Fréttablaðið - 10.09.2004, Blaðsíða 48

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
Þungar
áhyggjur
Mér skilst af því sem ég hef heyrtí fréttum að verulegar líkur séu
á að Golfstraumurinn muni breyta
um stefnu einhvern tímann bráðum
vegna hlýnandi loftslags og að Ísland
muni þar með breytast í samfellda
jökulbreiðu. Það gæti orðið ákaflega
slæmt mál. Jafnframt hef ég heyrt að
það sé ástæða til að hafa áhyggjur af
því að vegna hlýnandi loftslags og
þar með bráðnun jöklanna muni lung-
að af Suðurlandsundirlendi fara undir
sjó ef ekkert verður að gert og jafn-
vel hluti af höfuðborginni líka. Það
gæti orðið mjög erfitt.
REYNDAR virðist vera mótsögn í
þessu. Bæði er gert ráð fyrir að Ís-
land breytist í jökulbreiðu og að jökl-
arnir bráðni. En það er ástæðulaust
að gera veður út af slíku. Það er ör-
ugglega til vísindaleg skýring á því.
Aðalatriðið er, að átta sig á því, að
það kunna að vera blikur á lofti.
Kannski verður Ísland fyrsta jökul-
breiðan sem verður alfarið neðan-
sjávar? Ég tel óhætt að fullyrða að
það yrði ákaflega leiðinlegur endir á
því farsæla uppbyggingarstarfi sem
hér hefur átt sér stað allt frá stofnun
lýðveldisins.
ÞAÐ KANN að vera að röðin sé
komin að Íslendingum að taka á sig
skakkaföll. Alla tuttugustu öldina
gerðu Íslendingar fátt annað en að
græða formúgur á hörmungum ann-
arra. Seinni heimsstyrjöldin varð
okkur mikil búbót og þar að auki
fengum við ríflega Marshall-aðstoð
að henni lokinni, þrátt fyrir að hér
hefði ekkert verið sprengt, heldur
bara byggt. Þannig var nú það.
EN ég ætla nú samt ekki að vera sá
maður sem óskar Íslandi þess að enda
sögu sína sem jökulbreiða neðansjáv-
ar. Hins vegar kann að vera að annars
konar náttúruhamfarir reynist okkur
mátulegar, miðað við aldur og fyrri
störf. Ég heyri nefnilega ekki betur en
að við séum í óðaönn að búa til fyrir
austan, algerlega upp á eigin spýtur,
eitt ógnarstórt, samfleytt drullusvað.
Mér skilst að önnur orð hæfi ekki því
aur- og leirlendi sem nýtt lón Lands-
virkjunar mun skilja eftir sig á ári
hverju við Kárahnjúka. Ef þetta er
satt, mun aur og sandur fjúka í augu
og eyru Austfirðinga um aldir og ævi
hér eftir, þ.a.e.s. ef við sökkvum ekki í
sæ á undan. Og af því má hæglega
hafa þungar áhyggjur.
BAKÞANKAR
GUÐMUNDAR
STEINGRÍMSSONAR
48 Baksíðan 9.9.2004 22:13 Page 2