Fréttablaðið - 29.03.2004, Blaðsíða 6

6 29. mars 2004 MÁNUDAGURVeistusvarið?
1Hvaða söngvari, sem einnig er þekkt-ur sem leikari, heldur tónleika í Laug-
ardalshöllinni 14. júní?
2Hver gaf Bandaríkjamönnum upplýs-ingar um það hvar Saddam Hussein
faldi sig?
3Hvaða leikmaður Chelsea skoraðiþrennu gegn Wolves á laugardaginn?
Svörin eru á bls. 38
Dagblað í Wichita fékk bréf frá raðmorðingja eftir 25 ára þögn:
Raðmorðingi skýtur upp kollinum
BANDARÍKIN, AP Meira en tveir ára-
tugir hafa liðið síðan raðmorðingi
ógnaði íbúum Wichita í Kansas með
því að hreykja sér í fjölmiðlum af því
að hafa kyrkt sjö fórnarlömb og
stungið á hol. Í tuttugu og fimm ár
höfðu lögregluyfirvöld ekki heyrt
múkk frá morðingjanum fyrr en þann
19. mars síðastliðinn að dagblaðinu
The Wichita Eagle barst bréf sem
tengist óupplýstu morðmáli frá 1986.
Í umslaginu var ljósrit af ökuskírteini
fórnarlambsins Vicki Wegerle og
þrjár mismunandi myndir af illa
förnu líki hennar. Bréfið, sem póst-
lagt var í Wichita, virðist vera frá
morðingjanum „BTK Strangler“ og
hefur sett mikla pressu á lögreglu-
yfirvöld að auka öryggi íbúanna.
Bréfið vekur einnig von um að nú-
tíma réttarlæknisfræði geti gefið vís-
bendingar sem loks leiði lögreglu á
spor morðingjans, sem flestir héldu
að væri annað hvort dauður eða í
fangelsi fyrir aðra glæpi.
Bréfið er fyrsta vísbendingin um
að morðingi Vicki Wegerle hafi verið
„BTK Strangler“, en nafn hans er
myndað úr upphafsstöfum orðanna
‘bind, torture and kill’ (binda, kvelja
og drepa). Sex fórnarlamba morð-
ingjans voru kyrkt og eitt þeirra
stungið til bana. Fjögur þeirra voru
meðlimir sömu fjölskyldu, tvö börn
og foreldrar þeirra.
Eftir morðin á áttunda áratugnum
fannst fyrsta bréf morðingjans fyrir
tilviljun í bók á almenningsbóka-
safni. Hann hélt svo áfram að senda
frá sér ljóð og hringdi tvisvar í lög-
reglu vegna morðsins á Nancy Fox. Í
einu bréfinu sagði hann: Er ekki orð-
ið tímabært að finna mér einhverja
nafngift? Ég hef nú þegar slátrað
þeim sjö, og er hvergi nærri hættur.“
Rannsóknarlögreglan í
Wichita skoðar nú nöfn fanga
sem nýlega hafa fengið reynslu-
lausn í þeirri von að ástæðan fyr-
ir því að þeir hafi ekki heyrt í
„BTK Strangler“ síðan 1979 sé sú
að hann hafi setið inni. ■
Skaðabætur fengn-
ar með dómssátt
Dómssátt hefur náðst milli tryggingafyrirtækis Leiguflugs Ísleifs
Ottesen og aðstandanda þeirra sem fórust í Skerjarfjarðarslysinu.
Skaðabótaupphæð trúnaðarmál.
DÓMSMÁL Dómssátt hefur náðst á
milli tryggingafyrirtækisins Cod-
an í Bandaríkjunum, fyrir hönd
Leiguflugs Ísleifs Ottesen, og að-
standenda þeirra sem fórust í
flugslysinu í Skerjafirði um versl-
unarmannahelgina árið 2000.
Aðstandendur sóttu málið ytra
þar sem þeim þótti málið ekki
nógu vel rannsakað hér heima.
R a n n s ó k n a r -
nefnd flugslysa
hafði komist að
þeirri niður-
stöðu að vélin
hefði hrapað
vegna bensín-
leysis en sam-
kvæmt gögnum
a ð s t a n d e n d a
hafði hreyfill
vélarinnar ver-
ið úrbræddur.
L ö g f r æ ð i -
stofa í Texas
tók málið að sér
gegn því að hún
fengi helming
bóta ef ein-
hverjar yrðu en
ef málið hefði
tapast hefðu aðstandendur ekki
þurft að greiða fyrir lögfræði-
þjónustuna. Mótaðilar höfðu gert
kröfu um að málið yrði rekið á Ís-
landi en því var hafnað. „Eftir það
giska ég á að þeir hafi talið málið
í heild sinni tapað og því var þetta
tilboð gert,“ segir Friðrik Þór
Guðmundsson, sem missti son
sinn í slysinu.
Að kröfu tryggingarfélagsins
er upphæð dómssáttarinnar trún-
aðarmál og fellur úr gildi ef hún
er opinberuð.
