Fréttablaðið - 18.06.2004, Blaðsíða 62

Fann fyrir lífinu aftur í aldir
Ekki bara hestar og lopapeysur
38 18. júní 2004 FÖSTUDAGUR
... fær listamaðurinn Alice Olivia
Clarke fyrir að tengja saman hafið
og bækur í stóru mósaíkverki sem
nú prýðir Bókasafn Hafnarfjarðar.
HRÓSIÐ
Íslenska þjóðin hefur tekið ást-
fóstri við leikkonuna Brynhildi
Guðjónsdóttur. Hún hefur sungið
sig og leikið inn í hug og hjörtu
landsmanna í hlutverki Edith
Piaf í Þjóðleikhúsinu og á þjóð-
hátíðardaginn var vel við hæfi að
Brynhildur færi í hlutverk fjall-
konunnar. „Það segir sig kannski
sjálft að ég þurfti að vera í
öðrum búningi en allar þær fjall-
konur sem komu á undan mér,“
segir Brynhildur, en hún varð í
gær sextugasta fjallkonan til að
flytja ljóð á Austuvelli. „Það er
dálítið helg stund að klæðast
skautbúningnum og þjóðbúninga-
verðirnir á Árbæjarsafninu sáu
til þess að ég fékk alveg eins bún-
ing og hingað til hefur verið not-
aður. Ég fann alveg fyrir lífinu
aftur í aldir í þessum búningi og
fylltist miklu þjóðarstolti yfir að
fá að vera Ísland og flytja þjóð-
inni fallegt ljóð.“
Dagarnir hafa verið stórir í
vikunni fyrir Brynhildi því við at-
höfn í Borgarleikhúsinu á mið-
vikudagskvöldið hreppti hún
Grímuverðlaunin fyrir túlkun
sína á Edith Piaf. „Ég finn í hjarta
mínu að þessi verðlaun voru ætl-
uð mér því ég er búin að fá svo
mikinn stuðning frá öllum sem
hafa komið og séð sýninguna svo
og öllu samstarfsfólki. Mér finnst
eins og það sé verið að gefa mér
gull á hverjum degi og að leggja á
sig svona mikla vinnu og
uppskera svo með þessum hætti
er algjörlega guðdómlegt.“
Við æfingar á Piaf segir Bryn-
hildur að hún hafi séð hlutina
skýrt fyrir sér varðandi leikhúsið.
„Mér finnst að okkur leikurunum
beri skylda til að opna hjartað
okkar, gera hlutina eins vel og við
getum og eins leikhúsið aðgengi-
legt fyrir áhorfendur og mögulegt
er. Ef við ætlum að standa upp á
sviði í einhverri sjálfhverfu og
halda að þetta sé allt fyrir okkur
sjálf þá getum alveg eins leikið
heima hjá okkur. Við verðum að
reyna að vera einlæg, þakklát,
hógvær og gjafmild í okkar starfi.
Þetta snýst um að gefa og ef mað-
ur gefur á þennan hátt þá uppsker
maður margfalt.“
tora@frettabladid.is
Þeir farþegar Iceland Express
sem hafa gleymt að taka með sér
bókina í vélina og svo gripið í
tómt þegar þeir þreifuðu eftir les-
efni í sætisvasanum á móti sér
eiga von á bragarbót. Í ágúst verð-
ur þar nefnilega að finna nýtt
tímarit, Iceland Express Inflight
Magazine, sem svipar til Atlantica
og Ský sem dreift er í vélum
Icelandair og Flugfélagi Íslands.
Snæfríður Ingadóttir, fyrrum rit-
stjórnarfulltrúi Mannlífs, hefur
verið ráðin til þess að ritstýra því.
„Þetta tímarit verður bæði á ís-
lensku og ensku því farþegar
flugfélagsins eru bæði Íslending-
ar og útlendingar,“ segir Snæfríð-
ur. „Þar sem félagið flýgur til
Lundúna og Kaupmannahafnar
verður mikið efni tengt þessum
borgum sem og Reykjavík. Það
sem hentar fyrir erlendu ferða-
mennina verður á ensku en efnið
fyrir þá íslensku verður á ís-
lensku.“
Snæfríður segir það hugsanlegt
að einhverjar greinar verði á báð-
um tungumálum, séu þar um viðtöl
eða annað efni að ræða sem höfði
jafnt til Íslendinga sem erlendra
ferðamanna. Blaðið á svo að vera
bæði fræðandi og skemmtilegt.
„Þetta verður ekki bara hestar og
lopapeysur,“ segir Snæfríður.
