Fréttablaðið - 02.07.2004, Blaðsíða 2

2 2. júlí 2004 FÖSTUDAGUR
LÖGREGLUMÁL „Það er óvinnandi
verk fyrir lögregluna í Reykjavík
að elta uppi alla þá skuldara, sem
ekki sinna boðun sýslumanns-
embættisins, til að færa þá þang-
að,“ sagði Ingimundur Einarsson,
varalögreglustjóri í Reykjavík.
Lögreglunni hefur verið legið
á hálsi fyrir að sækja ekki skuld-
ara sem sinna ekki boðun sýslu-
manns vegna aðfararbeiðna. Þær
eru nú á annan tug þúsunda, sem
liggja fyrir hjá sýslumanns-
embættinu.
Ingimundur kvaðst vilja mót-
mæla fram kominni gagnrýni um
það að lögreglan sinnti ekki
þeirri skyldu sinni, að handtaka
skuldara og færa fyrir sýslu-
mann. Það gerði lögreglan eins og
henni væri mögulegt. Hitt væri
svo annað, að henni væri með öllu
ófært að verða við þeim mikla
fjölda beiðna sem bærist em-
bættinu.
„Við höfum viljað og lagt á það
áherslu, að gerðar yrðu lag-
færingar á aðfararlögum, en það
hefur ekki fengist,“ sagði Ingi-
mundur. „Við hefðum viljað að
búin yrði til heimild til að ljúka
málum á skrifstofu sýslumanns,
án þess að þurfa að sækja við-
komandi skuldara út í bæ. Í mjög
mörgum tilvikum eru þetta ein-
staklingar sem vilja ekki láta
finna sig. Það getur því tekið
langan tíma að hafa uppi á þeim.
En við vitum af þessu vanda-
máli, en vitum jafnframt að það
er verið að leita lausna í dóms-
málaráðuneytinu.“ ■
MAGAKVEISA Veikindi sem urðu í
Húsafelli í síðasta mánuði stafa
ekki af menguðu neysluvatni,
samkvæmt niðurstöðu sýnatöku
sem Umhverfisstofnun lét gera.
Veikindin hafa rénað.
Bergþór Kristleifsson, staðar-
haldari á Húsafelli, segir að Har-
aldur Briem sóttvarnalæknir hafi
sagt sér að magakveisu sé um að
kenna og hún hafi borist manna á
milli. Staðfest var að svokölluð
Norwalk-veira hafi valdið veik-
indunum, en hún veldur upp-
köstum og niðurgangi, en óvíst
var hvernig hún smitaðist. Veiran
smitast auðveldlega milli manna
en lifir einnig í vatni og því var
ákveðið að senda sýni til rann-
sóknar. Niðurstöður hennar sýndu
að engin veira var í vatninu.
Veiran hefur líklega smitast á
milli manna enda var margmenni í
Húsafelli í júní. Bergþór er feginn
að botn er kominn í málið en segir
að reksturinn hafi óneitanlega beð-
ið fjárhagslegan skaða af málinu,
töluvert var um afbókanir eftir að
veikindin komu upp. Hann segir að
hins vegar hafi fólksfækkun átt
þátt í að veikindin gengu niður en
enginn hefur veikst nýlega. Berg-
þór vonast til að fólk streymi aftur
í Húsafell nú þegar ljóst er að upp-
runi magakveisunnar var ekki í
umhverfinu. ■
■ LÖGREGLUFRÉTTIR
„Hún er allavega miskunnarlaus
gagnvart vitleysu.“
Pawel Bartoszek stærðfræðingur telur stærð-
fræðilega fyrirgefanlegt að setja skilyrði um að
þriðjungur kosningabærra manna þurfi að greiða
atkvæði gegn lögum til að þau falli úr gildi.
SPURNING DAGSINS
Pawel, er stærðfræðin samúðarfull?
