Fréttablaðið - 12.07.2004, Blaðsíða 4

4 12. júlí 2004 MÁNUDAGUR
Dýrt verð fyrir forsætisráðuneytið:
Herfileg staða Framsóknar
SKOÐANAKÖNNUN Stein-
grímur J. Sigfússon, for-
maður Vinstri hreyfing-
arinnar - græns fram-
boðs, segir aðspurður
um lágt fylgi Framsókn-
arflokksins í skoðana-
könnun Fréttablaðsins
að leiðangur Halldórs
Ásgrímssonar með Sjálf-
stæðisflokknum sé að
verða honum og flokkn-
um mjög erfiður.
„Framsóknarflokkur-
inn er búinn að koma sér
í herfilega stöðu og það
er fátt sem bendir til
þess að hann sé í leiðinni
út úr henni. Því enn sem komið er
ber ekki neitt á öðru en
að þeir ætli að lötra á
eftir Sjálstæðisflokkn-
um þessa feigðargötu.“
Steingrímur segir
fylgi Framsóknar-
flokksins endurspegla
kannski sérstaklega þá
miklu klemmu sem
Framsóknarflokkurinn
hafi komið sér í. „Ég
minni á að það er sjálfs-
kaparvíti. Það hefur
enginn beðið Framsókn-
arflokkinn að leggjast
svona flatan fyrir íhald-
inu og kaupa stólinn
undir Halldór svona
dýru verði.“ ■
Fjölmiðlalög ganga á
Framsóknarflokkinn
Ráðherrar Framsóknarflokksins hvika hvergi frá nýju fjölmiðlafrumvarpi. Frammámenn í
flokknum telja niðurstöðu skoðanakönnunar skýr skilaboð kjósenda sem séu ósáttir við flokkinn.
Þeir vilja að frumvarpið verði endurunnið.
SKOÐANAKÖNNUN „Þetta eru alvar-
leg skilaboð frá kjósendum
flokksins til flokksforystunnar
að þeir hafi ekki staðið sig nægi-
lega vel varðandi fjölmiðla-
málið,“ segir Alferð Þorsteins-
son, forystumaður Framsóknar-
flokks í borgarstjórn. Undir taka
Kristinn H. Gunnarsson og
Hjálmar Árnason, þingmenn
flokksins. Framsóknarflokkurinn
fékk stuðning 7,5 prósenta 800
manna úrtaks skoðanakönnunar
Fréttablaðsins sem birt var á
laugardag. Flokkurinn hefur
samkvæmt henni misst 60% fylgi
frá Alþingiskosningum og er
minnstur stjórnmálaflokka í
landinu.
Alfreð segir Framsóknar-
flokkinn hafa látið Sjálfstæðis-
flokkinn teyma sig of langt í fjöl-
miðlamálinu. „Mér finnst það
hörmulegt að ríkisstjórnin sem
hefur staðið sig að mörgu leyti
vel á undanförnum misserum
skuli lenda í þessu kviksyndi
sem hún virðist greinilega vera
komin í og eiga erfitt með að
komast upp úr,“ segir Alfreð og
bætir við. „Ég held að eina leiðin
til þess að ná þessu fylgi til baka
sé sú að flokkurinn beiti sér fyr-
ir því í ríkisstjórn að fjölmiðla-
lögin séu ekki aðeins felld úr
gildi heldur sé málið sett í nýjan
farveg. Það verði samþykkt
þingsályktunartillaga í þinginu
um að setja ný fjölmiðlalög á
breiðum grundvelli. Í það verði
sett pólitísk nefnd sem hafi rúm-
an tíma til að ganga frá slíku,
kannski eitt ár. Það held ég að
gæti breytt stöðunni fyrir
flokkinn.“
Kristinn H. Gunnarsson tekur
undir tillögu Alfreðs en nefnir
einnig sem kost að „...það fari
fram þjóðaratkvæðagreiðsla og
þjóðin segi sitt álit eins og
forsetinn hefur vilja til eða þá að
menn dragi málið til baka.“
Haukur Logi Karlsson, for-
maður Sambands ungra fram-
sóknarmanna, segir það „alveg
augljóst“ að fjölmiðlamálið sé
dragbítur Framsóknar og bendir
á að Sambandið hafi ályktað að
bíða beri með að lögfesta fjöl-
miðlalög á ný.
Hjálmar Árnason gerir ráð
fyrir að flokkurinn eigi talsvert
fylgi inni hjá þeim tæpu 40 pró-
sentum sem ekki tóku afstöðu í
könnuninni. „Auðvitað eru þetta
ákveðin skilaboð til þingmanna
og forustu flokksins og við hljót-
um að taka þetta til skoðunar.“
Ráðherrar Framsóknarflokks-
ins hvika hvergi frá nýju fjöl-
miðlafrumvarpi og aðspurðir um
vilja samflokksmanna þeirra,
svaraði Guðni Ágústsson, vara-
formaður flokksins og landbún-
aðarráðherra: „Ég hef ekkert að
segja um þeirra skoðanir á þessu
stigi. Við höfum beygt af leið og
bakkað. Við höfum búið til nýjan
ramma, því það er vilji þessara
flokka eins og allra stjórnmála-
flokka að hér verði sett lög um
samþjöppun í þjóðfélaginu á
peningalegu valdi til að tryggja
lýðræði og frelsi.“
Siv Friðleifsdóttir, ritari
flokksins og umhverfisráðherra,
sagði: „Þingflokkurinn er búinn
að fara yfir þetta mál og niður-
staðan var að flytja það frum-
varp sem nú er til vinnslu inn í
Alþingi“.
