Fréttablaðið - 12.08.2004, Blaðsíða 41
Marga rekur hins
vegar án efa í roga-
stans að heyra að engar
almenningssamgöngur skuli
vera til Þingvalla.
Þingvellir utan alfaraleiða?
Við fylltumst stolti þegar ljóst var
í sumarbyrjun að Þingvellir,
helgasti staður þjóðarinnar yrði nú
skráður á heimsminjaskrá Menn-
ingarstofnunar Sameinuðu þjóð-
anna ásamt örfáum öðrum ein-
stæðum náttúru- og menningar-
dýrgripum veraldar.
„Þingvellir við Öxará og
grenndin þar skal vera friðlýstur
helgistaður allra Íslendinga sem
þjóðgarður“. Þannig hljóða upp-
hafsorð laga um Þjóðgarðinn á
Þingvöllum. Og niðurlagsorð 1. gr.:
„Hið friðlýsta land skal vera undir
vernd Alþingis og ævinleg eign
íslensku þjóðarinnar. Það má
aldrei selja eða veðsetja.“
Þjóðgarðurinn á Þingvöllum lýtur
stjórn Þingvallanefndar. Engir
aukvisar eru þar á ferð, en hana
skipa nú Björn Bjarnason alþm. og
ráðherra, formaður, Össur Skarp-
héðinsson alþm. og Guðni Ágústsson
alþm. og ráðherra.
Marga rekur hins vegar án efa í
rogastans að heyra að engar almenn-
ingssamgöngur skuli vera til Þing-
valla. Sá sem þetta ritar komst að því
eftir drjúga leit og allmörg símtöl að
núna skreppur enginn til Þingvalla
fyrirvaralaust nema á einkabíl. Um
leið og Björn Bjarnason formaður
Þingvallanefndar var að undirbúa
ferð sína til Kína til að taka við út-
nefningu þessa helgistaðar þjóðar-
innar á heimsminjaskrá voru yfir-
völd almenningssamgangna og
ferðamála að leggja niður áætlunar-
leiðina frá Reykjavík til Þingvalla.
Þingvallaleið ehf hefur á und-
anförnum árum sinnt með ágæt-
um daglegum áætlunarferðum
milli Reykjavíkur og Þingvalla.
Þessa áætlunarleið ákváðu sam-
gönguyfirvöld að leggja niður og
hafa því engar ferðir verið til
Þingvalla í sumar. Samt sem áður
stendur enn í almennum ferða-
bæklingum, sem dreift er víða
um heim, að daglegar áætlunar-
ferðir séu til og frá Þingvöllum.
Eftir mikla eftirgrennslan komst
ég að því, að vilji fólk „skunda á
Þingvöll“, en hefur ekki bíl til
umráða, er það tilneytt að taka
leigubíl á staðinn, kaupa pakka
með leiðsögn allan hringinn um
Gullfoss og Geysi eða fara í sér-
ferð með leiðsögumanni. Al-
menningsferðir eru ekki í boði.
Hér er um kolranga stefnu að
ræða í almenningssamgöngum og
niðurlægjandi fyrir einn mesta
helgidóm þjóðarinnar, sem
hundruð þúsunda fólks sækir
heim á hverju ári.
Hér með er skorað á Þing-
vallanefnd og samgönguyfirvöld
að hlutast til um, að þegar í stað
verði teknar upp að nýju reglu-
legar áætlunarferðir til og frá
Þingvöllum. Síðan er einboðið að
kynna þessa auknu þjónustu og
ferðamáta rækilega um leið og
vakin er athygli alheimsins á ein-
stæðri náttúru og menningar-
sögu Þingvalla. Okkur ber sjálf-
sögð skylda til að halda Þingvöll-
um í þjóðleið. ■
25FIMMTUDAGUR 12. ágúst 2004
Lúxuslíf í fangelsum
Eitt af því sem rætt hefur verið [í Svíþjóð]
er að morðingjar og nauðgarar í fangels-
um landsins hafa það nánast eins gott og
þeir væru á lúxushótelum. Ef treysta má
því sem blöðin hér segja eru vistarverur í
sænskum fangelsum mjög rúmgóðar,
þar finnast glæsilega útbúin afþreyingar-
herbergi þar sem fangarnir geta horft á
sjónvarp, vappað á netinu og stundað
ýmsar tómstundir. Þar er skipt um á rúm-
um og þrifið fyrir fangana, og maturinn
eins og á bestu veitingastöðum. Sem
dæmi um þjónustuna má nefna að
stríðsglæpamaður frá fyrrum Júgóslavíu,
dæmd í Alþjóðadómstólnum í Haag fyrir
þjóðarmorð, fékk veglega afmælistertu
frá starfsfólki fangelsisins þegar hún átti
afmæli hér um daginn. Annað „skemmti-
legt“ dæmi um frelsið innan múranna er
að nýlega komst upp að dæmdur barna-
níðingur hafði innan veggja fangelsisins
skoðað meira en 100 heimasíður sem
innihéldu barnaklám. Stjórnvöld héldu
því fram að það væru mannréttindi fang-
ans að fá að skoða það á netinu sem
honum fýsti, og létu málið því óáreitt.
