beinbrot
á hægri fæti. Að sögn lögreglunn-
ar í Hafnarfirði skipti sköpum að
hann var með hjálm.
■ Lögreglufréttir