Fréttablaðið - 18.06.2004, Blaðsíða 51

EM Í FÓTBOLTA Ólöglegt mark frá
David Trezeguet á 64. mínútu
tryggði Frökkum annað stigið
gegn sprækum Króötum í
viðureign liðana á Evrópumótinu í
gær. Liðin skildu jöfn, 2–2, í
frábærum leik sem bauð upp
fjölda færa og mikla dramatík.
Það voru slæm mistök frá Igor
Tudor sem leiddu til marksins, en
hann gaf tæpa sendingu til baka á
Tomislav Butina í markinu sem
reyndi að þruma boltanum í burtu.
Þá kom Trezeguet aðvífandi og
fékk boltann greinilega í hendina
á sér eftir spyrnu Butina. Af
hendinni lagðist boltinn þægilega
fyrir fætur Trezeguet og átti hann
ekki í erfiðleikum með að skora í
autt markið. Króatar urðu æfir út
í Kim Milton Nielsen, annars
ágætan dómara leiksins, og það
skiljanlega, því mögnuð endur-
koma þeirra skömmu áður hafði
verið eyðilögð.
Það voru Frakkar sem byrjuðu
mun betur í leiknum í gær og
komust yfir með sjálfsmarki frá
Tudor á 22. mínútu. Króatar
mættu til leiks með breytt hugar-
far í síðari hálfleik og uppskáru
tvö mörk á fjögurra mínútna
kafla. Það fyrra úr vítaspyrnu sem
Milan Rapaic skoraði örugglega
úr, og það síðara með góðu skoti
Dado Prso sem nýtti sér slæm
mistök Marcel Desailly í vörn
Frakka. Bæði lið fengu góð færi
til að tryggja sér sigurinn eftir að
Trezeguet jafnaði, en inn vildi
boltinn ekki. Frökkum nægir nú
jafntefli gegn Sviss í síðasta
leiknum til að komst áfram en
Króatar þurfa sigur gegn
Englandi í sínum lokaleik. ■
27FÖSTUDAGUR 18. júní 2004
Trúir á heiðarlega dómgæslu
EM Í FÓTBOLTA Þjálfari Spánverja,
Inaki Saez, óttast ekki heimadóm-
gæslu í leiknum gegn Portúgal en
hann kemur líklega til með að
vera úrslitaleikur um hvort liðið
komist í átt liða úrslit. Öllum að
óvörum eru það Grikkir sem skot-
ið hafa báðum þjóðunum ref fyrir
rass. „Ég hef fulla trú á því að
dómgæslan í leiknum verði heið-
arleg og komi ekki á neinn hátt
niður á okkur. UEFA hefur tólf
mjög góða og heiðarlega dómara
hér á mótinu sem eru með reynslu
úr meistaradeildinni,“ sagði Inaki
Saez og spurningin er hvort hér sé
um að ræða sálfræðibrellu af
hans hálfu. ■
Frakkar heppnir
Inaki Saez óttast ekki heimadómgæslu gegn Portúgal:
Francesco Totti dæmdur í þriggja leikja bann:
Biður Ítali alla afsökunar
EM Í PORTÚGAL Ítalski landsliðsmað-
urinn Francesco Totti hefur verið
dæmdur í þriggja leikja bann fyr-
ir að hrækja á Danann Christian
Poulsen í leik liðanna á dögunum.
Dómari leiksins sá ekki atvikið
en það náðist á myndband og út
frá því var dómurinn felldur. Totti
mun því missa af tveim næstu
leikjum Ítala í riðlakeppninni,
gegn Svíum og Búlgörum, og nái
Ítalir að komast áfram í átta liða
úrslit missir hann einnig af þeim
leik. Til að þessi lykilmaður ítals-
ka landsliðsins spili fleiri leiki á
mótinu í Portúgal þá þurfa Ítalir
að komast alla leið í undanúrslitin.
„Við munum ekki þola svona
hegðun,“ sagði talsmaður UEFA
eftir dóminn.
Totti fékk tækifæri til að stan-
da fyrir máli sínu á þriggja tíma
fundi um málið á hóteli í Lissabon.
Þar viðurkenndi hann verknaðinn
enda annað varla hægt:
„Ég er mjög leiður yfir þessu
og ég hreinlega þekki ekki sjálfan
mig á þessum myndum,“ sagði
Totti fullur iðrunar og bætti við:
„Ég biðst afsökunar og vil taka
það skýrt fram að þetta er ekki
hinn rétti Francesco Totti á mynd-
bandinu.“
Totti er 27 ára og leikur með
Roma í ítölsku A-deildinni. Hann
var einn af markahæstu leikmön-
num deildarinnar á síðasta tíma-
bili með 20 mörk.■
EM Í FÓTBOLTA Plamen Markov,
þjálfari búlgarska landsliðsins,
vísar því algjörlega á bug að þörf
sé á róttækum breytingum fyrir
leikinn gegn Dönum í dag. Þetta
segir hann þrátt fyrir að lið hans
hafi verið tekið í karphúsið af Sví-
um, 0-5:
„Það verða engar stórvægileg-
ar breytingar á byrjunarliðinu frá
Svíaleiknum,“ sagði Markov.
Hann segir helsta áhyggjuefni sitt
fyrir leikinn gegn Dönum vera
meiðsli varnarmannsins Predrag
Pazin sem misst hefur af tveimur
síðustu æfingum liðsins og er afar
tæpt að hann nái sér í tæka tíð.
„Ég myndi frekar kjósa sigur í
leiðinlegum leik heldur en að tapa
á glæsilegan hátt eins og við gerð-
um gegn Svíum. Við vorum algjör-
lega búnir eftir sextíu mínútna
leik og það mun ekki ganga neitt
betur gegn Dönum náum við ekki
að halda út allan leiktímann, sagði
Plamen Markov. ■
Þjálfari Búlgara fyrir leikinn gegn Dönum í dag.
Engar róttækar breytingar
TOTTI Í ÞRIGGJA LEIKJA BANN
Offramleiðsla á munnvatni?
Dæmdur í þriggja leikja bann.
B-RIÐILL
England–Sviss 3–0
1–0 Rooney (23.), 2–0 Rooney (75.), 3–0
Gerrard (82.)
Frakkland–Króatía 2–2
1–0 Tudor, sjálfsmark (22.), 1–1 Rapaic,
víti (48.), 1–2 Prso (52.), 2–2 Trezeguet
(64.).
STAÐAN Í RIÐLINUM
Frakkland 2 1 1 0 4–3 4
England 2 1 0 1 4–2 3
Króatía 2 0 2 0 2–2 2
Sviss 2 0 1 1 1–4 1
NÆSTU LEIKIR Í RIÐLINUM
England – Króatía mán. 21. júní 18.45
Frakkland – Sviss mán. 21. júní 18.45
■ STAÐA MÁLA
DAVID TREZEGUET VAR HETJA FRAKKA EN MARK HANS VAR EKKI LÖGLEGT
Hann tryggði Frökkum eitt stig gegn Króötum en hann notaði hendina á ólöglegan hátt rétt áður en hann skoraði.
David Trezeguet skoraði ólöglegt mark og jafnaði fyrir Frakka gegn
Króötum. Framundan er úrslitaleikur milli Króata og Englendinga.
PLAMEN MARKOV
Þjálfari Búlgara. Segir sína menn verða
tilbúna í leiknum gegn Dönum.