Fréttablaðið - 10.09.2004, Blaðsíða 39
FÖSTUDAGUR 10. september 2004 30
„Hátíðin er búin að ganga mjög vel
og gestafjöldinn er að nálgast
10.000 manns,“ segir Christof Weh-
meier um bandarísku „indí“ bíó-
dagana í Háskólabíói. Bíódögunum
lauk formlega í gær en vegna mik-
illar aðsóknar á ákveðnar myndir
hefur verið ákveðið að sýna þær
áfram.
Þær myndir sem halda áfram
eru Saved, Before Sunset, Ken
Park, Super Size Me, Coffee & Cig-
arettes, Capturing the Friedmans
og Shape of Things en síðustu sýn-
ingar á Capturing the Friedmans
og Shape of Things verða á sunnu-
daginn.
„Þetta er náttúrlega frábær að-
sókn og það er vegna hennar og
fjölda áskorana sem vinsælustu
myndirnar eru sýndar áfram í
nokkra daga,“ segir Ísleifur Þór-
hallsson hjá Græna ljósnu sem er
með Ken Park, Super Size Me,
Coffee & Cigarettes og Capturing
the Friedmans. „Þetta eru einmitt
myndirnar sem hafa verið að fá
hvað lofsamlegustu dómana
þannig að smekkur almennings og
gagnrýnenda virðist fara vel sam-
an.“
Ísleifur er að vonum ánægður
með áhuga bíógesta á hinni um-
deildu Ken Park. „Það er sérstak-
lega athyglivert að sjá þessa ríf-
andi aðsókn á Ken Park alla vik-
una. Hún er sýnd í sal 1 og aðeins á
kvöldsýningum og á einni viku
held ég að það hafi verið uppselt 5
sinnum. Hún er í heildina komin í
nær 3.000 manns sem er magnað
fyrir svona mynd. Á hverri einustu
sýningu er salurinn vel pakkaður
og stemningin ansi oft mögnuð.“ ■
Vinsælustu „indí“ myndirnar áfram
CAPTURING THE FRIEDMANS Friedman-feðgarnir lenda í vondum málum þegar þeir
eru handteknir, grunaðir um að hafa misnotað fjölda ungra drengja. Þessi áhugaverða
heimildarmynd fylgist síðan með fjölskyldunni gliðna í sundur í kjölfarið. Myndin vekur
upp fleiri spurningar en hún svarar og lætur líklega engan ósnortinn. Hún verður sýnd í
allra síðasta sinn á sunnudaginn.
SJÓNVARPSDAGSKRÁ
VIKUNNAR »
Samstarf ofurleikstjórans Stevens
Spielberg og þungavigtarleikar-
ans Tom Hanks hefur reynst
býsna happadrjúgt í gegnum árin
og þeir virðast seint ætla að fá nóg
af því að búa til bíómyndir saman.
Spielberg leikstýrði Hanks síð-
an í Saving Private Ryan 1998 og
aftur árið 2002 í Catch Me If you
Can og nú hafa þeir félagarnir
leitt saman hesta sína eina ferðina
enn í The Terminal sem Sambíóin
frumsýna í dag.
Hanks leikur að þessu sinni
Viktor Navorski sem er gert að búa
í flugstöðvarbyggingu í New York
þar sem stjórnleysi ríkir í heima-
landi hans og vegabréf hans er því
ógilt og honum óheimilt að stíga
fæti á ameríska grund. Navorski
kann varla stakt orð í ensku en
tekst ágætlega að ná tökum á und-
arlegri tilveru flugstöðvarinnar.
Hann er hinn vænsti drengur og
allir sem komast í kynni við hann
verða betri einstaklingar fyrir vik-
ið þar sem það má læra ýmislegt af
hjartahreinum einstæðingnum.
Þrátt fyrir að undirtóninn í mynd-
inni sé alvarlegur er alltaf stutt í
glensið en Spielberg kann auðvitað
öðrum fremur að spila með tilfinn-
ingar áhorfenda sem sveiflast því
milli hláturs og gráturs.
Klámið og ástin
Matthew Kidman, aðalpersóna The
Girl Next Door sem er frumsýnd í
Smárabíói og Laugarásbíói, segir
ekki heldur farir sínar sléttar þótt
vandræði hans séu annars eðlis en
hjá aumingja Tom Hanks. Hann er
18 ára fyrirmyndarnemandi sem
stefnir á frama í stjórnmálum og
má ekkert vera að því að lifa lífinu.
Þetta breytist heldur betur þegar
gullfalleg þokkadís flytur í næsta
hús við hann. Örvar Amors marg-
hitta hann í hjartastað þannig að
þegar hann kemst að því að hin sak-
leysislega Danielle er fyrrverandi
klámstjarna sem er að reyna að
hverfa aftur til betra lífs er of seint
fyrir hann að draga sig í hlé.
Danielle er líka ekki aldeilis
sloppin úr klámbransanum þar sem
fyrrverandi yfirmaður hennar
reynir allt sem í hans valdi stendur
til að fá hana aftur allsbera fyrir
framan tökuvélarnar. Þau eru því
dýr góðu ráðin fyrir drengstaulann
sem þarf að gera upp við sig hvort
hann sé tilbúnn til að fórna öllu
fyrir ást sína á klámsstjörnunni.
Það er hin bráðhuggulega Elisha
Cuthbert sem leikur Danielle en ís-
lenskir sjónvarpsáhorfendur ættu
að þekkja hana vel úr spennuþátt-
unum 24 þar sem hún leikur Kim,
dóttur Kiefers Sutherland. ■
Strandaglópurinn í flugstöðinni
og klámstjarnan í næsta húsi
HÆTTULEG KYNNI Framtíð unga mannsins er því í hættu þegar hann ákveður að leggja
allt í sölurnar fyrir stúlku sem er að flýja fortíðina.
TOM HANKS Kynnist ástinni og lífinu á
meðan hann er strandaglópur í flugstöð í
New York.
38-39 (30-31) Bíóumfjöllun 9.9.2004 20:54 Page 3