Fréttablaðið - 01.09.2004, Blaðsíða 8

8 1. september 2004 MIÐVIKUDAGUR
Mikill viðbúnaður vegna eldsvoða í fjölbýlishúsi:
Kona flutt á spítala
ELDSVOÐI „Þarna geta aðstæður
verið erfiðar en þar sem eldurinn
kviknaði í íbúð á þriðju hæð þá
urðu ekki teljandi vandræði,“
segir Gunnar Jónsson, vaktstjóri
hjá slökkviliði höfuðborgarsvæð-
isins. Allt tiltækt lið var kallað
saman seint í fyrrakvöld þegar til-
kynnt var um eldsvoða í íbúð í
blokk að Austurbrún í Reykjavík
en sú bygging er alls tólf hæðir.
Mikinn reyk lagði frá íbúð á
þriðju hæð og var íbúðin mikið
skemmd þegar slökkvilið kom að.
Ein eldri kona var í íbúðinni og
var hún flutt á spítala með reyk-
eitrun en líðan hennar er sögð
góð. Var fólki í nærliggjandi í-
búðum gert að yfirgefa húsið
meðan slökkvilið athafnaði sig og
segir Gunnar það eðlilegt í tilviki
sem þessu. „Það er fyrst og
fremst gert í öryggisskyni. Þarna
var mikill reykur um alla ganga
og reykeitrun getur átt sér stað.“
Allt slökkvistarf gekk þó vel
fyrir sig og var hafist handa við
að reykræsta blokkina um leið og
eldurinn hafði verið slökktur. Um
20 manna lið slökkviliðsmanna
tók þátt í aðgerðum í fyrrakvöld
auk lögreglu- og sjúkraliðs. Enn-
fremur var strætisvagn til taks
fyrir þá íbúa sem gert var að yfir-
gefa heimili sín. Rannsókn
stendur yfir á eldsupptökum. ■
Dorrit heimsækir álverið í Straumsvík:
Forstjórinn fangaði athygli Dorritar
HEIMSÓKN „Það var ekki álverið
heldur Rannveig og hæfni hennar
sem stjórnanda sem dró athygli
mína hingað,“ sagði Dorrit Moussai-
eff forsetafrú um forstjóra álvers-
ins Alcan í heimsókn sinni í
Straumsvík: „Ég veit nú ægi lítið
um álver þótt það hafi aðeins aukist
við heimsóknina.“
Dorrit hafði hitt Rannveigu í
embættisboðum og viðrað hug-
myndina um að heimsækja ál-
verið. „Rannveig er að standa sig
frábærlega; alveg sérstaklega
vel. Það sem kom mér mest á
óvart í heimsókninni var að sjá
hve vel hún stjórnar þessum
hundruðum kvenna og karla á af-
kastamikinn hátt og í góðum
starfsanda. Mjög fá fyrirtæki í
heiminum hafa náð svo góðum
anda og afköstum eins og hér sést.
Ég þekki til stórra fyrirtækja sem
hafa eytt milljónum í að byggja
upp góða aðstöðu fyrir starfsfólk-
ið en hafa ekki náð þeim árangri
sem Rannveig hefur náð,“ segir
Dorrit.
Rannveig Rist, forstjóri álvers-
ins, var ánægð með áhuga Dorritar
á fyrirtækinu. „Hún talaði um heim-
sókn við mig snemma í vor og svo
varð að henni núna,“ segir Rann-
veig. Hún segir alla hafa verið spen-
nta að hitta Dorrit sem hafi gefið
sér góðan tíma í að tala við hvern og
einn.
Heimsóknin varði í á fimmta
tíma og dreypti Dorrit á kaffi með
starfsmönnum í lok dagsins. ■
Kauphallarforstjóri
krefst rannsóknar á
Íslandsbankaviðskiptum
Björgólfsfeðga
– hefur þú séð DV í dag?
