Fréttablaðið - 02.12.2004, Blaðsíða 71

31FIMMTUDAGUR 2. desember 2004
100%
410 4000 | landsbanki.is Banki allra landsmanna
Íbúðalán
Kynntu þér kostina við íbúðalán
Landsbankans. Fáðu ráðgjöf hjá
sérfræðingum okkar og veldu
leiðina sem hentar þér best. Hafðu
samband í síma 410 4000 eða á
fasteignathjonusta@landsbanki.is
Hlutfall kvenna í stjórnum stærstu
fyrirtækja hér á landi er aðeins
ellefu prósent á Íslandi á meðan
hlutfallið á Norðurlöndunum í
heild er 16,5%. Ef einungis eru
tekin skráð fyrirtæki syrtir enn í
álinn því þá er hlutfallið 5% á
Íslandi en 18% að meðaltali á
Norðurlöndunum.Þetta er niður-
staða skýrslu um hlut kvenna í
stjórnum og framkvæmdastjórn
500 af stærstu fyrirtækjum
á Norðurlöndunum. Valgerður
Sverrisdóttir, viðskiptaráðherra
var í hópi þeirra sem fylgdu
skýrslunni úr hlaði á blaðamanna-
fundi í Osló í gær: „Skýringin er sú
að eigendur fjármagnsins eru
fyrst og fremst karlar. Þeir þurfa
að víkka sjóndeildarhringinn.“
Hlutfall kvenna í framkvæmda-
stjórn íslenskra fyrirtækja sem
voru í úrtaki þessarar norrænu
rannsóknar var hins vegar hærra á
Íslandi, 15%, en að meðaltali á
Norðurlöndunum, 12%.
Tvær íslenskar konur, Rann-
veig Rist og Kristín Jóhannesdótt-
ir, eru í hópi þeirra 10 kvenna sem
valdar hafa verið af Nordic 500
sem áhrifamestu konur í stjórnum
fyrirtækja á Norðurlöndum. - ás
Fæstar stjórnarkonur á Íslandi
KRISTÍN JÓHANNESDÓTTIR Hún er
stjórnarmaður í Baugi og er talin meðal tíu
áhrifaríkustu kvenna í stjórnum fyrirtækja á
Norðurlöndum.
Hlutfall kvenna í stjórnum
fyrirtækja er lægra hér á
landi en á hinum Norður-
löndunum. Aðeins fimm
prósent stjórnarmanna hér á
landi eru kvenkyns.
Seðlabankinn gefur út Pen-
ingamál í dag. Greiningar-
deildir telja að vextir muni
hækka en greinir á um hve
mikil hækkunin verður.
Líklegt er að Seðlabankinn
hækki stýrivexti í dag. Bankinn
hefur gjarnan tilkynnt um
hækkanir samhliða útgáfu á
Peningamálum. Stýrivextir hafa
hækkað um 1,95 prósentustig á
þessu ári og eru nú 7,25 prósent.
Í Vegvísi greiningardeildar
Landsbankans segir að gert sé
ráð fyrir að hækkunin í dag
verði nokkuð snörp og að vext-
irnir hækki um 0,5 til 0,75 pró-
sentustig. Í Vegvísi segir að
vöxtur innlendrar eftirspurnar
haldi áfram og þar er tekið und-
ir að Seðlabankinn þurfi að
bregðast við af fullum krafti.
Greiningardeild KB banka
gerir einnig ráð fyrir vaxta-
hækkun en telur að hún verði
miklu minni. „Að mati greining-
ardeildar mun Seðlabanki Ís-
lands koma til með að hækka
stýrivexti á morgun um 0,25%
samhliða útgáfu Peningamála,“
segir í Hálf fimm fréttum KB
banka en greiningardeildin
bendir á að nýlega hafi vextirnir
hækkað um 0,5 prósentustig og
því séu líkur á mildri hækkun
nú. - þk
Ríkisstjórnin kynnti nýlega frumvarp
sem áætlað er að lækki skattbyrði
einstaklinga og fyrirtækja um hvorki
meira né minna en 22 milljarða
króna. Í stað þess að taka þessu
frumvarpi opnum örmum hafa
ýmsir aðilar þess í stað gagnrýnt
frumvarpið. Helst kemur á óvart að
meðal gagnrýnenda er ASÍ, en ljóst
er að félagsmenn ASÍ munu flestir
njóta góðs af skattalækkuninni.
