Fréttablaðið - 29.02.2004, Blaðsíða 26

Almennt álit kvikmyndaáhuga-manna er að þriðji hluti
Hringadróttinssögu muni verða
valin besta mynd ársins á ósk-
arsverðlaunahátíð bandarísku
kvikmyndaakademíunnar í nótt.
Sumir hafa gengið svo langt að
segja að vinni myndin ekki sé það
stærsta hneykslið í sögu Óskars-
ins, en engin kvikmynd sögunnar
hefur átt sér jafn stóran og öflug-
an aðdáendahóp. Víst er að aðdá-
endur leikstjórans Peters Jackson
munu ekki taka því þegjandi að
hann fari fýluferð á Óskarinn. Veð-
bankar um allan heim spá honum
sigri þegar kemur að bestu kvik-
mynd og bestu leikstjórn. Sumir
spá því þó að úrslitin verði óvænt
og að Hringadróttinssaga muni
einungis fá önnur af þessum
tveimur verðlaunum. Lost in
Translation eða Master and Comm-
ander muni hrifsa hin.
Murray og Penn
Baráttan um Óskar fyrir bestan
leik í aðalhlutverki er talin standa
milli Bills Murray og Seans Penn.
Það kann að vinna gegn Penn að
hann er talinn fremur andfélags-
lega sinnaður á Hollywood-mæli-
kvarða og því engan veginn víst að
hann mæti á hátíðina. Hann hefur
verið harður andstæðingur Íraks-
stríðsins, fór sjálfur til Íraks til að
kynna sér ástandið og birti síðan
opið bréf til Bush í Washington
Post. Þakkarræða hans kynni að
verða hápólitísk. Ekki er víst að
akademían þori að taka áhættu á
enn einu upphlaupi á Óskarnum í
líkingu við það þegar Michael
Moore veittist að Bush forseta í
þakkarræðu sinni. Margir gagn-
rýnendur hafa fullyrt að Penn sýni
leik ársins í Mystic River en flest-
ir veðja þó á að Bill Murray hreppi
verðlaunin fyrir Lost in
Translation.
Theron talin líkleg
Charlize Theron hefur
sankað til sín verðlaunum
fyrir leik sinn í Monster og
virðist fyrirfram langlíkleg-
ust til að hampa Óskarnum. Di-
ane Keaton er þó talin eiga
nokkra möguleika til að skáka
henni. Konur á miðjum aldrei eiga
erfitt uppdráttar þegar kemur að
hlutverkavali í Hollywood þar sem
æskudýrkun er allsráðandi en
Keaton er talin rétta hlut þeirra
nokkuð í Something’s Gotta Give
þar sem hún er kynþokkafull,
fyndin og dásamleg. Eldri meðlim-
ir akademíunnar kunna að gefa
henni atkvæði sitt.
Pólitískar skoðanir
Tim Robbins er talinn eiga góða
möguleika á að vinna Óskarinn
sem besti leikari í aukahlutverki
en það er með hann eins og Sean
Penn, hann hefur sterkar póli-
tískar skoðanir sem kunna að
vinna gegn honum. Renée
Zellweger þykir standa með
pálmann í höndunum þegar
kemur að vali á bestu
leikkonu í aukahlutverki
þar sem hún hefur fengið
gríðardóma dóma fyrir leik
sinn og hlotið hver verðlaun-
in á fætur öðrum. Úrslitin í
þessum flokki hafa þó oft ver-
ið mjög óvænt og hin hæfi-
leikaríka Renée kann að fara
tómhent heim.
