Fréttablaðið - 02.07.2004, Blaðsíða 38
26 2. júlí 2004 FÖSTUDAGUR
Breytingar hjá króatíska landsliðinu í knattspyrnu:
Baric lýkur keppni
FÓTBOLTI Otto Baric hefur ákveðið
að láta af störfum sem landsliðs-
þjálfari Króata.
Króatar náðu ekki að komast
áfram úr sínum riðli á EM í Portú-
gal en liði hefur undanfarin ár
verið á meðal bestu landsliða
heims og þessi árangur nú því
talsverð vonbrigði.
Baric sagði þó aðalástæðuna
fyrir uppsögn sinni vera ósann-
gjörn umfjöllun fjölmiðla um
hann og landsliðið: „Það er erfitt
að sitja undir slíkum ámælum og
þetta er eitthvað sem ég get ein-
faldlega ekki sætt mig við. Menn í
æðstu stöðum innan knatt-
spyrnusasmbandsins, meðal
annars forseti þess, báðu mig um
að endurskoða ákvörðun mína en
henni verður ekki haggað,“ sagði
Baric sem í síðasta mánuði hélt
upp á 71 árs afmæli sitt.
Forseti króatíska knattspyrnu-
sambandsins, Vlatko Markovic,
sagði alltaf slæmt að sjá á eftir
góðum mönnum en menn yrðu
einfaldlega að sætta sig við það og
horfa fram á veginn. „Helst af
öllu viljum við að maðurinn sem
taki við af Baric hafi bæði náð
góðum árangri sem leikmaður og
þjálfari. Næsta verkefni liðsins er
að komast á HM 2006 í Þýskalandi
og þótt við vitum að það verði
erfitt eigum við að geta það.“
Ekki er enn vitað hvort Baric
hafi í hyggju að halda áfram
þjálfun á öðrum vettvangi.
Þess má geta að við Íslending-
ar erum einmitt í riðli með Kró-
ötum í undankeppni HM 2006 en
mætum þeim reyndar ekki fyrr
en í mars á næsta ári. ■
Hefur bætt sig en á enn
eftir að fá tækifærið
Jón Arnór Stefánsson í viðtali við heimasíðu FIBA. Langar mikið að spila með íslenska
landsliðinu í haust en tryggingamál eru aðalfyrirstaðan.
KÖRFUBOLTI Jón Arnór Stefánsson
hefur verið NBA-leikmaður í að
verða ár en hann á þó enn eftir að
spila sinn fyrsta leik fyrir Dallas.
Jón Arnór lék fimm leiki liðsins á
undirbúningstímabilinu en fékk
engin tækifæri þar sem hann var
allan tímann fyrir utan hópinn.
Það að Jón Arnór skuli vera
enn í NBA-deildinni og að Dallas
hafi sett hann á lista yfir þá átta
leikmenn sem þeir vildu ekki
missa þegar Charlotte Bobcats
valdi sér einn leikmann frá hverju
liði, hefur vakið athygli og í gær
birtist viðtal við strákinn á heima-
síðu FIBA Europe. Þar er rætt
bæði við Jón Arnór sjálfan sem og
þjálfara hans hjá Dallas. Veturinn
sem er að baki hefur reynt mikið
á andlegan styrk Jóns Arnórs en
veturinn á undan var hann í aðal-
hlutverki hjá þýska liðinu Trier
þar sem hann skoraði 13,5 stig og
gaf 2,8 stoðsendingar að meðaltali
í leik.
Hélt hann væri dauður
Viðtalið byrjar á léttu nótunum
þar sem aðalþjálfari Don Nelson
segir. „Stefánsson, Ég hélt að
hann væri dauður. Er hann ennþá
á svæðinu,“ segir Nelson í léttum
tón en bætir svo við. „Hann hefur
góðan skrokk, góða skottækni og
þarf bara að fá spilatíma.“ Jón
Arnór segir í viðtalinu að hann
sé staðráðinn í að sanna sig
fyrir þjálfaranum gamal-
reynda. „Hann er alltaf að
grínast og ég veit að maður
þarf að vinna sér inn virðingu
hjá honum. Ég hef ekki sýnt
allt mitt besta til þessa hjá
Dallas og á enn eftir að sýna
það og sanna fyrir honum
hvað ég get,“ segir Jón Arnór
í viðtalinu. Jón Arnór viður-
kennir líka að þetta hafi verið
erfiðir tímar. „Ég hef verið að
læra hjá eldri leikmönnum
eins og Steve Nash og Dirk
Nowitzki en ég játa það að þó að
ég sé alltaf í góðu skapi ( a
happy guy) þá er það mjög
svekkjandi að fá ekki
tækifæri að spila,“ segir
Jón Arnór sem á erfitt
með að meta það hvort
honum hafi farið fram
því hann hafi ekki spil-
að leikina. „Ég skil leik-
inn mun betur en ég get
ekki metið það sjálfur
hvort mér hafi farið
fram. Ég hef þó náð meiri
tækni sem leikmaður,
skottækni, boltameðferð
og þekking mín á leikn-
um hefur farið mikið
fram á þessum tíma hjá
Dallas,“ segir Jón Arnór
sem sér ekki eftir því
að hafa fórnað
einu ári þar
sem hann
h e f ð i
getað spilað fyrir
stóran klúbb í
Evrópu. Jón
Arnór er nú á
ferðinni með
s u m a r l i ð i
Dallas Ma-
vericks sem
tekur meðal
annars þátt í
móti 10. til
15. júlí.
