Fréttablaðið - 20.08.2004, Blaðsíða 4
4 20. ágúst 2004 FÖSTUDAGUR
Óvissa ríkir um byggingu
kísilduftverksmiðjunnar
Að öllu óbreyttu er dökkt framundan í atvinnumálum í Mývatnssveit. Fimmtíu manns missa
vinnuna fyrir áramót vegna lokunar Kísiliðjunnar. Fjármögnun kísilduftverksmiðju enn ólokið
þrátt fyrir 200 milljóna króna framlag ríkisins.
IÐNAÐUR Ekki er enn ljóst hvort af
byggingu kísilduftverksmiðju við
Mývatn verður.
„Staðan er í mjög stuttu máli sú
að það hefur ekki enn tekist að
klára að fjármagna verkefnið,“
segir Kristján Björn Garðarsson,
framkvæmdastjóri Kísiliðjunnar.
Hann segist ekki telja að verkefnið
sé að fjara út en tíminn til þess að
fá niðurstöðu í málið styttist alltaf.
Að öllu óbreyttu er dökkt
framundan í atvinnumálum við
Mývatn. Í maí varð ljóst að Kísil-
iðjan myndi hætta þar starfsemi.
Við það munu um fimmtíu manns
missa vinnuna í haust, eða tíundi
hver íbúi sveitarfélagsins. Sig-
björn Gunnarsson, sveitarstjóri
Skútustaðahrepps, segir Mývetn-
inga því binda miklar vonir við að
kísilduftverksmiðjan verði reist.
„Þetta er alltaf að dragast og
við höfum áhyggjur af því,“ segir
Sigbjörn. „Það er náttúrlega mik-
ilvægt að það verði einhverja at-
vinnu að hafa í sveitarfélaginu. Ef
þessi verksmiðja verður ekki
reist mun það valda gríðarlegum
erfiðleikum – það er enginn vafi á
því. Ég er enginn talsmaður þess
að setja upp fyrirtæki sem ekki
bera sig. Það gerir engum gagn.
Hins vegar er allt jákvætt í öllum
útreikningum á þessari verk-
smiðju. Menn fjárfesta í þessu ef
þetta er hagkvæm fjárfesting.“
Páll Magnússon, aðstoðarmað-
ur Valgerðar Sverrisdóttur iðnað-
arráðherra og varaþingmaður
Framsóknarflokksins, segir ríkið
þegar hafa ákveðið að veita 200
milljónir króna í að styrkja at-
vinnustarfsemi við Mývatn. For-
svarsmenn kísilduftverksmiðj-
unnar viti af því og geri ráð fyrir
þeim fjármunum í fjármögnun-
inni. Aðspurður hvort það komi til
greina að ríkið leggi meiri pening
í verkefnið til að klára fjármögn-
unina segir Páll: „Það veit ég ekki.
Það verður þá að taka sérstaka
ákvörðun um það. Ef fjárfestar
treysta sér ekki til þess að setja
meiri peninga í þetta þá tel ég
frekar ólíklegt að ríkið geri það.“
Einar Oddur Kristjánsson, sjálf-
stæðismaður og varaformaður iðn-
aðarnefndar, segist harma þá
ákvörðun að leggja Kísiliðjuna nið-
ur. Hún hafi verið góð undirstaða
byggðar við Mývatn. Fyrir utan
þær 200 milljónir króna sem eru
eyrnamerktar uppbyggingu í at-
vinnumálum svæðisins segist
Einar Oddur ekki vita til þess að
frekari fjárveitingar séu í farvatn-
inu. Ekkert slíkt hafi verið ákveðið.
trausti@frettabladid.is
■ EVRÓPA
Fylgist þú með útsendingum
frá Ólympíuleikunum?
Spurning dagsins í dag:
Á hið opinbera að fjármagna
stækkun Laugardalsvallar?
Niðurstöður gærdagsins
á visir.is
53%
47%
Nei
Já
KJÖRKASSINN
Farðu inn á visir.is og segðu þína skoðun
visir.is
Níu létust:
Hunsuðu
sundbann
FRAKKLAND, AP Níu manns létust í
óveðri sem gekk yfir suðurhluta
Frakklands. Yfirvöld segja að
rekja megi dauða fólksins til þess
að það tók ekki mark á banni við
því að synda í hafinu úti af Mið-
jarðarhafsströnd Frakklands.
„Kæruleysi sumra skilaði sér í
þessum dauðsföllum,“ sagði Eric
Soupra, embættismaður í innan-
ríkisráðuneytinu.
Stjórnvöld gáfu út viðvaranir
vegna óveðurs á þriðjudag og
léttu því ástandi ekki fyrr en í
gær. Þá höfðu níu látist og tvegg-
ja var saknað. ■
TENGSL VIÐ MADRÍDARÁRÁS Lög-
reglumenn sem vinna að rann-
sókn hryðjuverkaárásanna í Ma-
dríd, höfuðborg Spánar, telja að
meintur hryðjuverkamaður sem
var handtekinn í Hollandi á mið-
vikudag kunni að tengjast árás-
unum í mars. Spænskir lögreglu-
menn fóru til Hollands til að bera
kennsl á tvo fanga af níu sem
voru handteknir á miðvikudag.