Framsóknarmenn sitja þing-
flokksfund á morgun. „Þá er
venjan að fara yfir þau mál sem
liggja fyrir þinginu. Nú er aðeins
eitt mál sem liggur fyrir þinginu
og því augljóst um hvað sá fund-
ur mun snúast,“ segir Hjálmar.
Ekki náðist í Halldór
Ásgrímsson, formann flokksins
og utanríkisráðherra.
gag@frettabladid.is
SKOÐANAKÖNNUN „Framsókn er að
gjalda fyrir það að gerast vika-
piltar sjálfstæðismanna í því að
taka af fólki lögverndaðan rétt til
þess að fá að kjósa um fjölmiðlal-
ögin í þjóðaratkvæðagreiðslu,“
segir Össur Skarphéðinsson,
formaður Samfylkingarinnar.
„Það er athyglisvert að and-
staðan við þetta síðasta ævintýri
ríkisstjórnarinnar virðist enn af-
dráttarlausari heldur en þegar
fjölmiðlalögin komu fyrst fram.
Það birtist í því að stjórnarand-
stöðuflokkarnir hafa núna fylgi
60% kjósenda. Þarna er verið að
sýna Framsóknarflokknum rauða
spjaldið og hann hlýtur að hugsa
sinn gang andspænis þessari
hroðalegu niðustöðu könnunarinn-
ar,“ segir Össur. ■
■ LÖGREGLUFRÉTTIR
■ LÖGREGLUFRÉTTIR
■ MIÐAUSTURLÖND
Er stefna stjórnvalda í mennta-
málum skýr?
Spurning dagsins í dag:
Mun Framsóknarflokkurinn komast
upp úr fylgislægðinni?
Niðurstöður gærdagsins
á visir.is
18,92%
NEI
JÁ
KJÖRKASSINN
Farðu inn á visir.is og segðu þína skoðun
visir.is
EINAR KRISTINN GUÐFINNSSON
Er ekki sáttur við 32,3% fylgi Sjálfstæðis-
flokks í skoðanakönnuninni. „Ég hefði
viljað að við fengjum meira fylgi en þetta
er varnarsigur miðað við þá erfiðu stöðu
sem við höfum verið að berjast í.“
Erfið staða:
Afraksturinn
kemur í ljós
SKOÐANAKÖNNUN Einar Kristinn
Guðfinnsson, þingflokksformaður
Sjálfstæðisflokksins, segir fylgis-
tap Framsóknarflokksins í skoð-
anakönnun Fréttablaðsins ekki
hafa áhrif á stjórnarsamstarf
ríkisstjórnarflokkanna.
„Við vissum að við erum að
ganga í gegnum erfiðan tíma með
þessum lagabreytingum sem við
erum að beita okkur fyrir. Ég held
að þetta hafi ekki nein áhrif. Við
erum tiltölulega nýbyrjuð á kjör-
tímabilinu og ég held að afrakstur
verka okkar eigi eftir að koma
betur í ljós.“
Aðspurður telur Einar stöðu
Halldórs Ásgrímssonar ekki hafa
veikst. „Framsóknarflokkurinn
hefur nú jafnan mælst frekar illa í
skoðanakönnunum en reyndin sýnir
að þeir koma betur út í kosningum
heldur en skoðanakönnunum.“ ■
LÍKAMSÁRÁS, ÞJÓFNAÐIR OG ÖLV-
UNARAKSTUR Á AKRANESI Fleiri en
fimm þúsund gestir sóttu Írska
daga á Akranesi um helgina. Minni-
háttar líkamsárás átti sér stað á
dansleik aðfaranótt sunnudags og
tveir voru teknir fyrir ölvunar-
akstur. Þá voru kærðir tveir þjófn-
aðir; í báðum tilfellum stuldur á
garðstólum fyrir utan veitingastaði
í bænum.
SEX UMFERÐARÓHÖPP Í BORGAR-
NESUMDÆMI Geysileg umferð var
í umdæmi lögreglunnar í Borgar-
nesi um helgina. Alls urðu sex um-
ferðaróhöpp frá föstudegi til
sunnudags, þar af tveir árekstrar
og fjórar útafkeyrslur og bílveltur.
Engin slys urðu á fólki, en bílar
skemmdust mikið. Þrír voru teknir
í áfengisvímu undir stýri.
FÍKNIEFNI FINNAST VIÐ HÚSLEIT Í
KEFLAVÍK Tveir menn voru hand-
teknir á laugardag í Keflavík eftir
að fimmtán grömm af hassi og eitt
gramm af amfetamíni fannst við
húsleit lögreglunnar í Keflavík.
Var þeim sleppt að skýrslutöku lok-
inni. Þá var einn tekinn fyrir ölvun-
arakstur á sunnudagsmorguninn.
ÖLVUNARAKSTUR Á SIGLUFIRÐI
Ríflega tvö þúsund gestir sóttu
Siglufjörð heim um helgina, en þar
stóð yfir Þjóðlagahátíð. Mannlíf
var með friði og spekt, sem og um-
ferðin, utan eins ölvunaraksturs
sem stoppaður var af lögreglu á að-
faranótt sunnudags.
BARIST VIÐ AL KAÍDA Pakistanskir
hermenn börðust við skæruliða
sem taldir eru tilheyra al-Kaída
nálægt landamærum Afganistan.
Ráðist var á pakistanska hermenn í
gærmorgun og þeir svöruðu í sömu
mynt.
ÍRAKAR VERÐI FRIÐSAMIR Írösk
stjórnvöld munu ekki reyna að
koma sér upp gereyðingarvopnum
eða ógna nágrönnum sínum með
ófriði. Þjóðaröryggisráðgjafi Íraks
lét þessi ummæli falla í gær.
Fólk tengir umræðu um fjölmiðlalög við Sjálfstæðisflokk:
Framsókn út undan í bar-
áttunni um fjölmiðlalög
SKOÐANAKÖNNUN Gunnar Helgi
Kristinsson, prófessor í stjórn-
málafræði við Háskóla Íslands,
segir Framsóknarflokkinn
greinilega hafa átt á brattann að
sækja undanfarið eða frá því að
umræður um fjölmiðlalög hafi
brotist út.
„Ef ég man rétt þá hefur hann
verið í vondum málum í flestum
könnunum frá því að það var
lagt fram. Það virðist liggja
beint við að álykta sem svo að
hann verði út undan í þessari
baráttu sem stendur milli
stjórnarandstöðunnar aðallega,
að því er virðist, og Sjálfstæðis-
flokksins.
Aðspurður af hverju svo væri
segir Gunnar. „Ég hugsa að fólk
tengi þetta mál frekar við Sjálf-
stæðisflokkinn heldur en við
Framsóknarflokkinn, þó að hann
sé í stjórn líka; tengi þetta ekki
síst við Davíð. Þeir sem eru ó-
ánægðir með þetta eru þá senni-
lega líklegir til að gefa ekki upp
flokk í svona könnun eða velja
einhvern stjórnarandstöðu-
flokkanna.“
Gunnar bendir á að milli
kosninga mælist Framsóknar-
flokkurinn oft lágur. „Það er
vafalaust hluti af skýringunni.“
Gunnar segir Framsóknar-
flokkinn oft mælast með niður
undir tíu prósenta fylgi í skoð-
anakönnunum. „Þetta er lægra
en það sem hann hefur yfirleitt
fengið.“ ■
GUNNAR HELGI KRISTINSSON
„[Framsóknar]flokkurinn lendir svolítið milli
skips og bryggju í þessu máli. Ég held að
það sé ekki nokkur vafi á því.“
Hiklaus andstaða:
Framsókn fær rauða spjaldið
ÖSSUR SKARPHÉÐINSSON
„Engum dylst að þingmenn Framsóknar-
flokksins hafa enga sannfæringu í [fjöl-
miðla]málinu. Þeir hafa augljóslega orðið
viðskila við sitt eigið fólk.“
BÍLVELTA Á GJÁBAKKAVEGI Bílvelta
varð á Gjábakkavegi eftir hádegi á
sunnudag. Ökumaður var einn í
bílnum og var fyrst fluttur til að-
hlynningar á sjúkrahúsið á Sel-
fossi. Meiðsli hans voru umtalsverð
og var hann þaðan fluttur með
sjúkrabíl á slysadeild Landspítala -
háskólasjúkrahúss í Reykjavík.
81,08%
GUÐNI ÁGÚSTSSON
„Stærstu fréttirnar í þess-
ari könnun er að 40%
þjóðarinnar tekur ekki
afstöðu til stjórnmála-
flokka.“
SIV FRIÐLEIFSDÓTTIR
„Það er alveg greinilegt
að fjölmiðlalögin og sú
umræða öll hefur áhrif á
þessa niðurstöðu.“
KRISTINN H.
GUNNARSSON
„Óneitanlega hljóta
menn að skoða stöðu
flokksins og ákveða
hvernig brugðist verði
við í henni.“
HJÁLMAR ÁRNASON
„Auðvitað eru þetta
ákveðin skilaboð til þing-
manna og forustu flokks-
ins og við hljótum að
taka þetta til skoðunar.“
ALFREÐ
ÞORSTEINSSON
„Mér finnst það hörmu-
legt að ríkisstjórnin sem
hefur staðið sig að
mörgu leyti vel á undan-
förnum misserum skuli
lenda í svona klúðri“
STEINGRÍMUR
J. SIGFÚSSON
Segir það koma alveg
sérstaklega illa við fólk
hversu auðsveipinn
Framsóknarflokkurinn er
Sjálfstæðisflokknum.