Fréttablaðið - 18.05.2004, Qupperneq 29

Lögskýring
Kristján Sig. Kristjánsson skrifar:
Það heyrist og hefur heyrst upp úr jötu
Sjálfstæðisflokksins að forseti Íslands geti
ekki synjað lögum um staðfestingu án at-
beina ráðherra. Þetta er bæði athyglisvert
og sorglegt. Athyglisvert af því að þessi
lögskýring er eingöngu bundin við jötu
Sjálfstæðisflokksins, og sorglegt að til séu
menn sem eiga langt akademískt nám að
baki án þess að hafa öðlast menntun að
ráði, heldur sjá sér þann kost vænstan að
éta úr lófa stjórnmálamanna. Þó er ennþá
sorglegra að sjá þessum mönnum að
launum lyft með handafli í kennarastóla
háskólanna, í dómstóla landsins og jafn-
vel í alþjóðlega dómstóla. Væri þessi lög-
skýring rétt mætti spyrja: Með atbeina
hvaða ráðherra skipaði Sveinn Björnsson
utanþingsstjórnina? Hvaðan þáðu þeir
ráðherrar umboð sitt og tilveru sem ráð-
herrar? Aldrei hefur heyrst að sú ríkis-
stjórn hafi verið ólögleg, þótt hún hafi
verið skipuð í óþökk Alþingis, sem þá
starfaði ekki á sumrin. Alþingi framseldi
þeirri ríkisstjórn reglugerðarvald með lög-
um athugasemdalaust. Með atbeina
hvaða ráðherra veitti Kristján Eldjárn
Gunnari Thoroddsen stjórnarmyndunar-
umboð? Lá formlega fyrir að það stjórnar-
myndunarumboð nyti stuðnings Alþingis?
Með atbeina hvaða ráðherra veitir forseti
stjórnarmyndunarumboð yfirhöfuð? Í
hvers umboði starfa hinar „föllnu“ ríkis-
stjórnir á meðan stjórnarmyndun stendur
og hin nýja ríkisstjórn sem skipuð er af
forsetanum áður hann kallar hið nýkjörna
þing saman? Það liggur ekki formlega fyrir
og hefur aldrei legið formlega fyrir og þarf
ekki að liggja óformlega fyrir að stjórnar-
myndunarumboð njóti stuðnings Alþingis
eða atbeina einhvers óútskýrðs yfirráð-
herra. Allt þetta var og er gert með sama
valdi, sem réttkjörinn forseti hefur til að
synja lögum staðfestu, með atbeina
stjórnarskrár og sérstökum atbeina kjós-
enda.
Enn og aftur staðfestir Árni
Mathiesen vanhæfni sína fyrir
undirrituðum og þjóðinni til að
gegna embætti ráðherra sjávar-
útvegsmála í okkar landi.
Hvort um afglöp eða slæman
ásetning er að ræða í nýjasta
frumvarpi ráðherra er erfitt um
að segja. Í frumvarpi sínu setur
hann dagabátasjómönnum afar-
kosti. Annað hvort skuli þeir
sætta sig við enn frekari skerð-
ingu sóknardaga (í 18 daga frá
19 dögum áður) eða velja sér þá
framtíðarstefnu að gangast und-
ir aflamarkskerfi og taka þar af
leiðandi þátt í leigu- og sölu-
kerfi með viðloðandi óvissu og
óöryggi fyrir landsbyggðina.
Frumvarpið endurspeglar
annað hvort dapurt siðferði eða
skynsemisskort hjá ráðherra. Í
frumvarpinu er borið fé á menn
og starfsöryggi fólks á lands-
byggðinni er enn á ný fórnað á
altari kvótakerfisins.
