Fréttablaðið - 29.02.2004, Blaðsíða 6
6 29. febrúar 2004 SUNNUDAGUR
■ Miðausturlönd
■ Lögreglufréttir
Veistusvarið?
1Um þesar mundir er minnst 90 árafæðingarafmælis ástsæls ljóða- og
sönglagahöfundar. Hver var hann?
2Hvaða fyrrum þingmann réði Vestur-byggð til tímabundinna verkefna á
sviði atvinnu- og ferðamála?
3Hver er annar ríkasti maður heimssamkvæmt lista viðskiptatímaritsins
Forbes?
Svörin eru á bls. 46
Uppreisnarmenn tefja framrás sína á Haítí:
Stjórnleysi ríkir í höfuðborginni
HAÍTÍ, AP Stjórnleysi ríkir í Port-au-
Prince, höfuðborg Haítí. Stuðn-
ingssveitir Jean-Bertrands
Aristide forseta hafa ráðist á veg-
farendur og myrt í það minnsta
fimm. Fjöldi fólks hefur rænt
vöruhús í borginni. Aristide hefur
neitað að verða við tilmælum
Breta og Bandaríkjamanna um að
segja af sér og í gær rændu stuðn-
ingsmenn hans starfsmann banda-
ríska sendiráðsins og börðu
franskan sendiráðsstarfsmann, að
því er virðist sem svar við ummæl-
um utanríkisráðherra landanna
tveggja.
Guy Philippe, einn leiðtoga upp-
reisnarmanna á Haítí, segist munu
bíða í einn eða tvo daga með að
ráðast á höfuðborgina. Með þessu
segist hann vera að koma til móts
við beiðnir Bandaríkjastjórnar.
„Ég heyrði að Bandaríkin hefðu
beðið liðsmenn okkar að hætta
árásinni á Port-au-Prince. Þetta er
á fréttavefum Netsins,“ sagði Phil-
ippe. Hann neitaði því hins vegar
að fulltrúar Bandaríkjastjórnar
hefðu sett sig í milliliðalaust sam-
band við uppreisnarmenn. „Ef þeir
biðja okkur um að bíða er það
vegna þess að þeir hafa betri val-
möguleika og friðsamlegri. Við
viljum frið svo við bíðum og sjáum
hvað gerist í einn eða tvo daga.“ ■
Vilja rækta samband
við fjölskyldu skáldsins
Vaka-Helgafell og fjölskylda Halldórs Laxness hafa gert viðbótarsamn-
ing um útgáfu og kynningu á öllum verkum skáldsins. Forstjóri
útgáfunnar segir sambandið ekki hafa verið ræktað sem skyldi.
BÓKAÚTGÁFA Vaka-Helgafell, eitt for-
laga Eddu útgáfu, og fjölskylda
Halldórs Laxness skrifuðu á föstu-
dag undir viðbótarsamning um út-
gáfu og kynningu á öllum verkum
Halldórs bæði innanlands og er-
lendis. Það er því ljóst að fjölskylda
Halldórs mun ekki fylgja Halldóri
Guðmundssyni til JPV-útgáfu eins
og vangaveltur voru uppi með í síð-
ustu viku. Samkvæmt heimildum
Fréttablaðs ins
felur samningur-
inn í sér auknar
tekjur fyrir fjöl-
skyldu Halldórs
auk þess sem á að
gera átak í endur-
útgáfu á verkum
hans.
Samningurinn
er í átta liðum og
felur í sér nánari
staðfestingu á
umsjón og heild-
aryfirsýn af
hendi forlagsins.
„Við viljum með
þessum samningi rækta sambandið
okkar við fjölskyldu skáldsins, sem
okkur finnst að hafi ekki verið
ræktað með viðunandi hætti undan-
farin ár,“ segir Páll Bragi Krist-
jónsson, forstjóri Eddu útgáfu.
Stofnuð verður Skrifstofa Halldórs
Laxness sem á skipuriti mun verða
formleg deild innan Vöku-Helga-
fells og að henni kemur Dröfn Þór-
isdóttir útgáfustjóri, Valgerður
Benediktsdóttir, forstöðumaður
réttindaskrifstofu, og Páll Bragi
Kristjónsson, forstjóri Eddu.
Samningurinn felur það í sér að
allt samstarf við fjölskyldu Hall-
dórs Laxness mun fara fram í
gegnum þessa skrifstofu og eru
ákvæði um að slíkt samráð muni
fara fram með reglubundnum
hætti. „Þetta er nýmæli í samningn-
um að fjölskyldan hafi þarna skipu-
lagðan vettvang til að koma sjónar-
miðum sínum á framfæri.“
Aðilar samningsins vilja lítið
gera úr þeim ágreiningi sem hefur
verið á milli fjölskyldu Halldórs
Laxness og Hannesar Hólmsteins
Gissurarsonar og hótunum Guðnýj-
ar Halldórsdóttur í DV í síðustu
viku þess eðlis að fara í mál við
Hannes. Undirritun þessa samn-
ings og þögn Guðnýjar frá áramót-
um í garð Eddu útgáfu ber það þó
með sér að Guðný muni draga for-
lag Hannesar inn í þá deilu.
svanborg@frettabladid.is
Kjarnorkudeilan:
Náðu ekki
samkomulagi
PEKING, AP Samkomulag náðist
ekki í viðræðum sex ríkja í gær
um lausn kjarnorkudeilunnar á
Kóreuskaga og ber talsvert í milli.
