Fréttablaðið - 12.11.2004, Blaðsíða 14

14 12. nóvember 2004 FÖSTUDAGUR
SKOÐAR VERKSUMMERKI ÁRÁSAR
Í það minnsta tíu óbreyttir borgarar létu
lífið í sprengjuárás í Bagdad sem beint var
gegn íröskum lögreglubílum. Kona sem
býr í nágrenninu sést hér virða verks-
ummerki sprengingarinnar fyrir sér.
NETIÐ Vísir.is hefur stækkað mjög
hratt síðustu vikur og mánuði og
er nú með yfir 90 þúsund vikulega
notendur samkvæmt samræmdri
vefmælingu Modernuss.
Í liðinni viku fjölgaði notend-
um Vísis um rúm 13% sem má
helst rekja til stórrar fréttaviku.
Meðal heitustu mála á Vísi í síð-
ustu viku var m.a. kosningavakt í
kringum forsetakosningar í
Bandaríkjunum, Eddukosning,
Grímsvatnagosið, olíusamráðið og
ferðaleikur Vísis.
VefTíVí Vísis hefur einnig
slegið rækilega í gegn og hefur
notkun þess aukist stöðugt. Í lið-
inni viku var enn eitt áhorfsmetið
slegið en 84 þúsund fréttastraum-
ar voru skoðaðir frá mánudegi til
sunnudags. Þess ber að geta að
hægt er að horfa á fréttir Stöðvar
2 í beinni útsendingu, allan frétta-
tímann hvenær sem er og einnig
stakar fréttir úr fréttalista. Nýtt
VefTíVí verður opnað í vikunni
með nýjum efnisliðum eins og Ís-
landi í dag, Íslandi í bítið, Silfri
Egils, Olíssporti og skemmtiefni
eins og tónlistarmyndböndum og
gríni.
Samkvæmt samræmdri vef-
mælingu Modernuss er Vísir nú
fjórða stærsta vefsvæðið á land-
inu, er aðeins 3.419 notendum
undir leit.is sem mælist þriðja
stærsta vefsvæði landsins. Not-
endafjöldi Vísis hefur ríflega tvö-
faldast undanfarnar tíu vikur,
enda hefur vefurinn tekið stakka-
skiptum hvað þjónustu við lesend-
ur varðar. ■
Fólk nýtir 100% lán
og kaupir dýrara
Fólk er þegar farið að nýta sér 100% íbúðalán.
Ekki þykir lengur tiltökumál þótt fasteignasala
selji eignir upp á 70-100 milljónir í hverri viku.
FASTEIGNIR Húsnæðiskaupendur eru
þegar farnir að nýta sér 100% lán,
sem bankarnir bjóða upp á til að
fjármagna fasteignakaup sín, að
sögn Björns Þorra Viktorssonar
hjá fasteignasölunni Miðborg.
Hann er jafnframt formaður
Félags fasteignasala.
„Fyrstu eignirnar seldust hér í
gær þar sem gert var ráð fyrir
100% lántöku,“ sagði hann. „Þá er
mjög eindregin þróun í þá átt, að
fólk sé að kaupa dýrari eignir held-
ur en áður. Fólk sem áður var
kannski að leita að eignum fyrir
14-16 milljónir er jafnvel í dag að
kaupa eignir fyrir 20-23 milljónir.
Það merkilega er að það stendur
jafnvel uppi með léttari greiðslu-
byrði, miðað við að það taki 80 pró-
sent lán, heldur en ef það hefði
keypt 16 milljóna króna eign í
gamla kerfinu þar sem hámark
lána var 65% af langtímalánum.“
Björn Þorri sagði þetta helgast af
því að í mjög mörgum tilvikum hefði
fólk verið að fjármagna kaup sín
90-100%. Það hefði fengið hámarks-
lán frá Íbúðalánasjóði og fjármagn-
að afganginn með lífeyrissjóðslán-
um og bankalánum, auk lána með
veði í fasteignum ættingja.
