Fréttablaðið - 13.09.2004, Síða 14

13. september 2004 MÁNUDAGUR
Flóttamenn frá Afríku:
Hundruðum saman á litlum bátum
ÍTALÍA, AP Tæplega 500 afrískir
flóttamenn tóku land á eyjunni
Lampedusa suður af Ítalíu um
helgina. Þetta er stærsti hópur
sem hefur komið til eyjarinnar á
einum báti það sem af er þessu
ári, en á hverju sumri leggja
þúsundir flóttamanna upp í ferð
frá Afríkuríkinu Túnis á litlum
bátum í í von um vinnu, húsnæði
og betra líf í Evrópu. Yfirvöld
segja að 478 manns hafi verið á
bátnum, sem er ekki nema 25
metra langur.
Annar bátur með 190 manns
innanborðs kom til eyjarinnar
um helgina og þriðji hópurinn
tók land á Sikiley.
Algengt er að flóttamenn frá
Afríku, sem hyggjast sækja um
hæli innan Evrópusambandsins,
endi á eyjunni Lampedusa, þar
sem eyjan er nær Túnis en Ítalía.
Yfirvöld á Lampedusa segjast
ekki hafa aðstöðu til að hlú að
öllu þessu fólki sem oftar en ekki
er örmagna eftir bátsferðina
Ekki er vitað hversu margir
falla útbyrðis og drukkna á
þessum ferðum flóttamannanna
til Evrópu á hverju ári. ■
Fólk er forsenda
lífs í miðbænum
Kraftmiklir borgarar hafa ráðist í umfangsmikið átak til að byggja upp mið-
bæinn á Akureyri. Fjölga þarf íbúum miðbæjarsvæðisins um þrjú til fjögur
þúsund. Vonir standa til að nýr miðbær verði til eftir fimmtán til tuttugu ár.
Umræður um líf og dauða mið-
bæja stærri sveitarfélaga lands-
ins hafa löngum verið vinsælar
– og ekki af tilefnislausu. Með
tilkomu verslanamiðstöðva hafa
viðskipti, umferð og umsýsla
flust að stóru leyti úr miðbæjun-
um og skilið þá eftir í hálfgerðu
reiðileysi. Bæjaryfirvöld hafa
oftar en ekki staðið ráðþrota
gagnvart þróuninni en reynt að
gera sitt, t.d. með því að opna
fyrir umferð um einstaka götur
og breyta akstursstefnum.
Spurningin um hvort leyfa eigi
umferð um Hafnarstrætið
austanvert er t.d. með langlíf-
ustu deilumálum borgarstjórnar
Reykjavíkur en síðustu ár hefur
umferð þar verið bönnuð og
heimiluð á víxl.
Miðbær Akureyrar er sama
marki brenndur. Hann hefur
verið bitbein manna í mörg ár
og eitt og annað verið gert.
Hafnarstrætinu var breytt í
göngugötu, göngugötunni var
breytt í umferðargötu, rúntin-
um um Ráðhústorgið var lokað
og grasið græna vék fyrir líf-
lausum hellum. Um leið hætti
fólk að hittast á torginu.
Eftir áralangt dauðastríð
miðbæjar Akureyrar ætla kraft-
miklir menn að hefja lífgunar-
tilraunir. Og raunar gott betur
en það, þeir hyggjast byggja
miðbæinn upp á ný og „koma
Akureyri í öndvegi sem höfuð-
stað Norðurlands,“ svo vitnað sé
í upplýsingar um áform þeirra.
Íbúafjölgun er forsendan
Ragnar Sverrisson, kaupmaður
í herrafataversluninni JMJ,
hefur farið fyrir hópi áhuga-
samra um uppbyggingu miðbæj-
ar Akureyrar. Hann er guðfaðir
verkefnisins, ber af því hita og
þunga, en hefur fengið aðra
hagsmunaaðila og hugsjónafólk
í lið með sér. Ragnar man vel þá
tíð er miðbær Akureyrar iðaði
af lífi. „Fólk bjó nær miðbænum
og sótti alla þjónustu þangað.
Síðan hefur byggðin færst langt
út í Þorp og upp í Naustahverfið
og fyrir vikið fer fólk síður í
bæinn.“
Ragnar og félagar hafa skil-
greint miðbæjarsvæðið á Akur-
eyri frá Glerá í norðri, í Inn-
bæinn í suðri og frá athafna-
svæði Eimskips við Strandgöt-
una austanverða til Brekkunnar
í vestri.
Fólk er forsenda lífs í mið-
bænum og svo það megi skapast
þarf að reisa íbúðarhúsnæði. „Á
þetta stórmiðbæjarsvæði er
hægt að koma um eitt þúsund
íbúðum og í þeim munu búa þrjú
til fjögur þúsund manns. Eitt
leiðir svo af öðru, þegar í-
búarnir eru komnir er kominn
grundvöllur fyrir fleiri versl-
anir og aðra þjónustu.“
Ragnar bendir á að sparnaður
fylgi því að byggja íbúðir á
þessu gamalgróna svæði bæjar-
Aukinn tímasparnaður með rétta faxtækinu
CANON FAXTÆKI
Nýherji hf. · Borgartúni 37 · 105 Reykjavík · Sími 569 7700 · www.nyherji.is
Vantar
þig fax?
Canon B120
Bleksprautufax með símtóli
Hentugt fyrir heimili og minni fyrirtæki.
Tilboðsverð: 16.900 kr.
Canon B160
Bleksprautufax
Hentugt fyrir minni fyrirtæki.
Tilboðsverð: 21.900 kr.
Canon L295
Laserfaxtæki / Prentari
Með prentaratengi og öflugu vinnsluminni.
Tilboðsverð: 42.900 kr.
Canon L380
Laserfaxtæki / prentari
Hraðvirkt, Super G3 samskipti, 250 bls.
pappírslager og prentarartengi.
Tilboðsverð: 56.900 kr.
14
ÖRMAGNA FLÓTTAMENN
Um helgina komu tæplega 500 flótta-
menn á einum báti til eyjarinnar
Lampedusa suður af Ítalíu.
RAGNAR SVERRISSON KAUPMAÐUR
Myndin er tekin á miðjum virkum degi í mannlausum miðbæ Akureyrar.
14-15 12.9.2004 19:51 Page 2