Fréttablaðið - 06.05.2004, Page 51

Fréttablaðið - 06.05.2004, Page 51
■ Tónlist FIMMTUDAGUR 6. maí 2004 Liam Gallagher, söngvari Oasis,var ölvaður og í kókaínvímu þeg- ar hann réðst á þýskan lögregluþjón fyrir utan næturklúbb í München fyrir sautján mánuðum. Þetta kemur fram í niðurstöðum úr blóðprufu sem var tekin úr Gallagher eftir atvikið. Svo gæti farið að kappinn verði ákærður vegna niðurstöðunnar en hann hefur þegar greitt um tólf milljón króna sekt fyrir að ráðast á lögregluna. Liðsmenn Oasis voru að skemmta sér á næturklúbbnum þegar einn úr hópi þeirra stökk upp á borð þar sem nokkrir fínir viðskiptajöfrar sátu í rólegheitum. Upphófust þá mikil slagsmál þar sem Gallagher missti meðal annars báðar framtennur sín- ar. Áttatíu lögregluþjónar voru kall- aðir á staðinn og var Gallagher sá eini sem var handtekinn. Réðst hann á einn lögregluþjónanna fyrir utan klúbbinn og kallaði nærstadda öllum illum nöfnum. ■ Þrjátíu sekúndna auglýsing ílokaþætti Friends-seríunnar sem sýndur verður í Bandaríkjun- um annað kvöld kostar allt að 150 milljónum króna. Slær hann þar með met sem lokaþáttur Seinfeld setti á sínum tíma þegar auglýsingaplássið kostaði um 125 milljónir. Auglýs- ingaplássið fyrir úrslitaleikinn í bandarísku NFL-deildinni, Super Bowl, er það eina sem hefur kost- að meira á þessu ári. Talið er að Friends-þátturinn, sem er klukku- tíma langur, muni laða að sér að minnsta kosti 50 milljónir áhorf- enda og því um tilvalið tækifæri að ræða fyrir auglýsendur að ná athygli neytenda sinna. „Þetta er einn af þessum sjald- gæfu fjölmiðlaatburðum,“ sagði Charlie Rutman, sem kaupir aug- lýsingapláss fyrir stærstu fyrir- tæki Bandaríkjanna. „Þetta eru þættir sem hafa fangað heila kyn- slóð og haft áhrif á lífsstíl fólks undanfarin tíu ár. Þeir eru orðnir miklu meira en bara sjónvaps- þættir.“ ■ LIAM GALLAGHER Lét öllum illum látum í München fyrir sautján mánuðum síðan. Ölvaður og í kókaínvímu FRIENDS Þættirnir hafa notið mikilla vinsælda síðan þeir voru frumsýndir 1994. Mikil eftirvænt- ing ríkir í Bandaríkjunum fyrir lokaþáttinn. Friends-auglýsing á 150 milljónir

x

Fréttablaðið

Direct Links

If you want to link to this newspaper/magazine, please use these links:

Link to this newspaper/magazine: Fréttablaðið
https://timarit.is/publication/108

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.

Actions: