Fréttablaðið - 12.07.2004, Blaðsíða 61
MÁNUDAGUR 12. júlí 2004
[ TÓNLIST ]
UMFJÖLLUN
Íslenska hljómsveitin The Flavors
sérhæfir sig í léttum popplögum
með enskum textum. Ekki vitlaust
hjá henni að gefa þessa plötu út að
sumri til enda mikið sumar og sól
í flestum lögunum.
Go Your Own Way rennur
þannig mjög auðveldlega í gegn-
um hlustirnar, en samt einum of.
Aldrei rekur maður sig á veggi
sem maður þarf að klífa sem
hlustandi, óvæntum taktbreyting-
um eða einhverju sem fær mann
til að staldra við. Allt er ljúft og
fellt.
Að sjálfsögðu má líta á það
sem kost að allt renni afslappað í
gegn og ef maður gerir engar
kröfur um hugmyndaauðgi og
annað í þeim dúr er platan ekki
svo galin á heitum sumardegi. Á
hinn bóginn fær maður það fljótt
á tilfinninguna að The Flavors sé
eins og milljón aðrar hljómsveitir
sem allar reyna að hljóma eins til
að þóknast fjöldanum. Þannig
sveitir eru hins vegar fljótar að
gleymast.
Nokkrar ágætis melódíur er að
finna á plötunni. Besta lagið þótti
mér Free auk þess sem Painkiller,
Go Your Own Way, Lose My Head
og Empty voru sæmileg. Textarnir
á plötunni, sem allir snerust um
ástina, þóttu mér yfirhöfuð væmn-
ir og ófrumlegir og höfðu ekkert
merkilegt að segja. Því miður er
svona texta að finna á alltof
mörgum íslenskum plötum.
Go Your Own Way er áreynslu-
laus poppplata með sína kosti en
hefur því miður ekkert nýtt fram
að færa. Bragðdauft er kannski
besta orðið yfir hana. Kaldhæðnis-
legt en engu að síður staðreynd.
Freyr Bjarnason
Bragðdauft
THE FLAVORS:
GO YOUR OWN WAY
VAN MORRISON Á MONTREUX
Verðandi Íslandsvinur, Van Morrison frá Belfast Norður-Írlandi, kom fram
á Montreux-djasshátíðinni í Frakklandi á föstudaginn.
Reynir að vísa málinu frá
Lögfræðingar Michaels Jackson
hafa farið fram á það við dómara
málsins að ákæran á hendur
honum verði felld niður.
Jackson fékk tíu ákærur í
apríl síðastliðnum fyrir kynferð-
isofbeldi á ungum dreng en líka
fyrir að gefa barni undir lögaldri
áfengi, og tilraun til mannráns.
Lögfræðingur Jacksons,
Robert Sanger, lagði fram kröf-
una á miðvikudag. Þar heldur
hann því fram að saksóknarar
kúgi vitni málsins og fari með
málið „eins og þeir séu með kvið-
dómendur á launaskrá“.
„Aldrei í sögu Kaliforníuríkis
hefur vald verið misnotað á
þennan hátt í vali á kviðdómur-
um,“ segir meðal annars í
bréfinu.
Lögmaður Jacksons sakar
saksóknara um að hafa keyrt
kviðdómaraáheyrnir áfram með
„dylgjum og kaldhæðni þar sem
lítið sé gert úr Jackson og öllum
þeim sem koma nálægt honum“.
Lögfræðingurinn benti einnig
á að foreldrar drengsins sem
Jackson á að hafa misnotað séu í
forræðisdeilu um drenginn eftir
að hafa skilið nýverið.
Jackson lýsir enn yfir sak-
leysi sínu á öllum ákærunum,
eins og hann gerði í nóvember
þegar hann var handtekinn. ■
[ MÁL ]
MICHAELS JACKSON
MICHAEL JACKSON
Lögfræðingar Jacksons reyna nú að fá málinu vísað frá.