„Þetta er
mjög mikil-
vægur tími
fyrir mig. Ég
kom hingað
snemma og er
búinn að vera við
strangar æfingar í
einn mán-
uð,“
segir Jón Arnór og aðstoðarþjálf-
ari Dallas, Rolando Blackman,
sem sér mikið í Jóni segir að sum-
ardeildin ráði úrslitum um fram-
tíð hans í NBA-deildinni.
Hefur hæfileika
„Jón Arnór er mjög hæfileika-
ríkur leikmaður. Hann er jafn
fljótur og þeir bestu, jafn snögg-
ur, með góð skot, góðan
stökkkraft og hann er sterkur. Það
er samt erfitt fyrir hann að halda
uppi einbeitingu og áhuga þegar
svona margir leikmenn eru fyrir
framan hann. Hann er enn ungur
og enn að læra og ég tel að hann
hafi möguleika til að komast
lengra í þessari deild. Til þess að
svo verði þá þarf hann að standa
sig í sumardeildunum í LA og
Utah,“ segir Blackman í viðtali
við FIBA Europe. Jón Arnór
stefnir á að spila með íslenska
landsliðinu í Evrópukeppn-
inni í vor.
„Vonandi get ég spilað
en ég veit að stærsta
vandamálið eru trygging-
armálin. Þýska samband-
ið hefur næga peninga til
þess að tryggja Dirk
Nowitzki en íslenska sam-
bandið er lítið og þetta
gæti kostað mig leikina.
Ég er hinsvegar sann-
færður að með fullt lið
þá getur íslenska liðið
komist áfram,“ segir
Jón Arnór að lokum í
þessu skemmtilega við-
tali á vef evrópska
körfuboltasambands-
ins, FIBA Europe. ■
Ítalski fótboltinn:
Lazio selur
stjörnurnar
FÓTBOLTI Ítalska knattspyrnufélag-
ið Lazio er skuldum vafið og í gær
seldi það tvo af stjörnuleikmönn-
um sínum til Valencia á Spáni.
Spænsku meistararnir keyptu þá
Bernardo Corradi og Stefano Fiore
fyrir 16,6 milljónir evra eða tæp-
lega 1,5 milljarða íslenskra króna.
Spænska liðið borgar þó Lazio að-
eins þrjár milljónir evra því restin
af kaupverðinu fer upp í skuldir
Lazio vegna kaupa sinna á Gaizka
Mendieta árið 2001. Lazio endaði í
6. sæti ítölsku deildarinnar á síð-
asta tímabili en tryggði sér sigur í
ítalska bikarnum í tveimur
leikjum gegn Juventus. ■
LEIKIR
19.15 Þróttur og Valur mætast í 16
liða úrslitum VISA-bikars karla í
knattspyrnu.
19.15 ÍBV og Stjarnan mætast í 16
liða úrslitum VISA-bikars karla í
knattspyrnu.
19.15 Njarðvík og KR mætast í 16
liða úrslitum VISA-bikars karla í
knattspyrnu.
19.15 HK og Reynir S. mætast í 16
liða úrslitum VISA-bikars karla í
knattspyrnu.
19.15 Fylkir og Grindavík mætast í
16 liða úrslitum VISA-bikars karla
í knattspyrnu.
19.15 FH og Afturelding mætast í
16 liða úrslitum VISA-bikars karla
í knattspyrnu.
SJÓNVARP
14.10 EM í fótbolta á RÚV. Útsend-
ing frá leik Grikkja og Tékka
sem fram fór í gær.
16.10 Landsmót hestamanna á RÚV.
16.30 Spurt að leikslokum á RÚV.
c 17.45 Olíssport á Sýn.
c 20.25 Mótorsport 2004 á Sýn.
c 20.55 Hnefaleikar á Sýn.
c 23.25 Landsmót hestamanna á RÚV.
c 23.45 Gullmót í frjálsum íþróttum á
RÚV.
HVAÐ? HVENÆR? HVAR?
29 30 1 2 3 4 5
Föstudagur
JÚLÍ
!" #$%& !" '"
!( " )" # * *"$
!" $$++ " ! Fjöldi heimsókna á vef
Knattspyrnusambandsins:
Metmánuð-
ur á vef KSÍ
FÓTBOLTI Í júnímánuði náði fjöldi
heimsókna á vef KSÍ nýjum hæðum.
Alls voru heimsóknirnar um 123.000,
eða ríflega 4000 heimsóknir á dag. Í
maí var fjöldi heimsókna rúmlega
109.000 og var það í fyrsta skipti sem
þær fóru yfir hundrað þúsund í ein-
um mánuði. Umfang vefs KSÍ hefur
vaxið með hverju árinu sem líður og
heimsóknum hefur fjölgað jafnt og
þétt. Gríðarlegt magn upplýsinga er
á vefnum um allt sem tengist
íslenskri knattspyrnu. ■
REYNIR Á ÞOLRIFIN
HJÁ JÓNI ARNÓRI
Jón Arnór Stefánsson
bíður enn eftir fyrsta al-
vörutækifærinu hjá
Dallas í NBA-deildinni.
OTTO BARIC
Hættur þjálfun króatíska landsliðsins.