Fréttablaðið - 12.12.2004, Blaðsíða 22

H öfuðstöðvar Mosaic Fash-ions bera ekki með sér aðþær hýsi tískufyrirtæki.
Rétt utan við fjármálahverfið
City í London blasir byggingin
við. Það er líklegra að hún hýsi
Gildismat ríkisins en tískukeðjur.
Hér skiptir innihaldið máli.
Mosaic hugsar um útlitið og
innandyra eru hönnuðir og mark-
aðsfólk að móta næstu vor- og
sumartískuna. Fötin sem við-
skiptavinir Oasis, Coast, Karen
Millen og Whisles munu klæðast í
vor- og sumarblíðunni. „Við þurf-
um alltaf að hugsa fram á við,“
segir Derek Lovelock, forstjóri
Mosaic. Hráslaginn umlykur gráa
bygginguna, sem að innan iðar af
litum sumarsins.
Snýst um sterkar persónur
Derek Lovelock er gamalreyndur
í breska tískuheiminum, hefur
starfað við verslun í yfir þrjátíu
ár. „Ég hafði áhuga á tísku þegar
ég var unglingur á sjöunda ára-
tugnum og ég var heppinn að
komast inn í þennan heim. Ef ég
hefði fæðst fimm árum fyrr væri
ég sennilega í einhverju öðru.
Tískubransinn er þess eðlis að
maður annað hvort hatar hann eða
elskar. Það er hvergi hægt að læra
á hann, það er engin formúla um
að komast inn í hann og hvort sem
manni líkar betur eða verr þá
snýst hann um sterka einstak-
linga. Einstaklinga sem þurfa að
vera áræðnir og djarfir, því það
eru engin skýr svör til.“
Vikuritið Drapers velur árlega
áhrifamesta fólkið í tískuheimin-
um. Á toppnum trónir Philip
Green, keppinautur Jóns Ásgeirs
Jóhannessonar í kaupum á
Arcadia-verslunarkeðjunni .
Derek Lovelock er gamall sam-
starfsfélagi Greens og núverandi
meðeigandi Baugs í Mosaic. „Þeir
hafa einkenni þeirra sem ná langt
í þessum heimi. Báðir sterkir
persónuleikar og hafa þann kjark
sem þarf í þessum heimi,“ segir
Derek.
Hvert vörumerki er með sitt
lið, og ferð á milli hæða og deilda
er eins og ferð milli heima. Það er
meira að segja mismunandi lykt á
hverri hæð í fyrirtækinu. Sam-
eiginlegt er að litir, efnisbútar,
málbönd og skæri eru á lofti hjá
starfsfólki allra vörumerkjanna.
„Þó að afgerandi einstaklingar
ráði miklu um tískufyrirtækin er
það svo að bestu fyrirtækin eru
þar sem góður hópur hefur unnið
saman um tíma. Það skiptir miklu
að vera með rétta fólkið, réttu
stefnuna. Þetta er að mörgu leyti
skyldara list en viðskiptum.“
Derek segir að miklu skipti
fyrir fyrirtækið að vera með fjög-
ur vörumerki á sínum snærum.
„Það getur alltaf hent að vörulína
hitti ekki í mark og menn eigi
slæmt tímabil. Með því að vera
með fjórar keðjur dreifist sú
áhætta.“
Útrás og skráning
Fjárfestar á markaði krefjast
ríkulegrar ávöxtunar af áhætt-
unni. Þróun á smásölumarkaði í
Bretlandi hefur verið sú að
smærri verslunarfyrirtæki hafa
verið skráð af markaði. Mosaic er
áhættudreifðara fyrirtæki og því
liggur beint við að velta því upp
hvort stefnan sé tekin á að skrá
fyrirtækið á markað. Derek hlær
og hikar pínulítið til þess að vanda
sig. „Svarið við þessu er að miðað
við þann stað sem við erum á nú
er það líklegasta þróunin. Við
erum safn vörumerkja, sem gerir
okkur fýsilegri en ef fyrirtækið
ræki aðeins eina keðju. Þar fyrir
utan er hagkvæmara að reka fjór-
ar keðjur og samnýta stoðdeildir í
fyrirtækinu.“
Mosaic er ein af fjárfestingum
Íslendinga í útlöndum. Smæð inn-
lends markaðar hér heima kallar
á útrás vilji menn vaxa. Þrátt
fyrir margfalt stærri markað í
Bretlandi stefnir Mosaic að vexti í
öðrum löndum og rekur þegar
skrifstofur og verslanir utan
Bretlands. Stefnan er á vöxt.
