Fréttablaðið - 18.06.2004, Blaðsíða 56

Dollars are like small fish, difficult to catch, but not to
be thrown back except as bait for something bigger.
- Kínverski mafíósinn Joey Tai veit allt
sem vita þarf um viðskipti og lætur hér
ljós sitt skína í Year of the Dragon frá 1985.
32 18. júní 2004 FÖSTUDAGUR
Hversu erfitt getur það verið að
koma einni gamalli konu fyrir
kattarnef? Alec Guinness, Peter
Sellers, Herbert Lom og fleiri
snilldarleikarar komust að raun
um það í bresku gamanmyndinni
The Ladykillers að sumum
rosknum dömum verður ekki
komið auðveldlega fyrir kattar-
nef.
Í þessari kostulegu mynd,
sem Alexander Mackendrick
leikstýrði árið 1955, fór
Guinness fyrir glæpagengi sem
leigði herbergi hjá gamalli konu,
þar sem þeir undirbjuggu stórt
rán. Sú gamla, sem Katie John-
son lék, komst að öllu saman og
þá afréðu þjófarnir sem þóttust
vera virðulegir tónlistarmenn að
kála kerlu en þá byrjuðu vand-
ræði þeirra fyrst fyrir alvöru.
Þeir Coen-bræður, Ethan og
Joel, réðust ekki á garðinn þar
sem hann er lægstur þegar þeir
ákváðu að endurgera þessa
gömlu mynd og það fer tveim
sögum af því hvernig þeim tókst
til en þeir eru alla jafna bestir
þegar þeir vinna með frumsamið
efni. Bræðurnir fengu tvöfalda
óskarsverðlaunahafann Tom
Hanks til að taka að sér hlutverk
doktor Goldwait Higginson Dorr,
sem Guinness lék á sínum tíma.
Hanks ber mikla virðingu bæði
fyrir gömlu myndinni og forvera
sínum og segir að það að leika í
The Ladykillers sé svipað því að
taka að sér hlutverk í Ríkarði
III.
Frumskógarlögmál
skólalóðarinnar
Stjarna leikkonunnar ungu
Lindsey Lohan hefur farið hækk-
andi frá því hún lék í endurgerð
The Parent Trap árið 1998 á móti
Dennis Quaid og Natasha
Richardson. Hún sást nýverið í
myndunum Confessions of a
Teenage Drama Queen og Frea-
ky Friday ásamt Jamie Lee Curt-
is og nú lætur hún til sín taka í
unglingamyndinni Mean Girls.
Þar leikur Lohan hina 15 ára
Cady Heron sem hefur alist upp
í frumskógum Afríku. Hún er
því vön því að vera innan um
villidýr, veit allt um þróunar-
kenningu Darwins og þá stað-
reynd að aðeins þeir hæfustu
komast af. Hún verður því fyrir
algeru kúltúrsjokki þegar hún er
send í skóla í grennd við
Chigaco.
Þar kemst hún að því að
amerískir unglingar eru engin
lömb að leika sér við og eftir
árekstur við aðalgelluna í skól-
anum þarf hún á allri sinni frum-
skógarþekkingu að halda til að
komast í gegnum skóladaginn.
Auga fyrir auga, tönn fyrir tönn
Myndasöguhetjur hafa verið
að gera það ansi gott í bíó undan-
farið. Seinna í sumar er von á
annarri myndinni um Könguló-
armanninn og með haustinu
mætir hinn sérstæði Hellboy til
leiks. Það gamall andstæðingur
Köngulóarmannsins, Refsarinn
Frank Castle, sem ríður þó á vað-
ið og er kominn í bíó.
Refsarinn er ekki ofurhetja í
venjulegum skilningi þar sem
hann er fullkomlega mannlegur,
á engan furðulegan súperhetju-
búning og er þar að auki á mörk-
um þess að geta talist til góðu
gæjanna þar sem hann drepur
glæpahyskið sem verður á vegi
hans af fullkomnu miskunnar-
leysi.
