Fréttablaðið - 29.04.2004, Blaðsíða 12
12 29. apríl 2004 FIMMTUDAGUR
SVÍADROTTNING Í LONDON
Silvía Svíadrottning tók þátt í athöfn sem
haldin var í sænsku kirkjunni í miðborg
Lundúna í gær. Þar var 350 ára friðar- og
vináttusambandi Bretlands og Svíþjóðar
fagnað.
Vísitölur væntinganna:
Bjartsýnni en Bandaríkjamenn
VÆNTINGAR Væntingar Bandaríkja-
manna til efnahagslífsins fara
vaxandi þessa dagana. Væntinga-
vísitala þar í landi sýnir meiri
bjartsýni almennings. Vísitalan
nú er tæpir 93, sem er ekki hátt í
sögulegu samhengi. Til saman-
burðar mældist væntingavísitala
Gallups á Íslandi 120,6 og hafði þá
lækkað milli mánaða.
Samkvæmt þessu eru Banda-
ríkjamenn mun svartsýnni á eigin
hag í nánustu framtíð en Íslend-
ingar. Bjartsýni Bandaríkja-
manna er þó vaxandi meðan dreg-
ið hefur úr henni milli mánaða á
Íslandi.
Vísitalan bandaríska fór fram
úr væntingum markaðsaðila. At-
vinnuástand er í brennidepli um-
ræðu í Bandaríkjunum líkt og
víða. Bandaríkjamenn hafa ekki
verið jafn bjartsýnir á atvinnu-
ástandið síðan síðla árs 2002.
Þróun atvinnuleysis er talin geta
haft afgerandi áhrif á það hvort
Bush forseta takist að fá endur-
nýjað umboð í haust. ■
Dagur án lækna
yrði óviðunandi
Formaður Sjómannasambands Íslands, segist ekki trúa því að
Gæsluþyrlurnar verði læknalausar. Friðrik Sigurbergsson, einn þyrlu-
læknanna, útilokar ekki að uppsagnarfrestur lækna verði framlengdur.
LÆKNISÞJÓNUSTA „Einn dagur án
lækna um borð í þyrlunum er
óásættanlegt ástand, hvað þá ef
þeir yrðu fleiri,“ segir Sævar
Gunnarsson, formaður Sjómanna-
sambands Íslands, en uppsagnar-
frestur þyrlulækna
rennur út nú um
mánaðarmótin.
Sævar segist
ekki trúa að engir
læknar verði á
þyrlunum fyrr en
annað komi í ljós.
D ó m s m á l a r á ð -
herra hafi látið hafa eftir sér í
fjölmiðlum að Sævar og aðrir
hlutaðeigandi þyrftu ekki að hafa
áhyggjur af því að þyrlurnar yrðu
læknalausar. Ráðherra segir yfir-
lýsingu hafa komið bæði frá
dómsmálaráðherra og heilbrigðis-
ráðherra um að þjónustan verði
að vera til staðar. „Læknir er hluti
af áhöfn þyrlunnar eins og flug-
maður og sigmaður.“
„Á fundi í gærmorgun hvatti
sviðstjóri slysa- og bráðasviðs
Landspítalans okkur til að endur-
skoða afstöðu okkar um að upp-
sagnarfresturinn yrði framlengd-
ur til áramóta en hafði svo sem
ekkert nýtt fram að færa. Við
höfðum svarað því til að við
treystum okkur ekki til að starfa í
þessari óvissu,“ segir Friðrik Sig-
urbergsson, einn þyrlulæknanna.
Hann segir læknana til í að endur-
skoða sínar ákvarðanir enda þurfi
þeir alltaf að gera slíkt í sínu
starfi. Þá hvetja þeir dómsmála-
ráðuneytið til að endurskoða sína
afstöðu líka og semja við spítal-
ann um þjónustu til lengri tíma
þannig að friður skapist. Hann
segir að til greina gæti komið að
framlengja uppsagnarfrestinn til
skemmri tíma svo læknar geti
verið vissir um að unnið verði að
samningum til lengri tíma á næst-
unni en þeir skilji ekki að það
þurfi að framlengja uppsagnar-
frestinn til áramóta. „Það er okk-
ur mikið hjartans mál að þjónust-
an haldist öflug og við viljum allt
til þess gera,“ segir Friðrik.
hrs@frettabladid.is
HNÍFSDALUR
Ísafjarðarbær vill að Ofanflóðasjóður kaupi
upp húseignir á snjóflóðahættusvæði í
Hnífsdal.
Snjóflóðahætta í Hnífsdal:
Húseignir
keyptar upp
SNJÓFLÓÐAHÆTTA Ísafjarðarbær
hefur ákveðið að óska eftir því við
Ofanflóðasjóð að húseignir á snjó-
flóðahættusvæði í norðanverðum
Hnífsdal verði keyptar upp en
samkvæmt frumathugunum yrðu
snjóflóðavarnir mun dýrari en
uppkaup.
