Fréttablaðið - 07.03.2004, Blaðsíða 26
26 7. mars 2004 SUNNUDAGUR
Hver er maðurinn?
SVOLÍTIÐ GRIMMUR
„Hann er yfirleitt sanngjarn en getur verið
svolítið grimmur,“ segir Alexander Högna-
son knattspyrnumaður.
Skemmtilegur
og góður vinur
Spurt er um karlmann. Hann vekurjafnan athygli þar sem hann er og
kallar ekki allt ömmu sína. Borgar
Þór Einarsson háskólanemi segir
hann alltaf í miðri hringiðu atburð-
anna: „Það er alltaf nóg að gerast í
kringum hann og hann fer ekki ein-
földustu leiðina að hlutunum,“ segir
Borgar. Og okkar maður er skemmti-
legur: „Hann er fjandanum skemmti-
legri,“ segir Borgar, „og hefur af-
skaplega gaman af að segja sögur. Já,
og hann hefur gaman af sjálfum sér.“
„Þetta er drífandi maður og
fjarska sannfærandi þegar svo ber
undir,“ segir Alexander Högnason
knattspyrnumaður. „Hann er yfirleitt
sanngjarn en getur verið svolítið
grimmur.“
Halldór Rafnsson húsasmíða-
meistari segir okkar mann góðan vin:
„Hann er frábær vinur, mikill vinur
vina sinna og almennt vel liðinn.
Hann er heiðarlegur og gríðarlega
vel skipulagður í sínum störfum.“
Halldór segir hann búa yfir mikilli
þekkingu á sínu fagi, meiri en al-
mennt gerist. „Hann fylgist mjög vel
með því sem er að gerast á hans
sviði.“ En er hann algjörlega galla-
laus? „Nei, nei. Hann er skapmikill og
á auðvitað sína galla eins og aðrir,“
segir Halldór.
Og hver er svo maðurinn? Svarið
er að finna á blaðsíðu 28.■
Japanir glíma við mikla
fjölgun í hópi aldraðra:
Vélmenni
sinna heima-
hjúkrun
Nokkur japönsk fyrirtæki hyggj-ast markaðssetja ýmsar nýjar
tæknivörur á næstunni sem eru sér-
hannaðar til þess að veita öldruðum
aðstoð. Um er að ræða vélrænan
búnað af ýmsu tagi. Til að mynda
verður bráðlega sett á markað vél-
menni, sem getur talað og er með
tvær myndavélar fyrir augu. Það
þykir reyndar einkum gagnast að-
standendum aldraðra til þess að
fylgjast með gamla fólkinu, en ekki
til sérstakrar umönnunar.
Önnur tól hafa verið hönnuð til
þess arna. Nefna má sérstakar vél-
buxur, sem eru buxur sem ganga
fyrir batteríum og eru sérhannaðar
til þess að hjálpa öldruðum að
ganga um íbúð sína. Einnig býðst
hinum öldruðu að vélvæða sturtur
sínar, þannig að þær þvoi á þeim
hárið, og virki eins og einhvers kon-
ar þvottavélar fyrir menn.
New York Times greinir frá
þessu. Í blaðinu er rætt um að þessi
vélvæðing heimahjúkrunar fyrir
aldraða í Japan sé enn ein birtingar-
mynd þess að Japanir eigi í stigvax-
andi vandræðum með að sinna hin-
um ört stækkandi hópi aldraðra í
landinu. Mannleg heimahjúkrun er
dýr og japanskir stjórnmálamenn
hafa ekki reynst viljugir að opna
landið fyrir ódýrara vinnuafli.
Stjórnmálamenn á Filipseyjum og á
Thailandi, sem freista þess um
þessar mundir að ná fríverslunar-
samningi við Japani, hafa raunar
stungið upp á því að í stað þess að
Japanir eyði milljörðum í þróun
vélbúnaðar til þess að sinna öldruð-
um, þá opni þeir land sitt frekar
fyrir filippseysku og taílensku
vinnuafli.
Félög hjúkrunarfræðinga í Jap-
an hafa einnig unnið gegn því að
stjórnvöld veiti útlendum læknum
og hjúkrunarfólki atvinnu í landinu.
Slíkt hefur þó mælst illa fyrir. ■
Sykurmolinn fyrrverandi Ein-ar Örn Benediktsson gaf fyr-
ir nokkru út sína fyrstu sóló-
skífu, Einar Örn: Ghostigital.