Seðlabankinn:
Stýrivextir
hækka
EFNAHAGSMÁL Seðlabanki Íslands
hækkar stýrivexti bankans um
hálft prósent frá og með næsta
uppboði á endurhverfum láns-
samningum við lánastofnanir
sem fram fer 6. júlí. Eftir breyt-
inguna verða stýrivextir 6,25
prósent.
Í síðasta tölublaði Peninga-
mála sagði að horfur í efnahags-
og peningamálum gætu gefið til-
efni til meiri hækkunar vaxta en
þá var tilkynnt. Bankinn segir
því að búast hafi mátt við hækk-
un stýrivaxta, nema að fram
kæmu nýjar upplýsingar gæfu
sterkar vísbendingar um betri
verðbólguhorfur. Í tilkynningu
bankans segir að framvindan
undanfarnar vikur gefi ekki til-
efni til að hverfa frá áformum
um frekara aðhald í peninga-
málum. ■
Skemmtilegir g jafapakkar
á frábæru verði!
Góða
skemmtun!
©
D
IS
N
EY
Verðgildi 2
.190 kr.r il i .
r.
Verðgildi 2.490
kr.
VARALÖGREGLUSTJÓRI
Ingimundur Einarsson segir að útilokað sé
fyrir lögregluna í Reykjavík að sækja alla
þá skuldara sem sinna ekki boðun sýslu-
manns vegna aðfarar.
Varalögreglustjóri um skuldara:
Óvinnandi fyrir lögreglu
ÁREKSTUR Á MÝVATNSÖRÆFUM
Að minnsta kosti þrír slösuðust í
árekstri tveggja bíla á Mývatns-
öræfum í gærkvöldi. Áreks-
turinn átti sér stað á brúnni yfir
Jökulsá á Fjöllum, skammt ves-
tan Grímsstaða. Ekki var vitað
hversu alvarleg meiðsl hinna
slösuðu voru þegar blaðið fór í
prentun.
MIKIL UMFERÐ Mikil umferð var
um þjóðvegi landsins í gær. Að
sögn lögreglunnar í Búðardal
virtist sem fólk hefði ákveðið að
taka helgina snemma.
KVIKNAÐI Í ÚT FRÁ POTTI Betur
fór en á horfðist þegar kviknaði í
eldhúsinnréttingu út frá potti í
heimahúsi á Dalvík í gær. Hús-
ráðendur voru heima en varð
ekki meint af. Eldhúsinnréttingin
er ónýt en að öðru leyti varð ekki
mikið eignatjón.
FRÁ HÚSAFELLI
Líklegast er að pestin sem gekk yfir hafi borist manna á milli.
Veikindi í Húsafelli:
Ekki neysluvatni að kenna
Ný íbúðabréf á betri
kjörum en húsbréfin
Ný íbúðabréfalán hafa leyst gömlu húsbréfalánin af hólmi. Nýju bréfin eru á betri kjörum og út-
lit er fyrir að þau batni enn. Flestir eigendur húsbréfa skiptu á þeim og fengu ný íbúðabréf
meðan færi gafst fyrir mánaðamótin. Verðgildi húsbréfanna sem eftir standa rýrnar.
ÍBÚÐAKAUP Lántakendur verða að
fylgjast betur með markaðs-
aðstæðum og þróun en áður í nýju
lánakerfi íbúðalánasjóðs þar sem
vaxtakjör gætu orðið breytilegri
en áður. Húsbréfakerfið hefur
verið aflagt og í þeirra stað komin
íbúðabréf. Vextir af íbúðabréfa-
lánum eru nú 4,8 prósent, aðeins
lægri en af húsbréfalánum, sem
báru 5,1 prósent vexti. Talið er að
vextir íbúðabréfalána kunni svo
að lækka lítillega
til viðbótar, eftir
fyrsta íbúðabréfa-
útboðið sem fram
fer núna um miðj-
an mánuðinn.