Starfsmenn breska blaðsins
Guardian hafa þegar spáð í úr-
slitin og veðja á Return of the
King og leikstjórann Peter
Jackson, Sean Penn, Charlize
Theron, Tim Robbins og Renée
Zellweger. Þeir taka fram að þeir
hafi fulla trú á spá sinni en rætist
hún ekki muni þeir eyða listanum
og ekki minnast á hann meir.
kolla@frettabladid.is
Besta myndin
Ásgrímur Sverrisson: Það er engin spurn-
ing í mínum huga að Hilmir snýr heim
mun fá verðlaunin. Það var held ég
ákveðið með þegjandi samkomulagi
þegar fyrsta myndin kom fram að vera
ekkert að gefa myndunum toppverðlaun-
in fyrr en allt væri komið. Mynd og serían
öll vel að verðlaunum komin – en er ég
sá eini sem varð fyrir töluverðum von-
brigðum með þriðju myndina? Mér fannst
allavega mikið vanta upp á að
persónur sem maður hafði fylgt í tvö ár
fengju nægilega ásættanlega úrlausn
sinna mála. Og óttalega varð eitthvað
brátt um þennan Sauron. Sú fyrsta er best
en númer tvö er lítið síðri, hin þriðja er
því miður svolítið á eftir. En allt um það,
hún vinnur.
Ólafur H. Torfason: The Lord of the Rings:
The Return of the King fær Óskarinn og á
skilið að fá hann. Þetta er spikaðasta
steypireyður kvikmyndasögunnar, fánýtt
að þykjast geta stímað fram hjá henni.
Þórarinn Þórarinsson: Það sama má segja
um bestu myndina og besta leikstjórann.
Fái Hringurinn þessi verðlaun ekki núna
þá er eitthvað mikið að. Það er auðvitað
eitthvað mikið að þarna úti og Óskarinn
verður aldrei raunhæfur mælikvarði á
gæði eða hæfileika en The
Return of the King trompar allar hinar
myndirnar þó þær séu góðar. Það er
dæmigert fyrir þetta lið að verðlauna
þríleikinn í heild sinni núna en gerist það
ekki verður gerð bylting.
Besti leikstjóri
Ásgrímur Sverrisson: Peter Jackson mun
fá þetta og ég er sáttur því þetta er stór-
virki og frábært afrek hjá manninum –
þrátt fyrir aðfinnslur mínar hér að ofan. Ef
akademían vildi hinsvegar fríska svolítið
upp hjá sér myndi hún kjósa Sofiu – Lost
in Translation er afbragðs mynd. Hinir
leikstjórarnir eru líka í toppformi.
Ólafur H. Torfason: Peter Jackson ætti að
fá Óskarinn en ég held að Clint Eastwood
fái hann fyrir Mystic River.
Pétur er stórfenglegt samræmingarafl. En
ef BNA-leikarar leikstýra einhverju af viti
eru þeir talsvert öruggir með Óskar.
Þórarinn Þórarinsson: Peter Jackson hefði
átt að fá þessi verðlaun bæði fyrir The
Felllowship of the Ring og The Two
Towers og ef þetta lið sniðgengur hann
eina ferðina enn má það allt brenna í
helvíti. Ég er samt smeykur við þjóðremb-
inginn í Bandaríkjamönnum sem hefur
stigmagnast eftir að brjálæðingurinn tók
við völdum í Hvíta húsinu. Svo er kosn-
ingaár. Ætli Nýsjálendingur eigi nokkurn
séns?
Besti leikari í aðalhlutverki
Ásgrímur Sverrisson: Held að baráttan
standi á milli Johnnys Depp og Bills
Murray. Tel að Murray muni hafa þetta
en þeir eru báðir svolítið glataðir
synir Hollywood – sem tárast
þegar þeir snúa heim.
Ólafur H. Torfason: Ég spái
því að Bill Murray fái
Óskarinn fyrir Lost in
Translation en mér finnst
Ben Kingsley eiga verð-
launin skilið fyrir House
of Sand and Fog. Bill er
þarna velheppnað tákn sí-
versnandi karlakrísu en Ben
enn öflugri í manninum sem
neitar að gefast upp.