Skífan var unnin í samkrulli við
Birgi Örn Thoroddsen, betur
þekktan sem Bibba „Curver“.
Samstarf þeirra félaga gekk svo
vel að þeir runnu í eitt –
Ghostigital. Sveitin hefur vakið
talsverða athygli fyrir frumlega
og kraftmikla tónlist og ekki síð-
ur fyrir hinn ellefu ára gamla
trompetleikara sem leikur með
henni á flestum tónleikum.
Trompetleikarinn ungi heitir
Hrafnkell Flóki og er sonur
Einars Arnar. Auk Hrafnkels
spila gítarleikararnir Kristján
Frosti Logason, Elís Örn Péturs-
son og Óðinn Örn Hilmarsson
með sveitinni.
Í fylgd með fullorðnum
„Hrafnkell kom og spurði
hvort hann mætti ekki spila með
okkur á tónleikum og það varð
á,“ segir Einar Örn um aðdrag-
anda þess að sonur hans var tek-
inn inn í sveitina. „Við höfum
síðan reynt að halda því við. Ég
hef aldrei lært á hljóðfæri en
Hrafnkell hefur lært í þrjú eða
fjögur ár svo ég treysti honum
alveg til að koma fram. Ég held
að honum sé alveg óhætt í fylgd
fullorðinna. Það er samt ekki
alltaf æskilegt að hann spili á
vínveitingastöðum og hann spil-
ar því ekki alla konserta með
okkur vegna aldurs.“
Auk Ghostigital leikur Hrafn-
kell Flóki með lúðrasveit Vest-
urbæjar og hefur gert um nokk-
urt skeið. „Við erum í raun með
spuna yfir það sem pabbi og
Bibbi gera. Í lúðrasveitinni
erum við hins vegar með sér-
stakar nótur sem við lesum og
spilum. Þetta er því aðeins
frjálsara hjá pabba,“ segir
Hrafnkell Flóki um muninn á
hljómsveitunum tveimur. Hon-
um finnast sveitirnar – þótt ólík-
ar séu – jafnskemmtilegar. „Það
er samt skemmtilegri félags-
skapur í lúðrasveitinni,“ segir
hann við litlar undirtektir föður
síns. „Þið eruð miklu eldri en
ég,“ segir hann til útskýringar.
Hrafnkeli finnst skemmtilegra
þegar Óðinn Örn, fjórtán ára
guðsonur Einars, spilar með
þeim. Hann býr í London og spil-
ar með sveitinni þegar hún er
þar.
„Það er gaman að þeir geti
verið með okkur í þessu og þeir
koma inn í þetta á jafnræðis-
grundvelli,“ segir Einar Örn að-
spurður hví hann hafi svo unga
drengi innanborðs. „Þeir hafa
verið að skila toppvinnu og það
er mjög fallegt sem þeir gera.
Það er gaman að geta gefið og
þeir gefa okkur einnig mikið.
Aldurinn skiptir engu máli fyrir
það sem við erum að gera.“ Ein-
ar Örn segist aldrei hafa verið í
vafa um að Hrafnkell myndi
standa undir því að leika fyrir
fullum sal. „Það tók smá tíma
fyrir hann að læra að eltast ekki
við mig og vera í sínu eigin
spileríi og breika,“ segir Einar
Örn.
Sonurinn betri
trompetleikari
Hrafnkell á ekki langt að
sækja áhugann á blásturshljóð-
færinu því Einar Örn spilaði á
trompet með Sykurmolunum og
Kuklinu. Einar Örn segist þó
ekki kunna á hljóðfærið. „Ég
bara blæs og er eiginlega með
mitt eigið lag á trompetið. Sé
það sparlega notað virkar það.
En öllu má ofgera þannig að ég
blæs ekki mikið nú. Hrafnkell er
mér við hlið og hann stendur sig
ágætlega.“
Feðgarnir eru sammála um
að Hrafnkell sé mun betri
trompetleikari. „Hann spilaði í
giftingu, sjálfan brúðarmarsinn,
svo hann kann ýmislegt fyrir
sér,“ segir hinn stolti faðir.
Hrafnkeli finnst gaman að
því að spila á tónleikum og
stefnir að því að starfa við tón-
list í framtíðinni. Hann segist
hlusta talsvert á tónlist – aðal-
lega hip-hop; rapparana 50 cent
og Eminem. Hann hefur þó lítið
hlustað á Sykurmolana. „Ég hef
aðeins kíkt á þá en ekki það mik-
ið,“ segir trompetleikarinn ungi.