Bæði Alþjóðagjaldeyrissjóðurinn og
Efnahags-og framfarastofnunin
(OECD) mæla gegn skattalækkun-
um á þeirri forsendu að í uppsveiflu
eigi stefnan í ríkisfjármálum að vera
sú að draga úr umsvifum með því
að lækka útgjöld eða hækka skatta.
Því ætti að mati þessara að fresta
skattalækkunaráformum til ársins
2007 og auka jafnframt aðhald í út-
gjöldum ríkissjóðs.
Auðvitað er erfitt að slá hendinni á
móti skattalækkunum. Þær munu
verða til þess að ráðstöfunartekjur
hækka sem að öllu jöfnu ætti að
auka lífsgæðin. Lykilorðin hér eru:
að öðru jöfnu. Það er nefnilega
þannig að tekjur ríkissjóðs þurfa að
duga fyrir útgjöldum ríkissjóðs ella
fer ríkissjóður að safna skuldum.
Í langtímaáætlun í ríkisfjármálum
sem fjármálráðuneytið gaf út í byrj-
un október er tekið tillit til skatta-
lækkana, svipaða þeim sem síðan
hafa komið fram í sérstöku frum-
varpi. Samkvæmt þessari áætlun
sem nær til ársins 2008 er afgang-
ur á ríkissjóði á árunum 2004-2006
á meðan hagvöxtur helst hár. Um
leið og dregur úr hagvexti á árinu
2007 þá snýst afgangurinn á ríkis-
sjóði í halla og samkvæmt áætlun-
inni verður 12 milljarða króna halli
á ríkissjóði á árinu 2007 og 17 millj-
arða halli á árinu 2008.
Sú staðhæfing að við eigum fyrir
skattalækkuninni missir því gildi sitt
þar sem hún þýðir að ríkissjóður
verður rekinn með halla á því ári
sem þær koma þyngst inn og árin á
eftir. Kostnaðurinn við skattalækk-
unaráformin er því umfram 22
milljarða þar sem bæta þarf við
kostnaði af lántökunni sem þarf til
að fjármagna hallann sem af þeim
leiðir.
Þegar til lengri tíma er litið er ljóst
að grípa þarf til aðgerða til að ná
jöfnuði í ríkisfjármálum í kjölfar
skattalækkunarinnar og ef ekki
stendur til að hækka skatta á ný, þá
er eina leiðin að skera niður útgjöld
ríkissjóðs.
Stærstu útgjaldaliðir ríkissjóðs eru
útgjöld til heilbrigðis-, velferðar- og
menntamála. Því er ekki ólíklegt að
niðurskurður muni koma niður á
þessum útgjaldaliðum. Í dag eru
skiptar skoðanir um hvort útgjöld til
þessara málaflokka séu nægileg.
Margir eru þeirrar skoðunar að
frekar eigi að verja 22 milljörðum til
að efla heilbrigðis-, velferðar- og
menntamál, fremur en að standa
frammi fyrir niðurskurði í þessum
málaflokkum eftir nokkur ár. ■
ÞJÓÐARBÚSKAPURINN
KATRÍN ÓLAFSDÓTTIR
Hver vill ekki skattalækkun?
Auðvitað er erfitt
að slá hendinni á
móti skattalækkunum. Þær
munu verða til þess að
ráðstöfunartekjur hækka
sem að öllu jöfnu ætti að
auka lífsgæðin.
,,
FR
ÉT
TA
B
LA
Ð
IÐ
/P
JE
TU
R
BANKASTJÓRI ÞUNGT HUGSI Birgir Ís-
leifur Gunnarsson bankastjóri Seðlabank-
ans.
Vaxtahækkun líkleg