Áður en Refsarinn varð þessi
sjálfskipaði böðull undir-
heimanna hét hann Frank Castle.
Hann gegndi herþjónustu og
fékk sérþjálfun í alls kyns bar-
dagaíþróttum og vopnaburði. Að
herþjónustu lokinni gekk hann
til liðs við FBI en í síðasta verk-
efni hans fellur sonur stórglæpa-
manns í átökum lögreglu og
vopnasala. Sá kennir Castle um
dauða sonar síns og lætur því
slátra fjölskyldu Castles. Sjálfur
kemst Castle undan við illan leik
og þegar hann er gróinn sára
sinna kemur hann sér upp
vopnabúri og leitar hefnda. ■
Frumsýndar í vikunni:
Vondar stelpur, virðulegir
glæpamenn og sjálfskipaður böðull
Ómissandi á DVD Leikstjóranum Michael Cimino hefur aldrei verið fyrirgefið floppið Heaven’s
Gate og fékk ekki einu sinni uppreisn æru þegar hann kom með hina mögnuðu Year of the Dragon
árið 1985. Þá var Mickey Rourke funheitur leikari og í toppformi í hlutverki löggunnar Stanley White
sem fær það verkefni að hreinsa til í Kínahverfi New York. Myndin er nú loks komin út á DVD 18
árum eftir að hún kom í bíó. Oliver Stone skrifaði kjaftfort og ruddalegt handritið og Cimino keyrði
ofbeldi í botn. Aukaefni er af skornum skammti en myndin ein og sér gerir diskinn ómissandi.
Eurotrip
„Það vefst mikið fyrir mér hvernig ég á að halda
sjálfsvirðingunni um leið og ég upplýsi að mér
fannst Eurotrip ferlega skemmtileg en þessi vitleysa
er þrælfyndin á köflum. Tilgangur myndarinnar er
einfaldlega að skemmta áhorfendum í 90 mínútur
og það tekst býsna vel. Þetta er fín kynlífsbrandara-
súpa með nokkrum óborganlegum bragðefnum og
ekki skemmir fyrir að mikið skín í bert hold.“
ÞÞ
Eternal Sunshine of the
Spotless Mind
„Eternal Sunshine er hreinn gullmoli í bíóflórunni
þessa dagana. Mynd sem gleymist seint og býður
upp á endalausar vangaveltur fyrir þá sem á annað
borð nenna að pæla í nokkrum sköpuðum hlut.
Brilljant mynd.“
ÞÞ
Mors Elling
„Það er auðvitað ávísun á vandræðalegar uppá-
komur og góða brandara að senda ruglukoll eins
og Elling til Mallorca og Mors Elling er því hin
besta skemmtun. Hún er þó langt því frá jafn þétt
og góð og fyrri myndin og þar munar mest um
fjarveru Kjell-Bjarne, sem ekki er kominn til sög-
unnar, en samspil vitleysinganna tveggja var
burðarás Elling.“
ÞÞ
Harry Potter and the Prisoner
of Azkaban
„Fyrir þá sem hafa lesið bókina er þetta hin prýðileg-
asta skemmtun, þó svo að myndin bæti engu við
það sem fyrir var skrifað. Þeir sem ekki hafa lesið
bókina munu ganga mun ringlaðri út úr salnum en
þegar þeir komu inn og foreldrar fá að hlýða á
margar „af hverju“ spurningar næstu daga á eftir.“
SS
Troy
„Allt þetta nöldur mitt breytir því þó ekki að Troy er
fínasta skemmtun, þó hún sé í lengri kantinum, og
það er vissulega ánægjulegt að Hollywood skuli gefa
fornsögum svo mikinn gaum þessi misserin. Það fer
þó alltaf um mann smá hrollur þegar sígild verk eru
löguð að kröfum draumaverksmiðjunnar.“
ÞÞ
Van Helsing
„Útlit myndarinnar er frábært, búningarnir eru flottir
og drungalegt umhverfi Transylvaníu er heillandi.