Bush virðist skipta um skoðun í baráttunni gegn hryðjuverkum:
Víst getum við fagnað sigri
BANDARÍKIN, AP Degi eftir að Geor-
ge W. Bush Bandaríkjaforseti
sagði í sjónvarpsviðtali að líklega
væri ekki hægt að vinna sigur í
baráttunni gegn hryðjuverkum
virtist hann kominn á öndverða
skoðun. „Við hittumst á stríðs-
tímum, þegar land okkar á í stríði
sem það hóf ekki en mun fagna
sigri í,“ sagði Bush á fundi með
fyrrverandi hermönnum í Nash-
ville í gær.
Ummæli hans í ræðunni í gær
eru þvert á þau sem hann lét falla
í viðtali á sjónvarpsstöðinni NBC í
fyrradag. „Ég held að við getum
ekki unnið baráttuna,“ sagði hann
þá og vöktu ummæli hans mikla
athygli. Demókratar voru fljótir
að veitast að honum fyrir þetta þó
svo að frambjóðandi þeirra, John
Kerry, hafi lýst svipuðum viðhorf-
um, að ekki væri hægt að kveða
hryðjuverkamenn endanlega í
kútinn með núverandi aðferðum.
John Edwards, varaforsetaefni
demókrata, var fljótur að bregð-
ast við eftir fyrri ummælin.
„Hvað ef Ronald Reagan hefði
sagt að það væri ekki hægt að
vinna baráttuna gegn kommún-
ismanum? Hvað ef aðrir forsetar
hefðu sagt að ekki væri hægt að
vinna Kalda stríðið?“ ■
Hollinger:
Rændu
milljörðum
NEW YORK, AP Fyrrverandi blaða-
kóngurinn Conrad Black og fé-
lagar hans í stjórn Hollinger
International eru sakaðir um að
hafa dregið til sín fé úr sjóðum
fyrirtækisins að andvirði tæpra
30 milljarða króna síðustu sjö
árin. Það er nær allur hagnaður
sem hefur verið af rekstri fyrir-
tækisins þann tíma.
Harðvítugar deilur hafa staðið
um völdin í Hollinger undanfarin
misseri, einkum vegna framferðis
Blacks og sölu á Daily Telegraph
og skyldum blöðum í Bretlandi.
Black hraktist úr stöðu stjórnar-
formanns eftir langvinnar deilur
og sér ekki fyrir endann á málinu.
Ljóst er þó að margvísleg mála-
ferli eru framundan. ■
Vladimír Pútín:
Kosningar
í lagi
RÚSSLAND, AP „Enginn getur beitt
valdi til að neyða fólk til að
kjósa,“ sagði Vladimir Pútín Rúss-
landsforseti þegar
hann varði for-
setakosningarnar í
Tsjetsjeníu. Gagn-
rýnt hefur verið að
kosningarnar hafi
ekki verið nægi-
lega lýðræðislegar
og að viðamikið
k o s n i n g a s v i n d l
hafi átt sér stað.
„Mikill meirihluti kjósenda
greiddi einum og sama frambjóð-
andanum atkvæði sitt. Það er
staðreynd,“ sagði Pútín.
Bandaríska utanríkisráðu-
neytið segir kosningarnar ekki
hafa uppfyllt alþjóðlega staðla og
undir það taka ýmis mannrétt-
indasamtök. ■
SIGURVISS MEÐAL FYRRVERANDI
HERMANNA
Bush brá út af línunni þegar hann sagði í
sjónvarpsviðtali að ekki væri hægt að
vinna baráttuna gegn hryðjuverkum. Hann
var öllu sigurvissari í ræðu næsta dag.
MIKILL VIÐBÚNAÐUR
Íbúum á neðstu hæðum í blokkinni var gert að yfirgefa heimili sín vegna hættu á
reykeitrun en mikinn reyk lagði úr íbúð þeirri sem brann.
DORRIT MOUSSAIEFF OG RANNVEIG RIST
Skoðuðu saman álverið að ósk Dorritar sem var hissa á fjölmiðlaathyglinni. „Ég er nú hálf
óundirbúin athyglinni. Ég hélt að þetta væri einkaheimsókn,“ sagði Dorrit þegar fjölmiðla-
mennirnir streymdu að.
FR
ÉT
TA
B
LA
Ð
IÐ
/V
IL
H
EL
M
G
U
N
N
AR
SS
O
N