Á síðasta fiskveiðiári var um
11.000 þorskígildistonnum land-
að af umræddum dagabátum. Þar
af var 7-8.000 tonnum landað í
NV-kjördæmi. Um helmingi
dagabátaaflans í kjördæminu var
landað af dagabátum frá öðrum
landsvæðum. Gefum okkur það
að útgerðarmenn dagabáta, kné-
beygðir af ráðherra, velji afla-
markskostinn, þá er víst að land-
aður afli í NV-kjördæmi mun
dragast saman um 3.500-4.000
þorskígildi. Hér er um að ræða
skerðingu upp á tæpan milljarð
íslenskra króna í afla- og afurða-
verðmætum fyrir NV-kjördæmi.
Þá má einnig fastlega gera ráð
fyrir vaxandi atvinnuleysi af
þessum sökum en samkvæmt
grófum útreikningum vegna
væntanlegs aflasamdráttar
(minni fiskvinnsla) á svæðinu, að
meðtöldum samlegðaráhrifum til
þjónustugreina, að vel á annað
hundruð störf muni tapast í kjör-
dæminu.
Í sjávarútvegsnefnd alþingis
liggur fyrir frumvarp frá
Frjálslynda flokknum og Vinstri
grænum. Í frumvarpinu er farið
fram á lagasetningu sem trygg-
ir dagabátasjómönnum 23 sókn-
ardaga að lágmarki. Að komið
verði á gólfi í dagafjöldanum og
örlitlu starfsöryggi til hundruða
manna og þeirra fjölskyldna sé
þar með komið á. Frumvarpið
gerir einnig ráð fyrir að með
hverjum 20.000 tonnum sem
hugsanlega kæmu til viðbótar í
þorski myndi sóknardögunum
fjölga um einn.
Á frægum fundi fyrir vestan
sem bar yfirskriftina „Orð
skulu standa“ lýstu allir þing-
menn kjördæmisins, beint eða
óbeint, yfir vilja sínum að ná
fram 23 daga gólfi fyrir daga-
bátana. Þessum víðfræga fundi
er enn ekki lokið. Hann mun
halda áfram í meðförum sjávar-
útvegsnefndar alþingis og
áfram inn í sali okkar háa al-
þingis. Innan skamms mun
koma í ljós hvort allir þingmenn
NV-kjördæmis munu standa við
orð sín. Mín skilaboð til þing-
manna NV-kjördæmis eru skýr.
Annað hvort veljið þið 18 sókn-
ardaga í frumvarpi sjávarút-
vegsráðherra eða standið við
orð ykkar og veljið gólf í 23
sóknardaga í frumvarpi Frjáls-
lynda flokksins. ■
Sjávarútvegsráð-
herra á villigötum
21ÞRIÐJUDAGUR 18. maí 2004
GUNNAR ÖRN ÖRLYGSSON
ÞINGMAÐUR FRJÁLSLYNDA FLOKKSINS
UMRÆÐAN
SJÁVARÚTVEGSMÁL
Bækurnar Hlutabréf og eignastýring og Verðmætasta eignin eru vandaðar útskriftargjafir. Í þeim
er fjallað á aðgengilegan hátt um fjármál og leiðir til að spara, byggja upp eignir og tryggja fjárhagslegt
öryggi. Bækurnar eru tilvaldar fyrir hugsandi fólk og fást í útibúum Íslandsbanka og í Þjónustuveri
Íslandsbanka í síma 440 4000. Einnig eru þær til sölu í helstu bókabúðum.
Verðmæt útskriftargjöf
F
í
t
o
n
/
S
Í
A
BRÉF TIL BLAÐSINS
AF NETINU
Fjárhagsleg tengsl
Nú berast þær fréttir, að R-listinn ætli fyrir
hvatningu frá Fréttablaðinu að taka fjöl-
miðlafrumvarpið upp á vettvangi borgar-
stjórnar. Þar gefst þá tækifæri til að ræða
þessi fjárhagslegu tengsl R-listans við
stjórnendur Norðurljósa frekar og fá upp-
lýsingar um það, hvort aðrir forystumenn
R-listans en Ingibjörg Sólrún og Stefán
Jón vissu um þau fjárhagslegu tengsl,
sem Björgvin G. Sigurðsson segir, að hafi
verið milli Ingibjargar Sólrúnar og Jóns
Ólafssonar.
Björn Bjarnason á bjorn.is