Fréttablaðið - 13.09.2004, Síða 2

2 13. september 2004 MÁNUDAGUR
Risasprenging í Norður-Kóreu:
Svepplaga ský myndaðist
AP/S-KÓREA/WASHINGTON Risastórt
svepplaga reykský sást á myndum
veðurtungla eftir mikla sprengingu
sem átti sér stað í Yanggang héraði í
norðurhluta Norður-Kóreu nærri
landamærum Kína skömmu fyrir
hádegi síðasta fimmtudag. Skýið var
um 3,5 til 4 kílómetrar í þvermál.
Haft hefur verið eftir sérfræð-
ingum að skýið gæti stafað af nátt-
úrulegum hamförum, svo sem skóg-
areldum, en einnig hefur verið rætt
um möguleikann á einhvers konar
slysi eða jafnvel vopnatilraunum.
Norður-Kórea er mjög einangrað
land og hefur reynst erfitt að fá
upplýsingar um hvað átti sér stað.
Colin Powell, utanríkisráðherra
Bandaríkjanna, sagði að ekki væri
talið að sprengingin tengdist
meintum tilraunum Norður-Kóreu
með kjarnorkuvopn. „Við vitum
hins vegar ekki hvað nákvæmlega
átti sér stað,“ sagði hann.
Bandaríkin, Rússland, Japan,
Kína og Kóreuríkin tvö hafa átt í
viðræðum um meinta kjarnorku-
vopnaþróun Norður-Kóreu og sam-
þykktu að halda þeim viðræðum
áfram í Peking síðar í mánuðinum,
en ekki hefur verið fastsett dag-
setning í þeim efnum.
Á fimmtudaginn var hátíðisdag-
ur í Norður-Kóreu, en ríkið var
stofnað þann 9. september árið
1948. ■
Fjöldi barna bíður
eftir daggæslu
Heilsdagsskólar borgarinnar eru ekki í boði fyrir öll börn. Skortur á
starfsfólki er eina fyrirstaða þess að öll börnin komist að. Erfitt er að fá
starfsfólk í hlutastörf í úthverfin.
DAGGÆSLA Börnum er mismunað
þar sem þau komast ekki öll að í
daggæslu á frístundaheimilum
Íþrótta- og tómstundaráðs
Reykjavíkur eftir skóla, segir
móðir sjö ára drengs. Æskulýðs-
fulltrúi ÍTR segir starfsfólk
skorta sem sé eina fyrirstaða þess
að börnin komist að.
„Ég er ekki með heildarsýnina
yfir hversu mörg börnin á biðlista
eru. Við erum að safa upplýsingun-
um saman og höfum þær tölur til-
búnar á mánudaginn. Skóladagvist-
un er ekki lögbundin þjónusta en
það er vilji Reykjavíkurborgar að
veita hana. Við erum öll af vilja
gerð og höfum verið að auglýsa eft-
ir starfsfólki,“ segir Soffía Páls-
dóttir, fræðslustjóri ÍTR. Hún segir
erfiðara að fá fólk í hlutastarf í
úthverfin heldur en í miðhluta borg-
arinnar og biðlistar því á nokkrum
dagvistunarheimilanna þar.
Helga Þórðardóttir, forstöðu-
maður fjölskylduþjónustunnar
Lausnar, segir Reykjavíkurborg
gefa út að dagvistun sé í boði fyrir
öll börn í Reykjavík en svo sé ekki.
„Það var verið að breyta fyrir-
komulaginu á daggæslunni. Hún
var áður í höndum skólans. ÍTR
gerði greinilega ekki ráð fyrir
svona mörgum börnum,“ segir
Helga. Ásamt syni hennar hafi um
tíu börn úr árgangnum ekki komist
að í daggæslu í Víðiseli eftir skóla:
„Við fjölskyldan vorum heppin þar
sem nágrannakona okkar sem er
nýflutt í hverfið bauðst til að hafa
drenginn með sínum þar til annað
hvort okkar kæmi heim úr vinn-
unni. Þannig að það er tilviljun að
við gátum leyst okkar vanda.“
Helga segir að hún hafi ekki vit-
að af breytta fyrirkomulaginu þeg-
ar hún staðfesti skólavist
sonar síns. Á heimasíðu skólans
hafi verið gamlar upplýsingar. Hún
hafi því misst af lestinni þar sem
umsóknarfresturinn rann út í vor.
