Fréttablaðið - 10.09.2004, Blaðsíða 6

6 10. september 2004 FÖSTUDAGUR
Opinberri heimsókn sænsku konungshjónanna lokið:
Sáu til sólar á Akureyri
HEIMSÓKN „Mér fannst ekki annað
en þau sýndu Akureyri og samfé-
laginu hér mikinn áhuga og voru
ánægð með það sem þau sáu,“
segir Kristján Þór Júlíusson, bæj-
arstjóri Akureyrar. Hann tók á
móti Karli Gústaf Svíakonungi,
Silvíu drottningu og Viktoríu
krónprinsessu, er þau komu þang-
að í gærmorgun. Fengu þau blíð-
skaparveður fyrir norðan eftir að
hafa upplifað rok og rigningu á
suðvesturhorninu síðan heimsókn
þeirra hófst á þriðjudaginn.
Kristján segist stoltur af þeim
áhuga sem kóngafólkið sýndi en
þeim var færð gjöf frá Akureyr-
arbæ í hádegisveislu sem haldin
var þeim til heiðurs. „Mér finnst
mjög merkilegt að bæði konungur
og utanríkisráðherra Svíþjóðar
skuli vilja kynna sér starfsemi
hér í þessum 16 þúsund manna bæ
á Íslandi. Þau kynntu sér upp-
byggingu háskólans hér og þá
stöðu sem háskólasamfélagið og
stofnun Vilhjálms Stefánssonar
hafa í Norðurskautssamstarfinu.“
Frá Akureyri héldu hjónin að
Mývatni þar sem gengið var um
Dimmuborgir og síðan var haldið
í hið norðlenska bláa lón í Bjarn-
arflagi. Opinberri heimsókn
þeirra lauk í gærkvöldi en þau
verða áfram hér á landi í nokkra
daga í einkaerindum. ■
SKATTAR Um 35 prósent atvinnu-
bærra Íslendinga borguðu engan
tekjuskatt við síðustu álagningu og
njóta því ekki nýboðaðrar eins pró-
senta lækkunar tekjuskatts um ára-
mót nema annað komi til svo sem
hækkun persónuafsláttar eða
barnabóta. Ekki er útlit fyrir slíkt
samkvæmt heimildum Fréttablaðs-
ins. Tekjuskattslækkunin hefði hins
vegar fært launþega með meðal-
tekjur 27 þúsund krónur meira í
vasann á síðasta ári.
MeðalÍslendingur hafði 2.636
þúsund krónur í árslaun árið 2003,
eða sem nemur um 220 þúsund
krónum á mánuði og miðað við
óbreyttan persónuafslátt hefði eins
prósentustiga lækkun tekjuskatts
þýtt að ríkissjóður hefði skilað hon-
um um 27 þúsund krónum á ári, eða
2.284 krónum á mánuði. Lækkunin
um áramótin er liður í „allt að“ fjög-
urra prósentustiga tekjuskatts-
lækkun sem ákveðin var í stjórnar-
sáttmála árið 2003. Sú skattalækkun
er mjög í anda kosningastefnuskrár
Sjálfstæðisflokksins.
Eftir því sem næst verður
komist á eftir að útfæra flest önnur
atriði en eins prósents tekjuskatts-
lækkunina, meðal annars vegna
veikinda fráfarandi forsætisráð-
herra. Framsóknarmaður sem
stendur formanni flokks síns nærri
sagði í gær að enginn hagfræðingur
mælti nú með frekari skattalækk-
unum – í bili að minnsta kosti. Nán-
ir samherjar Davíðs Oddssonar
segja hins vegar að hvað sem nú
verði, muni Sjálfstæðismenn aldrei
ganga til kosninga eftir tvö og hálft
ár án þess að standa við skattalækk-
analoforðin.
Halldór Ásgrímsson, formaður
Framsóknarflokksins, tekur hins
vegar við ríkisstjórnarforystu í
næstu viku en áherslur hans flokks
og Sjálfstæðisflokksins eru nokkuð
ólíkar í skattamálum. Varnaglinn
„allt að“ og tenging tekjuskatts-
lækkana við kjarasamninga sem
finna má í stjórnarsáttmálanum
virðast þannig ættuð úr kosninga-
stefnuskrá B-listans. Framsóknar-
menn hafa svo lagt áherslu á að
auka beinan stuðning við barnafjöl-
skyldur með hækkun barnabóta og
frítekjumarks þeirra og draga
áfram úr tekjutengingu þeirra.
Búast má við því að flokkarnir
muni takast á um hvað verði ofan á
í þessum efnum enda ljóst að svig-
rúm hefur minnkað vegna nýjustu
bölsýnis-spádóma í efnahagsmál-
um. Fyrirheit um lækkun erfða-
fjárskatts er að mestu komið til
framkvæmda en eftir stendur
eignaskattur og virðisaukaskattur.
