Fréttablaðið - 21.05.2004, Page 8

8 21. maí 2004 FÖSTUDAGUR
SANDSTORMUR Í KÍNA
Mikill sandstormur gerði fólki lífið leitt í
norðvesturhluta Kína í gær en þeir eru tíð-
ir í þessum heimshluta þar sem jarðvegur
er afar sendinn á stórum svæðum.
Litlar verðbreytingar á grænmeti milli mánuða:
Verðmunur mikill milli verslana
VERÐKÖNNUN Þrátt fyrir litlar
breytingar á meðalverði græn-
metis milli mánuðanna apríl og
maí mátti í mörgum tilvikum sjá
mikinn verðmun milli verslana.
Þetta kemur fram í mánaðarlegri
verðkönnun Samkeppnisstofn-
unnar.
Þótt verð á grænmeti og ávöxt-
um sé sveiflukennt sem ræðst
meðal annars af mörkuðum er-
lendis, uppskeru og árstíma hefur
verðlagið haldist stöðugt um
nokkurt skeið. Helstu lækkanir
voru á lárperu og kartöflum sem
lækkuðu um tíu prósent að meðal-
tali. Rauðlaukur hækkaði um
þrettán prósent og eggaldin um
tíu prósent að meðaltali .
Samkeppnisstofnun vill brýna
fyrir neytendum að versla þar
sem verðið er lágt því það stuðli
að lægra vöruverði. Helsti mun-
urinn sé 215 prósenta munur á
kartöflum milli verslana. Þar var
hæsta verðið 309 kónur en það
lægsta 98 krónur. Á grænum vín-
berjum var munurinn 167 pró-
sent, þar sem þau fengust á verð-
bilinu 189-499 kónur á kílóið í
apríl. ■
Vanlíðan unglinga
algeng á Íslandi
Niðurstöður ítarlegrar úttektar á líðan ungmenna í efstu bekkjum grunnskóla benda til þess að
þunglyndi og almenn vanlíðan séu algengari en margur heldur. Stúlkum líður undantekningar-
lítið mun verr en drengjum.
UNGLINGAR Tæplega helmingur
allra stúlkna í efstu bekkjum
grunnskóla í landinu hefur það á
tilfinningunni að þær séu einskis
virði, samkvæmt nýrri ítarlegri
úttekt á högum og líðan ung-
menna á þessum aldri sem fyrir-
tækið Rannsóknir og greining
hefur staðið að fyrir sveitarfélög-
in í landinu. Kemur fram í henni
að sjálfsmynd unglingsstúlkna er
víða brengluð og sjálfsgagnrýni
af þessum toga er mun algengari
meðal stúlkna en drengja.
„Almennt virðast stúlkur sýna
meiri einkenni þunglyndis, kvíða
og vanlíðunar, og hafa ekki eins
sterka sjálfsmynd og strákar á
sama aldri,“ segir Bryndís Björk
Ásgeirsdóttir félagsfræðingur, en
hún stóð að úttektinni ásamt fjór-
um öðrum. „Niðurstöður erlendra
rannsókna hafa gefið svipaðan
kynjamun til kynna og fram kem-
ur hér en að baki þessum tölum
eru 3.500 ungmenni hvaðanæva
að. Hins vegar breytast þessar
tölur ef litið er eingöngu á skóla-
göngu. Þar virðist strákum undan-
tekningarlítið líða verr en stúlk-
unum og brottfall er mun líklegra
af þeirra hálfu.“
Margt sláandi kemur fram í út-
tektinni varðandi ungmennin á
landsvísu en upp úr stendur að stúlk-
um virðist almennt líða verr og
skiptir þá engu hvort viðkomandi er
búsettur í dreifbýli eða þéttbýli.
Bryndís segir að svör ungmennanna
veki upp margar aðrar spurningar
enda sé mörgu ósvarað enn. „Ástæð-
ur þess hve sjálfsmatið er lágt eru
ekki að öllu ljósar en þó er það svo að
umhyggja, eftirlit og aðhald foreldra
hefur talsvert um það að segja. Vís-
bendingar gefa til kynna að breyting
hafi orðið til hins betra hvað þetta
varðar undanfarin ár. Vellíðan ung-
linganna veltur mikið á stuðningi
foreldra og sé hann til staðar minnka
verulega líkur á að ungmennin leið-
ist á villigötur í lífinu.“
albert@frettabladid.is
Björgólfsfeðgar:
Brutu ekki lög
VIÐSKIPTI Fjármálaeftirlitið hefur
komist að þeirri niðurstöðu að lög
voru ekki brotin er félag tengt
tveimur stjórnarmönnum í Eim-
skipafélaginu og Samson, í eigu
Björgólfs Guðmundssonar og
Björgólfs Björgólfssonar, keyptu
hlut í Eimskipafélaginu.