Aðstandendur hafa einnig
höfðað mál gegn vottunarfyrir-
tækinu Julie’s Aricraft Service,
sem er í eigu Þorleifs Júlíussonar,
en þar var vélin skoðuð og fékk
lofthæfisskírteini áður en slysið
varð. Aðalmeðferð í því máli verð-
ur ytra í október.
Friðrik Þór segir dómssáttina
vera sterka vísbendingu um að að-
standendur fórnarlamba slyssins
hafi haft rétt fyrir sér. „Það er
ekki endanlega leitt í ljós þar sem
hluti málsins heldur áfram,“ segir
Friðrik Þór. „Þetta er ekki áfellis-
dómur yfir einu né neinu en sýnir
að til að ná fram réttlæti eða rétt-
látum bótum þurfti að leita út fyr-
ir landsteinana. Það segir kannski
eitthvað um íslenska löggjöf og
stofnanir.“
kristjan@frettabladid.is
JACQUES VERGES
Telur brotið á rétti Saddams Hussein.
Réttarhöld yfir Saddam
Hussein:
Ekki verið
ákærður
ÍRAK, AP Nýráðnum lögmanni
Saddams Hussein, Frakkanum
Jacques Verges, finnst óeðlilegt að
einræðisherranum fyrrverandi hafi
ekki enn verið birtar neinar ákærur
af hálfu Bandaríkjastjórnar. Þannig
væri óvissa fyrir hvað hann yrði
ákærður og einnig hvar réttarhöld-
in færu fram ef af yrði. Verges tel-
ur einnig líkur á að Saddam verði
drepinn áður en til réttarhalda get-
ur komið og segir Bandaríkjamenn
líklega til alls.
Á vef BBC kemur fram að ýmis-
legt bendi nú til þess að réttað verði
yfir Saddam Hussein í Írak. Ekkert
hefur þó verið endanlega ákveðið. ■
Gröfuslysið:
Ballest
losnaði
KÁRAHNJÚKAR Vinnueftirlitið rann-
sakar ennþá orsakir þess að stór
beltagrafa féll tugi metra niður hlíð
við gerð Kárahnjúkavirkjunar fyrir
viku síðan. Líkur benda til að ballast
gröfunnar, sem gerir ökumanni
kleift að halda jafnvægi ef unnið er
í halla, hafi slitnað frá með þeim af-
leiðingum að grafan byrjaði að
renna. Ekki er útilokað að um fram-
leiðslugalla sé að ræða enda er ball-
astin fest við búk gröfunar með átta
stórum boltum og nánast útilokað
talið að þeir gefi sig allir í einu. ■
ÓVINSÆLL
Jean-Pierre Raffarin, forsætisráðherra
Frakklands, er ekki vinsæll heima fyrir.
Ríkisstjórnarflokkarnir í Frakklandi töpuðu
meirihluta í minnst níu borgarstjórnum af
fjórtán í héraðskosningum í gær. Þar á
meðal í Chasseneuil-du-Poitou, heima-
héraði Raffarin.
Frönsku héraðskosning-
arnar:
Áfall fyrir
stjórnina
PARÍS, AP Frönsku ríkisstjórnar-
flokkarnir urðu fyrir áfalli í gær
þegar kosið var í seinni umferð
héraðskosninganna. Samkvæmt
útgönguspám hlutu mið- og
hægriflokkarnir aðeins 37% at-
kvæða. Vinstri flokkarnir juku
fylgi sitt verulega og fengu um
helming atkvæða á landsvísu en
Þjóðfylkingin, sem er lengst til
hægri, fékk ríflega 12%.
Stjórnmálaskýrendur segja að
franskir kjósendur hafi með
þessu verið að lýsa yfir vonbrigð-
um með efnahagslegar umbætur
Jacques Chirac og frönsku ríkis-
stjórnarinnar. Þá hefur þrýsting-
ur á að stokkað verði upp í ríkis-
stjórninni aukist til muna.
Kosið var til 26 héraðsstjórna
og voru um 42 milljónir kjósenda
á kjörskrá. ■
– hefur þú séð DV í dag
Draumurinn
um íslenskan
her rætist
loksins
ALVOPNUÐ HERSVEIT TIL KABÚL
VICKI WEGERLE
Myndir af líki hennar og ljósrit af
ökuskírteini voru sendar til dagblaðs í
Wichita fyrr í mars.
FÓRNARLAMB BORIÐ ÚT
Eitt fórnarlamba morðingjans borið af
vettvangi í Wichita.
FRÁ SLYSSTAÐ
Flugvélin hrapaði í Skerjafirði um verslunarmannahelgina árið 2000. Niðurstaða Rann-
sóknarnefndar flugslysa var sú að flugvélin hefði orðið bensínlaus. Aðstandendur vilja
meina að hreyfillinn hafi verið úrbræddur.
FRIÐRIK ÞÓR
GUÐMUNDSSON
Að kröfu trygginga-
félagsins er upphæð
dómssáttarinnar
trúnaðarmál og fell-
ur úr gildi ef hún er
opinberuð. Greiðslur
hafa ekki enn verið
inntar af hendi.