„Oasis er tiltölulega þroskað og
reynt merki í Bretlandi. Þar sem
smekkur og fatastærðir eru svip-
uð og hér rekum við okkar eigin
verslanir. Lengra í burtu svo sem
í Asíu leitum við samstarfs við
þarlenda aðila. Þar þarf að hanna
öðruvísi föt. Þetta er mikill sam-
keppnismarkaður og menn mega
aldrei missa athyglina, ekki einu
sinni eitt prósent af henni.“
Ágreiningur ólíklegur
Derek segir mikilvægast að missa
aldrei sjónar af rekstrinum, aðrir
sjái um fjárfestingar. „Við erum
ekki að skipta okkur af því hvað
Baugur kaupir. Karen Millen féll
fullkomlega að okkar starfsemi,
við unnum saman að því, en þeir
sáu um kaupin og við um rekstur-
inn. Þannig á það að vera. Við vilj-
um ekki bæta við okkur fimmtu
keðjunni og við skiptum okkur
ekki af því hvað þeir kaupa þar
fyrir utan.“
Derek Lovelock á stóran hlut í
fyrirtækinu með Baugi. Hann
segir að eins og í öðrum fyrir-
tækjum séu stjórnendur ábyrgir
fyrir stefnunni og kynni hana
stjórn til samþykktar. „Við erum
með einn óháðan stjórnarmann
komi til ágreinings, en það er afar
ólíklegt því framtíðarsýn okkar er
skýr og allir sammála um hana.
Markmið okkar er að hámarka
afrakstur fjögurra verslanakeðja.
Stefna hverrar um sig getur verið
ólík.“
Derek er tregur til þess að gefa
upp hver fjárhagsleg markmið
Mosaic séu. „Þú ættir að tala um
það við Jón Ásgeir. Hann er með
ákaflega skýrar hugmyndir um
fjárhagsleg markmið okkar
næstu þrjú árin. Á borði fjármála-
stjórans eru þrjár tölur sem eru
það sem við stefnum að. Ég ætla
ekki að segja þér hverjar þær
eru,“ segir Derek og hlær. Ritar-
inn sækir blaðið inn til fjármála-
stjórans. Það er ekki hægt annað
en að reyna að kíkja snöggt áður
en Derek tekur við blaðinu og
tryggir að ekkert sjáist. 65 og 57.
Maður getur giskað á að annað sé
fjöldi nýrra búða og hitt EBITDA-
framlegð í milljónum punda. 65
milljónir punda, það eru tæpir
átta milljarðar króna. Lítill fugl
hefur líka hvíslað því að stefnt sé
á 500 milljóna punda veltu næsta
ár eða 60 milljarða. 57 gæti verið
fjölgun búða.
Rússar og fótboltaeiginkonur
Oasis höfðar til kvenna á aldrin-
um 18 til 30 ára. „Þegar Coast kom
til liðs við okkur var línan að vera
í þægilegum og venjulegum
fötum. Það getur stundum verið
hollt að horfa í aðrar áttir en allir
hinir. Við töldum að það væri gat á
markaðnum fyrir fínni föt.“
Derek segir að markaðurinn í
fatnaði fyrir aldurshóp Oasis sé
mjög harður og í miklum vexti.
„Þegar maður komst af þeim aldri
tóku við föt fyrir „fullorðna“.
Þessi kynslóð sem var komin yfir
þennan aldur ólst upp við tísku og
er ekki tilbúin til þess að gefa
yfirlýsingar í klæðaburði um að
22 12. desember 2004 SUNNUDAGUR
vidskipti@frettabladid.is nánar á visir.is
„Viðskiptin snúast um að vera skapandi og vita hvað fólk vill. Við erum með mjög skap-
andi fólk, en við þurfum líka fólk í aðrar deildir sem heldur utan um rekstur. Þetta eru
ólíkar sálargerðir og það skiptir gríðarlega miklu að setja saman réttan hóp af skapandi
fólki annars vegar og greinandi og skipulögðu fólki hins vegar.“
Mósaíkin í heimi tískunnar
Derek Lovelock er gamalreyndur jaxl í breska tískuheiminum með yfir þrjátíu ára reynslu af tískuverslun. Hann er forstjóri Mosaic, sem er í eigu Baugs
og hans sjálfs. Markmið fyrirtækisins eru að vaxa og hámarka arðsemina af fjórum tískukeðjum.
KJARKMIKIÐ FÓLK Derek Lovelock, forstjóri Mosaic Fashions, segir tískuheiminn snúast um kjarkmikið fólk. Engin skýr svör séu til og
menn verði að hafa áræðni til þess að taka ákvarðanir. Ekki sé hægt að læra á þennan heim nema þá af honum sjálfum.