Fréttablaðið - 29.02.2004, Blaðsíða 30

ferðir o.fl.
Vikulegur blaðauki Fréttablaðsins um al l t sem viðkemur ferðalögum
Ritstjórn: sími 515 7500 – netfang: ferðir@frettabladid.is. Auglýsingar: sími 515 7500 – netfang: auglysingar@frettabladid.is.
■ Út í heim
Uppáhaldsborgin:
Paradís á jörð
Ég er auðvitað fyrst og fremstmaður auðna, fjalla og nátt-
úru, en hef þó sæmilega glöggt
auga fyrir skemmtilegu borgar-
landslagi og sjarmerandi mann-
lífi, sem er í raun það sem gerir
borg að uppáhaldi í mínum huga.
Get vart gert upp á milli
Kathmandu í Nepal, Mendoza í
Argentínu og Sydney í Ástralíu,
en held að sú síðastnefnda hafi
vinninginn,“ segir ævintýramað-
urinn og lögfræðingurinn Harald-
ur Örn Ólafsson, sá hinn sami og
kleif „Tindana sjö“ og fór ein-
samall á Norðurpólinn. Haraldur
Örn átti skamma viðdvöl í Sydney
veturinn 2001 þegar hann kleif
hæsta fjall Eyjaálfu, Kosciuszko, í
ferðinni upp á sjö hæstu fjöll
heimsins. Ástralskur félagi
Haraldar hýsti fjallagarpinn í
fagurri íbúð við hjarta miðbæjar-
ins og spottakorn frá einni mestu
gersemi borgarinnar; óperuhús-
inu fagra og víðfræga.
„Myndi hiklaust segja að Sydn-
ey sé paradís á jörð,“ segir Har-
aldur Örn með talsverðri festu.
„Veðrið þar er yndislegt, hitastig-
ið fullkomið og algjörlega ómót-
stæðilegt að skella sér á einhverja
af ströndum borgarinnar til að
leika sér á brimbretti í sólinni.
Fólkið er svo sér kapítuli. Svolítið
sveitalegt, eins og við Íslendingar,
stolt af landi og þjóð, vingjarnlegt
og mun opnara en í öðrum stór-
borgum. Held það sé vegna þess
að Ástralía, eins og Ísland, er einn
af útkjálkum heimsins.“
Haraldur segist ólmur vilja
heimsækja Sydney á ný, því borg-
in sé hreint ævintýraland þegar
kemur að mannlífi, matarkúltúr,
menningu og afþreyingu. „Eftir-
minnilegt var að klifra upp á
Harbour Bridge, eitt helsta tákn
Sydney-borgar. Þegar maður
stendur á toppnum er maður kom-
inn í 134 metra hæð yfir áttföld-
um akreinum og tvennum anna-
sömum lestarteinum. Hristir trú-
lega upp í lofthræddum og kanns-
ki ögn glæfralegt, en ákaflega til-
komumikið þegar horft er yfir
hafnarlífið og upp eftir
Parramatta-ánni.“ ■
Ferðaskrifstofan Terra Novabíður nú upp á ferðir til Ligna-
no á Ítalíu, eða „Gullnu strandar-
innar“ eins og þetta mikla sandrif
við botn Adríahafsins hefur löng-
um verið kallað. Þetta er alls ekki
í fyrsta skipti sem Íslendingum er
boðið upp á skipulagðar hópferðir
þangað því árið 1974 hóf ferða-
skrifstofan Útsýn, undir stjórn
Ingólfs Guðbrandssonar, að flytja
þangað sólþyrsta farþega fyrst ís-
lenskra ferðaskrifstofa. Þær ferð-
ir lögðust svo af eftir rúman ára-
tug og hefur Terra Nova nú tekið
upp þráðinn að nýju.