HANDTAKA MEINTAN HRYÐJU-
VERKAMANN Pólverjar hafa
handtekið ungan Frakka sem þeir
gruna um að hafa ætlað að frem-
ja hryðjuverk. Maðurinn var
handtekinn eftir að hann sást í
felum upptekinn af því að mynda
gasdreifingarstöð. Grunur leikur
á að hann hafi ætlað að sprengja
hana í loft upp.
RÁÐHERRAR Í KLEMMU Spænskir
kvenráðherrar sæta mikilli gagn-
rýni eftir að myndir birtust af
þeim þar sem þær brugðu sér í
hlutverk fyrirsæta í tískutíma-
riti. Kvenréttindasamtök segja að
framsetningin gangi á skjön við
markmið stjórnarinnar um að
draga úr misrétti kynjanna.
TEHERAN, AP Sumir íranskir herfor-
ingjar telja réttast að verða fyrri
til að láta til skarar skríða ef þeir
telja hættu á að Bandaríkjamenn
komi til með að gera árás á Íran.
Þetta sagði Ali Shamkhani, varn-
armálaráðherra Írans, í viðtali á
Al-Jazeera sjónvarpsstöðinni.
Hann lýsti ugg Írana yfir því að
Bandaríkjaher sé bæði í Írak og
Afganistan en bæði lönd eiga löng
landamæri að Íran.
„Við bíðum ekki eftir því sem
aðrir kunna að gera okkur,“ sagði
Shamkhani aðspurður um hvernig
Íranar myndu bregðast við ef
Bandaríkjamenn réðust á kjarn-
orkuver þeirra. „Það eru skiptar
skoðanir meðal herforingja. Sum-
ir telja að fyrirbyggjandi aðgerðir
hafi ekki verið fundnar upp af
Bandaríkjamönnum og séu ekki
bara á þeirra færi. Hvaða þjóð
sem telur sér ógnað gæti gripið til
slíkra aðgerða,“ sagði hann.
Bandaríkjamenn hafa varað
mjög við því að Íranar séu að
koma sér upp kjarnorkuvopnum
en því neita Íranar. Íran er eitt
þriggja landa sem George W.
Bush Bandaríkjaforseti kallaði
öxulveldi hins illa. Hin voru Norð-
ur-Kórea og Írak undir stjórn
Saddams Hussein. ■
ÓGN Í AUGUM ÍRANA
Uggur Írana hefur aukist eftir því sem Bandaríkjaher hefur tekið sér stöðu í fleiri löndum
sem eiga landamæri að Íran.
Íranskir herforingjar uggandi vegna Bandaríkjahers:
Tilbúnir í fyrirbyggjandi árásir
DÓMSMÁL Héraðsdómur Reykja-
víkur úrskurðaði að siðanefnd
Háskóla Íslands væri óheimilt
að fjalla um kæru dætra Hall-
dórs Laxness á hendur Hannesi
Hólmsteini Gissurarsyni vegna
ritunar hans á fyrsta bindi ævi-
sögu Halldórs Laxness áður en
niðurstaða fæst hjá dómstólum
um frávísunarkröfuna.
„Þetta er auðvitað ánægju-
legur úrskurður fyrir minn
skjólstæðing en gagnaðili hefur
auðvitað kost á að skjóta honum
til Hæstaréttar. Það er því ekki
víst að þetta séu endanlegar
lyktir á þessum þætti deilunn-
ar,“ segir Jón Steinar Gunn-
laugsson, verjandi Hannesar,
um niðurstöðu úrskurðarins.
Hann segir dóminn hafa fallist á
kröfu Hannesar og því lýsi hann
ánægju fyrir hans hönd.
Sýslumaðurinn í Reykjavík
hafði áður hafnað beiðni Hann-
esar um að lögbann yrði sett á
að siðanefndin fjallaði um
kæruna á meðan frávísunar-
krafa færi fyrir dómstóla.
Í úrskurðinum segir að veru-
legur vafi sé um hvort siða-
nefnd Háskóla Íslands hafi
nægilega stoð í lögum. Þá segir
einnig að vafi sé á hvort réttur
aðili innan Háskólans hafi sett
siðareglurnar. Á þeim grund-
velli hafi Hannesi þótt senni-
legt að áframhaldandi meðferð
nefndarinnar bryti gegn lög-
verðum rétti hans.
„Það liggur engin ákvörðun
fyrir um það en það verður
væntanlega ákveðið strax eftir
helgina,“ sagði Gestur Jónsson,
verjandi siðanefndar spurður
um hvort úrskurðinum yrði
áfrýjað. ■
KÍSILIÐJAN Í MÝVATNSSVEIT
Í maí varð ljóst að Kísiliðjan myndi hætta starfsemi við Mývatnssveit. Við það munu um fimmtíu manns missa vinnuna í haust.
Úrskurður Héraðsdóms Reykjavíkur:
Siðanefnd óheimilt að fjalla um kæruna
FR
ÉT
TA
B
LA
Ð
IÐ
/G
VA
JÓN STEINAR GUNNLAUGSSON OG
GESTUR JÓNSSON
Jón Steinar lýsti yfir ánægju með úrskurð-
inn fyrir hönd Hannesar.
04-05 19.8.2004 20:47 Page 2