Grunur lék á broti á lögum um
innherjaviðskipti þar sem kaupin
áttu sér stað sama dag og Eim-
skipafélagið átti viðskipti með
bréf í Útgerðarfélagi Akureyr-
inga, Haraldi Böðvarssyni og
Skagstrendingi og rétt fyrir fjár-
festingu félagsins í fyrirtæki í
Noregi. Kauphöll Íslands vísaði
viðskiptunum til Fjármálaeftir-
litsins. ■
– hefur þú séð DV í dag?
Eyddi tugum
milljóna í
vonlaust
fölsunarmál
NEMENDUR Í 9. OG 10 BEKK
Könnun hefur leitt í ljós að sjálfsmynd margra á þessum aldri er brengluð og mörgum finnst þeir vera einskis virði. Ungmennin á mynd-
inni tengjast ekki greininni sérstaklega.
ALMENNT VIRÐAST STÚLKUR
SÝNA MEIRI EINKENNI ÞUNG-
LYNDIS, KVÍÐA OG VANLÍÐUNAR.
Þegar allt kemur til alls finnst mér
ég misheppnaður/misheppnuð:
strákar 17.5 %
stelpur 29.5 %
Vildi óska að ég gæti borið meiri
virðingu fyrir sjálfum/sjálfri mér:
strákar 41.9 %
stelpur 60.5 %
Stundum finnst mér ég sannarlega
vera gagnslaus:
strákar 27.7 %
stelpur 43.8 %
FR
ÉT
TA
B
LA
Ð
IÐ
/P
JE
TU
R
LEIÐANDI Í LÆGRA DEKKJAVERÐI
GÆÐAVARA – BETRA VERÐ!
STYRKIR Pokasjóður verslunarinn-
ar hefur úthlutað 70 milljónum
króna til umhverfis-, mannúðar-
og heilbrigðismála, menningar,
lista og íþrótta.
Húsgull á Húsavík fékk hæsta
styrkinn eða sex milljónir króna
sem eiga að nýtast til endurreisn-
ar landkosta á Hólasandi. Skóg-
ræktarfélag Íslands fékk fimm
milljóna króna styrk og Land-
græðslufélagið við Skarðsheiði
fékk fjórar milljónir sem nota á til
áframhaldandi uppgræðslu við
Hafnarfjall.
Pokasjóður, sem fær tekjur sín-
ar af sölu plastburðarpoka í versl-
unum, hefur í níu ár úthlutað fé til
mála sem tengjast almanna-
heillum. Sjóðurinn hefur frá upp-
hafi úthlutað 370 milljónum króna.
Stærstu framlög úr sjóðnum hafa
farið til Skógræktarfélags Íslands
sem fengið hefur samtals 49,8
milljónir króna. Þá hefur Húsgull
fengið 37,6 milljónir króna. 570
umsóknir bárust til sjóðsins í ár og
námu óskir um framlög um 600
milljónum króna. ■
Umferðaróhapp á Húsavík
Ökuferð end-
aði upp í stiga
LÖGREGLUMÁL Rétt fyrir klukkan
sjö í gærmorgun var lögreglan á
Húsavík kölluð út vegna bifreiðar
sem hafði keyrt inn á lóð í bænum
og hafnað á stiga. Þrír menn voru
í bílnum og voru þeir fluttir á
sjúkrahús til skoðunar en reynd-
ust ekki mikið meiddir.
Bifreiðin skemmdist talsvert
og var dregin í burtu með krana-
bíl. Ökumaður bifreiðarinnar var
ölvaður.
Annað óhapp varð rúmum
klukkutíma seinna þegar bifreið
lenti á ljósastaur. Ökumaður, sem
var einn í bílnum, var fluttur til
skoðunar á sjúkrahúsinu en
reyndist ekki mikið meiddur. Bíll-
inn skemmdist talsvert. ■
Flóð í Tajikistan:
Fjárhirðar
drukkna
TAJIKISTAN, AP Fjórir fjárhirðar lét-
ust auk rúmlega 2.000 geita og
sauðfjár í miklum flóðum í norð-
urhluta Tajikistan í gær. Einnig
urðu miklar skemmdir á vegum í
suðurhluta landsins. Þá eyðilögð-
ust flóðvarnargarðar á bökkum
tveggja áa.
Miklar rigningar sem valda
flóðum eru algengar í Tajikistan
sem er fátækasta ríkið í fyrrum
Sovétríkjunum. ■
/M
YN
D
/A
P
ÓVÆNT
ENDALOK
Ölvaður
ökumaður
ók inn í
garð og
hafnaði á
stiga.
EFTIR ÚTHLUTUN STYRKJA
Styrkþegar stilltu sér upp eftir úthlutun úr Pokasjóði ásamt stjórn Pokasjóðs og mennta-
málaráðherra, Þorgerði Katrínu Gunnarsdóttur, sem var viðstödd úthlutunina.
Pokasjóður úthlutar 70 milljónum króna:
Húsgull fékk sex milljóna styrk
ZUCCHINI
Fullorðnir landsmenn borða
milli 57 og115 grömm af græn-
meti á dag og 35 til 109
grömm af ávöxtum, segir í
skýrslum manneldisráðs.