Fréttablaðið - 12.11.2004, Blaðsíða 8

12. nóvember 2004 FÖSTUDAGUR
Þingsályktun um heimilisofbeldi:
Markmið að ná utan um ofbeldið
ALÞINGI Þingsályktun um setningu
lagaákvæðis um heimilisofbeldi
hefur verið lögð fram á Alþingi.
„Markmiðið er að ná utan um
þann verknað sem heimilisofbeldi
er, í víðum skilningi,“ sagði Ágúst
Ólafur Ágústsson, alþingismaður
Samfylkingarinnar, sem er fyrsti
flutningsmaður þingsályktunar-
innar.
Ágúst Ólafur sagði að heimilis-
ofbeldi væri nú dæmt eftir mörg-
um ákvæðum refsilaga. Það væri
eitt algengasta mannréttindabrotið
í heiminum en hvergi væri minnst
á heimilisofbeldi í íslenskri löggjöf
og það hvergi skilgreint.
„Í heimilisofbeldismálum er
helst dæmt eftir ákvæðum hegning-
arlaga um líkamsárásir sem leggja
áherslu á líkamlega áverka og að-
ferðina við brotið,“ sagði hann.
„Áhöld eru því um hvort þessi
ákvæði ein og sér taki nægilega á
heimilisofbeldi. Heimilisofbeldi
getur verið af ýmsu tagi, andlegt,
líkamlegt og kynferðislegt ofbeldi
sem oft nær yfir langan tíma; er
jafnvel án sýnilegra áverka og
gerist innan veggja heimilisins.
Þetta markar að nokkru leyti sér-
stöðu þessara brota.“ - jss
Arafat jarðsettur
Arafat lést í fyrrinótt eftir erfið veikindi. Útför hans verður gerð í tvennu
lagi í dag. Þjóðarleiðtogar minntust hans og lögðu áherslu á að koma á
friði í Mið-Austurlöndum. Velja þarf eftirmann hans innan 60 daga.
PALESTÍNA, AFP/AP Jasser Arafat,
sem lést í fyrrinótt eftir tæpra
tveggja vikna legu á sjúkrahúsi í
París, verður jarðsunginn í dag.
Fjöldi fyrirmenna verður við-
staddur útför hans í Kaíró áður en
lík hans verður flutt til Ramallah
þar sem það verður greftrað.
Sjálfur vildi Arafat hvíla í Jerúsal-
em en varð ekki að ósk sinni um
það frekar en að sjá sjálfstætt ríki
Palestínumanna. Skipuleggjendur
greftrunar hans sáu hins vegar til
þess að mold yrði flutt frá Jerúsal-
em til Ramallah og lík hans greftr-
að í henni.
Stjórnmálamenn um allan heim
minntust Arafats og þrátt fyrir að
þeir vonuðust allir eftir friði í
Mið-Austurlöndum munaði miklu
á því hvernig þeir minntust
Arafats.
„Sólin skín nú á Mið-Austur-
lönd og heiminn allan því Arafat
leiddi ekki aðeins hryðjuverka-
baráttu gegn Ísrael heldur var
hann upphafsmaður að hryðju-
verkaöldunni sem ógnar heimin-
um nú, þar á meðal al-Kaída. Öll
þessi hryðjuverk eru afrakstur af
starfi Arafats og það er gott fyrir
heiminn að vera laus við hann,“
sagði Tommy Lapid, dómsmála-
ráðherra Ísraels.
„Maður hugrekkis og sannfær-
ingar sem var í fjörutíu ár tákn-
mynd baráttu Palestínumanna
fyrir rétti þeirra til eigin ríkis,“
sagði Jacques Chirac Frakklands-
forseti hins vegar um Arafat.
Palestínumenn hafa 60 daga til
að velja sér nýjan leiðtoga. Fram
til þess tíma verður Rawhi Fattuh
starfandi forseti palestínsku
heimastjórnarinnar án verulegra
áhrifa en ljóst þykir að einhver
annar verður fyrir valinu sem
næsti leiðtogi Palestínumanna.
Arafat hélt fast í völd sín og pass-
aði upp á að enginn augljós arftaki
hans kæmi fram á sjónarsviðið.
Það kann að gera val á eftirmanni
hans erfiðara.