„Það er heldur ekki skylduefni á
heimilinu að sjá hvað pabbi hef-
ur verið að gera,“ segir Einar
Örn.
Góð gagnrýni
Tónlist Ghostigital er ekki
allra en Hrafnkell segist þó hafa
gaman af henni. „Hún er svolítið
öðruvísi en ég er búinn að venj-
ast henni,“ segir hann og viður-
kennir fúslega að honum hafi í
fyrstu þótt þetta frekar líkjast
hávaða en tónlist.
Hrafnkell og gítarleikararnir
æfa ekki með Einari Erni og
Bibba heldur mæta á sviðið og
spinna yfir grunnana sem þeir
gera. Sveitin lék tvö ný lög síð-
ast þegar hún var á sviði og kom
það Hrafnkeli og félögum í opna
skjöldu. „Ég vissi ekki að þetta
væru ný lög. Ég hélt að þetta
væri einhver tæknivilla því
þetta var alltaf sama stefið sem
fór hækkandi,“ segir Hrafnkell.
„Sko, hvað þetta er fallegt.
Sonur minn kallar lögin okkar
tæknivillur. Ég held að það sé
ekki hægt að fá betri krítik,“
segir Einar Örn og skellihlær.
Eins og gefur að skilja var
Hrafnkell dálítið óöruggur á
fyrstu tónleikunum. Hann
horfði stöðugt á föður sinn og
fylgdi honum eftir.
„Ég átti það til að horfa á
fíflalætin í honum enda á hann
það til að hristast svolítið,“ seg-
ir Hrafnkell og brosir út í annað.
Sviðsskrekkurinn var þó fljótur
að fara úr honum. „Það var einn
góður vinur okkar sem sá
Hrafnkel spila og hann heldur
því fram að hann eigi framtíðina
fyrir sér. Hann breikdansaði og
blés í trompetið um leið,“ segir
Einar Örn.
Hrafnkell - kallaður Kaktus
Hrafnkell Flóki gengur undir
gælunafninu Kaktus og líkar
vel. „Þegar ég var í maganum á
mömmu vissu þau ekki hvað ég
átti að heita þannig að þau köll-
uðu mig Kaktus,“ segir Hrafn-
kell óviss en lítur á föður sinn til
staðfestingar. „Jú, þetta er
svona nokkurn veginn rétt. Í
stað þess að við myndum kalla
þig Litla prinsinn eða eitthvað
álíka ákváðum við að kalla þig
Kaktus,“ bætir Einar Örn við.
Hrafnkell Flóki útilokar ekki
að gera Kaktusar-nafnið að lista-
mannsnafni sínu.
Trompetleikarinn ungi leikur
einnig á gítar, bassa og hljóm-
borð. Hann er í Korpuskóla og í
frístundum rennir hann sér á
hjólabretti eða hjóli. „Svo er ég
dálítið mikið á skautum. Ef ég
myndi fara að æfa einhverja
íþrótt yrði það íshokkí,“ segir
hann.
Hrafnkell segir skólafélaga
sína ekki hlusta á Ghostdigital
og efast um að þeir hafi heyrt
sveitarinnar getið. „Besti vinur
minn gaf samt mömmu sinni og
pabba plötuna í jólagjöf. Ég held
að hann sé sá eini af skólafélög-
unum sem hafi hlustað á hana.“
Þrjár plötur tilbúnar
Það hefur verið í nógu að snú-
ast hjá Ghostigital síðan fyrsta
plata sveitarinnar kom út. Hún
samdi tónlist fyrir leikritið
Hljómsveitin Ghostigital er hugmynd Einars Arnar Benediktssonar. Hann hefur nú feng-
ið fleiri til liðs við sig, þar á meðal ellefu ára gamlan son sinn. Fréttablaðið hitti þá feðga
að máli og ræddi um samstarf þeirra yfir heitu kaffi og köldu appelsíni.
Tónlist
pabba eins
og tæknivilla
SAMAN Í HLJÓMSVEIT.
Hranfkell Flóki er að spá í að taka upp
listamannsnafnið Kaktus, en hann var kall-
aði því nafni af foreldrum sínum á meðan
hann var enn í móðurkviði.
Sko, hvað þetta er
fallegt. Sonur minn
kallar lögin okkar tæknivill-
ur. Ég held að það sé ekki
hægt að fá betri krítik.“
,,