Þær lækkanir virðast á leiðinni í
salt, í bili. Þó verður skipuð nefnd
á allra næstu dögum til að fara
ofan í virðisaukaskattsmálin í
samræmi við stjórnarsáttmálann.
Orðalag stjórnarsáttmálans um
þetta er afar loðið enda ágreining-
ur um málið í ríkisstjórninni eins
og Geir H. Haarde fjármálaráð-
herra viðurkenndi á mánudag.
Helmingslækkun matarskattarins
sem Sjálfstæðismenn lofuðu virð-
ist altént ekki vera innan seiling-
ar, hvað sem síðar verður. Eftir
stendur þá eins prósentustiga
tekjuskattslækkunin sem stór
hluti þjóðarinnar mun að óbreyttu
ekkert græða á.
as@frettabladid.is
TVEIR Á SLYSADEILD Fólksbíll og
jeppi rákust saman á gatnamót-
um Arnarnesvegar og Reykja-
nesbrautar í Hafnarfirði klukk-
an hálf tíu í gærmorgun. Öku-
menn beggja bílanna voru
fluttir á slysadeild. Umferð
tafðist í fjörutíu og fimm mín-
útur vegna slyssins og var bif-
reiðum beint inn á Arnarnes-
veg. Fjarlægja þurfti bílana
með kranabifreið.
BUSAVÍGSLA Á ÍSAFIRÐI Ökumað-
ur var áminntur af lögreglunni á
Ísafirði fyrir að draga nýnema
við Menntaskólann á Ísafirði í
einni halarófu með spotta aftan í
bifreið sinni. Bifreiðin var á
gönguhraða.
VEISTU SVARIÐ?
1Á hvaða bæ í Skagafirði kom uppriðuveiki í sumar?
2Hvaða fyrirtæki hélt alþjóðlega ráð-stefnu um framtíð fiskveiða?
3Í hvaða söngleik lék Maríus Sverris-son í tíu mánuði í Þýskalandi?
Svörin eru á bls. 38
s í m i 5 5 3 8 0 5 0 • w w w . e c c o . c o m
KOMDU OG UPPLIFÐU!
Full búð af nýjum vörum
Kids Goretex
70272
Kids Goretex
70272
HAUST/VETUR 2004
Þriðjungur hagnast ekki
á lækkun tekjuskatts
Meðalskattgreiðandi fær 27 þúsund krónur á ári í vasann ef tekjuskattur lækkar um eitt prósent
um áramót. Um 35 prósent borga hins vegar ekki tekjuskatt og njóta því ekki lækkunarinnar.
RÍKISSTJÓRN ÍSLANDS
Boðaðar skattalækkanir hafa ekki verið endanlega útfærðar, en ljóst er þó að sú eins prósenta lækkun á tekjuskatti sem fjármálaráðherra
hefur boðað mun ekki koma öllum til góða.
ð
fisk-
Þýska-
INNBROT Í SUMARBÚSTAÐI Brot-
ist var inn í tvo sumarbústaði á
Nesjavallavegi. Ískáp var stolið
úr öðrum þeirra og tvíbreiðu
rúmi úr hinum. Einnig var brotist
inn í gám við Ármúla. Brjóta
þurfti tvo hengilása til að komast
að dánarbúi sem gámurinn
geymdi. Hjólsagir og verkfæri
voru meðal þess sem hvarf. Enn
á eftir að rannsaka hvort meiru
hafi verið stolið.
ÖLVUNARAKSTUR VIÐ EGILSSTAÐI
Kona á miðjum aldri er grunuð
um ölvun við akstur. Lögreglan á
Egilsstöðum stöðvaði för kon-
unnar fyrir utan Fellabæ rétt
eftir klukkan sautján í gær. Lög-
reglan var við hefðbundið eftir-
lit.
HRAÐAKSTUR VIÐ BÆJARMÖRK
DALVÍKUR Þrír ökumenn voru
stöðvaðir á 80 til 90 kílómetra
hraða við keyrslu inn í Ólafsfjörð
og Dalvík í gær. Þar er fimmtíu
kílómetra hámarkshraði. Lög-
reglan tekur næst fyrir ökumenn
sem tala í farsíma við akstur.
Þeir eiga von á sektum.
Finnbogi Jónsson, stjórnarfor-
maður Samherja, var ranglega
nefndur Friðrik í frétt blaðsins í
gær um kaup Samherja á evr-
ópskum útgerðarfyrirtækjum.
Beðist er velvirðingar á því.
Á AKUREYRARFLUGVELLI
Þar tók Kristján Þór Júlíusson, bæjarstjóri,
á móti sænsku konungsfjölskyldunni og ís-
lensku forsetahjónunum í blíðskaparveðri.
■ LÖGREGLUFRÉTTIR
■ LÖGREGLUFRÉTTIR
■ LEIÐRÉTTING
06-07 9.9.2004 22:07 Page 2