„Við skólasetningu fengum við að
vita að búið væri að loka fyrir inn-
töku í daggæsluna,“ segir Helga.
Soffía segir að mjög margir for-
eldrar hafi sótt um of seint. „Það er
sérstakt að fólk komi 23. ágúst og
ætlist til að fá pláss. Flest ef ekki
öll börnin sem eru á biðlista sóttu
mjög seint um.“
gag@frettalbadid.is
BLÓM OG BÆNIR
Kirkjugarðurinn í Beslan er fullur af
blómum og syrgjandi fólki dag eftir dag.
Rússneskir fjölmiðlar:
Heimurinn
samhryggist
RÚSSLAND Íbúar í Beslan, Madrid,
New York og í Jakarta hafa per-
sónulega reynslu af hversu lífið er
hverfult og þjáning þeirra hefur
leitt íbúa heimsins þéttar saman.
Þetta var einn leiðari af mörgum í
fjölmiðlum í Rússlandi um helgina
en þess var víða minnst að þrjú ár
eru nú síðan hryðjuverkamenn
rændu farþegaflugvélum í Banda-
ríkjunum og flugu þeim meðal
annars á Tvíburaturnana tvo.
Viðlíka sorg ríkir í bænum
Beslan en þar kljást eftirlifendur
við að koma lífi sínu aftur í
skorður eftir að fleiri hundruð
börn og fullorðnir urðu hryðju-
verkamönnum að bráð í umsátri
um barnaskólann í bænum. ■
■ LÖGREGLUFRÉTTIR
„Það eru engin takmörk fyrir því,
næst verður það hótelbransinn og
hver veit, kannski fjölmiðlar...“
Þórður Björnsson kaupmaður hyggur á úrás í
rekstri lítilla matvöruverslana, en hann rekur Hlíð-
arkjör við Eskihlíð og hefur nýlega fest kaup á
Sunnubúðinni.
SPURNING DAGSINS
Hvað ætlarðu að verða stór, Þórður?
Kennaraverkfall:
Árangurs-
laus fundur
SAMNINGAR Ekkert markvert gerð-
ist á samningafundi grunnskóla-
kennara og launanefndar sveitar-
félaganna í gær. Vika er í boðað
verkfall kennara.
Síðustu daga hafa samninga-
nefndir beggja aðila fundað í húsa-
kynnum ríkissáttasemjara án árang-
urs. Grunnskólakennarar fóru síð-
ast í dagsverkfall 27. október 1997.
Þremur árum áður stóðu þeir í sex
vikna verkfalli ásamt framhalds-
skólakennurum. ■
ELDAÐ Í MORGUNSÁRIÐ Slökkvi-
liðið var kallað út klukkan rúm-
lega níu á sunnudagsmorgun
vegna reyks frá íbúð við Hring-
braut. Það kom í ljós að félagi
húsráðanda hafði ætlað að elda
kjöt í potti snemma á sunnudags-
morgun, en sofnað eftir að hafa
kveikt á hellunni. Engar teljandi
skemmdir urðu á íbúðinni vegna
þessa.
ÖLVUNARAKSTUR Aðfaranótt
sunnudags voru fimm teknir
grunaðir um ölvunarakstur í
Reykjavík. Að sögn lögreglunnar
var nóttin með rólegra móti.