„Ég held að menn séu að ofmeta
að það verði einhverjar gríðarlegar
breytingar með þessum nýju lána-
möguleikum,“ sagði Björn Þorri.
„Fólk hefur verið að skuldsetja sig
allt að 100% á liðnum misserum og
árum. Breytingin er sú að þá þurfti
að fara miklu flóknari og dýrari
leiðir til þess. Nú auðveldar þetta
miklu fleirum að gera þetta.“
Spurður hvort mynstrið í fast-
eignasölunni hefði breyst að
undanförnu sagði Björn Þorri að
litlar íbúðir seldust jafnt og þétt,
en áherslan á stærri eignir hefði
jafnframt aukist. Það þætti ekkert
merkilegt í dag þótt einhver keypti
sér hús fyrir 70-100 milljónir. Slík-
ar eignir seldust nú nánast í hverri
viku.
„Stærstu og glæsilegustu eign-
irnar hafa hækkað mikið í verði,
þar sem Íslendingum sem eru
verulega efnaðir hefur fjölgað
mjög á síðustu 4-5 árum. Það leiðir
til þess að svigrúm skapast til
hækkunar á venjulegum sérbýlum
á bilinu 20-40 milljónir. Með þess-
um nýju lánum hefur orðið til
kaupendahópur að síðarnefndu
eignunum.“
jss@frettabladid.is
Héraðsdómur Norðurlands eystra:
Dæmdur fyrir
að rífa upp klósett
DÓMSMÁL Maður á sextugsaldri
var í Héraðsdómi Norðurlands
eystra dæmdur í þrjátíu daga skil-
orðsbundið fangelsi fyrir að rífa
salernisskál upp úr gólfi hjá ná-
granna sínum. Salernisskálin
eyðilagðist.
Maðurinn varði sig sjálfur og
krafðist sýknu. Fyrir dómi sagðist
hann aðeins hafa komið inn í íbúð
nágrannakonu sinnar til að að-
stoða hana vegna bágrar heilsu
hennar. Hjá lögreglu hafði maður-
inn hins vegar játað að hafa farið
til nágrannans þar sem hann tók
klósettið upp úr gólfinu og lagði
það á hliðina. Það sem hefði fyllt
mælinn var að konan hefði ekki
staðið við áður gefið loforð um að
sturta ekki niður fyrr en búið
væri að laga klósettrörið, eins og
hún hefði lofað, og því hefði saur
og hland endað á salernisgólfinu
hjá honum. Fyrir dómi bar hann
því við að lögregluskýrslan væri
ekki sannleikanum samkvæm þar
sem hann hefði verið undir áhrif-
um sterkra lyfja vegna veikinda
þegar hún var tekin.
- hrs
FASTEIGNIR
Litlar íbúðir seljast jafnt og þétt en sala stærri eigna hefur jafnframt aukist.
Vísir stækkar hratt:
Fjórða stærsta vefsvæði landsins
VÖXTUR VÍSIS
Gestafjöldi á viku.
32. vika
32.742 gestir
45. vika
92.079 gestir
Ísraelskir landtökumenn:
Fagna dauða
Arafats
ÍSRAEL, AFP „Dauði Jassers Arafat
markar brotthvarf morðingja
gyðinga, sem bar ábyrgð á því að
valda sorg á þúsundum ísraelskra
heimila,“ sögðu forystumenn Yesha,
samtaka ísraelskra landtökumanna
á landsvæðum Palestínumanna.
Arafat var þeim enginn harmdauði
heldur vakti andlát hans vonir land-
tökumanna um betri hag sinn.
„Við vonum að dauði hans geri
það að verkum að hægt verði að
hætta við áætlunina um brotthvarf
frá landnemabyggðum sem byggir
á þeim misskilningi að slík aðgerð
geti tryggt öryggi,“ sagði enn frem-
ur í yfirlýsingu landtökumanna. ■
14-15 11.11.2004 19:39 Page 2