Fréttablaðið - 10.09.2004, Blaðsíða 38

DÍS Skemmtilegar persónur og hressilegar
uppákomur eru burðarbitar þessarar nýju
íslensku bíómyndar að mati gagnrýnanda
Fréttablaðsins.
Dís
„Myndin er í raun runa af misfyndnum og
skemmtilegum atriðum sem mynda frekar veika
heild. Dís skilur því ekki mikið eftir sig en er hins
vegar fyrirtaks skemmtun og þar sem Íslendingum
er ekkert sérstaklega lagið að gera skemmtilegt
bíó er ekki hægt að segja annað en að Dís sé
himnasending.
Skemmtilegar persónur og skondnar uppákomur
eru aðall myndarinnar sem fær fólk oft til þess að
skella upp úr.“
ÞÞ
Ken Park
„Larry Clark er á svipuðum nótum í Ken Park en
gengur þó enn lengra í bersöglinni og hikar ekki
við að flagga getnaðarlimum og sýna sáðlát í nær-
mynd. Þetta er sem sagt mynd sem ætlað er að
stuða.“
ÞÞ
The Shape of Things
„Handritið er snilldarlega skrifað, stútfullt af
húmor, pælingum um samskipti kynjanna og
raunar er hvergi dauðan punkt að finna, hvorki í
samtölum né framvindu.“
EÁ
The Bourne Supremacy
„Hraðinn er slíkur í atburðarás, klippingu og öðru
að varla er hægt að mæla með því að fara á
myndina nema maður sé tiltölulega skýr í kollin-
um. Sem sagt ekki of þunnur eða með nefrennsli
á háu stigi. Annars er hætt við að þráðurinn tapist.
Reyndar má þó segja um þessa mynd að þó svo
að þráðurinn tapist á stöku stað má samt hafa
gaman að henni. Hún er nefnilega vel gerð, vel
leikin og í alla staði hin ánægjulegasta afþreying.“
GS
Capturing the Friedmans
„Leikstjórinn dregur hvorki taum lögreglu né sak-
bornings í málinu og áhorfandanum er treyst til að
móta eigin hlið á sannleikanum. Myndefni sonar-
ins, Seth, er allt í senn yfirþyrmandi, heillandi, við-
bjóðslegt og forvitnilegt en nálgunin gerir það að
verkum að heimsókn til Friedmans-fjölskyldunnar
verður að upplifun sem er engri lík. Vægast sagt
einstök heimildarmynd og því glæpur að láta hana
framhjá sér fara.“
EÁ
Saved!
„Myndin er þroskasaga Mary og handritið tekst á
við öll helstu ágreiningsmál kristinnar trúar í bibl-
íubeltinu á mjög smekklegan og mannlegan hátt.
Þrátt fyrir þessar grafalvarlegu pælingar um lífið og
tilurð þess gleymir leikstjórinn og handritshöfund-
urinn Brian Dannelly ekki að vera fyndinn. Saved!
er mjög góð mynd, hefur það yfirbragð að vera
skondin háskóla-unglingamynd, en er svo miklu
meira en það. Spyr spurninguna hvort kristin trú
sé sú eina rétta.“
BÖS
30 10. september 2004 FÖSTUDAGUR
Ómissandi á DVD Kill Bill: Vol. 2 er loksins komin út á DVD og því um
að gera að skella sér á báðar myndirnar og horfa á þær í einum rykk
heima í sófa. Aðskildar eru þær tvær frábærar myndir en sameinaðar eitt
geggjaðasta snilldarverk kvikmyndasögunnar. 25 mínútna þáttur um gerð
myndarinnar fylgir sem aukaefni en það er auðvitað aukaatriði. Aðalmál-
ið er að nú er hægt að skoða Vol. 1 og Vol. 2 sem heild.
„I'm a killer. A murdering bastard, you know that. And there are
consequences to breaking the heart of a murdering bastard.“
- Þrátt fyrir allt sem á undan er gengið sér morðinginn Bill ástæðu til
að upplýsa Brúðina um að það borgi sig ekki að valda kaldrifjuðum
skepnum ástarsorg.
