Fréttablaðið - 12.07.2004, Blaðsíða 12
12 12. júlí 2004 MÁNUDAGUR
FIS INN TIL LENDINGAR
Fyrsti áfanginn í hópflugi fisa umhverfis
landið var floginn á laugardagsmorguninn.
Ljósmyndari Fréttablaðsins tók þessa
mynd þegar svifin komu inn til lendingar á
Reykjavíkurflugvelli eftir flug
frá Tungubökkum.
Í viðtölum við smiði og aðra á Sel-
fossi kom fram að fólk taldi að
svipaður fjöldi sækti vinnu á Sel-
foss úr Reykjavík og sækti vinnu
frá Selfossi til Reykjavíkur. Töldu
sumir óhætt að fullyrða að um eitt
atvinnusvæði væri að ræða. Mika-
el Sigursteinsson, verkstjóri hjá
Eykt við smíði eins af nýjum fjöl-
býlishúsum á Selfossi, segist
keyra frá Reykjavík daglega til
vinnu sinnar. „Þetta er ágætt og
greinilegt að það gera þetta nokk-
uð margir,“ sagði hann og benti á
að margir hittust við Rauðavatn og
skiptust á að keyra yfir Heiðina.
„Þar er alltaf hellingur af bílum.“
Einar K. Njálsson bæjarstjóri
segist einnig hafa á tilfinningunni
að svipaður fjöldi sæki vinnu á
Selfoss og til Reykjavíkur. „Hins
vegar hafa ekki farið fram á þessu
mælingar, þannig að þetta er bara
tilfinning, ekki studd tölum,“ segir
hann.
Í svörum ökumanna í könnun
Vegagerðarinnar sem fram fór í
maí í fyrra kom fram að á virkum
dögum fara um 284 ökumenn til og
frá Selfossi um Ölfusárbrú á leið
til eða frá vinnu, eða 10,8 prósent
allra ökumanna. Í könnuninni er
ekki aðgreint hvert fólkið sækir
vinnu sína og því óhægt um vik að
nota könnunina til að renna stoð-
um undir þá tilfinningu bæjar-
stjórans eða annarra að straumur
sé jafn í báðar áttir af fólki á leið í
vinnu. Þó kemur fram að af heild-
arfjölda ökumanna sem þar fór
um fimmtudaginn 15. maí í fyrra
voru um 30,8 prósent búsett á Sel-
fossi og 29,4 í Reykjavík. Ekki eru
þar samt allir á leið til og frá
vinnu, heldur er þar t.d. líka fólk
úr sumarhúsabyggð í Grímsnesi
sem sækir þjónustu á Selfoss. ■
Íbúðasprenging á Selfossi
Gífurleg aukning hefur verið í nýbyggingum íbúðarhúsnæðis á Selfossi. Landrými er
af skornum skammti og brátt þarf að huga að nýjum lausnum. Bæjarstjórinn segir
aukinn áhuga á strandbyggð bæjarfélagsins Árborgar.
Á þessu ári stefnir í met í íbúða-
smíð á Selfossi, sé horft er til síð-
ustu ára. Árið 2000 varð mikill
kippur í nýbyggingum í bænum
og svo aftur í fyrra. Það sem af er
ári hefur svo verið hafin bygging
á fleiri íbúðum í bænum en dæmi
eru um áður. Nærri lætur að um
þessar mundir hafi verið hafin
bygging á fleiri íbúðum en allt
síðasta ár, sem þó var metár.
Bráðavöxturinn hófst með Foss-
landshverfinu við bakka Ölfusár,
en það er land í einkaeign og hef-
ur uppbygging þar verið í höndum
Fossmanna ehf. Uppbygging þar
er ör og í nýjustu hverfunum lögð
áhersla á lengjur raðhúsa, sem
gárungar hafa sumir uppnefnt
„refabúin“. Í svonefndri Suður-
byggð er svo verið að leggja loka-
hönd á fyrsta áfanga nýs grunn-
skóla sem verður tekinn í gagnið í
haust, auk þess sem þar er mikil
uppbygging nýrra húsa.
Bárður Guðmundsson, skipu-
lags- og byggingarfulltrúi Ár-
borgar, segir töluvert meira af
nýju íbúðarhúsnæði vera í pípun-
um. „Það er til dæmis búið að
grafa fyrir tveimur fjölbýlishús-
um sem framkvæmdir hefjast
væntanlega við síðar á árinu, en
það er ekki búið að steypa sökkul
þannig að þær íbúðir eru ekki inni
í nýjustu tölum,“ segir hann, en
upphaf framkvæmda er miðað við
að kominn sé sökkull. Aðspurður
segir Bárður erfitt að spá fyrir
um framhald uppbyggingar í
bænum, eða hvenær bærinn verði
uppiskroppa með lóðir. „Það er
ekki víst að við þurfum að taka
flugvöllinn,“ sagði hann, en í um-
ræðum um framtíðarbyggingar-
land mun sú hugmynd þó hafa
komið upp að taka Selfossflugvöll
undir íbúðarhúsnæði. Hann segir
enn gert ráð fyrir flugvellinum í
vinnuplöggum sem í gangi eru og
bætir við að unnið sé að aðalskipu-
lagi sem taka á gildi síðla árs
2005. „Við teljum okkur hafa nóg
af lóðum þangað til,“ segir Bárð-
ur. Miðað við þá uppbyggingu sem
í gangi er á Selfossi telja kunnug-
ir þó ljóst að bæjarfélagið kunni
fljótlega að lenda í vandræðum
með byggingarlóðir og verði þá að
leita til landeigenda suður af bæn-
um eftir lóðum til kaups. Bárður
segir íbúðaverð á Selfossi hafa
hækkað nokkuð síðustu ár. „En
það er samt ekki jafn hátt og í
Reykjavík,“ bætir hann við.