Vaxtakjör nýrra
lána miðast nú við
upphaf lánsins og
eru föst út láns-
tímann. Þannig
getur viðskipta-
umhverfið á
hverjum tíma
skipt nokkru máli um hvort hag-
kvæmt er að taka íbúðalán. Grein-
ingardeild Íslandsbanka hefur til
að mynda ráðlagt fólki að bíða
með lántöku fram yfir útboðið
vegna þess að nokkrar líkur séu á
að vaxtakjör batni í kjölfarið.
Guðbjörg Anna Guðmundsdóttir,
sérfræðingur á greiningarsviði
Íslandsbanka, segir þó ólíklegt að
breytingin verði mjög mikil. „Ef
niðurstaðan í útboðinu verður í
takt við ávöxtunarkröfuna í hús-
næðisbréfunum eins og hún var
og skiptiútboð hefur gengið vel,
þá myndi ég halda að kjörin gætu
mögulega lækkað eitthvað,“ sagði
hún og nefndi 10 til 20 punkta, eða
í 4,6 til 4,7 prósent. „Fyrir þá sem
eru að taka lán í kannski 40 ár þá
skiptir hvert brot úr prósenti
máli,“ bætti Guðbjörg Anna við og
taldi því að vel gæti verið þess
virði fyrir fólk að hinkra aðeins
með lántöku.
Í gær voru birtar niðurstöður
skiptiútboðs Íbúðalánasjóðs og
þykir markaðssérfræðingum vel
hafa tekist til. Til urðu þrír flokk-
ar íbúðabréfa sem hver um sig er
vel yfir 100 milljarðar að stærð.
Eykur það vonir um að fyrirhugað
útboð á bréfum verði líflegt og að
nýju íbúðabréfin verði talin álit-
legur fjárfestingarkostur. Guð-
björg sagði góðar fréttir hversu
vel Íbúðalánasjóði hefði gengið að
skipta húsbréfum yfir í íbúðabréf,
en það þýddi að fjármálastofnun-
um hefði gengið vel að ná í hús-
bréfaeigendur og kynna fyrir
þeim kostina sem í boði voru varð-
andi skipti yfir í íbúðabréf.
Í gamla húsbréfakerfinu
standa svo eftir bréf fyrir um 25
milljarða, en búist er við að við-
skipti með þau verði stopul. Bréf-
in eru sögð ágætis fjárfesting að
eiga þar sem þau bera ágæta
ávöxtun, en hafa engu að síður
fallið í verði. Söluverð húsbréfa
hrapaði til dæmis í gær þannig að
miðað við daginn áður hefði hagn-
aður af sölu bréfa fyrir 10 milljón-
ir að nafnverði orðið um 700 þús-
und krónum minni.
olikr@frettabladid.is
NÝIR ÍBÚÐABRÉFASJÓÐIR
ÍBÚÐALÁNASTOFNUNAR
Íbúðabréf til 20 ára 121,7 milljarðar
Íbúðabréf til 30 ára 105,9 milljarðar
Íbúðabréf til 40 ára 110,7 milljarðar
VAXTAKJÖR AF HÚSNÆÐISLÁNUM
Vextir af húsbréfalánum 5,1%
Vextir af íbúðabréfalánum 4,8%
Íbúðabréfalán eftir útboð um
miðjan mánuðinn (spá) 4,6–4,7%
ÁHRIF BREYTINGANNA
30. júní 2. flokki, útg. árið 2001
Söluverðmæti um 14,4 milljónir króna
1. júlí
Söluverðmæti um 13,7 milljónir króna
Mismunur um 700 þúsund krónur.
MIÐBORG REYKJAVÍKUR
Húsbréf voru fyrst gefin út árið 1989, en frá upphafi hafa verið gefin út húsbréf að
nafnvirði um 290 milljarða króna í 26 flokkum. Uppreiknaðar eftirstöðvar bréfa námu
að sögn um 350 milljörðum áður en skipti yfir í ný íbúðabréf hófust í þessari viku.
,,Fyrir þá
sem eru að
taka lán í
kannski 40
ár þá skipt-
ir hvert brot
úr prósenti
máli.