Bandaríkjamenn fögnuðu að mik-
ill árangur hefði náðst þrátt fyrir
það. Norður-Kóreumenn gagn-
rýndu Bandaríkjamenn hins veg-
ar fyrir að sýna engan vilja til að
ná samningum. Fundarlok dróg-
ust um þrjár klukkustundir þar
sem ekki náðist samkomulag um
yfirlýsingu fundarins. Var því lát-
ið nægja að formaður sendi frá
sér yfirlýsingu án þess að fulltrú-
ar ríkjanna sex gerðu hana að
sinni eigin. ■
Lægri áfengisgjöld:
Vín lækkar
mjög í verði
HELSINKI, AP Áfengisreikningur
finnskra neytenda lækkar veru-
lega á morgun þegar áfengisverð
lækkar um allt að 40 prósent. Að
því gefnu auðvitað að þeir stór-
auki ekki áfengisneyslu sína sem
margir hafa þó orðið til að lýsa
áhyggjum yfir.
Finnsk stjórnvöld ákváðu að
lækka gjöld á áfengi þar sem þau
sáu fyrir sér að Finnar myndu
flykkjast til Eistlands til að kaupa
áfengi þegar landið gengur í
Evrópusambandið í maí. Fram-
leiðendur og innflytjendur
áfengis hafa búið sig undir
breytinguna og búast við að sala
aukist mjög í kjölfar hennar. ■
BÍLVELTA EFTIR KAPPAKSTUR Bíll
valt á Sæbraut í gærmorgun.
Tveir bílar voru í kappakstri og
rakst annar utan í hinn með þeim
afleiðingum að ökumaður missti
stjórn á bílnum. Hinn bíllinn
stakk af en lögregla náði öku-
manni bílsins síðar í gær og var
honum sleppt að lokinni yfir-
heyrslu. Ekki urðu alvarleg slys á
fólki í bílnum sem valt.
www.plusferdir.is
Krít - 50 sæti í júní og júlí
39.232 kr.
N E T
á mann, m. v. að 2 fullorðnir og 2 börn, 2ja-11 ára, ferðist saman.
49.980 kr. ef 2 ferðast saman.
Innifalið er flug, gisting í 7 nætur á Skala, ferðir til og frá flugvelli
erlendis og flugvallarskattar.
NETplus er einungis bókanlegur á www.plusferdir.is
Kjaraviðræður
járniðnaðarmanna:
Vilja undir-
búa aðgerðir
KJARAVIÐRÆÐUR Aðalfundur Félags
járniðnaðarmanna gagnrýnir
samninganefndir atvinnurekenda
fyrir að fara ekki að samþykktum
viðræðuáætlunum. Í ályktun sem
samþykkt var á aðalfundinum seg-
ir að Samtök atvinnulífsins hafi í
engu sinnt efnislegum viðræðum
um nýjan kjarasamning í samfellt
fjórar vikur og að ekki sé komin
niðurstaða í neinum málaflokki
þegar mánuður er liðinn frá því að
samningur var laus. Þá hafi samn-
inganefndir fjármálaráðuneytis og
Reykjavíkurborgar lýst því yfir að
þær muni ekki gefa nein efnisleg
svör fyrr en samningar hafi verið
gerðir á almennum markaði. Því sé
tímabært að vísa kjaradeilum
félagsins til sáttasemjara og hefja
undirbúning að aðgerðum.
Járniðnaðarmenn vilja að gerðir
verði kjarasamningar við einstök
fyrirtæki utan Samtaka atvinnu-
lífsins og hvetja fyrirtæki til að
ganga til samninga við Félag járn-
iðnaðarmanna. ■
RÁNSFENGURINN BORINN HEIM
Stjórnarliðar hafa ráðist á vegfarendur og
almenningur, sem er farinn að skorta
matvæli, hefur rænt birgðageymslur í
höfuðborg Haítí.
ÁFENGISSALA Í FINNLANDI
Verð á áfengi lækkar um 13–36 prósent.
PÁLL BRAGI
KRISTJÓNSSON
Skrifaði undir
samning við fjöl-
skyldu Laxness sem
felur í sér átak í
kynningu og útgáfu
á verkum hans.
GUÐNÝ HALLDÓRSDÓTTIR
Mun ekki fara í mál við Eddu, þó svo hún höfði einkamál við Hannes Hólmstein vegna
ónægra gæsalappa.
FR
ÉT
TA
B
LA
Ð
IÐ
/A
LD
A
LÓ
A
ÞRÍR FÉLLU Þrír Palestínumenn
létust og fimmtán særðust, þar af
þrír lífshættulega, þegar ísraelsk
herþyrla skaut tveimur flugskeytum
að bíl í þéttri byggð á Gazasvæðinu.
Einn þeirra sem létust var félagi í
herskáu samtökunum Íslamskt Jihad.