Fréttablaðið - 12.08.2004, Blaðsíða 12

12 12. ágúst 2004 FIMMTUDAGUR
NAKTAR FRÉTTIR
Fréttakonur nýrrar sjónvarpsstöðvar í Bret-
landi kynna fréttatíma hennar sem er
óvenjulegur að því leyti að fréttakonurnar
afklæðast á meðan þær lesa fréttir.
Disney-samsteypan:
Gróði hjá Andrési
og Mikka
LOS ANGELES, AP Hagnaður Walt
Disney-fyrirtækisins jókst um
tuttugu prósent á þriðja fjórðungi
reikningsársins miðað við sama
tíma í fyrra. Hagnaður fyrirtæk-
isins nam 604 milljónum Banda-
ríkjadala (ríflega 5 milljörðum
króna) sem er töluvert meira en
ráðgjafafyrirtæki höfðu spáð.
Bætt afkoma er fyrst og
fremst rakin til aukinnar aðsókn-
ar af skemmtigörðum Walt Disn-
ey í Bandaríkjunum, sérstakega
Disney World í Flórída. Disney
rekur einnig fjölda verslana en
vinnur nú að sölu þeirra.
Kvikmyndadeild félagsins hef-
ur ekki gengið sem skyldi á síð-
ustu mánuðum þar sem stórar
kvikmyndir á borð við „Around
the World in 80 Days“ hafa ekki
slegið í gegn hjá áhorfendum.
Gengi bréfa í Disney hækkuðu
á þriðjudag og er fyrirtækið nú
metið á ríflega þrjú þúsund millj-
arða íslenskra króna. Michael
Eisner, forstjóri Disney, stóð ný-
lega af sér atlögu margra stórra
hluthafa. Einn þeirra sem vilja
losna við Eisner, Roy Disney, lýsti
því yfir í gær að uppgjörið sýndi
að ekki væri nægur vöxtur í starf-
seminni. ■
Stórárás vofir yfir
Harðir bardagar hafa staðið í Najaf í heila viku. Bandaríkjamenn undirbúa
stórárás á borgina. Sjíaklerkurinn al-Sadr hvetur sína menn til dáða.
NAJAF, AP Harðir bardagar stóðu
yfir í írösku borginni Najaf í gær,
sjöunda daginn í röð. Uppreisnar-
menn sem eru hliðhollir sjíaprest-
inum Muqtada al-Sadr hafa barist
af hörku við bandarískar og írask-
ar hersveitir. Bandaríkjamenn
segja að lokauppgjörið sé í nánd.
Í yfirlýsingu frá herforinga
Bandaríkjamanna á svæðinu seg-
ir að undirbúningur sé hafinn
fyrir lokauppgjörið en seinni
partinn í gær var ljóst að ein-
hverjar tafir yrðu á því að atlagan
hæfist. „Það skiptir engu máli,
þeir vita að við
erum að koma,“
sagði herforing-
inn. Hins vegar
var al-Sadr mjög
vígreifur og
hvatti stuðnings-
menn sína til að
halda baráttunni
áfram þótt hann
yrði handtekinn
eða drepinn.
Bandarískar hersveitir sóttu í
gær að borginni yfir stóran kirkju-
garð en liðsmenn al-Sadrs vörðust
með sprengjuvörpum. Ekki var
kunnugt um mannfall í liði Banda-
ríkjamanna. Hörðustu bardagarnir
voru í kringum helga staði músli-
ma í borginni.
Heilbrigðisstarfsmenn í Najaf
segja ástandið þar afar slæmt og
það muni verða algjört hörmungar-
ástand ef bardögum linnir ekki
fljótlega. „Sjúkrabílar komast ekki
til að sækja hina særðu og hjálpar-
starfsmenn komast ekki á sjúkra-
húsin,“ sagði Falah al-Mahani, yfir-
maður heilbrigðismála í Najaf.
Ibrahim al-Jaafari, varaforseti í
bráðabirgðastjórn Íraks, sagði í
gær að Bandaríkjamenn ættu að
draga lið sitt frá Najaf. „Aðeins
íraskar hversveitir ættu að vera í
Najaf. Þær ættu að tryggja öryggi
borgarinnar og bjarga henni frá
þessum hörmungum,“ sagði Jaaf-
ari.
