Fréttablaðið - 06.05.2004, Page 57

FIMMTUDAGUR 6. maí 2004
■ LEIKSÝNING
45
■ ■ LEIKLIST

19.00 Sorgin klæðir Elektru eftir
Eugene O’’Neill í Smíðaverkstæði Þjóð-
leikhússins.

20.00 Edith Piaf, nýr söngleikur
eftir Sigurð Pálsson, verður frumsýndur í
Þjóðleikhúsinu. Brynhildar Guðjóns-
dóttir leikur titilhlutverkið en leikstjóri er
Hilmar Jónsson.

20.00 Belgíska Kongó eftir Braga
Ólafsson frumsýnt á Nýja sviði Borgar-
leikhússins.

21.00 Pálína Jónsdóttir flytur ein-
leikinn The Secret Face eftir Elísabetu
Jökulsdóttur í Iðnó.
■ ■ SKEMMTANIR

Gunnar Ágúst og Einar Óla trúbbast
á Hressó.
■ ■ ÚTIVIST

13.30 Útsýnisferð fyrir eldri borgara
um nýju hverfin í Kópavogi í tengslum
við Kópavogsdaga. Brottför frá Gjábakka,
Gullsmára og Sunnuhlíð. Leiðsögumenn
verða þeir Björn Þorsteinsson, Birgir
Sigurðsson skipulagsstjóri og Friðrik
Baldursson garðyrkjustjóri. Kaffi í Gjá-
bakka að ferð lokinni.
■ ■ FYRIRLESTRAR

17.00 Árni B. Stefánsson, augn-
læknir og hellakönnuður, flytur fræðslu-
erindi um Þríhnúkagíg og fleiri náttúru-
undur í Salnum, Kópavogi.

20.00 Haraldur Jóhannsson, heila-
og taugalæknir, flytur fyrirlestur um krist-
inn mannskilning á fundi hjá aðaldeild
KFUM á Holtavegi 28.
■ ■ FUNDIR

17.15 Mai Palmberg og Kristín
Loftsdóttir eru frummælendur á öðrum
degi málþings um þróunarmál og mál-
efni Afríkuríkja, sem haldið er á Hótel
Lind, Rauðarárstíg 18.
Upplýsingar um viðburði og sýningar
sendist á hvar@frettabladid.is ekki síð-
ar en sólarhring fyrir birtingu.
Ég verð bara að segja það frádýpstu hjartans rótum að mér
líst alveg rosalega vel á þetta,“
segir Sigurður Pálsson, leikskáld,
en í kvöld verður frumsýnt verk
hans um ævi frönsku söngkonunn-
ar Edith Piaf í leikstjórn Hilmars
Jónssonar.
„Ég sat uppi með svo marga
hluti eftir að hafa kynnt mér ítar-
lega skemmtilegt og furðulegt lífs-
hlaup söngkonunnar og þessa ótrú-
legu rödd,“ segir Sigurður en hann
leikstýrði bresku verki um Edith
Piaf hjá Leikfélagi Akureyrar árið
1985. „Út frá því langaði mig til að
segja sögu hennar frá öðru sjónar-
horni. Ég vildi gera bernskuárum
Edith Gassion skil, árunum áður
en hún varð hin alþjóðlega stjarna
Edith Piaf og í rauninni má segja
að þetta sé leitin að manneskjunni
á bakvið goðsögnina.“
Sigurður segir aðalleikkonuna
Brynhildi Guðjónsdóttur vera með
öll tromp á hendi. „Það skipti máli
þegar ég skrifaði verkið að í leik-
hóp Þjóðleikhússins var að finna
manneskju sem gat gert þetta
hundrað prósent. Það kom aldrei
nein önnur til greina en Brynhild-
ur í hlutverkið. Hún er góð leik- og
söngkona, minnir um margt á Ed-
ith Piaf í útliti og er auk þess
frönskumælandi sem er enn einn
bónusinn,“ segir Sigurður en Bryn-
hildur syngur lög Edith Piaf ýmist
á frönsku eða íslensku. „Það er svo
skrýtið með Edith Piaf að það er
eins og allir skilji frönsku þegar
hún syngur en Þórarin Eldjárn og
Kristján Þórður Hrafnsson hafa
einnig útbúið íslenskar þýðingar á
söngtextunum sem njóta sín vel í
uppfærslunni. Verkið hefur í raun
þróast nær því að vera söngleikur
en í upphafi var lagt af stað með og
þar þjónar leikhópurinn mikil-
vægu hlutverki og tekur þátt í
glæsilegum dans- og söngatrið-
um.“
Aðspurður um hvað sé hægt að
læra af lífi Edith Piaf segir Sigurð-
ur. „Það sem heillaði mig var saga
hennar, rödd og túlkun sem nýjar
og nýjar kynslóðir eru alltaf að
uppgötva. En það sem má læra af
lífi hennar er fyrst og fremst ein-
lægnin og það að hlusta á hjarta
sitt og láta það ráða för.“ ■
Í FÓTSPOR EDITH PIAF
Sigurður Pálsson segir enga aðra leikkonu
hafa komið til greina fyrir hlutverk Edith
Piaf en Brynhildi Guðjónsdóttur en eins og
sjá má af myndinni í hægra horninu eru
listakonurnar sláandi líkar.
Lát hjartað
ráða för