Þórarinn Þórarinsson: Ég er í
miklum vanda staddur hérna.
Ef ég léti tilfinningarnar
ráða segði ég
Johnny Deep
vegna þess að
hann er æði. Ef
ég á að vera
heiðarlegur
finnst mér
samt að Sean
Penn eigi að
fá þetta. Ef
það væri eitt-
hvert réttlæti í
Hollywood
fengi Penn stytt-
una en ætli Bill
Murray taki
þetta ekki, enda
Depp og Penn báðir utangarðsmenn í
Hollywood.
Besta leikkona í aðalhlut-
verki
Ásgrímur Sverrisson: Charlize Theron fær
Óskar fyrir Monster. Ekki aðeins er það
eitt af trixunum til að fá styttuna að vera
sæt og leika skrímsli eða fatlafól – heldur
mun hún víst vera alveg fjári góð stelpan
(hef ekki séð myndina enn).
Ólafur H. Torfason: Diane Keaton á að fá
Óskarinn fyrir Something’s Gotta Give.
Miðaldra konan er mesta undrið.
Þórarinn Þórarinsson: Charlize Theron
tekur þetta. Engin spurning. Fyrir það
fyrsta er hún mjög góð leikkona en með
því að láta breyta sér í skrímsli sannar
hún að á bak við fríða snoppuna leynist
þrusu talent. Það hefur líka alltaf
verið líklegt til árangurs að
bæta á sig aukakílóum eða
afskræma sig fyrir hlutverk.
Fólk fær umbun fyrir slíkt í
formi styttu.
Besti leikari í
aukahlutverki
Ásgrímur Sverrisson:
Hér veðja ég á Ben-
icio Del Toro fyrir 21
Grams – veit ekki alveg
hvað það er, en það er
26 29. febrúar 2004 SUNNUDAGUR
F R A M U N D A N
Farið í grunnatriði vefsmíða í
Dreamweaver og hvað það er sem
einkennir góða vefi.
N Á M S K E I Ð
Vefsmíði
— grunnnámskeið
Lærið hvernig þrívíddarbrellur og
teiknimyndir eru búnar til.
Þrívíddarvinnsla
fyrir tölvur
— 3d kynning
Námskeið í litstýringu í tölvuforritum
með notkun ICC prófíla.
Litastýring
Nánari upplýsingar á vefnum:
http://namskeid.ir.is
og í síma 522 6500
Fullt af
skemmtilegum
námskeiðum
GÚSTA
Allir félagsmenn í FBM fá afslátt af námskeiðum í prenti og margmiðlun.
IÐNSKÓLINN Í REYKJAVÍK
Skólavörðuholti • 101 Reykjavík
Sími 522 6500 • www.ir.is • ir@ir.is
Óskarsverðlaunahátíðin fer fram í nótt. Flestir spá Hringadróttinssögu Peters Jackson góðu
gengi en aðrir veðja á óvænt úrslit. Ýmist Bill Murray eða Sean Penn er spáð verðlaunum
fyrir bestan leik í aðalhlutverkum og Charlize Theron fyrir leik sinn í Monster.
Veðjað á Peter Jackson
Fréttablaðið bað þrjá kvikmyndasérfræðinga að spá fyrir um hverjir muni hampa
óskarsverðlaununum í nótt. Þeir eru á einu máli um að það yrði meiriháttar hneyksli
ef þriðji hluti Hringadróttinssögu verður ekki valin besta myndin.
Hverju spá sérfræðingarnir?
PETER JACKSON
Spekúlantar eru á því að
það yrði meiriháttar
hneyksli ef hann yrði ekki
valinn besti leikstjórinn og
Hringadróttinssaga besta
myndin.
SEAN PENN
Hann sýnir stórleik í
Mystic River og kemur
sterklega til greina
sem verðlaunahafi.
CHARLIZE THERON
Margir spá henni verð-
launum fyrir leik sinn í
Monster.