Bandaríkjamenn segja á hinn
bóginn að þeir séu í Najaf að beiðni
bráðabirgðastjórnarinnar. ■
Morðrannsókn:
Áfram í gæslu-
varðhaldi
MORÐARANNSÓKN Hákon Eydal,
banamaður Sri Rahmawati, var
úrskurðaður í Héraðsdómi
Reykjavíkur til að sæta áfram-
haldandi gæsluvarðhaldi til
fimmta nóvember.
Hákon var fyrst úrskurðaður
í tveggja vikna gæsluvarðhald
sjöunda júlí sem síðar var fram-
lengt til dagsins í gær. Hörður
Jóhannesson, hjá lögreglunni í
Reykjavík, vill ekki staðfesta að
kúbein sem fannst í sömu hraun-
sprungu og lík Sri, sé morðvopn-
ið þar sem endanlegar niður-
stöður krufningar liggi ekki fyr-
ir. ■
SNÁKUR Á SKRIÐI
Snákurinn fannst fyrir utan hjólbarðaverk-
stæði í Grindavík. Ekki er vitað hvaðan
snákurinn kom en hann sést hér á mynd
með Risatópaspakka.
Aflífaður í gær:
Snákur
skríður um
Grindavík
GÆLUDÝR Um 40 sentimetra snák-
ur vakti athygli manna við Hjól-
barðaverkstæði í Grindavík í
fyrrakvöld. Lögreglan í Kefla-
vík var kölluð til og handsamaði
hún snákinn og kom til Heil-
brigðiseftirlits Suðurnesja í
gærmorgun.
Valgerður Sigurvinsdóttir,
meindýraeyðir hjá heilbrigðis-
eftirlitinu, segir snákinn ekki
þann fyrsta sem komið sé með
til þeirra. Endrum og sinnum
séu þeir teknir af flugfarþegum
Keflavíkurflugvallar. Hún segir
þó alls ekki útilokað að snákur-
inn hafi komið með vörusend-
ingu.
Snákurinn var aflífaður með
klóróformi og brenndur en inn-
flutningur á snákum til landsins
er stranglega bannaður. Tegund
hans er óþekkt en hann var
brúnn og rauður á lit. ■
Fljótsdalsheiði:
Fannst heill
á húfi
LEIT Fjórtán ára þýskur drengur,
sem varð viðskila við föður sinn
á Fljótsdalsheiði í fyrrakvöld,
fannst heill á húfi skammt frá
Villingafelli á Fljótsdalsheiði
rétt fyrir klukkan þrjú um nótt-
ina.
Drengurinn var á ferð með
föður sínum á heiðinni þegar bíll
þeirra festist. Drengurinn hélt
ferðinni áfram fótgangandi og
þegar faðir hans hugðist sækja
drenginn var hann hvergi sjáan-
legur. Björgunarsveitir voru
kallaðir út á tíunda tímanum í
fyrrakvöld og tóku um fimmtíu
manns á tíu til tólf bílum og fjór-
hjólum þátt í leitinni. Faðirinn
sendi drengnum sms-skilaboð
og í kringum miðnætti hringdi
drengurinn þegar hann áttaði
sig á að sumstaðar var hægt að
ná símasambandi. Ekkert amaði
að drengnum en hann hafði ekki
hugmynd um hvar hann var
staddur. Björgunarsveitar-
mennirnir blikkuðu ljósunum á
ökutækjunum og drengurinn lét
vita í gegnum síma þegar hann
varð ljósanna var og hægt var
að miða út staðsetningu hans út
frá því. Drengurinn var hress og
bar sig vel þegar hann fannst. ■
RÓMARFLUGVÖLLUR RÝMD-
UR Hluti af flugvellinum í
Róm var rýmdur eftir að til-
kynnt var um sprengju við
innritunarborð. Um gabb
reyndist að ræða.
FANNST LÁTINN Síðasti
námumaðurinn sem saknað
var eftir að hluti rússneskrar
námu hrundi fannst í gær
látinn. Alls fórust fimm
námumenn í slysinu sem
varð 3. ágúst.