Tæknibrellurnar eru fyrsta flokks en þó nokkuð ofnot-
aðar, sérstaklega í lokin, og þá keyrir væmnin einnig
um þverbak. Annars er ekki yfir neinu að kvarta og
Van Helsing er alvöru sumarpoppkornssmellur sem
stendur fyllilega undir öllum væntingum sem slíkur.“
ÞÞ
Drekafjöll
„Teikningarnar eru ágætar en standast vitaskuld ekki því
besta sem kemur frá Hollywood í þessum geira snún-
ing enda vart hægt að ætlast til þess. Það er vissulega
ánægjulegt að menn skuli taka sig til og talsetja evr-
ópskar teiknimyndir en Drekafjöll er þó varla myndin til
að tryggja það að þetta verði regla frekar en undan-
tekning. Hún er einfaldlega ekki nógu skemmtileg.“
ÞÞ
Kill Bill: Vol. 2
„Sem heild eru Kill Bill: Vol. 1 og Vol. 2 gargandi snilld
og maður getur ekki beðið eftir að sjá þær saman í
röð en aðskildar stendur Vol. 2 upp úr og það sem
meira er, hún getur staðið ein og sér og það má njóta
hennar í botn án þess að hafa séð fyrri hlutann. Ef um
væri að ræða ritgerð um þann risahrærigraut sem
bíómenningin er þá fengi Vol. 1 9,5 en Vol. 2 hækkar
einkunnina upp í 10. Þetta verður ekki betra.“
ÞÞ
ETERNAL SUNSHINE OF THE
SPOTLESS MIND
Gagnrýnandi Fréttablaðsins var gagntekinn
af nýjustu mynd handritshöfundarins
Charlie Kaufman.
[ SMS ]
UM MYNDIRNAR Í BÍÓ
Titanic
Star Wars
E.T. : The Extra Terrestrial
Star Wars Episode I : The
Phantom Menace
Spider-Man
LOTR: The Return of the King
The Passion of the Christ
Jurassic Park
Shrek 2
LOTR: The Two Towers
Finding Nemo
Forrest Gump
The Lion King
Harry Potter and the Sorcerer’s
Stone
The Fellowship of the Ring
Star Wars Episode II: AOTC
Return of the Jedi
Independence Day
Pirates of the Caribbean
The Sixth Sense
1
2
3
4
5
6
7
8
9
10
11
12
13
14
15
16
17
18
19
20
[ vinsælustu ]
BÍÓMYNDIR ALLRA TÍMA
STJÖRNUSTRÍÐ
Fyrsta Star Wars myndin frá árinu 1977
er sú kvikmynd sem hefur fengið næst
mesta aðsókn frá því mælingar hófust
en endurútgáfa hennar árið 1997 festi
hana í sessi á eftir Titanic.
„Síðast þegar ég fór í bíó sá ég
Tróju,“ segir karatemeistarinn Edda
Blöndal. „Tilefnið segir kannski allt
sem segja þarf. Við vorum fjórar
stelpur sem vorum að klára að
flytja lokaverkefni í Háskóla Ís-
lands og pöntuðum sæti í lúxussal
með tíu daga fyrirvara til að horfa
á Brad Pitt í þessari mynd. Þetta
var skemmtilegt og ég er mjög
ánægð með Pitt í myndinni,“ segir
Edda sposk.
[ HVERNIG VAR...? ]
TOM HANKS
Fer fyrir hópi glæpamanna sem kemst í hann krappan þegar þeir leigja herbergi hjá
eldri konu undir því yfirskini að húsnæðið eigi að nota til hljómsveitaræfinga.
LINDSEY LOHAN
Leikur stúlku sem ólst upp í frumskógum
Afríku og kynnist fyrst raunverulegum
hættum þegar hún fer í skóla
í Bandaríkjunum.
REFSARINN
Þeir sem gerast brotlegir við lög þurfa ekki
að kempa hærurnar ef Refsarinn nær til þeir-
ra. Þá er bráður bani vís enda enga miskunn
að finna hjá hinum kaldrifjaða ekkjumanni.