STJÓRNMÁL „Mér finnst það
heldur kaldranalegt af Davíð að
halda því fram að sérstakur
vinnufriður hafi ríkt í hans
valdatíð,“ segir Guðmundur
Gunnarsson, formaður Rafiðn-
aðarsambandsins. Davíð Odds-
son, fráfarandi forsætisráð-
herra, segist stoltur í viðtali við
Morgunblaðið að meiri vinnu-
friður hafi ríkt þau ár sem hann
hefur setið í embætti en á öðru
sambærilegu tímabili.
Guðmundur fullyrðir að
engin önnur ríkisstjórn hafi
ögrað almenningi með sama
hætti og stjórn Davíðs. „Hún
hefur hvað eftir annað sett allt á
annan endann með aðgerðum
sínum. Þessir herrar hafa hækk-
að laun sín langt umfram aðra
landsmenn og gert það með
þeim hætti að hinn almenni
vinnumarkaður lenti í afar erf-
iðri stöðu. Samtök atvinnulífsins
hafa gagnrýnt Davíð og stjórn
hans fyrir að setja samninga í
uppnám og Alþjóðavinnumála-
stofnunin hefur oftar en einu
sinni gefið ríkisstjórn Davíðs
gula spjaldið fyrir aðgerðir
sínar. Þannig má lengi telja og
þess vegna er þessi yfirlýsing
Davíðs kaldranaleg í ljósi þess
að margir aðrir hafa þurft að
ganga fram fyrir skjöldu þegar í
óefni stefndi vegna aðgerða
ríkisstjórnar hans.“ ■
HORFT YFIR LANDAMÆRIN
Íbúi Suður-Kóreu horfir yfir til Norður-Kóreu í gegnum vírgirðingu á landamærum ríkjanna
norður af Seoul í gær. Girðingin hefur verið skreytt margvíslegum fatnaði með áletrunum
sem kalla eftir sameiningu ríkjanna.
HELGA OG ALEXANDER PÉTUR
Ungi drengurinn er einn af tíu
annars bekkingum í Selásskóla
sem fá ekki pláss í skóladagvist.
Þar gæti hann leikið við fjölda
barna og klárað heimalærdóminn
á meðan foreldrarnir ljúka vinnu-
deginum.
Bílvelta á Fljótsdalsvegi:
Tveir á
sjúkrahús
LÖGREGLUMÁL Tveir voru fluttir á
sjúkrahús eftir bílveltu á Fljótsdals-
vegi seint í gærkvöld. Vegurinn sá
liggur að framkvæmdasvæði Kára-
hnjúkavirkjunar en ekkert lá fyrir
um líðan hinna slösuðu þegar Frétta-
blaðið fór í prentun. Voru þeir á leið
að Kárahnjúkum þegar atvikið átti
sér stað en tildrög slyssins voru
ókunn. Færð og skyggni var með
ágætum þegar bílveltan varð. ■
Formaður Rafiðnaðarsambandsins undrast ummæli Davíðs Oddssonar:
Aðrir gengið fram fyrir skjöldu
FRÁFARANDI
FORSÆTISRÁÐHERRA
Formaður Rafiðnaðar-
sambandsins undrast um-
mæli Davíðs um vinnufrið og
stöðugleika í stjórnartíð hans.
FR
ÉT
TA
B
LA
Ð
IÐ
/R
Ó
B
ER
T
Kyrrahafið:
Fellibylur
í fæðingu
UMHVERFISMÁL Loftslagsfræðingar
telja að nýr El Nino sé að myndast í
Kyrrahafinu en slíkt fyrirbrigði
getur haft áhrif á veðurfar víða um
heim. Sjór hitnar meira en eðlilegt
getur talist og hefur mikil og ófyrir-
séð áhrif á vinda og loftþrýsting.
Slíkt átti sér síðast stað á árunum
1997 til 1998 og telja vísindamenn
þann El Nino bera ábyrgð á gríðar-
legum þurrkum í Ástralíu og Afr-
íku, auk mikilla flóða víða annars
staðar í heiminum. ■
02-03 12.9.2004 22:08 Page 2