Leiðtogar tveggja herskárra
hreyfinga Palestínumanna sökuðu
Ísraela um að hafa eitrað fyrir
Arafat. Silvan Shalom, utanríkis-
ráðherra Ísraels, þvertók fyrir
það og vísaði til orða Nabil Shaath,
utanríkisráðherra palestínsku
heimastjórnarinnar, sem hafði
áður sagt að ekki hefði verið eitr-
að fyrir Arafat. Ísraelar hertu
öryggisvörslu við Vesturbakkann
og Gaza eftir að tilkynnt var um
lát Arafats af ótta við að það yrði
kveikja að árásum á Ísrael. ■
– hefur þú séð DV í dag?
Dæmd fyrir
27 nýja
glæpi í gær
Hundrað
glæpa
konan
4,2%
Kynntu þér kostina við íbúðalán
Landsbankans. Fáðu ráðgjöf hjá
sérfræðingum okkar og veldu
leiðina sem hentar þér best. Hafðu
samband í síma 410 4000 eða á
fasteignathjonusta@landsbanki.is
410 4000 | landsbanki.is Banki allra landsmanna
Íbúðalán
Frábær söguflétta
- óvænt endalok!
Hvernig bregst faðir þrettán
ára drengs við þeirri upp-
götvun að hann hafi alla tíð
verið ófrjór?
Sagan er hjartnæm og
spennandi, einkennist af erótík
og gáskafullum húmor.
„Bók sem spyr nútímapabbann
áleitinna spurninga. Mæli
hiklaust með henni.“
- Ólafur Þ. Stephensen
ARAFATS MINNST Í MIÐ-AUSTURLÖNDUM
Palestínumenn um gjörvöll Mið-Austurlönd syrgðu Arafat í gær. Víða lagðist
svartur reykur yfir byggðir Palestínumanna frá dekkjum sem þeir kveiktu í til að
minnast fyrrverandi forseta síns
AHMED QUREIA
Núverandi forsætisráðherra lék stórt hlut-
verk í Oslóarsamkomulaginu og var viðloð-
andi allar friðarviðræður Palestínumanna
og Ísraela á síðasta áratug síðustu aldar.
Hann tók við starfi forsætisráðherra af
Abbas en lenti líkt og hann í deilum við
Arafat um hver skyldi stjórna öryggissveit-
um Palestínumanna. Þegar Arafat veiktist
varð Qureia valdamestur palestínskra ráða-
manna. Qureia hefur sagst reiðubúinn að
semja við Ariel Sharon, forsætisráðherra
Ísraels, en Sharon hefur svarað því til að
Qureia skorti völd eða vilja til að hægt sé
að ræða við hann.
MAHMOUD ABBAS
Abbas var í gær útnefndur eftirmaður
Arafats sem formaður Frelsissamtaka Pal-
estínu. Hann var einn af höfundum Osló-
arsamkomulagsins og varð fyrsti
forsætisráðherra Palestínu. Því embætti
sagði hann lausu eftir aðeins fjóra mánuði
vegna deilna við Arafat um stjórn á örygg-
issveitum. Abbas þykir hófsamur og lagði
sig fram um að stöðva árásir herskárra
hreyfinga á ísraelska borgara. Hann nýtur
meiri virðingar á alþjóðavísu en heima við.
Ísraelar og Bandaríkjamenn geta hugsað
sér að eiga samstarf við hann en sumir
Palestínumenn vantreysta honum.
MARWAN BARGHUTI
Vinsælasti leiðtogi Palestínumanna undan-
farin ár að Arafat undanskildum ætti góða
möguleika á að verða kosinn eftirmaður
hans ef ekki væri fyrir það að hann afplánar
nú fimm lífstíðardóma og 40 ár að auki eft-
ir að ísraelskur dómstóll fann hann sekan
um morð. Ísraelskir ráðamenn þvertóku í
gær fyrir að honum yrði sleppt úr haldi.
Barghuti, sem hvatti Palestínumenn til að
halda áfram baráttu sinni gegn Ísraelum
þrátt fyrir andlát Arafats, hefur sagt að ekki
komi til greina að semja öðruvísi en svo að
Palestínumenn ráði landsvæðum sem Ísra-
elar hernámu í sex daga stríðinu árið 1967.
M
YN
D
IR
A
P
ÁGÚST ÓLAFUR ÁGÚSTSSON
Vill setja lagaákvæði um þann verknað
sem heimilisofbeldi er.
08-09 11.11.2004 21:24 Page 2