Margrét Leósdóttir á tikin.is
Makalaust sumar í pólitík
Hinn sögulegi sigur Samfylkingarinnar í
Alþingiskosningunum í fyrra er orsök
þeirra rauna sem ríkisstjórnin á í nú.
Davíð Oddsson hrökklast úr forsætis-
ráðuneytinu í næsta mánuði og Halldór
Ásgrímsson verður að fórna ráðherra
fyrir forsætið í ríkisstjórninni. Sú staða
veldur mikilli ólgu í báðum flokkum og
erfitt er að sjá hvernig hún endar. Sum-
arið hefur verið makalaust í pólitíkinni
og ekki laust við að manni hafi oft veru-
lega misboðið framferði ríkisstjórnar-
flokkanna. Stjórnarskráin var fótum
troðin og brellur og bras stjórnarherr-
anna við að sniðganga lög og rétt, al-
þjóðasamninga og mannréttindi voru
með ólíkindum. Enda hefur allt í kring-
um fjölmiðlamálið, framgangur þess og
lyktir verið ríkisstjórninni og stjórnarlið-
um til mikillar háðungar.
Ásta Ragnheiður Jóhannesdóttir
á althingi.is/arj
Óígrunduð tilgáta forstjórans
Það er ... með öllu ótækt að menn geti
komið fram í ríkissjónvarpinu og haldið
því fram að fíkniefnaneysla barna sé því
um að kenna að stjórnvöld rukki brenni-
vínskaupendur óhóflega. Ekki veit ég
hvað þáttastjórnendur voru að hugsa
þegar þeir ekki svo mikið sem sögðu ha
við jafn óígrundaðri tilgátu og rann frá
forstjóranum þetta kvöld. Það er í besta
falli broslegt að halda því fram að ferða-
menn hætti við Íslandsheimsókn vegna
þess að bjórinn sé svo dýr en að halda
því fram að börnin okkar myndu láta
slag af amfetamíni í friði ef kippan af
Fosters kostaði 300 kr. í stað 900 kr. er
algjörlega óafsakanlegt.
Grímur Atlason á vg.is/postur
JÓN BJARNASON
ÞINGMAÐUR VINSTRI GRÆNNA
UMRÆÐAN
ÞINGVELLIR
,,
BRÉF TIL BLAÐSINS
N‡r Subaru Legacy
Ef til vill kanntu vel a› meta dálítinn lúxus,
smart-heit og flægindi. Kraftur, snerpa og
óbilandi úthald gætu líka veri› eiginleikar
sem flú telur me›al höfu›kosta.
Hugsanlega ert flú líka einn hinna mörgu
sem elskar a› sko›a landi› og stunda
útivist. A› sama skapi viltu sjálfsagt líka njóta
öryggis og festu. Fyrir svona fólk er n‡i
Subaru Legacy bíllinn einmitt sá rétti.
Komdu vi› hjá Ingvari Helgasyni og
kynntu flér málin nánar.
Sævarhöf›a 2 · Sími 525 8000 · www.ih.is
Hvernig mann
hefur flú a› geyma?
Beinskiptur Sjálfskiptur
Legacy Stallbakur 2.615.000 kr. 2.710.000 kr.
Legacy Skutbíll 2.710.000 kr. 2.790.000 kr.
Legacy LUX 3.090.000 kr.
F
í
t
o
n
/
S
Í
A
Við hvetjum lesendur til að senda
okkur línu og leggja orð í belg um efni
Fréttablaðsins eða málefni líðandi
stundar. Greinar og bréf skulu vera
stutt og gagnorð. Ritstjórn áskilur sér
rétt til að stytta aðsent efni. Einnig
áskilur ritstjórn sér rétt til að birta
aðsent efni að meginhluta á vefsíðu
blaðsins, sem er Vísir.is, og vísa þá til
þess með útdrætti í blaðinu sjálfu.
Vinsamlega sendið efni í tölvupósti á
greinar@frettabladid.is. Þar er einnig
svarað fyrirspurnum um lengd greina.
24-41 (24-25) Leiðari 11.8.2004 18:45 Page 3