FRUMSÝNDAR UM HELGINA
(DÓMAR Í ERLENDUM MIÐLUM)
The Girl Next Door
Internet Movie Database 6.7 /10
Rottentomatoes.com 58% = Rotin
Metacritic.com 41 /100
Entertainment Weekly B-
Los Angeles Times 11/2 stjarna (af fimm)
The Terminal
Internet Movie Database 7.1 /10
Rottentomatoes.com 63% = Fersk
Metacritic.com 53 /100
Entertainment Weekly C+
Los Angeles Times 4 stjörnur (af fimm)
[ SMS ]
UM MYNDIRNAR Í BÍÓ
Norræna stutt- og heimildar-
myndahátíðin Nordisk Panorama
verður haldin í Reykjavík dagana
24.- 28. september en þá verða
sýndar 128 kvikmyndir á fimm
dögum. „Fólk er oft að tala um al-
gert alræði Hollywood drauma-
verksmiðjunnar og svona hátíð er
einmitt nauðsynlegt mótvægi við
myndir sem eru gerðar af hand-
ritalæknum í staðlað form. Þar er
alltaf allt á réttum stað þannig að
myndirnar verða oft afskaplega
þreytandi og fyrirsjáanlegar,“
segir Eva María Jónsdóttir sem
skipuleggur Nordisk Panorama í
Reykjavík.
„Það versta við svona atburði er
að þeir standa svo stutt að fólki
hættir til að missa af þeim. Það er
þó engin hætta á að þú dettir inn á
ógeðslega leiðinlega mynd sem
drepur þig þar sem þetta eru mest
stuttmyndir og meira að segja
stuttar heimildarmyndir. Þar fyrir
utan eru þær fæstar leiðinlegar þó
þær séu margar skrítnar, eiginlega
stórskrítnar.“
Aldrei verið stærri
Nordisk Panorama hefur þó sjaldan
eða aldrei verið jafn stór og viða-
mikil þannig að hátíðin ætti ekki að
fara fram hjá nokkrum manni. „Há-
tíðin ferðast á milli fimm borga á
Norðurlöndum og lendir því í
hverri borg fimmta hvert ár. Þetta
er í þriðja skipti sem hún kemur
hingað en hún hefur aldrei verið
jafn svakalega umfangsmikil og
núna. Þetta er elsta stutt- og heim-
ildarmyndahátíð á Norðurlöndum
og er þar af leiðandi rótgrónust og
virtust. Ég held að þetta sé stærsti
kvikmyndaviðburður sem haldinn
hefur verið hérna hvað varðar um-
fang en hann teygir sig mjög víða
út í samfélagið. Það er margt að
gerast í kringum þetta og þannig
getur fólk upplifað nýja bíóreynslu
með því að horfa á bíó í sundi og
hlusta á hljóðið undir yfirborðinu.
Þá verður einnig boðið upp á bílabíó
og fleira spennandi.“
Eva segir að myndir sem séu al-
menningi aðgengilegar verði
valdar til sýninga í bílabíóinu. Ný
mynd eftir Jón Gnarr, Með mann á
bakinu, verður frumsýnd á hátíð-
inni og mun væntanlega rata í bíla-
bíóið. Aðrar áhugaverðar íslenskar
myndir sem verða frumsýndar á
hátíðinni eru til dæmis ný heimild-
armynd um Björk og gerð plötunn-
ar Medúllu og ókláruð mynd um
rokkhljómsveitina Mínus.
Einn miði á allar myndirnar
Myndir á Nordisk Panorama keppa
til verðlauna í tveimur flokkum;
bestu heimildarmyndinni á Norð-
urlöndum og bestu stuttmyndinni á
Norðurlöndum. Þá verður þeirri
mynd sem áhorfendum fellur best í
geð veitt sérstök áhorfendaverð-
laun.
Myndirnar verða sýndar í Regn-
boganum og þar sem úrvalið er
nægilegt til að æra óstöðugan
býðst gestum að kaupa miða á eina
mynd, fyrir 800 krónur, en hann
gildir svo sem aðgöngumiði á allar
myndir sem sýndar verða í Regn-
boganum.
Eva María segir að ýmsar
óvæntar uppákomur muni verða í
kringum hátíðina og daglegar sýn-
ingar verða til að mynda einnig í
gangi í Listasafni Reykjavíkur. Þá
býst Eva við í það minnsta 350 er-
lendum gestum á hátiðina en þar á
meðal verða kvikmyndagerðar-
menn, keppendur, fulltrúar fjöl-
miðla og fleiri. ■
Fimm þéttir dagar í september
EVA MARÍA JÓNSDÓTTIR Hefur í mörg horn að líta þessa dagana þar sem hún skipu-
leggur stutt- og heimildarmyndahátíðina Nordisk Panorama sem verður haldin í Reykjavík
í lok mánaðarins. Þá verða sýndar 128 myndir á fimm dögum.
38-39 (30-31) Bíóumfjöllun 9.9.2004 20:53 Page 2