Á vef Bæjarins besta kemur
fram að Halldór Halldórsson bæj-
arstjóri hafi fundað með húseig-
endum á svæðinu ásamt bæjar-
tæknifræðingi. Næsta skref mun
vera að fá fram matsverð á eign-
unum en einkum er um að ræða
félagslegar íbúðir í eigu Ísafjarð-
arbæjar. ■
■
Það er okkur
mikið hjartans
mál að þjónust-
an haldist öflug
og viljum allt til
þess gera.
MIÐBÆR AKUREYRAR
KEA vill með fjárstuðningi styðja við bakið
á verkefnum sem stuðla að jákvæðri
þróun alls mannlífs í Eyjafirði.
Kaupfélag Eyfirðinga:
800 milljónir
í nýsköpun
FJÁRFESTINGAR Kaupfélag Eyfirð-
inga er reiðubúið að leggja fram
tæplega milljarð króna næstu
fjögur árin til nýsköpunar og
stuðnings verkefna sem stuðla að
jákvæðri framþróun atvinnulífs
og menntunar í Eyjafirði. Einnig
vill félagið koma að og styðja und-
irbúningsrannsóknir vegna Vaðla-
heiðarganga og jafnframt er vilji
til að fjármagna að hluta til kaup á
snjóframleiðslubúnaði til nota í
Hlíðarfjalli. Telur stjórn félagsins
að nýta beri hluta fjármuna fyrir-
tækisins til að stuðla að auknum
lífsgæðum og fjölgun tækifæra
fyrir íbúa héraðsins. ■
Héraðsdómur Reykjavíkur:
Sektaður
fyrir þjófnað
DÓMSMÁL Maður um tvítugt var
dæmdur í Héraðsdómi Reykjavík-
ur til að greiða 110 þúsund króna
sekt fyrir þjófnað og fíkniefna-
brot.
Ef sektin verður ekki greidd
innan fjögurra vikna kemur 22
daga fangelsi hennar í stað.
Maðurinn var fundinn sekur
um að hafa brotist inn í íbúð í
Kópavogi þar sem hann stal skart-
gripum, áfengi og raftækjum. Þá
var hann tekinn í tvígang af lög-
reglu með samtals um tvö grömm
af amfetamíni og lítilræði af
hassi. ■
Ísrael:
Nauðgara
nauðgað
ÍSRAEL Rússneskur innflytjandi í
Ísrael sem setið hefur í ísraelsku
fangelsi um tíma vegna gruns um
nauðgun kvartar yfir að hafa
sjálfum verið nauðgað í varð-
haldinu. Innflytjandinn hafði
áður verið fluttur frá Kishon-
fangelsinu, þar sem honum hafði
einnig verið nauðgað og mis-
þyrmt, til Ofek-fangelsisins.
Ísraelsk fangelsisyfirvöld líta
málið alvarlegum augum og
rannsókn er þegar hafin en þar-
lend fangelsisyfirvöld hafa
löngum verið harkalega gagn-
rýnd af Palestínumönnum vegna
illrar meðferðar. ■
VINNAN OG VÆNTINGARNAR
Atvinnuástand hefur veruleg áhrif á mat al-
mennings á horfum í efnahagslífinu. Bjart-
sýni Bandaríkjamanna eykst en minnkar
hjá Íslendingum, sem þó eru miklu bjart-
sýnni en Bandaríkjamenn.FR
ÉT
TA
B
LA
Ð
IÐ
/V
IL
H
EL
M
ÞYRLA LANDHELGISGÆSLUNNAR TF-LÍF
Sævar Gunnarsson, formaður Sjómannasambands Íslands, segir það óásættanlegt ef einn dagur yrði án þyrlulækna.
FR
ÉT
TA
B
LA
Ð
IÐ
/S
IG
U
RÐ
U
R
JÖ
KU
LL
FRÉTTAB
LAÐ
IÐ
/SB
S
Danmörk:
Hámarks-
hraði hækkar
DANMÖRK Frá og með 30. apríl mun
hámarkshraði á stórum köflum
hraðbrauta í Danmörku hækka í
130 kílómetra en löngum hefur
verið gagnrýnt hversu hæg um-
ferðin er á hraðbrautum víðast
hvar í landinu. Aðrir mótmæla
þessu og telja að gera þurfi hrað-
brautirnar öruggari ef hækka á
hraðann en það hefur danska
vegagerðin ekki gert. Þó verður
hámarkshraði takmarkaður í
grennd við allar borgir og stór
vegamót en að öðru leyti verður
hér eftir leyfilegt að aka hraðar
en áður. ■