Að sögn Hildar Gylfadóttur,
sölustjóra hjá Terra Nova, var
ákveðið að taka aftur upp þráðinn
þar sem beint flug býðst nú til
Trieste. „Við erum í samvinnu við
Heimsferðir sem eru að bjóða
ferðir til Króatíu og verður flogið
þangað tvisvar í viku fram í sept-
ember.“
Margir Íslendingar eiga góðar
minningar frá Lignano og einn
þeirra er Andri Már Ingólfsson,
eigandi og framkvæmdastjóri
Heimsferða. „Ég var á barnsaldri
þegar ég kom fyrst til Lignano og
á þaðan ljúfar minningar eins og
fleiri Íslendingar sem lögðu leið
sína þangað og til Bibione. Alla
vega hafa margir sýnt þessu
framtaki áhuga.“
Sigurður A. Magnússon, rithöf-
undur og fararstjóri til margra
ára, var fararstjóri í einni af
fyrstu ferðunum til Lignano en
segir að það hafi verið fyrir al-
gjöra tilviljun. „Þetta var árið
1974 þegar ég var fararstjóri í
Grikklandi. Það stóð til að senda
þangað þrjá hópa um sumarið en
aðeins viku áður en sá fyrsti átti
að halda utan hrökklaðist gríska
herstjórnin frá völdum.
Landinu var lokað á
meðan ný stjórn var að
taka við völdum. Hópn-
um var því boðið að
fara til Lignano í
staðinn og flestir
þáðu það. Fyrirvarinn var stuttur
en þetta gekk bara vel,“ sagði Sig-
urður.
Aðspurður um Lignano sagði
Sigurður að staðurinn hafi verið
mjög fjölskylduvænn og ströndin
frábær. „Þarna var allt mjög
glæsilegt og mikið gert fyrir
börnin. Annars fannst mér and-
rúmsloftið mjög alþjóðlegt eins
og gengur og gerist á baðströnd-
um en þarna var þó mjög stutt í
menninguna. Við fórum til
dæmis í mjög
s k e m m t i l e g a
ferð til Flórens
og svo er stutt
til Feneyja. Ég
held að fólk
hafa bara ver-
ið ánægt með
d v ö l i n a
þarna.“ ■
HELGARFERÐ TIL DUBLINAR Plús-
ferðir bjóða helgarferð til
Dublinar helgina 12. til 14. mars.
Tilboðið er
tvær nætur
á Omond
Quay sem
kostar
34.900 á
mann. Inni-
falið er flug, gisting, morgun-
verður, allir flugvallarskattar og
íslensk fararstjórn. Ferðir til og
frá flugvelli í Dublin kosta 1.500
kr.
Síðustu sætin til Kanarí Heims-
ferðir bjóða síðustu sætin til
Kanarí 9. mars á tilboðverði frá
kr. 59.990 fyrir eina viku miðað
við tvo í stúdíóíbúð og að bókað
sé á netinu. Verðið er frá kr.
69.990 fyrir tvær vikur.
HARALDUR ÖRN ÓLAFSSON
Hefur sæmilega glöggt auga fyrir flottu borgarlandslagi.
HARBOUR BRIDGE
Boðið er upp á spennandi brúarklif á
þessa frægustu bogabrú Ástralíu.
Bjóða aftur ferðir til „Gullnu strandarinnar“:
Margir eiga
góðar minningar
frá Lignano
LIGNANO
Flogið verður þangað tvisvar í viku fram í september.
ANDRI MÁR INGÓLFSSON
Á ljúfar minningar frá Lignano.
SIGURÐUR A.
MAGNÚSSON
Var fararstjóri í
einni af fyrstu
ferðunum til
Lignano.
SUMARFRÍIÐ
„Ætli ég verði ekki mest hér heima
við í sumar. Það stendur til að fara í
söngferðalag um landið með kór
eldri borgara og ég læt mig ekki
vanta þar. Við fórum til Finnlands,
Rússlands og Eistlands í fyrra í heil-
mikla reisu. Það getur þó vel verið
að ég skreppi til Svíþjóðar í sumar
og heimsæki dótturson minn og
nafna, Pétur Hafliða, sem spilar þar
fótbolta.“
PÉTUR H.
ÓLAFSSON