Vinnsla fyrsta blaðsins er að
hefjast og er Snæfríður því búin
að pakka niður í ferðatösku, þar
sem hún flýgur út á næstunni í
„rannsóknarleiðangur“ til Kaup-
mannahafnar og Lundúna. „Nú
verður sumarið ekkert smá
skemmtilegt hjá mér. Ég verð
mikið á ferðinni, bæði innanlands
og utan, í leit að skemmtilegu efni
í blaðið. Þetta er örugglega með
skemmtilegri vinnu sem maður
getur komist í,“ segir Snæfríður
að lokum og það er auðséð að hún
er spennt fyrir þeim ævintýrum
sem bíða. ■
FJALLKONAN
BRYNHILDUR GUÐJÓNSDÓTTIR
■ Var fjallkona landsmanna á þjóðhátíð-
ardaginn en kvöldið áður hreppti hún
Grímuverðlaunin fyrir leiktúlkun sína á
söngkonunni Edith Piaf.
ÚTGÁFA
INFLIGHT MAGAZINE
■ Snæfríður Ingadóttir hefur verið ráðin
ritstjóri á nýju tímariti sem dreift verður í
vélum Iceland Express
FJALLKONAN BRYNHILDUR
Það geislaði af fjallkonunni Brynhildi Guðjónsdóttur á þjóðhátíðardaginn en hún flutti ljóð Hannesar Hafstein við hátíðarathöfn á Austurvelli
SNÆFRÍÐUR
Nýráðin ritstjóri nýs tímarits Iceland Ex-
press. Hún er reiðubúin í verkefnið,
eins og sjá má.
„Við erum alltaf að leita leiða til að
búa til pening þar sem Götusmiðjan
er alltaf blönk,“ segir Guðmundur
Týr Þórarinsson, betur þekktur sem
Mummi í Götusmiðjunni. Mummi
hefur nú gripið til þess ráðs að gefa
út geisladisk í fjáröflunarskyni.
„Ég er búinn að ganga með það í
maganum lengi að taka eitthvað af
þessum gömlu perlum og rokka
þær upp. Ég ákvað að framkvæma
þetta og hóaði í kjölfarið í nokkra
stráka úr bransanum.“ Á disknum
leika Beggi og Gunni úr Sóldögg,
Biggi Haralds úr Gildrunni, Siggi
Reynis og Bergur sem er tónlistar-
kennari í Götusmiðjunni. „Við völd-
um þessi lög og tókum upp hjá Silla
í Stúdíó September og nú er af-
raksturinn kominn út.“
Diskurinn ber heitið „Í upp-
hafi“ og hljómsveitin kallar sig
Götustrákana. Mummi segir plan-
ið að selja sem mest í símasölu en
disknum verður einnig dreift í
Skífuverslanir. Götusmiðjan er
sérhæft meðferðarúrræði fyrir
ungt fólk sem hefur lent á vit-
lausri braut í lífinu og segir
Mummi óhefðbundnum aðferðum
beitt til að ná tilætluðum árangri.
„Við notum hesta, tónlist og leik-
list til að hjálpa þeim að öðlast
sjálfstraust og sjálfsvirðingu fyr-
ir utan auðvitað hefðbundið hópa-
starf og fyrirlestra.“ Mummi seg-
ir tónlistina nýtast ótrúlega vel í
meðferðinni. „Þau lifa og hrærast
í heimi þar sem tónlist skiptir
miklu máli. Það er líka auðvelt
fyrir þau að tjá tilfinningar í
gegnum tónlistina, það má berja á
trommur þegar mikil reiði blossar
upp eða leika á fiðlu þegar sorgin
ríkir.“
Ágóði sölunnar mun fara í upp-
byggingu tónlistarstarfs Götu-
smiðjunnar en lítið er til af hljóð-
færum á staðnum. „Við ætlum að
prófa þessa leið og vonum að land-
inn taki við sér.“ ■
Rokkar upp gamlar perlur
ÚTGÁFA
MUMMI Í GÖTUSMIÐJUNNI
■ hefur gefið út geisladisk. Ágóði
sölunnar mun renna í tónlistarstarf
Götusmiðjunnar.
MUMMI
Hann hefur lengi gengið með það í maganum að gefa út gamlar dægurlagaperlur í rokkbúningi.
1
3
2
Mohammad Khatami.
Fjórtán sinnum.
Inga Jóna Þórðardóttir.
Lárétt: 1 stór, 6 vaða um, 7 í röð, 8 sól-
guð, 9 iðka, 10 gruna, 12 skel, 14 rám,
15 varðandi, 16 að innan, 17 snák, 18
ein.
Lóðrétt: 1 lofa, 2 svelgur, 3 íþróttafélag,
4 rómaður, 5 fugl, 9 gera vitstola, 11 afl,
13 formóðir, 14 mannabústaður, 17 jök-
ull.
LAUSN
1
6 7
8 9
14
16 17
15
18
2 3 4
1311
10
12
5
Lárétt: 1mikill,6æða,7oó,8ra,9æfa,
10óra,12aða,14hás,15um,16út,17
orm,18stök.
Lóðrétt: 1mæra,2iða,3ka,4lofaður, 5
lóa,9æra,11mátt,13amma,14hús,
17ok.
■ VEISTU SVARIÐ?
Svör við spurningum á bls. 6
FR
ÉT
TA
B
LA
Ð
IÐ
/S
TE
FÁ
N
K
AR
LS
SO
N