Einar G. Njálsson, bæjarstjóri
í sveitarfélaginu Árborg, segir
bæði skemmtilegt og áhugavert
að takast á við svo mikla uppbygg-
ingu, en hingað til hefur hún að
megninu til verið á Selfossi.
Ástæður uppbyggingarinnar seg-
ir hann, fyrir utan að gott sé að
búa á Selfossi og staðurinn falleg-
ur, segir hann sjálfsagt að miklum
hluta rekja til nálægðar við höfuð-
borgina. „Hér getum við verið í
friðsælu umhverfi, utan borgar-
umferðarinnar og spennunnar, en
sótt auðveldlega vinnu á höfuð-
borgarsvæðið. Svo ef þarf ein-
hverja menningarlega afþrey-
ingu, umfram það sem er hér í
umhverfinu þá er hægt að sækja
hana til borgarinnar,“ segir hann.
Þó svo að uppbyggingin sé mest á
Selfossi segist Einar finna fyrir
auknum áhuga á byggð við Eyrar-
bakka og Stokkseyri niður við
ströndina. „Við leggjum mikla
áherslu á að aðdráttarafl sveitar-
félagsins felst ekki hvað síst í
þessu fjölbreytta byggðamynstri.
Við erum með þennan tiltölulega
stóra kjarna á Selfossi og svo
byggðirnar niður við ströndina á
Stokkseyri og Eyrarbakka, sem
eru mjög sérstakar með gömlum
húsum og mikilli náttúrufegurð
og menningarminjum. Þar hefur
átt sér stað skemmtileg uppbygg-
ing tengd ferðamennsku. Í okkar
skipulagsmálum leggjum við
núna mikinn þunga á möguleikana
niður við ströndina og verðum
með framboð af lóðum fyrir frí-
Átta látnir:
Átök í
Tsjetsjeníu
RÚSSLAND, AP Embættismaður
rússneska hersins greinir frá því
að átta rússneskir hermenn hafi
látist í uppreisninni í Tsjetsjeníu í
gær.
Einn her-
mannanna lést
eftir að skotið
var á hann úr
bíl í höfuðborg-
inni Grozny.
Þrír sátu í bíl
sem ekið var
yfir jarð-
sprengju og
tveir lentu í
átökum. Fjórir
létust er skotið var á þá úr laun-
sátri við herstöðvar þeirra. Rúss-
ar hafa yfirhöndina í norðurhluta
Tsjetsjeníu, en Tsjetsjenar í fjöll-
unum í suðurhluta landhlutans og
höfuðborginni.
Árásirnar hafa staðið frá því í
september árið 1999. ■
ÞJÓFNAÐUR Á HERSTÖÐVAR-
SVÆÐI Ungur maður fékk eins
mánaðar skilorðsbundinn fang-
elsisdóm í Héraðsómi Reykjaness
í gær fyrir stuld á stafrænni
myndavél úr verslun einni á
varnarliðssvæðinu á Keflavíkur-
flugvelli. Þá var manninum gert
að greiða allan sakarkostnað.
Suðurlandið eitt atvinnusvæði:
Bílafloti bíður við Rauðavatn
NÝTT FJÖLBÝLISHÚS Í SMÍÐUM
Mikael Sigursteinsson, verkstjóri hjá Eykt,
sækir vinnu á Selfoss úr Reykjavík. Hann
segir marga hafa þann háttinn á, enda
megi á degi hverjum sjá bílaflota við
Rauðavatn bíða eigenda sem samnýta
ferðir yfir Hellisheiði.
FR
ÉT
TA
B
LA
Ð
IÐ
/G
VA
BÁRÐUR GUÐMUNDSSON
Skipulags- og byggingarfulltrúi Árborgar,
segir þá miklu uppbyggingu sem hefur átt
sér stað á Selfossi síðustu misseri vera
með hreinum ólíkindum.
SÉÐ YFIR FOSSLAND
Á síðustu árum hefur tvisvar orðið sprenging í uppbyggingu íbúðarhúsnæðis á Selfossi.
Fyrst árið 2000, þegar hafist var handa við gerð hverfisins sem kennt er við Fossland.
Í fyrra varð svo önnur sprenging og í ár stefnir í að met verði slegin
í nýbyggingum íbúðarhúsnæðis.
BÆJARSTJÓRINN VIÐ RÁÐHÚSIÐ
Einar G. Njálsson, bæjarstjóri Árborgar,
segist verða var við aukinn áhuga á
möguleikum sem sveitarfélagið
hefur að bjóða niður við strönd,
á Stokkseyri og Eyrarbakka.
FR
ÉT
TA
B
LA
Ð
IÐ
/G
VA
■ DÓMSMÁL
FR
ÉT
TA
B
LA
Ð
IÐ
/E
.Ó
L.
Í TSJETSJENÍU
Alls létust átta
rússneskir hermenn
í átökum þar í gær.