SPRENGJUHÓTUN Í RÚMENÍU
Lögreglumenn leituðu dyrum
og dyngjum að sprengju á
hóteli leikmanna Manchester
United þar sem þeir dvöldust
fyrir leik í meistaradeildinni.
Engin sprengja fannst.
■ EVRÓPA
,,Það
skiptir engu
máli, þeir
vita að við
erum að
koma.
RÍKISSÁTTASEMJARI
Stendur í ströngu í deilu kennara og
launanefndar sveitarfélaganna. Kennarar
fara í verkfall 20. september náist ekki
samningar fyrir þann tíma.
Kjaradeila kennara:
Fundir settir
KENNARAR Kennarar og launanefnd
sveitarfélaganna skipulögðu
næstu fundi þeirra á 90 mínútna
fundi hjá ríkissáttasemjara í gær.
Ákveðið var að launanefndin
heimsækti Félag grunnskólakenn-
ara á mánudag og miðvikudag og
ræddi málin þar án handleiðslu
ríkissáttasemjara. Hann hitta
deilendur síðar í næstu viku.
Kennarar fara í verkfall náist
ekki samningar fyrir 20. septem-
ber. Eiríkur Jónsson, formaður
Kennarasambands Íslands, segir
allar líkur á að það geti staðið í
margar vikur náist ekki að af-
stýra því. ■
Þjóðverji í farbanni:
Ökumaður
ákærður
DÓMSMÁL Ákæra hefur verið gefin
út á þýskan mann sem þegar hef-
ur verið úrskurðaður í farbann til
27. ágúst. Staðfest hefur verið að
maðurinn var ölvaður þegar bíll
sem hann ók valt á Krísuvíkur-
vegi í lok júlí.
Þýskur maður sem var í bíln-
um ásamt ökumanni og fleiri
Þjóðverjum lést af sárum sínum
nokkru eftir slysið. Mennirnir
hafa dvalist tímabundið hér á
landi við störf. Lögreglan í
Hafnarfirði fór fram á að maður-
inn yrði úrskurðaður í farbann á
meðan málið yrði rannsakað. Við
lok rannsóknar var málið sent til
sýslumannsins í Hafnarfirði sem
gefið hefur út ákæru og sent mál-
ið til Héraðsdóms Reykjaness. ■
Akureyrarbær
Skóladeild
Glerárgötu 26
600 Akureyri
Hlíðarskóli í Varpholti
Auglýst er eftir matráði
- stöðuhlutfall 55%
Hlíðarskóli er lítill sérskóli fyrir börn á grunnskólaaldri í aðlögunarvanda sem
ekki hafa náð að fóta sig í hverfisskóla. Nemendur eru 16 og starfsmenn 10.
Skólinn er staðsettur í Varpholti 5 km norðan Akureyrar.
Allar nánari upplýsingar veitir skólastjóri, Bryndís Valgarðsdóttir, (bryndis@akureyri.is)
í síma 462-4068 gsm 848-4709.
Veffang skóla: www.hlidarskoli.akureyri.is
Tekið verður tillit til samþykktar bæjarstjórnar Akureyrarbæjar um jafnréttismál við ráðningu í
störfin. Laun samkvæmt kjarasamningi Launanefndar sveitarfélaga og viðkomandi stéttarfélags.
Upplýsingar um kaup og kjör eru veittar á starfsmannadeild Akureyrarbæjar í síma 460 1000.
Umsóknum skal skilað í þjónustuanddyri í Geislagötu 9 á eyðublöðum sem þar fást.
Einnig er hægt að sækja um á heimasíðu Akureyrarbæjar – www.akureyri.is.
Umsóknar-frestur er til 16.ágúst 2004.
ANDRÉS OG FORSTJÓRINN
Michael Eisner, forstjóri Disney, er meðal
umdeildustu kaupsýslumanna í Bandaríkj-
unum. Rekstur Disney gengur vel það sem
af er ári.
AMERÍSKIR HERMENN
Stórárás Bandaríkjamanna var í gær yfirvofandi í Najaf.
BEITA SPRENGJUVÖRPUM
Íraskir uppreisnarmenn beita sprengjuvörpum í Najaf.
FR
ÉT
TA
B
LA
Ð
IÐ
/A
P
12-13 11.8.2004 21:00 Page 2